သမ္မတအိုဘားမား အရှေ့အလယ်ပိုင်းမူဝါဒအပေါ် Donald Trump ဝေဖန်



ရီပတ်ဘလီကန်သမ္မတလောင်း Donald Trump
သမ္မတ ဘရာ့ခ် အိုဘားမားရဲ့ အီရတ်နဲ့ဆီးရီးယားဆိုင်ရာ မူဝါဒတွေကို ရီပတ်ဘလီကန်သမ္မတလောင်း Donald Trump က ထပ်ပြီးတော့ အပြင်းအထန် ဝေဖန်ပြောဆိုပါတယ်။ သမ္မတအိုဘားမားဟာ IS အကြမ်းဖက်အဖွဲ့ကို ထူထောင်သူ ဆိုပြီးတော့ Trump က ပြောပါတယ်။

“သူဟာ ISIS အဖွဲ့ကို ထူထောင်သူပါ။ သူဟာ ISIS အဖွဲ့ကို ထူထောင်သူပါ။ သူဟာ ISIS အဖွဲ့ကို ထူထောင်ခဲ့ပါတယ်။” လို့ ဖလော်ရီဒါပြည်နယ်မှာ ဗုဒ္ဓဟူးနေ့ညကလုပ်တဲ့ မဲဆွယ်စည်းရုံးပွဲတခုအတွင်း Trump က ပြောပါတယ်။

IS အဖွဲ့ကို ပူးတွဲ ထူထောင်သူကတော့ “ကလိမ်ကကျစ်” ဟီလာရီ ကလင်တန်ပါပဲလို့လည်း Trump ကပြောပါတယ်။

IS အကြမ်းဖက်အဖွဲ့ ပေါ်လာစေတဲ့ မူဝါဒတွေကို ထောက်ခံခဲ့တယ်ဆိုပြီးတော့ ဒီမိုကရက်တစ်သမ္မတလောင်း ဟီလာရီ ကလင်တန်ကို အရင်တုန်းကလည်း Trump က စွပ်စွဲထားဖူးပါတယ်။ ဒါပေမဲ့လည်း အခုတကြိမ်ကတော့ လက်ရှိအစိုးရအပေါ် ပိုပြီး အပြင်းအထန် ဝေဖန်တာပါ။ ဖြစ်ရပ်အတော်များများမှာ သမ္မတအိုဘားမားကို IS အဖွဲ့က လေးစားကြတယ်လို့လည်း ဆိုပါ တယ်။

သူပြောခဲ့တာတွေနဲ့ပတ်သက်ပြီး CNBC သတင်းဌာနက ကြာသပတေးနေ့မနက်ပိုင်းမှာ မေးတဲ့အခါ Trump က ထပ်ပြောပြီး အီရတ်စစ်ပွဲကို အရင်က သူဆန့်ကျင်ခဲ့ဖူးတာနဲ့ ဆက်စပ်ပြောဆိုပါတယ်။ ဟီလာရီ ကလင်တန်ဟာ အထက်လွှတ်တော်အမတ် ဘ၀တုန်းက အီရတ်စစ်ပွဲကို ထောက်ခံမဲပေးခဲ့တာပါ။

 ဗွီအိုအေ (မြန်မာပိုင်း)
http://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.