အတွင်းစည်းဆိုတာ

(၁)

ကျွန်တော်တို့ငယ်ငယ်တုန်းက
ကြားခဲ့ရတဲ့သတင်းတွေရှိတယ်..

ပထမဆုံးကြားရတာက..
စစ်အစိုးရလက်ထက်ဝန်ကြီးချုပ်ဟောင်း
ဗိုလ်ချုပ်ကြီးစိုးဝင်း နေမကောင်းဖြစ်လို့
စစ်ကာပူမှာ သူ့ညီဖြစ်သူနဲ့သွေးသွားလဲကုတာ..
ဒါပေမဲ့ နှစ်ယောက်လုံးကွယ်လွန်သွားတယ်..

ဒုတိယကြားတာက..
ဦးသိန်းစိန် နှလုံးအားကူစက် (Peacemaker)
ထည့်ပြီးကုသတာ..

တတိယကြားတာက..
ဦးသန်းရွှေ နိုင်ငံခြားကိုဆေးကုတာတွေ..

နောက်ဆုံး ကြားမိတာက..
ဦးအောင်သောင်းစင်ကာပူမှာဆေးကုပြီး
မနိုင်တော့ မြန်မာပြည်ပြန်ယူလာတာတွေ..
ပြီးတော့ကွယ်လွန်တာတွေ..
ဟိုမှာသေတယ်လို့လဲပြောကြတယ်..

ထူးခြားတာက..
ဒီသတင်းတွေဘယ်လောက်ပဲကြားကြား..
ဒီသတင်းနဲ့ပတ်သက်တဲ့ ဓာတ်ပုံတွေ..
အပြင်ကိုမပေါက်ခဲ့ဘူး...

သတင်းသာထွက်သွားတယ်..
ဘာပုံမှသေချာတက်မလာဘူး...

အာဏာပိုင်တွေကလဲနှုတ်လုံသလားမမေးနဲ့..

-------------------

(၂)

အခုကျတော့...NLD အစိုးရလက်ထက်
နိုင်ငံတော်အတိုင်ပင်ခံပုဂ္ဂိုလ်..
ဒေါ်အောင်ဆန်းစုကြည်..
အနောက်နိုင်ငံသွား..
တိုင်းပြည်ရဲ့ စီးပွားရေးကိစ္စတွေနဲ့
နိုင်ငံရေး လူမှုရေး၊ ကျန်းမာရေးကအစ..
တိုးတက်အောင်အတွက်..
အပင်ပန်းခံပြီးလုပ်ကိုင်နေရတဲ့အချိန်..
မြန်မာပြည်ပြန်အရောက်..
ခရီးပန်းပြီး ဘီးတပ်ကုလားထိုင်သုံးရတယ်..

ဒီလိုပြန်လာတာကို..
အတွင်းစည်းက လူတွေက..
တိတ်တဆိတ် လမ်းကြောင်းတစ်ခုကနေ
ခေါ်လာခဲ့တယ်.

ဒီလိုခေါ်လာတဲ့အချိန်မှာ..
ဓာတ်ပုံ စောင့်ရိုက်ပြီးလိုင်းပေါ်တင်ပြီး..
ဖွလိုက်တော့ အကုန်ပြန့်ကုန်တယ်..

ဒီတော့...ဆိုလိုချင်တာက..
ဒီလို တိတ်တဆိတ်ခေါ်လာတာကို..
ဘယ်သူက တိတ်တဆိတ်နဲ့..
စောင့်ပြီး ဓာတ်ပုံရိုက်သလဲ...ဆိုတာ..

---------------------

(၃)

ပြန်တွေးကြည့်ရင်တော့..
သာမန်လို့ထင်ရတယ်..

ဒါပေမဲ့...အမေ့ရဲ့ လုံခြုံရေးစနစ်
ကျိုးပေါက်နေပြီလို့ ဝေဘန်ချင်တယ်..

ဘာလို့ဒီလိုဝေဘန်ရသလဲ..ဆိုတော့
အဲဒီဓာတ်ပုံရိုက်တဲ့သူဟာ..
ဘယ်သူလဲ..
ဘာကြောင့်ရိုက်တာလဲ
ဘာရည်ရွယ်ချက်နဲ့ရိုကတာလဲ..
ဘာကြောင့်လိုင်းပေါ်တင်ရတာလဲ..
ဘယ်သူက တင်ခိုင်းတာလဲ..

အဖြေတွေကအများကြီးထွက်လာတယ်..

