မြစ်ရေကြီးမှုကြောင့်စေတီတစ်ဆူပြိုလဲ ၊ လူနေအိမ်၁၀၀ကျော်ရေထဲမျာပါ


မိုးညို ၊ သြဂုတ် ၆၊

ပဲခူးတိုင်းဒေသကြီး၊ သာယာဝတီခရိုင်၊ မိုးညိုမြို့တွင် မြစ်ရေကြီးမှုကြောင့် သြဂုတ်လ ၆ရက်နေ့နံနက်ပိုင်းတွင် ပတ္တော်အုပ်စု ပတ္တော်ရွာဆည်မြောင်းတာဘေးရှိ မသိုးစေတီတစ်ဆူပြိုလဲခဲ့ပြီး နေအိမ် ၁၀၀ ကော်ျရေထဲမျောပါခဲ့ကြောင်း မိုးညိုမြို့နယ်အုပ်ချုပ်ရေးမှူး ဦးပီတာဒွဲလက သြဂုတ်လ ၆ ရက်နေ့ နေ့လယ်ပိုင်းတွင် AHN သို့ပြောသည်။

“ နောက်ဆုံးသိရတဲ့အချက်အလက်တွေအရ ၊အင်းတ္တော်လုပ်အုပ်စု၊ ထန်းပင်ကုန်းအုပ်စု ပတ္တော်ကျေးရွာအုပ်စုများရှိ လူနေအိမ်၃၃အိမ်အပါအ၀င် မိုးညိုမြို့နယ်ထဲကကျေးရွာတွေမှာရေကြီးလို့ အိမ်ခြေစုစုပေါင်း ၁၀၀ ကျော် ရေထဲမျောပါသွားခဲ့ပါတယ်။
ခုအခြေအနေအရ ကျွန်တော်တို့တွေ၊ လွှတ်တော်ကိုယ်စားတွေ ၊ဌာနေဆိုင်ရာတွေနဲ့လူမှုကူညီရေးအဖွဲ့တွေ စုပေါင်းပြီးတော့ မြို့မှာကယ်ဆယ်ရေးစခန်း ၂ခုဖွင့်ထားပြီး ရေဘေးသင့်သူတွေကို ကူညီပေးနေပါတယ်။

ဒီနေ့နံနက်ပိုင်းမှာ မြို့နယ်အုပ်ချုပ်ရေးမှူးရုံးရဲ့စီစဉ်မှုနဲ့ ရေးဘေးသင့်အိမ်ထောင်စုတွေကို တစ်အိမ်ထောင်လျှင် ဆန်၃ပြည်၊ ဆီ၂၅ကျပ်သားစီ ဝေငှခဲ့ပါတယ်။ ရေကြီးလို့ထိခိုက်ဒဏ်ရာရတာ၊သေဆုံးတာမရှိပါဘူး၊ရေကြီးမှုနဲ့ပတ်သက်ပြီး လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနနဲ့ အခြားဌာနတွေကိုတင်ပြပြီးအကူအညီတောင်းထားပါတယ်။ “ ဟု ၄င်းကပြောသည်။

အစားအသောက်နှင့် ကျန်းမာရေးအတွက် ရေသန့်များလိုအပ်မှုရှိနေသည် ဟုလည်း ဦးပီတာဒွဲလကပြောသည်။

"ရေက တရိပ်ရိပ်တတ်လာတာဗျ။ အိမ်ကတော့ ရေစီးနောက်ပါသွားပြီ။ ကုန်းမြင့်ရာနေရာတွေမှာထဲထိုးပြီးနေနေရတယ်။ ကျတော်တို့ကတစ်နေ့လုပ်မှတစ်နေ့စားရတာဆိုတော့ ၀မ်းရေးအတွက်အခက်အခဲဖြစ်နေတာပေါ့"ဟုမကျီးကုန်းရွာသား တစ်ဦးကပြောသည်။

မိုးညိုမြို့ နယ်သည်ဧရာဝတီမြစ်နှင့်မြစ်မခမြစ်အကြားတွင် တည်ရှိသည့် မြို့ဖြစ်ရာ ၂၀၁၅ခုနှစ်ကလည်းရေကြီးရေလျှံမှုမှုဒဏ်ကို အများဆုံးခံခဲ့ရသောမြို့ ဖြစ်သည်ဟုဒေသခံများကပြောသည်။

ကျော်သူရ (မိုးညို )
PHOTO - KTY ( AHN )
The Asia Heart News
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.