စားသောက်ဆိုင် များ၏ ငွေရှင်းပြေစာ များတွင် ကုန်သွယ် လုပ်ငန်းခွန် ကပ်ရန်မလိုက်နာသည့် စားသောက်ဆိုင်စာရင်းကြေညာမည်


    ရန်ကုန်၊ စက်တင်ဘာ ၃၀ ရက် (ဆင်ဟွာ)

    ရန်ကုန်တိုင်း ဒေသကြီးအတွင်း စားသောက်ဆိုင် များ၏ ငွေရှင်းပြေစာ များတွင် ကုန်သွယ် လုပ်ငန်းခွန် တံဆိပ်ခေါင်း ကပ်ရန် ညွှန်ကြားထား သော်လည်း မလိုက်နာဘဲ လေးကြိမ်နှင့် အထက် ဒဏ်ကြေး ပေးဆောင် ရသည့် စားသောက်ဆိုင် များ စာရင်းကို ထုတ်ပြန် ကြေညာသွားမည် ဖြစ်ကြောင်း ပြည်တွင်း အခွန်များ ဦးစီးဌာနမှ သိရသည်။

ယခု ဘဏ္ဍာနှစ်အစ ဧပြီလမှ စက်တင်ဘာ လလယ်အထိ ငါးလကျော် ကာလအတွင်း အခွန်ပြေစာ အမှတ်တံဆိပ် မကပ်သည့် စားသောက်ဆိုင် ၂ဝ၆ ဆိုင်မှ ဒဏ်ကြေး ငွေကျပ် ၃၁ သန်း ရရှိထားပြီး အကြိမ်ကြိမ် ဒဏ်ရိုက် ခံရသော စားသောက်ဆိုင် များသည် ကျသင့် ကုန်သွယ် လုပ်ငန်းခွန် အတိုင်း တံဆိပ်ခေါင်း အပြည့်အဝ မကပ်ခြင်းနှင့် ငွေရှင်းပြေစာ တွင် ကုန်သွယ် လုပ်ငန်းခွန် ကောက်ခံထား သော်လည်း အခွန်တံဆိပ် လုံးဝ မကပ်ခြင်းများ ကြောင့် ဖြစ်ကြောင်း ပြည်တွင်း အခွန်များ ဦးစီးဌာနမှ သိရသည်။

ငွေရှင်းပြေစာတွင် ကုန်သွယ် လုပ်ငန်းခွန် တံဆိပ်ခေါင်း ကပ်ရန် ပျက်ကွက်သည့် စားသောက်ဆိုင်၊ ဟိုတယ်နှင့် တည်းခိုခန်း များကို ယခုဘဏ္ဍာနှစ် ကစ၍ ကုန်သွယ် လုပ်ငန်းခွန် ဥပဒေပုဒ်မ ၃၂ အရ တရားစွဲဆိုမည် ဖြစ်ပြီး ပြစ်မှု ထင်ရှားပါက ထောင်ဒဏ် သုံးနှစ်မှ ခုနစ်နှစ်အထိ ချမှတ်မည် ဖြစ်ကာ ယင်းသို့ တရားစွဲဆို နိုင်ရန် ရန်ကုန်တိုင်း ဒေသကြီး အစိုးရအဖွဲ့၏ ညွှန်ကြားချက်ကို စောင့်ဆိုင်း နေကြောင်း သိရသည်။

၂ဝ၁၅-၂ဝ၁၆ ဘဏ္ဍာနှစ် တစ်နှစ်လုံးတွင် အခွန်တံဆိပ် မကပ်သည့် စားသောက်ဆိုင် ၂၆၄ ဆိုင်ကို ဒဏ်ရိုက်ခဲ့ပြီး ဒဏ်ကြေးငွေ ငွေကျပ် သိန်း ၇၂ဝ ကျော် ရရှိခဲ့ကြောင်း၊ အခွန် အမှတ်တံဆိပ် ကပ်နှိပ်ရန် တစ်ကြိမ် ပျက်ကွက် ပါက ငွေကျပ် နှစ်သိန်း၊ နှစ်ကြိမ် ပျက်ကွက် ပါက ငွေကျပ် ငါးသိန်း၊ သုံးကြိမ် ပျက်ကွက် ပါက ငွေကျပ် ခုနစ်သိန်းနှင့် သုံးကြိမ်နှင့် အထက် ပျက်ကွက်ပါက ငွေကျပ် ၁ဝ သိန်းအထိ ဒဏ်ရိုက်ရန် ကုန်သွယ် လုပ်ငန်းခွန် ဥပဒေတွင် ပြဋ္ဌာန်း ထားကြောင်း သိရသည်။

(Xinhua)
http://www.xinhuamyanmar.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.