အနားမှာရှိနေတဲ့လုံခြုံရေးတွေနဲ့တာဝန်ရှိသူတွေကလဲ
ဒီလူ ကိုသိနိုင်တယ်လို့ယူဆပါတယ်..

ဒီလူမဟုတ်ရင် ဖုန်းတစ်လုံးကိုချထားပြီး..
3G Network ကနေတစ်ဆင့် ခိုးရိုက်တာလား
ဆိုတာလဲစဉ်းစားရမှာပါ..

နိုင်ငံတော်အဆင့် ပုဂ္ဂိုလ်တစ်ယောက်ကို
အတွင်းစည်းဆန်ဆန် ကပ်ပြီးရိုက်ကူး
တယ်ဆိုတာ တကယ်တော့..
အကြီးမားဆုံ့းကျိုးပေါက်မှုကြီးဖြစ်ပါတယ်.

ကင်မရာရှိနေတဲ့ Angel ( ထောင့်)အနေအထားအရ
ရိုက်ကူးသူဟာ အတွင်းစည်းထဲကဖြစ်နိုင်တယ်
လို့လဲ သံသယရှိပါတယ်..

တကယ်လို့သာ လေဆိပ် လုံခြုံရေးရဲ့
CCTV ကင်မရာထဲကနေ..
သိနေတယ်ဆိုရင်လဲ..
ဖေါ်ထုတ်အရေးယူပြီး..
ပြည်သူကိုချပြပေးသင့်ပါတယ်..

အဲဒီလိုအရေးယူတဲ့အချိန်မှာ..
ရိုက်တဲ့သူကိုသာမက...
လိုင်းပေါ်မှာ ပထမဆုံးစဖွတဲ့
သူတွေကိုပါ ဆွဲထုတ်ရမှာပါ..

တကယ်လို့သာ...
ဒီကင်မရာနေရာမှာ..
အဝေးထိန်း ဗုံးတစ်လုံး..
ဒါမှမဟုတ်..
သေနတ်ကိုင်လူတစ်ယောက်ဆိုရင်

ဘယ်လိုဖြစ်သွားနိုင်လဲ လို့..
စဉ်းစားရမှာပါ..

ဒါကို မြေလှန်ပြီးဖေါ်ထုတ်သင့်ပါတယ်..

-------------------------

(၄)

ဒေါ်အောင်ဆန်းစုကြည်ဟာ..
တိုင်းပြည်နဲ့ပြည်သူအတွက်..
မရှိမဖြစ်ခေါင်းဆောင်ပါ..

မျက်မှောက်ခေတ် လက်ရှိကာလမှာ
ကမ္ဘာကလေးစားရသူပါ..

လက်ရှိအချိန်မှာ ပြည်သူက..
သူမကိုမျှော်လင့်နေကြတာပါ..

ဒီလိုပုဂ္ဂိုလ်ရဲ့ လုံခြုံရေး ကျိုးပေါက်မှုဟာ..
ပြည်သူတွေရဲ့ ဘ၀လုံခြုံရေးကျိုးပေါက်တာနဲ့
အတူတူပဲဆိုတာ..
တာဝန်ရှိသူအားလုံး..
နားလည်သင့်ပါတယ်..

ဒါ့ကြောင့်..

ဒီကိစ္စဟာသာမန်ထက်ပိုတဲ့..
စိတ်ဝင်စားစရာကိစ္စဖြစ်ပါတယ်..

ပြီးခဲ့တဲ့ သုံးလလောက်ကတင်ပဲ..
အစိုးရအဖွဲ့ဌာနတစ်ခုရဲ့ ရုံးစာတစ်စောင်..
ထောက်ပြုတ်တစ်ယောက်ရဲ့
ဖေ့စ်ဘုတ်ကနေ ပေါက်ကြားခဲ့ဖူးပါတယ်..

အခုဟာက..
အဲဒီထက် အများကြီး..ပိုဆိုးပါတယ်..

ဒီကိစ္စကို ကာကွယ်ငြင်းဆန်နေတဲ့ In-service တစ်ချို့
ရှိနေတာကိုလဲ အံ့သြမိပါတယ်..

ဒေါ်အောင်ဆန်းစုကြည်ရဲ့
လုံခြုံရေးဟာ..
အာဏာပိုင်တွေအတွက်..
အကြီးဆုံး စိန်ခေါ်မှုလို့..
ပြောချင်ပါတယ်..

( Pa Yit)
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.