ပြည်ထောင်စု ငြိမ်းချမ်းရေးညီလာခံ ၂၁ ရာစု ပင်လုံမှ ထွက်ခွာခြင်းအပေါ် “၀” ပြည်နယ်၏ သဘောထားထုတ်ပြန်ကြေညာချက်


၂၀၁၆ ခုနှစ်၊ သြဂုတ်လ ၃၁ ရက်နေ့ ပြည်ထောင်စု ငြိမ်းချမ်းရေးညီလာခံ ၂၁ ရာစု ပင်လုံအပေါ် ညီလာခံအစီအစဉ်၊ ဆွေးနွေးတင်ပြရန်အကြောင်းရင်းနှင့် ဤညီလာခံသို့ တက်ရောက်သော “၀” ပြည်နယ် ကိုယ်စားလှယ်အဖွဲ့အား တရားဝင် ကိုယ်စားလှယ်မဟုတ်သော ကတ်ပြားဖြင့် “၀” ပြည်နယ်ကို နိမ့်ချခြင်း၊ ဆွေးနွေးတင်ပြရန် အစီအမံကိစ္စကြောင့် “၀” ပြည်နယ်အနေဖြင့် ညီလာခံကို ကြီးမှူးကျင်းပသော ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ (UPDJC) နှင့် အကြိမ်ကြိမ်ညှိနှိုင်းပြီး အကျိုးသက်ရောက်မှုမရှိသော အခြေအနေမျိုးအောက်တွင် မတတ်သာ၍ စက်တင်ဘာလ ၁ ရက် နံနက်ပိုင်းတွင် ဤညီလာခံမှ ထွက်ခွာရန် ဆုံးဖြတ်လိုက်သည်။

ဤညီလာခံမှ ထွက်ခွာခြင်းကြောင့် ပြင်ပမှ “၀”ပြည်နယ်အား ထင်မြင်လွဲမှားမှုကို ရှင်းလင်းပေးရန်နှင့် ငြိမ်းချမ်းရေးကိစ္စအပေါ် “၀”ပြည်နယ်၏ ရပ်တည်ချက်ကို ဖော်ပြရန်အတွက် “၀”ပြည်နယ်မှ အောက်ပါအတိုင်း ထုတ်ပြန်လိုက်ပါသည်။

၁။ “၀” ပြည်နယ်အနေဖြင့် ငြိမ်းချမ်းရေးကို အသိအမှတ်ပြုပါသည်။ ထောက်ခံပါသည်။ တောင်းတပါသည်။ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်၏ တစ်သက်တာလုံး အကြမ်းမဖက်ရေး၊ အမျိုးသားရင်ကြားစေ့ရေးနှင့် ငြိမ်းချမ်းရေးကြိုးပမ်းမှုများကို လေးစားချီးကျူးပါသည်။

၂။ “၀” ပြည်နယ်အနေဖြင့် ဤပြည်ထောင်စု ငြိမ်းချမ်းရေးညီလာခံမှ ထွက်ခွာသွားခြင်းသည် ပြည်ထောင်စု ငြိမ်းချမ်းရေးညီလာခံကို ကန့်ကွက်ခြင်းမဟုတ်ဘဲ အစီအစဉ်၏ တရားမျှတမှုမရှိခြင်းနှင့် ပွင့်လင်းမြင်သာမှု မရှိခြင်းကြောင့် ကန့်ကွက်ခြင်းသာဖြစ်သည်။ မျက်မှောက် ပြည်ထောင်စုအစိုးရနှင့် တပ်မတော်တို့သည် အုပ်ချုပ်ရေး အရင်းအမြစ်သာလွန်ပြီး ပြည်ထောင်စု ငြိမ်းချမ်းရေးညီလာခံ၏ အစီအစဉ်တွင် တိုင်းရင်းသား လူနည်းစုအား ညှာတာသင့်၍ အနည်းဆုံးအနေဖြင့် တရားမျှတသော အစည်းအဝေးအစီအစဉ်ကို ဖန်တီးပေးသင့်သည်။ လူနည်းစု တိုင်းရင်းသားတို့သည် သမိုင်းတစ်လျှောက်တွင် အားနည်းဘက်ဖြစ်ပြီး အကယ်၍ ပြည်ထောင်စု ငြိမ်းချမ်းရေးညီလာခံ၏ အစီအစဉ်တွင် တရားမျှတမှု၊ ပွင့်လင်းမြင်သာမှု အာမခံချက် မပေးနိုင်လျှင် နောက်နောင် နိုင်ငံရေးဆွေးနွေးမှုတွင် တရားမျှတမှု မည်သို့ရှိနိုင်မည်နည်း။ “၀” ပြည်နယ် တောင်းဆိုနေသည်မှာ ယခင်တွင်သာမက နောက်နောင် နိုင်ငံရေး ဆွေးနွေးသည့်အခါ အစီအစဉ် တရားမျှတမှု ရှိရေးလည်း တောင်းဆိုနေခြင်းဖြစ်သည်။ တရားမျှတမှုရှိသော အစီအစဉ်ကို အခြေခံပြီး နှစ်ဦးနှစ်ဖက်မှ တရားမျှတသော နိုင်ငံရေး ဆွေးနွေးမှုမှတစ်ဆင့် နှစ်ဖက်လက်ခံနိုင်သော ရလဒ်ကို ရယူနိုင်မည်။ သာလွန်မှုရှိသော တစ်ဖက်မှ တရားမျှတမှုမရှိသော အစီအစဉ် စီမံခြင်းမှတစ်ဆင့် အားနည်းဘက်ကို ဖိနှိပ်ခြင်းသည် “၀” ပြည်နယ်မှ ကန့်ကွက်သော သဘောထားကို ကိုင်စွဲသွားပါမည်။

