အမေရိကန်တွင် Galaxy Note 7 မသုံးစွဲရန် အာဏာပိုင်များတိုက်တွန်း


Samsung က နောက်ဆုံးထုတ်လုပ်လိုက်တဲ့ Galaxy Note 7 စမတ်ဖုံးတွေက မီးလောင်ပေါက်ကွဲတတ်တယ်ဆိုတဲ့ သတင်းတွေ ထွက်ပေါ်အပြီး အမေရိကန်ပြည်ထောင်စုမှာ အဲဒီစမတ်ဖုံးကို မသုံးစွဲဖို့ အာဏာပိုင်တွေက တိုက်တွန်းနေပါတယ်။

အဲဒီ Galaxy Note 7 ဖုန်းတွေကို ပြီးခဲ့တဲ့လကမှ Samsung ကုမ္ဗဏီက အမေရိကန်နဲ့ တခြားနိုင်ငံတွေမှာ စတင်ရောင်းချတာပါ။

ဖုန်းတွေကို စရောင်းပြီး မကြာခင်မှာပဲ ဘတ်ထရီပေါက်ကွဲမှုသတင်းတွေ ထွက်ပေါ်ခဲ့ ပါတယ်။

ဒါကြောင့် ကုမ္ဗဏီကလည်း အဲဒီဖုန်းအရောင်းတွေကို ရပ်ဆိုင်းလိုက်ပြီး Galazy Note တဆင့်နိမ့် version နဲ့ ပြန်လဲပေးမယ်လို့ ပြောဆိုပါတယ်။

အမေရိကန်နည်းပညာပစ္စည်း ဘေးကင်းလုံခြုံရေးကော်မရှင်က အဲဒီဖုန်းတွေကို မသုံးကြဖို့ ပြီးခဲ့တဲ့ သောကြာနေ့က ကြေညာချက်ထုတ်ခဲ့ပြီး Samsung ကုမ္ဗဏီအနေနဲ့လည်း ဖုန်းတွေကို တရားဝင်ပြန် သိမ်းဖို့ ပူးပေါင်းဆောင်ရွက်နေတယ်လို့ ပြောဆိုပါတယ်။

အမေရိကန်လေကြောင်းပို့ဆောင်ရေးအာဏာပိုင်အဖွဲ့ကလည်း အဲဒီဖုန်းတွေကို baggage တွေထဲမှာ မထည့်ထားဖို့ လေယာဉ်ပျံသန်းချိန် ဘက်ထရီအားမသွင်းဖို့နဲ့ ဖုန်းတွေကို ပိတ်ထားဖို့ သတိပေးထားပါတယ်။

Samsung ကုမ္ဗဏီဟာ စမတ်ဖုန်းဈေးကွက်ကို အများဆုံးရရှိထားတဲ့ ကုမ္ဗဏီဖြစ်ပြီး ဈေးကွက်ကို တိုးချဲ့ဖို့ ဒီဖုန်းသစ်တွေကို ထုတ်လုပ်လိုက်ပေမယ့်လည်း ဖုန်းတွေ ပြန်သိမ်းရရင် ရထားတဲ့ ဈေးကွက်ဝေစုတောင် ဆုံးရှုံးမယ့်အခြေအနေ ရှိနေပါတယ်။
DVB TV News
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.