နယူးကယ်လီဒိုးနီးယား၌ ပြင်းအား ၇.၂ အဆင့်ရှိ ငလျင်လှုပ် ၊ ဆူနာမီသတိပေးခြင်း မရှိဟု ဆို



ပစိဖိတ်သမုဒ္ဒရာအတွင်းရှိ နယူးကယ်လီဒိုးနီးယားနိုင်ငံ ကမ်းခြေအား တွေ့ ရစဉ် ( ဓာတ်ပုံ-အင်တာနက်)
    ဆူဝ ၊ သြဂုတ် ၁၂ ရက် (ဆင်ဟွာ)

    တောင်ပစိဖိတ်သမုဒ္ဒရာအတွင်းရှိ နယူးကယ်လီဒိုးနီးယားကျွန်းနိုင်ငံ၌ သြဂုတ်လ ၁၂ ရက်က ပြင်းအား ၇.၂ အဆင့်ရှိ ငလျင်တစ်ခု လှုပ်ခတ်ခဲ့ကြောင်း အမေရိကန်ပြည်ထောင်စုပထဝီဝင်ဌာနလေ့လာတိုင်းတာရေး(USGS) ဌာနက ဆိုသည်။

လတ်တလောတွင် သေဆုံး နှင့် ထိခိုက်ဒဏ်ရာ ရမှုအခြေအနေများကို သတင်း ထုတ်ပြန်ထားခြင်း မရှိသေးပေ။ အဆိုပါ အင်အားပြင်းငလျင်သည် ဒေသစံတော်ချိန် မွန်းလွဲ ၁၂ နာရီ ၂၆ မိနစ်တွင် နယူးကယ်လီဒိုးနီးယားနိုင်ငံ Ile Hunter ကမ်းခြေ အရှေ့ ပိုင်း ၁ဝ၉ ကီလိုမီတာအကွာ၌ မြေအောက် ၉.၉ ကီလိုမီတာကို ဗဟိုပြု၍ လှုပ်ခတ်ခဲ့ခြင်းဖြစ်ကြောင်းသိရသည်။

အဆိုပါ ငလျင်ပြင်းအားကို ကနဦးတွင် ၇.၅ အဆင့်ရှိသည်ဟု ခန့် မှန်းခဲ့ပြီး နောက်ပိုင်းတွင် ၇.၆ ၊ ထိုမှတဆင့် ၇.၂ ပြင်းအားအဆင့်ရှိကြောင်း အတည်ပြုနိုင်ခဲ့သည်။

ငလျင်လှုပ်ခတ်ပြီးနောက် ဟာဝိုင်ယီကျွန်းအခြေစိုက် ပစိဖိတ်ဆူနာမီသတိပေးစင်တာသည် ငလျင်ဗဟိုချက်မှ နေ၍ ၁ဝဝဝ ကီလိုမီတာအတွင်း ဆူနာမီလှိုင်းများ ဖြစ်ပေါ်နိုင်ခြေ ရှိကြောင်း သတိပေးမှုများပြုလုပ်ခဲ့သည်။ နောက်ပိုင်းတွင် “ အခုတော့ ငလျင်ကြောင့် ဆူနာမီ အန္တရာယ်မရှိနိုင်တော့ပါဘူး” ဟု ပြန်လည် ထုတ်ပြန်ခဲ့သည်။

ဖစိဖိတ်ကျွန်းနိုင်ငံများဖြစ်သည့် ဖီဂျီ နှင့် နယူးကယ်လီဒိုးနီးယား နိုင်ငံများသည် “ ပစိဖိတ်မီးကွင်း” ဟု ခေါ်ဆိုသည့် ငလျင် နှင့် မီးတောင်ဇုံများတွင် ကျရောက်နေပြီး မကြာခဏဆိုသလို ဆူနာမီသတိပေးမှုများရှိခဲ့သည်။

(Xinhua)
http://www.xinhuamyanmar.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.