ဝိုင်းမော် မြိုနယ် မှာ တိုက်ပွဲတွေ ဖြစ်ပြန်


မိုင်ဂျာယန်မှာ တိုင်းရင်းသားတွေ ငြိမ်းချမ်းရေး အတွက် အဖြေရှာခဲ့
ကချင်ပြည်နယ် ဝိုင်းမော်မြို့နယ် အတွင်းမှာ အစိုးရစစ်တပ် နဲ့ ကချင်လက်နက်ကိုင်တပ်ဖွဲ့ KIA တို့အကြား တိုက်ပွဲတွေ ဖြစ်နေတာ အခုဆိုရင် ၃ ရက် ဆက်တိုက် ရှိနေတဲ့အကြောင်း KIA ဘက် က ပြောပါတယ်။

KIA လှုပ်ရှားတပ် တပ်ရင်း ၂၅၂ စခန်းချတဲ့ အင်ခန်ဘွန်း အရပ်မှာ မြေပြင်တိုက်ပွဲတွေ အပြင် လက်နက်ကြီးနဲ့ လှမ်းပစ်တာတွေ လည်းရှိတဲ့အတွက် တိုက်ပွဲတွေ က ပြင်းထန်တယ် လို့ ဆိုနိုင်ကြောင်း KIA သတင်းနဲ့ ပြန်ကြားရေး ဌာန က ဒုတိယဗိုလ်မှူးကြီး နော်ဘူ က ဘီဘီစီ ကို ပြောပါတယ်။

အဲဒီအရပ်ဟာ KIA ဌာနချုပ် လိုင်ဇာ နဲ့ ကားနဲ့ဆိုရင် ၃ နာရီလောက် မောင်းရတဲ့ခရီး အကွာမှာ ရှိပေမယ့် လက်နက်ကြီး နဲ့ပစ်ရင် လှမ်းမီတဲ့အကွာအဝေး မှာ ရှိတဲ့အတွက် လိုင်ဇာလုံခြုံရေး ကို ထိုးနှက်ဖို့ ရည်ရွယ်ချက်နဲ့ မြန်မာအစိုးရ စစ်တပ် က စစ်ဆင်ရေး လုပ်တာဖြစ်ကြောင်း သူက သုံးသပ် ပြောပါတယ်။

ပြည်ထောင်စုငြိမ်းချမ်းရေးညီလာခံ ၊၂၁ ရာစုပင်လုံ ကို KIA က ခေါင်းဆောင် ကိုယ်စားလှယ်တွေ သွားရောက် တက်ခဲ့ပေမယ့် အပစ်အခတ်ရပ်စဲရေး က ဖြစ်မလာသေးပါဘူး။

နှစ်ဘက်ယုံကြည်မှု တည်ဆောက်ဖို့၊ နိုင်ငံရေးဆွေးနွေးဖို့ လိုအပ်တဲ့အချိန်မှာ အခုလို မြန်မာအစိုးရ စစ်တပ်ဖက်က စစ်ဆင်ရေး လုပ်လာတာကြောင့် ငြိမ်းချမ်းရေး လုပ်ငန်းစဉ်ကို ထိခိုက်နိုင်တဲ့အကြောင်း ဒုတိယဗိုလ်မှူးကြီး နော်ဘူ က ပြောပါတယ်။

BBC Burmese
http://www.bbc.com/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.