ဟူးကောင်းမှာ လူ တထောင်ကျော် ထွက်ပြေးနေရ



ကေအိုင်အေနဲ့ အစိုးရတပ်ကြား တိုက်ပွဲပြန်ဖြစ်ပွား
ကချင်ပြည်နယ် ဖားကန့်နဲ့ မိုင် ၈၀ လောက်ဝေးတဲ့ ဟူးကောင်းဒေသမှာ ကချင်လွတ်မြောက်ရေးတပ်နဲ့ အစိုးရတပ်တွေ တိုက်ပွဲဖြစ်နေလို့ ဒေသခံတွေနဲ့ ရွှေတူးဖော်ရေး လုပ်နေသူ တထောင်ကျော် ဘေးလွတ်ရာကို ပြေးလာရပါတယ်။

အစိုးရတပ်တွေဖြစ်တဲ့ ခမရ ၃၈၁၊ ခမရ ၃၈၂ တပ်တွေနဲ့ ကေအိုင်အေရဲ့ တပ်မဟာ ၂ လက်အောက်ခံ တပ်ရင်း ၁၄ တို့ ရှဒူးဇွတ်ရွာနားမှာ တိုက်ပွဲဖြစ်နေလို့ ဘေးလွတ်ရာကို ပြေးလာ ကြတာပါ။

စစ်ဘေးရှောင် ပြည်သူတွေကို ရှဒူးဇွတ်ရွာ နှစ်ခြင်း ခရစ်ယာန်ကျောင်းတွေ အပါအဝင် အလိုတော်ပြည့် ဘုန်းတော်ကြီးကျောင်းနဲ့ စံပြရွာ သာသနာ့အောင်စံ ဘုန်းတော်ကြီးကျောင်းတွေမှာ ကူညီရေးအဖွဲ့တွေက ယာယီ ခိုလှုံခွင့် ပေးထားပါတယ်။

ခု ရှဒူးဇွတ်နဲ့ စံပြ ၂ ရွာမှာရောက်နေတဲ့ စစ်ရှောင်ပြည်သူတွေထဲက ဒေသခံမဟုတ်တဲ့သူတွေကို အိမ်ပြန်ချင်ရင် ပြန်ဖို့ ဒေသခံ ကူညီရေးအဖွဲ့တွေက အကူညီပေးနေပါတယ်။

အဲဒီဒေသမှာ အုပ်ချုပ်တဲ့ ရပ်ကျေးအုပ်ချုပ်သူတွေ ကိုယ်တိုင်က အားလုံးရှောင်ပေးဖို့ အမိန့်ပေးတာကြောင့် တိုက်ပွဲပြင်းထန်ဖို့ အလားအလာ ရှိတယ်လို့ ပြေးလာရသူတွေက ပြောပါတယ်။

ဒါ့ကြောင့် သူတို့လုပ်ကွက်တွေနဲ့ အိမ်တွေကို ပြန်ဖို့ လတ်တလောမဖြစ်နိုင်သေးဘဲ တိုက်ပွဲအခြေအနေကို စောင့်ကြည့်ရဦးမယ်လို့ ဆိုကြပါတယ်။

BBC Burmese
http://www.bbc.com/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.