နေအိမ်များရှေ့ လမ်းမပေါ် ကျူးကျော်ဆောက်လုပ်ထားသည့် အမိုးအဖီနှင့် ဈေးဆိုင်များ ပြန်လည်ဖျက်သိမ်း


ရန်ကုန် စက်တင်ဘာ ၇

ရန်ကုန်မြို့တော်စည်ပင်သာယာနယ်နိမိတ် မြို့နယ်များ အတွင်း နေအိမ်များရှေ့၌ လမ်းမပေါ်ကျူးကျော်ကာ ဆောက်လုပ်ထားသောအမိုးအဖီများနှင့် ဈေးဆိုင်များအား ပြန်လည်ဖျက်သိမ်းလျက်ရှိကြောင်း ရန်ကုန်မြို့တော် စည်ပင်သာယာရေးကော်မတီမှ သိရသည်။

ရန်ကုန်မြို့တွင် လူနေရပ်ကွက်နှင့် လမ်းများအတွင်း ကျူးကျော်ဆောက်လုပ်ထားသောဈေးဆိုင်များ၊ မြေညီထပ် တိုက်ခန်းများ၏ မျက်နှာစာရှေ့တွင် ကျူးကျော်ထားသော အမိုးအဖီများ၊ ကားဂိုဒေါင်များဆောက်လုပ်ထားခြင်းကိုစက်တင်ဘာလဆန်းမှစတင်၍ ဖျက်သိမ်းလျက်ရှိကြောင်း တာမွေမြို့နယ် ပုသိမ်ညွန့်ရပ်ကွက်ရှိ စတိုးဆိုင်ပိုင်ရှင် တစ်ဦးက ပြောသည်။

''ကျွန်တော်တို့ ဟိုအရင်တုန်းကတော့ ဒီလိုပဲနားလည် မှုနဲ့ လုပ်ခဲ့တာပါ။ အခုတော့ စည်ပင်မြေကို ကျူးကျော် ထားတာတွေ ပြန်ဖျက်ရတယ်။ ကိုယ့်အိမ်ရှေ့ အမိုးထိုးပြီး ဖွင့်နေတာပေါ့။ တဖြည်းဖြည်းနဲ့ မြေညီထပ်တိုင်းကတော့ ဆိုင်တွေဖြစ်လာကြတယ်။ အိမ်ရှေ့မှာချဲ့လာကြတာပါ။ အခု မြို့နယ်ကလာပြောထားလို့ ပြန်ဖျက်နေရတယ်''ဟု တာမွေမြို့နယ် ပုသိမ်ညွန့် ရပ်ကွက်တွင် စတိုးဆိုင်ဖွင့်လှစ် ထားသူတစ်ဦးက ပြောသည်။

ကျူးကျော်ဆိုင်ခန်းများ၊အဆောက်အအုံများ၊ အမိုး အဖီများကို ဖယ်ရှားရှင်းလင်းလျက်ရှိပြီး မြို့နယ်များအလိုက် ဆက်လက်ဆောင်ရွက်သွားမည်ဟု သိရသည်။ ယင်းအပြင် ရန်ကုန်မြို့တွင်း မြို့နယ်များတွင် လည်း နောက်ဖေးလမ်းကြားများ သန့်ရှင်းသပ်ရပ်စေရေး ကိုဆောင်ရွက်လျက်ရှိရာ ကျူးကျော်အမိုးအဖီများကို ဖယ်ရှားရှင်းလင်းလျက်ရှိပြီး စည်းကမ်းမဲ့ အမှိုက်စွန့်ပစ် မှုများကိုလည်း အရေးယူဆောင်ရွက်လျက်ရှိသည်။ ယင်း အစီအစဉ်ကိုလည်း မြို့တွင်းမြို့နယ်များအပြင် အခြား မြို့နယ်များတွင်လည်း ဆက်လက်ဆောင်ရွက်သွားမည်ဟု သိရသည်။

''မြေညီထပ်တိုင်းက ဈေးဆိုင်တွေဖြစ်လာတော့ နေအိမ်ရှေ့မှာနေရာမရှိအောင် ဆိုင်တွေကျူးကျော်ထား ကြတယ်။ ကားရပ်စရာနေရာလည်း မရှိတော့ဘူး။ ဆိုင်ရှေ့ မရပ်နဲ့ ဆိုတာတွေ၊ ကားမရပ်ရဆိုပြီးနေရာဦးထားတာ တွေနဲ့ ရန်ဖြစ်နေတာလည်းခဏခဏပဲ။ အိမ်ရှေ့မြေနေရာ ကို ကိုယ်ပိုင်လိုသုံးနေကြတယ်။ အထူးသဖြင့် ကျားကွက် သစ်လမ်းကဆိုင်တွေပဲ။ လမ်းသားချဲ့ထားလည်းဘီယာဆိုင်တွေကြောင့် လမ်းပိတ်တာခဏခဏပဲ။ စည်ပင်က ခုလို ကြပ်မတ်တာကောင်းတယ်။ လာဘ်မစားဘဲမှန်မှန် ကန်ကန် အရေးယူသင့်တယ်''ဟုတာမွေမြို့နယ် ကျားကွက် သစ်ရပ်ကွက်တွင် နေထိုင်သူတစ်ဦးက ပြောသည်။

(ဆုနှင်းလဲ့)
The Mirror Daily
https://www.facebook.com/TheMirrorDaily
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.