ဘိုကိုဟာရမ် ခေါင်းဆောင်သစ် IS အဖွဲ့ ထုတ်ပြန်



၂၀၁၅ ဇန်နဝါရီမှာ ထုတ်ပြန်တဲ့ ဘိုကိုဟာရမ်ရဲ့ ဗီဒီယိုထဲမှာ Abu Musab al-Barnawi က အဖွဲ့ရဲ့ ပြောခွင့်ရသူ ဖြစ်တယ်လို့ ဖော်ပြဖူးခဲ့။
အစ္စလာမ္မစ် နိုင်ငံ IS အဖွဲ့ရဲ့ အနောက် အာဖရိက အဖွဲ့ခွဲ ဖြစ်တဲ့ ဘိုကိုဟာရမ် အဖွဲ့မှာ ခေါင်းဆောင်သစ် တင်လိုက်ပြီလို့ IS အဖွဲ့က ထုတ်ပြန် ကြေညာ လိုက်ပါတယ်။

ခေါင်းဆောင်သစ် ဖြစ်လာတဲ့ Abu Musab al-Barnawi ဆိုသူဟာ အရင်က ဘိုကိုဟာရမ် အဖွဲ့ရဲ့ ပြောခွင့်ရသူ ဖြစ်ခဲ့ပြီး သူ့အကြောင်းကို IS အဖွဲ့ရဲ့ နောက်ဆုံးထုတ် မဂ္ဂဇင်းထဲမှာ ဖော်ပြ ထားပါတယ်။

ဘိုကိုဟာရမ်ရဲ့ ခေါင်းဆောင်ဟောင်း ဖြစ်သူ Abubakar Shekau ဘယ်လို ဇာတ်သိမ်းသွားတယ် ဆိုတာကိုတော့ မသိရပါဘူး။

ခေါင်းဆောင်ဟောင်း အဘူဘေကာက အသက်ရှင် နေသေးတယ် ဆိုတာကို နောက်ဆုံး သိခဲ့ရတာက မနှစ်က သြဂုတ် လထဲမှာ ဖြစ်ပါတယ်။

ဘိုကိုဟာရမ် အဖွဲ့ဟာ ၂၀၀၉ ခုနှစ်မှာ နိုင်ဂျီးရီးယား မြောက်ပိုင်းကနေ စတင် ထကြွ လှုပ်ရှားခဲ့တာ ဖြစ်ပြီး သူတို့ သိမ်းပိုက် နိုင်ခဲ့တဲ့ နယ်မြေအများစုကို အခု နောက်ပိုင်း လက်လွှတ် လာခဲ့ရပါတယ်။

ဘိုကိုဟာရမ် အဖွဲ့ လှုပ်ရှားခဲ့တဲ့ ၇ နှစ် ကာလ အတွင်းမှာ လူပေါင်း ၂ သောင်းလောက် သေကြေ ပျက်စီးခဲ့ရတယ်လို့ သိရပါတယ်။

BBC Burmese
http://www.bbc.com/burmese/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.