ပျက်စီးသွားတဲ့ စေတီ ပုထိုးတွေဟာ ပြုပြင်ထား တဲ့စေတီတွေများ

ohnmarmyo-unesco-620.jpg UNESCO ရဲ့ အစီအစဉ် ညှိနှိုင်းရေးမှူး ဒေါ်ဥမ္မာမျိုး ကို သြဂုတ်လ ၂၆ ရက်နေ့က တွေ့ရစဉ်
Photo: Kyaw Htoon Naing/RFA
ငလျင်ကြောင့် ပျက်စီးသွားတဲ့ ရှေးဟောင်းဘုရားပုထိုးစေတီ အများစုဟာ ပြန်လည် ပြုပြင်ထားတဲ့ စေတီတွေဖြစ် ပြီး ရှေးဟောင်းလက်ရာ အနည်းငယ်သာထိခိုက်မှုရှိတယ်လို့ UNESCO ကုလသမဂ္ဂ သိပ္ပံနဲ့ ယဉ်ကျေးမှု အဖွဲ့အစည်းက ပြောပါတယ်။

ငလျင်ကြောင့် ပျက်စီးသွားတဲ့ ပုဂံဘုရားပုထိုးတွေ ထိန်းသိမ်းရေးအတွက် ပုဂံကိုရောက်ရှိနေတဲ့ ယူနက်စကိုရဲ့ အစီအစဉ်ညှိနှိုင်းရေးမှူး ဒေါ်ဥမ္မာမျိုးနဲ့ RFA က တွေ့ဆုံမေးမြန်းရာမှာ ပြောတာဖြစ်ပါတယ်။

ယူနက်စကိုအဖွဲ့က ကျွမ်းကျင်ပညာရှင်တွေဟာ အစိုးရနဲ့ ပူးပေါင်းပြီး ရှေးဟောင်းဘုရားတွေကို မူလလက်ရာ ပုံစံမျိုးနဲ့ ထိန်းသိမ်းပြုပြင်သွားမှာဖြစ်ပါတယ်။ ပျက်စီးသွားတဲ့ စေတီတွေကို ရှင်းလင်းရာမှာ ရှေးဟောင်းပစ္စည်းတွေ ကို စစ်တမ်းကောက် ခွဲခြားထုတ်မှာ ဖြစ်တဲ့အပြင် ပြတိုက်ငယ်ပုံစံနဲ့ ပြသသွားမယ်လို့လည်း ပြောပါတယ်။

ပုဂံဘုရားတွေ ရှေးမှုလပုံစံအတိုင်း ပြန်ထားဖို့အတွက် UNESCO ရဲ့ အရေးပေါ်ရန်ပုံငွေကို အသုံးပြုမှာဖြစ်သလို ယူနက်စကိုရဲ့ ကိုယ်စားလှယ်တွေလည်း ဒီကနေ့ ညနေမှာ ပုဂံကိုရောက်ရှိမှာဖြစ်ပါတယ်။

ဒါ့အပြင် လာမယ့် ၂၀၂၀ခုနှစ်မှာ ပုဂံဒေသဟာ ကမ္ဘာ့အမွေအနှစ်စာရင်းထဲ ပါဝင်လာနိုင်လိမ့်မယ်လို့ လည်း ဒေါ်ဥမ္မာမျိုး က ပြောပါတယ်။

ငလျင်ကြောင့် ပုဂံဒေသက စေတီပုထိုးပေါင်း ၂၀၀ နီးပါးထိခိုက်မှုရှိခဲ့ပြီး လက်ရှိအချိန်မှာ ဘုရားအဆူ ၃၀ ကျော်ကို တက်ရောက်ခွင့် ပိတ်ပင်ထားတယ်လို့ သာသနာရေးနဲ့ ယဉ်ကျေးမှုဝန်ကြီးဌာက စာရင်းထုတ်ပြန်ထားပါတယ်။

မနက်ဖြန်မှာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ဟာ ပျက်စီးသွားတဲ့ ပုဂံဘုရားတွေ ကို လာရောက်ကြည့်ရှုမှာဖြစ်သလို မနေ့ကလည်း နိုင်ငံတော်သမ္မတ ဦးထင်ကျော် လာရောက်ကြည့်ရှုခဲ့ပါတယ်။
RFA
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.