ဒီကေဘီအေ စခန်း ၄ ခု စွန့်ခွာ



ဒီကေဘီအေ ခွဲထွက် အဖွဲ့က ၄ ယောက် သေပြီး တော့၊ ၁၀ ယောက် ဒါဏ်ရာ ရ
အစိုးရ စစ်တပ်နဲ့ BGF ကရင် နယ်ခြားစောင့် ပူးပေါင်း တပ်တွေ အခုလ ၁၁ ရက်နေ့က စပြီး၊ ကရင် ပြည်နယ် မဲသဝေါ ဒေသမှာ အခြေစိုက်တဲ့ ဒီကေဘီအေ ခွဲထွက် အဖွဲ့ကို တိုက်ခိုက် နေတာ ဖြစ်ပါတယ်။

စနေနေ့ ညမှာတော့ ဒီကေဘီအေ ခွဲထွက် အဖွဲ့ဟာ သူတို့ စခန်းတွေကို စွန့်သွားကြပါပြီ။

တပတ်အကြာ အစိုးရစစ်တပ်နဲ့ BGF ကရင် နယ်ခြားစောင့် ပူးပေါင်း တပ်တွေက၊ ဒီကေ ဘီအေ ခွဲထွက် အဖွဲ့ကို မော်တာ အကြီးစားတွေ၊ လက်နက်ငယ် တွေနဲ့ အပြင်း အထန် တိုက်ခိုက် ခဲ့တာ ဖြစ်ပါတယ်။

တနင်္ဂနွေ နေ့ မနက်ပိုင်း မှာတော့ ဒီကေဘီအေ ခွဲထွက် အဖွဲ့က ဗိုလ်ဘိရဲ့ ရိက္ခာကုန်း၊ ဘုရားကုန်း၊ ဝါးကူးလူ စခန်း ၃ ခုနဲ့ ဗိုလ်ကျော် သက်ရဲ့ စခန်း တခုကို အစိုးရတပ်နဲ့ BGF တပ်တွေက သိမ်းပိုက် လိုက်နိုင် တာ ဖြစ်ပါတယ်။

အခု စခန်းသိမ်း တိုက်ပွဲမှာ ဒီကေဘီအေ ခွဲထွက် အဖွဲ့က ၄ ယောက် သေပြီးတော့၊ ၁၀ ယောက် ဒါဏ်ရာ ရတယ်လို့ သိရ ပါတယ်။ အစိုးရ စစ်တပ်နဲ့ BGF ဘက်က အသေ အပျောက် ကိုတော့၊ အတည်ပြုလို့ မရသေးပါ။

ဒီ တိုက်ပွဲ ဖြစ်တဲ့ အချိန်မှာ မြိုင်ကြီးငူကို မသွားချင်လို့ ဆိုပြီး၊ ထိုင်းနယ်စပ် မြန်မာ ဘက်ခြမ်းက ထီးသေခီး ဆိုတဲ့ နေရာကို စစ်ပြေး ဒုက္ခသည် ၃၀၀ ကျော် တိမ်းရှောင် ခဲ့ပြီး၊ ထိုင်းဘက် မဲသဝေါရွာ ကိုတော့ ၂၀၀ ကျော် ရောက်နေ ပါတယ်။

BBC Burmese
http://www.bbc.com/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.