၃။ ငြိမ်းချမ်းရေးကို “၀” ပြည်နယ်မှ တစ်လျှောက်လုံး ကြိုးပမ်းဆောင်ရွက်နေပါသည်။ ၂၀၀၉ ခုနှစ် အစောပိုင်းတွင် ၈၈ ကိုးကန့် အရေးအခင်းနှင့် စစ်အစိုးရမှ “၀” ပြည်နယ်အပေါ် ဖျက် လေးဖျက် စီမံကိန်း ကျင့်သုံးပြီး ယခင်ကာလ မကြုံဖူးခဲ့သော တင်းမာမှု အခြေအနေသို့ ရောက်ရှိသောအချိန်တွင် “၀” ပြည်နယ်မှ တစ်လျှောက်လုံး ငြိမ်းချမ်းရေးအတွက် နည်းလမ်းမျိုးစုံရှာဖွေခဲ့ပြီး တစ်နိုင်ငံလုံး ပြည်တွင်းစစ်ပေါက်ပွားမှုကို အတတ်နိုင်ဆုံး ဟန့်တားနိုင်ခဲ့သည်။ တင်းမာသော အခြေအနေကို ဦးစွာဖြေလျှော့နိုင်ခဲ့သည်။ ၂၀၁၁ ခုနှစ်၊ ဇွန်လ ၉ ရက်၊ ၂၀၁၁ ခုနှစ် အောက်တိုဘာ ၁ ရက်နေ့တွင် ရွေးကောက်ပွဲပြီးနောက် တက်လာသော ဦးသိန်းစိန်အစိုးရနှင့် (အဆင့်သုံးဆင့် ငြိမ်းချမ်းရေးစာချုပ်) လမ်းပြမြေပုံ အောက်ရှိ (ပြည်နယ်အဆင့် ငြိမ်းချမ်းရေးစာချုပ်) နှင့် (ပြည်ထောင်စုအဆင့် ငြိမ်းချမ်းရေးစာချုပ်) ချုပ်ဆိုခဲ့ပြီး နောက်ဆုံးအဆင့်ဖြစ်သော (လွှတ်တော်အဆင့် ငြိမ်းချမ်းရေးစာချုပ်) ချုပ်ဆိုရန်သာ ကျန်ရှိနေသည်မှာ လက်ရှိပြည်ထောင်စုအစိုးရ အကောင်အထည်ဖော် ဆောင်ရွက်နေသော (တစ်နိုင်ငံလုံး အပစ်အခတ် ရပ်စဲရေးစာချုပ်) ထက် ပိုမိုဆောလျင်ပါသည်။

၎။ “၀” ပြည်နယ်အနေဖြင့် ပြည်ထောင်စု ငြိမ်းချမ်းရေး ကော်မရှင်နှင့် နှစ်ဖက်တိုက်ရိုက် တွေ့ဆုံဆွေးနွေးခြင်းဖြင့် ယခင်အစိုးရချန်လှပ်ထားသော အဆင့်သုံးဆင့် ငြိမ်းချမ်းရေး သဘောတူစာချုပ် ဖြစ်မြောက်ရန် ဆက်လက်ဖော်ဆောင်ပြီး နောက်ဆုံးတွင် ငြိမ်းချမ်းရေး နိုင်ငံရေး သဘောတူစာချုပ် ရယူလိုသည့် သဘောထားကို ကိုင်စွဲထားပါသည်။

၅။ “၀” ပြည်နယ်အနေဖြင့် နောက်ဆုံးတွင် ငြိမ်းချမ်းရေးကို ဖော်ဆောင်ရန်နှင့် နိုင်ငံရေး ဆွေးနွေးမှုအတွက် သေချာပြုစုပြင်ဆင်ထားသော “နိုင်ငံရေး ဆွေးနွေးမှုအပေါ် “၀” ပြည်နယ်၏ အထွေထွေမူဝါဒနှင့် အသေးစိတ် တောင်းဆိုချက်များ” စာတမ်းကို တရားဝင် စာတမ်းအဖြစ် နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ပြည်ထောင်စု ငြိမ်းချမ်းရေး ကောင်မတီထံသို့ တင်ပြခဲ့ပါသည်။

၆။ “၀” ပြည်နယ်အနေဖြင့် ငြိမ်းချမ်းရေး၊ နိုင်ငံရေးဆွေးနွေးမှုအပေါ် ထားရှိသော စိတ်ရင်းစေတနာကို ဖော်ပြရန်အတွက် (နိုင်ငံရေး ဆွေးနွေးမှုအပေါ် “၀” ပြည်နယ်၏ အထွေထွေ မူဝါဒနှင့် အသေးစိတ် တောင်းဆိုချက်များ) စာတမ်းကို တစ်နိုင်ငံလုံး ပြည်သူလူထုနှင့် နိုင်ငံတကာအား လူသိရှင်ကြား ဖော်ပြသွားပါမည်။

ဟု ဖော်ပြထားသည်။

The Ladies News
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.