အာဘေးရဲ့နိုင်ငံရေးအသာရမှုက ဂျပန်မှာ ကာစီနိုဝိုင်းတွေ တရားဝင်လုပ်ကိုင်ခွင့်ရစေမည်


အောက်တိုဘာ ၁၈။ ။ ဂျပန်မှာ ကာစီနိုဝိုင်းတွေကို ခွင့်ပြုဖို့ ကြိုးပမ်းမှုတွေကျရှုံးတာ ၁၅ နှစ်ရှိပြီဖြစ်ပေမယ့် နိုင်ငံရေး အပြောင်းအလဲတွေကြောင့် ကြေးကြီးကြီးလောင်းကစားဝိုင်းတွေအတွက် ကမ္ဘာမှာ နောက်ထပ်မျက်နှာစာသစ် ဖွင့်လှစ် နိုင်တော့မယ်လို့ ကြိုးပမ်းနေသူတွေက ပြောပါတယ်။

ဂျပန်လူထုဟာ လောင်းကစားစွဲလမ်းမှာ စိုးတဲ့အတွက် ကာစီနိုဝိုင်းတွေကို ၂ ယောက်မှာ ၁ ယောက်နှုန်း ဆန့်ကျင်ပါတယ်။ ဒါပေမယ့် နိုင်ငံရေးအပြောင်းအလဲကြောင့် ကာစီနိုတွေကို တရားဝင်လုပ်ဖို့အဆိုပြုချက် မျက်နှာသာပေးခံနေရကြောင်း အတွင်းလူတွေက ပြောပါတယ်။

တကယ်လို့ ကာစီနိုဝိုင်းတွေသာ ရောက်လာရင် နှစ်စဉ် ဒေါ်လာ ဘီလျံ ၄၀ လောက် အကျိုးအမြတ်ဖြစ်ထွန်းပြီး အမေရိကန်ပြီးရင် ကမ္ဘာ့ဒုတိယအကြီးဆုံးဈေးကွက်ဖြစ်လာနိုင်ကာ အကျိုးအမြတ်ရသူတွေထဲမှာ လာ့စ်ဗီးဂက်စ်ဆန်းကော့ပ် ကနေ ပြည်တွင်းဂိမ်းလုပ်ငန်း ဆာဂါးဆမ်မီဟိုးဒင်းတို့အထိ ပါဝင်မှာဖြစ်ပါတယ်။

“အမယ်စုံအပန်းဖြေမှုတွေဟာ ဂျပန်ရဲ့တိုးတက်မှုမဟာဗျူဟာအတွက် အဓိကဆွဲဆောင်မှုတစ်ခု ဖြစ်လာလိမ့်မယ်”လို့ ဝန်ကြီးချုပ် ရှင်ဇိုအာဘေးက ကာစီနို၊ ဟိုတယ်၊ ရှော့ပင်းနဲ့ လူစုဝေးနိုင်တဲ့နေရာတွေ ပေါင်းစပ်ထားတဲ့ပရောဂျက်တွေကို ရည်ညွန်းပြီး ၂၀၁၄ ခုနှစ်က ပြောပါတယ်။ “ကျွန်တော်တို့က ကမ္ဘာတဝန်းကလူတွေကို ဘယ်လိုဆွဲဆောင်မယ်ဆိုတဲ့ အမြင်ကနေ အဲဒီအပန်းဖြေမှုတွေကို ဆက်လက်စဉ်းစားသွားပါမယ်”

ဇူလိုင်လတုန်းက အာဘေးရဲ့ လစ်ဘရယ်ဒီမိုကရက်တစ်ပါတီ(LDP) တောင်ပြိုကမ်းပြိုအနိုင်ရပြီးနောက် LDP အတွင်း လောင်းကစားကို ထောက်ခံအားပေးသူတွေ၊ အာဘေးရဲ့ညွန့်ပေါင်းမဟာမိတ်ထဲက အစိတ်အပိုင်းတွေနဲ့ လွှတ်တော်ထဲက လုပ်ငန်းအစီအစဉ်အားလုံးက ကာစီနိုဝိုင်းတွေကို နောက်ဆုံးတော့ ခွင့်ပြုတော့မယ်ဆိုတဲ့ အလားအလာကို ဖြစ်ပေါ်စေပါတယ်။

နိုဝင်ဘာ ၃၀ မှာ ပြီးဆုံးတော့မယ့်လွှတ်တော်အတွင်း ဆွေးနွေးနေတဲ့ ဥပဒေကြမ်းကို “အတည်ပြုနိုင်ချေ ရာနှုန်းပြည့် နီးပါးရှိတယ် ” လို့ ကာစီနိုလိုလားတဲ့ လွှတ်တော်ဆိုင်ရာအုပ်စုဥက္ကဌဖြစ်ပြီး LDP ပါတီထိပ်တန်းနေရာတွေထဲမှာ မကြာသေးမီက ပါဝင်လာခဲ့တဲ့ ကာစီနိုထောက်ခံအားပေးသူ ၃ ဦးထဲမှာ တစ်ဦး အပါအ၀င်ဖြစ်သူ ဟီရိုယူကီ ဟိုဆိုဒါက ပြောပါတယ်။

တကယ်လို့ ဥပဒေကြမ်းကို ကော်မတီကို တင်ရင် လွှတ်တော်နှစ်ရပ်စလုံးမှာ LDP ကလွှမ်းမိုးထားတာကြောင့် ဥပဒေအတည်ပြုနိုင်ပါလိမ့်မယ်။

