လားရှိုးမှာ အုပ်စုနဲ့ဓါးခုတ်မှု ထပ်မံဖြစ်ပွား


shan-state-police-620.jpg
လားရှိုးမြို့နယ် မယ်ဟန်ကျေးရွာမှာ စက်တင်ဘာလ ၉ ရက်နေ့ကဖြစ်ပွားခဲ့တဲ့ အုပ်စုဖွဲ့ဓါးခုတ်မှုနဲ့ပတ်သက်ပြီး ပြည်နယ်ရဲတပ်ဖွဲ့ရုံးမှာ စက်တင်ဘာလ ၁ဝ ၇က်နေ့က သတင်းစာရှင်းလင်းပွဲပြုလုပ်စဉ်
Photo: Kan Thar/RFA

ရှမ်းပြည်နယ်မြောက်ပိုင်း လားရှိုးမြို့နယ် မယ်ဟန်ကျေးရွာမှာ မနေ့ကဖြစ်ပွားခဲ့တဲ့ အုပ်စုဖွဲ့ဓါးခုတ်မှု တရားခံတွေ ဟာ တရုတ်လူမျိုးတွေ ဖြစ်နိုင်ကြောင်းနဲ့ တရားခံတွေကို အမြန်ဆုံးဖမ်းဆီးနိုင်ရေးအတွက် ဝိုင်းဝန်းဆောင် ရွက်ပေးကြဖို့ ရှမ်းပြည်နယ် ရဲတပ်ဖွဲ့ တာဝန်ရှိသူတွေက ဒီနေ့ ပြောပါတယ်။

မနေ့က ဖြစ်ပွားခဲ့တဲ့ ဓါးခုတ်မှုနဲ့ပတ်သက်ပြီး ပြည်နယ်ရဲတပ်ဖွဲ့ရုံးမှာ ကျင်းပတဲ့ သတင်းစာရှင်းလင်းပွဲမှာ လားရှိုးမြို့ အမှတ် ၁ ရဲတပ်ဖွဲ့က စခန်းမှူး ဒုတိယရဲမှူး ကျော်နိုင် က လူငယ် ၅ ဦးကို အုပ်စုဖွဲ့ပြီး ဓါးနဲ့ခုတ်သူတွေဟာ တရုတ်စကားပြောသူတွေဖြစ်တယ်လို့ ပြောပါတယ်။

"လွတ်သွားတဲ့ကလေး ၂ ယောက် ဆိုင်ကယ်က ဘီးပေါက်သွားတယ်၊ ပေါက်တော့ပြန်လှည့်လာတယ်၊ ဘီးပေါက်တဲ့ဆိုင်ကယ်က ရှေ့ကမောင်းတယ်၊ မပေါက်တဲ့ဆိုင်ကယ်မှာ အခုဆုံးတဲ့ကလေးရယ်၊ ဒဏ်ရာရတဲ့ကလေးရယ်၊ နောက်ဆုံးမှာထိုင်တဲ့ကလေး ၃ ယောက်တစ်စီး ဆိုင်ကယ်အကောင်းက နောက် ကစီးတယ်၊ ရှေ့ကဘီးပေါက်တဲ့ဆိုင်ကယ်ကို သူတို့ကလွှတ်လိုက်တယ်၊ ပြောလိုက်သေးတယ် တရုတ်လို၊ မင်းတို့ကငယ်သေးတယ်၊ တရုတ်လိုပြောတာ၊ တရုတ်လိုပြောတာဖြစ်တဲ့အတွက် တရုတ်လူမျိုးပေါ့"

ဓါးနဲ့ခုတ်ခံရသူ လူငယ် ၅ ဦးထဲက တစ်ဦး သေဆုံးပြီး တစ်ဦးက ထိခိုက်ဒဏ်ရာရရှိထားတဲ့အတွက် ဆေးကုသခံနေ ပါတယ်။

အဲ့ဒီလိုအုပ်စုဖွဲ့ ဓါးခုတ်မှုတွေဟာ လားရှိုးမြို့ပေါ်မှာ ဒီနှစ်အတွင်း ၈ မှုအထိရှိနေပြီဖြစ်ပြီး ကျူးလွန်သူ ၂၂ ဦးကို ဖမ်းမိထားပေမယ့် အမှုနဲ့ဆက်စပ်သူ ၁၉ ဦးနီးပါး လွတ်မြောက်နေပါတယ်။

ဒီနေ့ သတင်းစာရှင်းလင်းပွဲကို တက်ရောက်လာတဲ့ ရပ်ကွက်အုပ်ချုပ်ရေးမှူးတွေက ဓါးနဲ့ခုတ်သူတွေဟာ မူးယစ်ဆေးဝါးသုံးစွဲသူတွေ ဖြစ်နိုင်တယ်လို့ တင်ပြခဲ့ကြပါတယ်။
RFA
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.