ဆီးရီးယားစစ်သွေးကြွတွေနှိမ်နင်းဖို့ ရုရှားစစ်လေယာဉ်တွေ စေလွှတ်



ရုရှားစစ်လေယာဉ်
ဆီးရီးယားနိုင်ငံအတွင်းက စစ်သွေးကြွတွေကို လေကြောင်းကနေ တိုက်ခိုက်ဖို့အတွက် အီရန်နိုင်ငံမှာရှိတဲ့ လေတပ်စခန်းကနေ ရုရှား စစ်လေယာဉ် တသုတ် ထွက်ခွာသွားတဲ့အကြောင်း ရုရှားအစိုးရက ဒီကနေ့ ပြောပါတယ်။

ပြီးခဲ့တဲ့နှစ် စက်တင်ဘာလ နှောင်းပိုင်းကစလို့ ဆီးရီးယားသမ္မတ Bashar al-Assad ကို ကူညီထောက်ပံ့ပြီး ရုရှားတပ်ဖွဲ့တွေက လေကြောင်းကနေ ထိုးစစ်ဆင်နေတာပါ။

ဒီကနေ့ကတော့ ဆီးရီးယားရဲ့ မဟာမိတ် အီရန်နိုင်ငံမှာ အခြေစိုက်ပြီး ရုရှားရဲ့ ခရီးဝေးပျံသန်းနိုင်တဲ့ ဗုံးကျဲလေယာဉ်တွေနဲ့ ဆီးယီးယားနိုင်ငံ ပြင်ပကနေ တိုးချဲ့စစ်ဆင်တာ ကတော့ ပထမဆုံးအကြိမ်ဖြစ်ပါတယ်။ ရုရှားကာကွယ်ရေး ၀န်ကြီး ဌာနကတော့ ဒီတိုက်ခိုက်မှုတွေဟာ Aleppo ၊ Deir el-Zour နဲ့ Idlib မြို့တွေမှာရှိတဲ့ IS စစ်သွေးကြွတွေနဲ့ အရင်က al-Nusra တပ်ဦးလို့ လူသိများတဲ့ Jabhat Fateh al-Sham အဖွဲ့တွေကို ပစ်မှတ်ထား တိုက်ခိုက်တာ ဖြစ်တယ်လို့ ဆိုပါတယ်။

ဆီးရီးယားနိုင်ငံတွင်း အကြမ်းဖက်ဝါဒ တိုက်ဖျက်ရေးအတွက် အီရန်နဲ့ ရုရှားတို့ မဟာဗျူဟာမြောက် ပူးပေါင်းဆောင်ရွက်နေတဲ့အကြောင်းနဲ့ ဒီအတွက် စစ်ဘက်ဆိုင်ရာ အဆောက်အဦးတွေကို မျှဝေ သုံးစွဲနေတဲ့အကြောင်း အီရန် နိုင်ငံတော်လုံခြုံရေး ကောင်စီအကြီးအကဲ Ali Shamkhani က ပြောပါတယ်။

ရုရှားက သူ့ရဲ့လေကြောင်း ထိုးစစ်ဆင်မှုတွေ ဟာ မစ္စတာ အာဆတ်ကို ဆန့်ကျင်တဲ့ သူပုန်တွေကို တိုက်ခိုက်တာမဟုတ်ဘဲ အကြမ်းဖက်သမားတွေကို ပစ်မှတ်ထားတာ ဖြစ်တယ်လို့ ပြောပေမဲ့ အနောက်နိုင်ငံအစိုးရတွေနဲ့ လူ့အခွင့်အရေးအဖွဲ့တွေ ကတော့ ရုရှားပြောနေသလို မဟုတ်တဲ့အကြောင်း ဝေဖန်ထားပါတယ်။

 ဗွီအိုအေ (မြန်မာပိုင်း)
http://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.