ထောက်ခံသူတွေက ကာစီနိုဝိုင်းတွေဟာ ကမ္ဘာလှည့်ခရီးသွားလုပ်ငန်းကို မြင့်တက်စေပြီး “အာဘေးနောမစ်”ရဲ့ အောင်မြင်မှုဖြစ်လိမ့်မယ်လို့ ပြောပါတယ်။ ၂၀၁၂ ဒီဇင်ဘာမှာ အာဘေးအာဏာရပြီးနောက်ပိုင်း ငွေလွယ်လွယ်ဖြစ်ဖို့ အစိုးရရဲ့လှုံ့ဆော်ပေးမှုတွေနဲ့ ဗီဇာစည်းကမ်းလျှော့ပေါ့မှုကြောင့် ဧည့်သည်တွေ အလုံးအရင်းဝင်ရောက်လာခဲ့ပြီး အထူးသဖြင့် တရုတ်ကအထူးလာရောက်ခဲ့ပါတယ်။

ပြည်ပတိုးရစ်တွေဟာ ၂၀၁၂ က ၈.၄ သန်းကနေ မနှစ်က ၁၉.၇ သန်းအထိ တိုးတက်လာပေမယ့် ၂၀၂၀ မှာ တစ်နှစ်ကို သန်း ၄၀ အထိ ရှိဖို့၊ သူတို့နှစ်စဉ်သုံးစွဲငွေက နှစ်ဆတိုးပြီး ၃.၅ ထရီလျံယန်းရှိဖို့ အာဘေးရဲ့ မျှော်မှန်းချက်က ပြည့်မီဖို့ ခက်ခဲနေပါတယ်။

မနှစ်က ယန်းငွေ ပြန်မတ်လာပြီး ဧည့်သည်တစ်ဦးချင်း ကုန်ကျစရိတ်လျော့သွားခြင်းနဲ့အတူ ခရီးသွားလုပ်ငန်း ဒုတိယအကြိ်မ်အလုံးအရင်းများလာရင် ဂျပန်ဘဏ်တွေ၊ ကုန်ထုတ်လုပ်ငန်းတွေ၊ ဆောက်လုပ်ရေးလုပ်ငန်းတွေနဲ့ ခရီးသွားအေဂျင်စီတွေ အထောက်အကူဖြစ်နိုင်ပါတယ်။

ဂျပန်မှာ လောင်းကစားဟာ အလျှံပယ်ရှိပြီးဖြစ်ပြီး နေရာတကာမှာ ဥပဒေနဲ့ညီမညီ သေချာမသိရပေမယ့် ပေါ်ပေါ်ထင်ထင် ဖွင့်လှစ်နေကြတဲ့ “ပါချင်ကို” ပင်ဘောခန်းမတွေကနေ အစိုးရကခွင့်ပြုတဲ့ မြင်းလောင်းတာ၊ စက်လှေနဲ့ စက်ဘီးစီးပြိုင်ပွဲ လောင်းတာတွေ ရှိနေပါတယ်။ ဒါပေမယ့် ဒီဝါသနာအရအလုပ်တွေဟာ မထင်မရှားဖြစ်ပြီး ဂျပန်က အလွန်အမင်းလိုချင်နေ တဲ့ ငွေအလျှံပယ်သုံးနိုင်သူ နိုင်ငံခြားဧည့်သည်တွေကြားမှာ လူကြိုက်မများပါဘူး။

လူထုကလည်း သဘောသိပ်မတွေ့လှဘဲ လတ်တလောနှစ်တွေမှာလုပ်တဲ့ လူထုစစ်တမ်းတွေအရ ကာစီနိုကို ဆန့်ကျင်သူ တွေက ထောက်ခံသူတွေထက်များပြီး အချိုးအစားအားဖြင့် ၆၅ – ၃၀ ရာခိုင်နှုန်းလောက် ရှိပါတယ်။ ဒါပေမယ့် အာဘေးနောမစ်ကို ထောက်ခံသူတွေနဲ့အတူ ဝန်ကြီးချုပ်ဟာ သူ့ရဲ့နိုင်ငံရေးအာဏာကိုအသုံးပြုပြီး တခြားလူကြိုက်နည်းတဲ့ စစ်ရေးတိုးချဲ့ခြင်းလိုမျိုး လုပ်ငန်းတွေနဲ့အတူ ကာစီနိုကိုလည်း ရှေ့တိုးဆောင်ရွက်ဖွယ်ရှိပါတယ်။

စုပြည့်စုံ

Ref: Reuters, Oct 18th
Kumudra

COMMENTS

Name

art,1,article,1303,cartoon variety,22,crime,66,culture,1,documentary,7,Entertainment,8,health,32,history,2,international,7348,interview,220,knowledge,8,Live,8,LocalNews,15702,news,2842,opinion,765,photos,203,poem,116,satires,39,song,12,speech,12,sports,140,statement,59,technic,56,translate,34,video,1068,voice,76,
ltr
item
dawnmanhon: အာဘေးရဲ့နိုင်ငံရေးအသာရမှုက ဂျပန်မှာ ကာစီနိုဝိုင်းတွေ တရားဝင်လုပ်ကိုင်ခွင့်ရစေမည်
အာဘေးရဲ့နိုင်ငံရေးအသာရမှုက ဂျပန်မှာ ကာစီနိုဝိုင်းတွေ တရားဝင်လုပ်ကိုင်ခွင့်ရစေမည်
http://www.kumudranews.com/wp-content/uploads/1-136.jpg
dawnmanhon
http://www.dawnmanhon.com/2016/10/blog-post_212.html
http://www.dawnmanhon.com/
http://www.dawnmanhon.com/
http://www.dawnmanhon.com/2016/10/blog-post_212.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy