ဗြိတိန်နိုင်ငံသူအမျိုးသမီး နောက်အိမ်ထောင် ထူ၍ ပါကစ္စတန်တွင် မိသားစုက သတ်ဖြတ်


အစ္စလာမ်မာဘတ်၊ စက်တင်ဘာ-၃

စုံစမ်းစ်ဆေးရေး တာဝန်ခံအရာရှိ၏ ပြောကြားချက်အရ အရှက်သိက္ခာအရသတ်ဖြတ်မှု (honour killing)တစ်ခုတွင် ပါကစ္စတန်၌ သေဆုံးခဲ့ရသည့် ဗြိတိသျှအမျိုးသမီးမှာ မသေဆုံးမီ အဓမ္မပြုကျင့်ခံခဲ့ရသည်ဟု ဆိုသည်။ ဗြိတိန် ဘရတ်ဖို့မှ ၂၈နှစ်အရွယ် ဆမီရာ ရှာဟစ်မှာ ဇူလိုင်လက ပန်ဂျပ်ပြည်နယ်မြောက်ပိုင်းတွင် သေဆုံးခဲ့သည်။

ပါကစ္စတန် စုံစမ်းစစ်ဆေးရေးမှူးချုပ်က ဘီဘီစီသို့ ပြောကြားချက်အရ မစ္စရှာဟစ်၏ ဖခင်ဖြစ်သူနှင့် ခင်ပွန်းဟောင်းတို့က လူသတ်မှုကို ကျူးလွန်ခြင်းဖြစ်သည်ဟု ဆိုသည်။

လူသတ်မှုတွင် ၄င်းတို့၏ အခန်းကဏ္ဍကို မေးမြန်းရန်အတွက် မိခင်နှင့် အစ်မဖြစ်သူတို့ကိုလည်း ပါကစ္စတန်သို့ ခေါ်ယူရန် ကြိုးစားနေသည်ဟု ရဲအရာရှိက ပြောကြားခဲ့သည်။

မစ္စရှာဟစ် သေဆုံးမှုနှင့် ပတ်သက်၍ အမျိုးသားနှစ်ယောက်မှာ ပါကစ္စတန် ရုံးတော်တွင် အစစ်ခံနေပြီဖြစ်သည်။

ဒေသခံရဲ၏ ပြောကြားချက်အရ လူသတ်မှုဖြင့် စွပ်စွဲခံထားရသည့် ခင်ပွန်းဟောင်း ချောင်ဒရီ မူဟာမတ် ရှာကီးက ရှာဟစ်ကို ခြုံပုဝါဖြင့် လည်ပင်းညှစ် သတ်ဖြတ်ခဲ့ကြောင်း ၀န်ခံခဲ့သည်ဟု ဆိုသည်။

ဖခင်ဖြစ်သူ ချောင်ဒရီ မူဟာမတ် ရှာဟစ်ကိုလည်း လူသတ်မှုတွင် ကြံရာပါအဖြစ် ထိန်းသိမ်းထားသည်ဟု ဆိုသည်။ နှစ်ယောက်စလုံးကို စက်တင်ဘာ ၅ရက်နေ့အထိ ရမန်ဖြင့် ချုပ်ထားသည်ဟု ဆိုသည်။

မစ္စရှာဟစ်မှာ သေဆုံးချိန်တွင် ပန်ဒိုရီရွာမှ မိသားစုထံ လာရောက်လည်ပတ်နေခြင်းဖြစ်ပြီး ကနဦးက ဆွေမျိုးများက နှလုံးရောဂါဖြင့် သေဆုံးခြင်းဖြစ်သည်ဟု ပြောကြားခဲ့ကြသည်ဟုဆိုသည်။

သူမ၏ ဒုတိယခင်ပွန်းသည်ဖြစ်သူ ဆာယတ် မွတ်တား ကာဇင်ကမူ သူတို့နှစ်ယောက် လက်ထပ်သည်ကို မိသားစုက သဘောမတူသောကြောင့် သူမကို မိသားစုကို အရှက်ခွဲသူအဖြစ် ဂုဏ်သိက္ခာအရ သတ်ဖြတ်လိုက်ခြင်းဖြစ်သည်ဟု ယုံကြည်နေသည်ဟု ဆိုသည်။

မှုခင်းဆရာဝန်၏ စမ်းသပ်ချက်အရ မစ္စရှာဟစ်မှာ အသက်ရှူကျပ်၍ သေဆုံးကြောင်း အတည်ပြုခဲ့သည်ဟု ဆိုသည်။

ဘီဘီစီ
AM
china.com Myanmar
https://www.facebook.com/china.com.mm/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.