စစ်တပ် ဂျက်၊ ရဟတ်ယာဉ်များ KIA စခန်းများ ကို တိုက်ခိုက်


စက်တင်ဘာ ၂၃ KIA တပ်စခန်းများကို တိုက်ခိုက်နေသည့် အစိုးရ တိုက်ခိုက်ရေး လေယာဉ်
စက်တင်ဘာ ၂၃ KIA တပ်စခန်းများကို တိုက်ခိုက်နေသည့် အစိုးရ တိုက်ခိုက်ရေး လေယာဉ်
ကချင် တိုက်ပွဲ ကြီးလာနေချိန် အစိုးရတပ် မှ ကချင်လွတ်လပ်ရေးတပ်မတော် KIA ဗဟို ဌာနချုပ် နယ်မြေ ၏ လုံခြုံရေးအရ အရေးပါသည့် တပ်စခန်းများကို ဂျက်လေယာဉ် နှင့် တိုက်ခိုက်ရေး ရဟတ်ယာဉ် များဖြင့် ယနေ့ စက်တင်ဘာ ၂၃ ရက်နေ့ မှာ အပြင်းအထန် တိုက်ခိုက်ခဲ့သည်။
ယနေ့ ဝေဟင် ပစ်ခတ် တိုက်ခိုက်မှုမှာ မြစ်ကြီးနား-ဗန်းမော် ကားလမ်း အရှေ့ဘက် အစိုးရတပ်မတော် နှင့် လွန်ခဲ့သည့် ၂ ပတ်ခန့်မှ နေ့စဉ် တိုက်ပွဲ ဖြစ်ပွားနေသည့် KIA လှုပ်ရှားတပ်ရင်း DND ၂၅၂ Nhkram Bum တောင် နှင့် ၎င်းအနီး KIA တပ်ရင်း ၃ Lai Hpawng Bum တောင် စခန်းတို့တွင် ဖြစ်သည်။

စစ်တပ်မှ လေယာဉ် ၃ စီး အသုံးပြု ပြီး ယနေ့ တိုက်ခိုက်ခဲ့ကြောင်း KIO သတင်းနှင့် ပြန်ကြားရေး ဌာန တာဝန်ရှိသူ ဒုဗိုလ်မှုးကြီး နော်ဘူ က ပြောသည်။

“ညနေ ၃ နာရီခွဲ ၄ နာရီလောက်က Nhkram Bum မှာ fighter ၁ စီး လာတယ်။ ပြီးတော့ တပ်ရင်း ၃ Lai Hpawng Bum မှာလည်း မွန်းလွဲ ၂ နာရီလောက်မှာ jet fighter ၁ စီးနှင့် တိုက်ခိုက်ရေး ရဟတ်ယာဉ် ၁ စီးနှင့် လာပစ်တယ်။ အဲမှာဘဲ ညနေ ၄ နာရီမှာ တစ်ခေါက် ပြန်လာ ပစ်တယ်။”

လွန်ခဲ့သည့် သြဂုတ် ၂၃ ရက်နေ့ကလည်း Nhkram Bum စခန်းကို အစိုးရတပ်က Mi-35 အမျိုးအစား တိုက်ခိုက်ရေး ရဟတ်ယာဉ် ၂ စီး နှင့် လာရောက် ပစ်ခတ်ခဲ့သည်။

ယနေ့ အစိုးရဘက်မှ လေကြောင်း အကူအညီ အသုံးပြု သည့်အပြင် မြေပြင်တပ်အင်အား အလုံးအရင်းနှင့် လက်နက်ကြီး ၁၂၀ မမ၊ ၁၀၅ မမ၊ ၈၁ မမ တို့ နှင့်ပါ ပစ်ခတ် နေကြောင်း KIA ရှေ့တန်း က ဆိုပါသည်။

ဒေသခံ တာလောကြီး ရှမ်းနီ ပြည်သူ့စစ်အဖွဲ့ နှင့် လဝါယန် လဆန်အောင်ဝါ ပြည်သူ့စစ်အဖွဲ့ ကိုလည်း ယခုတိုက်ပွဲတွင် ပါဝင်ရန် အစိုးရဘက်မှ တိုက်တွန်းမှုများ ရှိနေသည်ဟု ဒေသခံများ ပြောသည်။

ရှမ်းပြည်နယ် မြောက်ပိုင်း၊ လားရှိုးမြို့နယ် KIA တပ်မဟာ ၄ တပ်ရင်း ၁၇ စခန်းများတွင်လည်း အစိုးရဘက်က စစ်အင်အား တိုးချဲ့မှုများ ရှိနေသည်ဟု KIO ဒု ဗိုလ်မှုးကြီး နော်ဘူက ပြောသည်။

ယခုလို အစိုးရတပ်မတော်၏ ကချင် ထိုးစစ်ကြီး ပြင်ဆင် လုပ်ဆောင်မှုကို ခုခံကာကွယ်နိုင်ရန်အတွက် ကချင်ပြည်သူများအနေဖြင့် အထူးဆုတောင်းပေးရန် KIO က စက်တင်ဘာ ၁၉ ရက်တွင် အကြောင်းကြားခဲ့ပါသည်။

Kachin News Group
http://burmese.kachinnews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.