မြောင်းမြ ပြည်သူ့လွှတ်တော် ကိုယ်စားလှယ်၏ အိမ်ထောင်ရေး ပြသ၁နာကို ၀င်ရောက် စွက်ဖက်ရန် မရှိဟု ဦးဝင်းထိန်ဆို

ယနေ့ နေပြည်တော် စည်ပင်ဧည့်ရိပ်သာဝင်းအတွင်းက ယူနီစန် စားသောက်ဆိုင် တွင် NLD ပါတီ၏ CEC လစဥည် ပုံမှန် အစည်းအဝေး ကို ပြုလုပ်ခဲ့ကြောင်း သတင်းရရှိပါသည်။ အဆိုပါ အစည်းအဝေးအပြီးတွင် အန်အယ်လ်ဒီပါတီ အတွင်းရေးမှူးအဖွဲ့ဝင် ဦးဝင်းထိန်က ယခု အွန်လိုင်းပေါ်တွင် အပြောများနေသည့် မြောင်းမြမြို့နယ် ကိုယ်စားပြု ပြည်သူ့လွှတ်တော်ကိုယ်စားလှယ်၏ အိမ်ထောင်ရေးဖောက်ပြန်မှု ကိစ္စအား ပါတီက လူကြီးများက သိရှိထားပြီး ဖြစ်ကြောင်း သတင်းထောက်များကို ပြောကြားခဲ့သည်။

“ရွှေပြည်သာကိစ္စကတော့ တရားဥပဒေ အတိုင်းပဲ။ ဒါ့အပြင် လွှတ်တော် ကိုယ်စားလှယ်တွေ အုပ်ချုပ်မှုပိုင်း ဝင်ရောက် စွက်ဖက်မယ် ဆိုရင်တော့ အရေးယူသွားမယ်"ဟု ဆိုသည်။

“လွှတ်တော်ကိုယ်စားလှယ်က ဥပဒေကြောင်းက လူ၊ အုပ်ချုပ်မှုဆိုတာ သက်သက်၊ ဥပဒေ ကြောင်းကလူက အုပ်ချုပ်မှုပိုင်းက လူနဲ့ သွားပြီး မရောနဲ့ မစွက်ဖက်နဲ့၊ သွားပြီး စွက်ဖက်ရင် ပြဿနာတတ်မယ် အဲ့ဒါဆို ဥပဒေ အကြောင်းရပဲ အရေးယူမယ်။ ကျနော်တို့က ဝင်ပြီးတော့ ပါမှာ မဟုတ်ဘူး။ ကိုယ့်ဘာသာ ကိုယ်ရှင်းကြ။” ဟု ဦးဝင်းထိန်က ပြောကြားခဲ့သည်။

"မန္တလေးမှာ ဖြစ်တဲ့ လူငယ်ခေါင်းဆောင်စိုးမိုးသူ ကိစ္စလည်း ဥပဒေအတိုင်းပဲ၊ ဘာမှ ၀င်မစွက်ဘူး။” ဟု ဦးဝင်းထိန်က ဆိုသည်။

ကြားဖြတ်ရွေးကောက်ပွဲနဲ့ပတ်သက်ပြီး ပြင်ဆင်ချက်ရှိတာ ပြင်ဆင်ဖို့၊ လူငယ်တွေ ပြန်လည် ဖွဲ့စည်းဖို့၊ လူငယ်တွေကဏ္ဍအတွက် တရုတ်ပြည် ကို စေလွှတ်ဖို့ ကိစ္စတွေ ကို ဆွေးနွေး ခဲ့တယ်လို့ ဦးဝင်းထိန်က သတင်းထောက်များကို ပြောပြခဲ့သည်။

မြောင်းမြမြို့နယ် ကိုယ်စားပြု ပြည်သူ့လွှတ်တော် ကိုယ်စားလှယ် ဖြစ်သူ ဒေါက်တာ ဦးစိုးမိုးသူ မှာ လက်ရှိ အိမ်ထောင် ရှိသော်လည်း မန္တလေးမြို့တွင် နေထိုင်သည့် တစ်ခုလပ် အမျိုးသမီး တစ်ဦးနှင့် ဟိုတယ်တွင် အတူတည်းခိုနေစဉ် တရားဝင် ဇနီးမယားဖြစ်သူက ရဲဖြင့် လာရောက် ဖမ်းဆီးခဲ့ပြီး ရဲစခန်းတွင် ၃ပွင့်ဆိုင် ဖြေရှင်းမှုကို ပြုလုပ်ခဲ့သည်ဟု NLD သတင်းရပ်ကွက်နှင့် နီးစပ်သူများက ယနေ့ ဖေ့ဘုတ်လူမူကွန်ယက်တွင် အများအပြားရေးသားထားသည်ကို တွေ့ရှိရသည်။

The Ladies News
Labels:

Post a Comment

[blogger][facebook]

Author Name

Contact Form

Name

Email *

Message *

Powered by Blogger.