အီတလီ အလယ်ပိုင်း အင်အားပြင်းငလျင် ထပ်လှုပ်



အီတလီ အလယ်ပိုင်း အင်အားပြင်းငလျင် လှုပ်ခတ်မှုကြောင့် ပျက်စီးနေတဲ့အဆောက်အဦးများ။ (သြဂုတ်-၂၀၁၆)
အီတလီနိုင်ငံအလယ်ပိုင်းမှာ ဗုဒ္ဓဟူးနေ့က အင်အားပြင်း ငလျှင်လှုပ်သွားပြီးတဲ့နောက် Amatrice မြို့မှာ သောကြာနေ့က အားပြင်းတဲ့ နောက်ဆက်တွဲငလျှင်ငယ် ၂ ခုလှုပ်သွားပါတယ်။ ဒီနောက်ဆက်တွဲငလျှင်ငယ်တွေဟာ ပြင်းအား ၄.၃နဲ့ ၄.၇ ရှိတာကြောင့် အဆောက်အအုံတွေပိုပြီး ပျက်စီးသွားစေသလို မီးခိုးတွေ ထွက်လာတာကြောင့် မြို့ခံတွေ ပိုပြီး ကြောက်လန့်သွားခဲ့ကြပါတယ်။

ဗုဓ္ဒဟူးနေ့ မနက်အစောပိုင်း ငလျှင်စလှုပ်တဲ့အချိန်ကတည်းကဆိုရင် နောက်ဆက်တွဲ ငလျှင်ငယ်ပေါင်း ၅၀၀ ကျော်လှုပ်သွားခဲ့ပေမယ့် အများစုက သိပ်တော့ အားမပြင်းပါဘူး။ ဗုဒ္ဓဟူးနေ့က လှုပ်တဲ့ ပြင်းအား ၆.၂ ငလျှင်ကြောင့် သေဆုံး သူပေါင်း ၂၆၇ ဦးရှိသွားပြီလို့ အရပ်ဖက် ကာကွယ်ရေး တာဝန်ရှိသူတွေကပြောပါတယ်။

သေဆုံးသူအများစုက ငလျှင် အပြင်းထန်ဆုံးလှုပ်ခဲ့တဲ့  Amatrice, Arqueta နဲ့Accumoli မြို့ကဖြစ်ပါတယ်။ ငလျှင်ဒဏ်ကြောင့် မြို့တွေလည်း အတော့်ကို ပျက်စီးသွားပါတယ်။ ဒဏ်ရာရသွားတဲ့ လူပေါင်း ၄၀၀ ကျော်လည်း ဆေးကုသမှု ခံယူနေရတယ်လို့ အီတလီ အရပ်ဖက် ကာကွယ်ရေးဌာနက က ပြောပါတယ်။

သေဆုံးသွားသူတွေထဲမှာ နိုင်ငံခြားသားခရီးသွား ၁၂ ဦးထက်မနည်းပါတယ်လို့ ဆိုပါတယ်။ ဒီထဲကသုံးဦးဟာ ဗြိတိန်နိုင်ငံကဖြစ်ပြီး ရိုမေးနီးယားက ခြောက်ဦးနဲ့ စပိန်၊ ကနေဒါနဲ့ အယ်ဆာဗာဒေါနိုင်ငံက တဦးစီပါပါတယ်။

ရှာဖွေရေးလုပ်ငန်းတွေဆက်လက်လုပ်ကိုင်နေတာနဲ့အမျှ သေဆုံးသူ အရေအတွက် နောက်ထပ် အတည်ပြုနိုင်မယ်လို့ ခန့်မှန်းထားကြောင်း တာဝန်ရှိသူတွေက ပြောပါတယ်။ ရှာဖွေရေးလုပ်သားတွေနဲ့အတူ အနံ့ခံခွေးတွေက အပျက်အစီးပုံတွေကို တူးဆွဖယ်ရှားရင်း နောက်ထပ် အသက်ရှင်ကျန်ရစ်သူတွေကို လိုက်လံရှာဖွေနေပါတယ်။

 ဗွီအိုအေ (မြန်မာပိုင်း)
http://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.