စစ်ဘေးရှောင်လာစဉ် ကျေးရွာအုပ်ချုပ်ရေးမှူးတစ်ဦး မိုင်းထိသေဆုံး


စက်တင်ဘာ ၁၆ ရက်၊ ၂၀၁၆ ခုနှစ်။ ကဆောဝါး

ကရင်ပြည်နယ်၊ လှိုင်းဘွဲမြို့နယ်၊ မယ်သဝေါဒေသ တိုက်ပွဲများကြောင့် မြိုင်ကြီးငူသို့ စစ်ဘေး ရှောင်လာသူ ယင်းပိုင်းချောင်း၊ အထက်ကျုံထော်ရွာ၊ ကျေးရွာအုပ်ချုပ်ရေးမှူး စောထို့ဒေးသည် စက်တင်ဘာ ၁၆ ရက် ယနေ့ နံနက် ၈ နာရီတွင် မိုင်းနင်းမိဒဏ်ရာဖြင့် သေဆုံးသွားသည်ဟု မြိုင်ကြီးငူ၊ ကျမ်းမာရေးဌာနဦးစီးဌာနမှ ဆေးဝန်ထမ်းတဦးဖြစ်သူ နန်းသဇင်က ကေအိုင်စီသို့ ပြောသည်။

အဆိုပါ ဖြစ်စဉ်မှာ ကျုံထော်ရွာအထက် ၃ မိုင်ခန့် အကွာဝေးသည့် မဲ့လရောရွာမှ ဒေသခံရွာသားများကို အသက် ၄၀ ဝန်းကျင်ရှိ အထက်ကျုံထော်ရွာ အုပ်ချုပ်ရေးမှူး စောထို့ ဒေးက မြိုင်ကြီးငူသို့ စစ်ဘေးရှောင်ရန် လမ်းပြအဖြစ်ရွာသားများနှင့် အတူထွက်လာစဉ် ယနေ့ နံနက် ၈နာရီခန့် တွင် တောလမ်းတနေရာ၌ မိုင်းနင်း မိပြီး သွေးထွက်လွန် ဒဏ်ရာဖြင့် သေဆုံးသွားခြင်းဖြစ်သည်။

“အခုမိုင်းထိတဲ့သူက မဲ့လရောရွာက ရွာသားတွေခေါ်ပြီး တောလမ်းကဆင်းအလာမှာ မိုင်းထိတယ်။ တခြား လူတွေတော့ ဒဏ်ရာမရဘူး။ အဲဒီဒဏ်ရာရ လူနာကိုဆက်ထမ်းလာရင်း ယင်းပိုင်းချောင်း လှေဆိပ်နား မရောက်ခင်မှာ သွေးထွက်လွန်ပြီး ဆုံးသွားတာလို့ သိရတယ်” ဟု ဆေးဝန်ထမ်း တဦးဖြစ်သူ နန်းသဇင်က ယနေ့ ပြောသည်။

သေဆုံးသွားသူ အသက် ၄၀ ၀န်းကျင်ခန့်ရှိ စောထို့ဒေးသည် တိုက်ပွဲကာလအတွင်း ရွာ၌ကျန် နေခဲ့ရာမှ ၎င်းမိသားစုများခိုလှုံရာ မြိုင်ကြီးငူ မြတ်ပန်းဝတ်မှုံ စစ်ဘေးရှောင်စခန်းသို့ စစ်ဘေးရှောင်ရန် လာရောက် စဉ်ယခုလို ဖြစ်ပွားခဲ့ခြင်း ဖြစ်သည်။

အဆိုပါဖြစ်စဉ်များကြောင့် မဲ့လရောရွာမှ စစ်ဘေးရှောင်ရန်ထွက်ခွာလာသူ ဒေသခံများမှာ မြိုင်ကြီးငူရှိ စစ်ဘေးရှောင်စခန်းသို့ ရောက်ရှိမလာတော့ဘဲ သေဆုံးသူကို ၎င်းတို့ကျေးရွာသို့ ပြန်သယ်သွားကြောင်း စစ်ဘေးရှောင်အားသွားရောက်ခေါ်ဆောင်ခဲ့သူ အဆိုပါဆေးဝန်းထမ်းက ဆက်ပြောသည်။

ယခုဖြစ်စဉ်မှာ မဲသဝေါဒေသ တိုက်ပွဲများပြန်လည်ဖြစ်ပွားသည့် ကာလအတွင်း မိုင်းကြောင့် ဒေသခံတစ်ဦး ပထမဆုံးသေဆုံးမှုဖြစ်ကာ လက်ရှိ ယင်းနေရာများမှာ အစိုးရတပ်မတော်၊ BGF ပူးပေါင်းတပ်များနှင့် DKBA ခွဲထွက် အဖွဲ့တို့ ယခုရက်ပိုင်းအတွင်း တိုက်ပွဲဖြစ်ပွားခဲ့သည့် နေရာများဖြစ်ကြောင်း သိရသည်။

ကဆောဝါး (ကေအိုင်စီ)
http://kicnews.org
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.