မြစ်ဆုံကိစ္စနဲ့ ဒေါ်စုအမေရိကန်ခရီးစဉ် တရုတ်အစိုးရသတင်းစာတွေ ဝေဖန်


( အမေရိကန်နိုင်ငံ ဝါရှင်တန်ဒီစီမြို့တော်မှာ အခြေစိုက်တဲ့ အမေရိကန် အာဆီယံ စီးပွားရေးလုပ်ငန်းရှင်များအသင်း US-ASEAN Business Council က Four Seasons Hotel မှာ တည်ခင်းတဲ့ ညစာစားပွဲမှာ ဒေါ်အောင်ဆန်းစုကြည် မိန့်ခွန်းပြောကြားစဉ် ) Photo:Khin Maung Soe Min/RFA
တရုတ်နိုင်ငံက ရင်းနှီးမြှုပ်နှံထားတဲ့ ဧရာဝတီမြစ်ဆုံစီမံကိန်းအပေါ် မြန်မာပြည်သူတွေ ဆန့်ကျင်ကန့်ကွက် လာကြတာဟာ မြန်မာပြည်တွင်းက အစွန်းရောက်အုပ်စုတွေ ရဲ့ အချိန်ကိုက် လှုပ်ရှားမှုတွေကြောင့် ဖြစ်တယ်လို့ The Sturdy Times တရုတ်သတင်း စာက မနေ့ကဖေါ်ပြလိုက်ပါတယ်။

The Sturdy Times သတင်းစာဟာ တရုတ် ကွန်မြူနစ်ပါတီရဲ့ ဗဟိုကော်မတီဝင်တွေ ကို လေ့ကျင့်ပေးနေတဲ့ ဗဟိုပါတီကျောင်းက ထုတ်ဝေတဲ့ သတင်းစာဖြစ်ပါတယ်။

မြစ်ဆုံစီမံကိန်းနဲ့ ပတ်သက်လို့ ဒေါ်အောင်ဆန်းစုကြည်အနေနဲ့ NGO အရပ်ဘက်အဖွဲ့ အစည်းတွေရဲ့ ဖိအားပေးခံနေရသလိုပြည်တွင်း မီဒီယာတချို့ရဲ့ အစွန်းရောက် ရေးသားတာတွေကြောင့် တရုတ် - မြန်မာနှစ်နိုင်ငံ ပူးတွဲ ဆောင်ရွက်မယ့် စီမံကိန်းတွေ အကြီးအကျယ် ထိခိုက်သွားရတယ် လို့ သတင်းစာက ဖော်ပြထားပါတယ်။

မြန်မာနိုင်ငံမှာ အစိုးရက ဖွဲ့စည်းပေးထားတဲ့ ဧရာဝတီ မြစ်ဆုံဒေသစီမံကိန်းများ လေ့လာသုံးသပ်ရေး ကော်မရှင်က မြစ်ဆုံဒေသကို သွားရောက်လေ့လာခဲ့ပြီး မကြာခင် မှာပဲ တရုတ်ကွန်မြူနစ်ပါတီ သတင်းစာ တစ်စောင်က အခုလို ရေးသားလိုက်တာပါ။

အလားတူ တရုတ်အစိုးရအာဘော် ဂလိုဘယ်တိုင်း သတင်းစာမှာလည်း ဒေါ်အောင် ဆန်းစုကြည်ရဲ့ အမေရိကန် ခရီးစဉ်ဟာ ဥပဒေရေးရာနဲ့ အထူးကိစ္စရပ်များဆိုင်ရာ ကော်မရှင် ဥက္ကဌ သူရဦးရွှေမန်း ပြောဆိုခဲ့သလို သားရွှေအိုးထမ်းလာတာမြင်သလိုမျိုး ဖြစ်ပါလိမ့်မယ် ဆိုတာလို မဟုတ်ဘဲ၊ ဘာရွှေမှရလာမှာမဟုတ်ကြောင်း ရေးသားထားတဲ့ ဆောင်းပါးတစ်ပုဒ် ဖေါ်ပြခဲ့ပါတယ်။

အမေရိကန်သမ္မတ အိုဘားမားက မြန်မာအပေါ် ကျန်ရှိနေတဲ့ ပိတ်ဆို့ အရေးယူ ထားတာတွေ ပြန်ရုပ်ပေးမယ် ဆိုတာကလည်း အကုန်ရုပ်သိမ်းမှာမဟုတ်ဘဲ၊ မုန့်တလှည့်၊ ကြိမ်လုံးတလှည့် မူဝါဒ သာဖြစ်ကြောင်းရေးသားထားပါတယ်။

RFA Burmese
https://www.facebook.com/rfaburmese


Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.