အိန္ဒိယ-မြန်မာနယ်စပ် မိုရေးမြို့ဗုံးပေါက်ကွဲမှုကြောင့် နယ်စပ်ဂိတ်ပိတ်ထားရ



အိန္ဒိယ-မြန်မာနယ်စပ်
အိန္ဒိယ-မြန်မာ နယ်စပ်ဒေသမှာ မတည်မငြိမ်အခြေအနေတွေ ပေါ်ပေါက်ခဲ့ရာက အဓိကနယ်စပ်ဂိတ်ကို ပိတ်လိုက်တဲ့အတွက် ဒေသခံတွေ အခက်အခဲ ကြုံနေရပါတယ်။ နယ်စပ်မြို့ဖြစ်တဲ့ တမူးမြို့မှာ ပစ်ခတ်မူဖြစ်တဲ့ တနေ့တည်းမှာပဲ မိုးရေးမြို့ဘက်မှာလည်း ပေါက်ကွဲမူဖြစ်တဲ့အတွက် နယ်စပ်ဂိတ်ကို လုံခြုံရေးအတွက် ပိတ်လိုက်တာပါ။ အကြောင်းစုံကိုတော့ ဆက်သွယ်စုံစမ်းထားတဲ့ ဗွီအိုအေ မြန်မာပိုင်းသတင်းထောက် မအေးအေးမာ သတင်းပေးပို့ထားပါတယ်။

အိန္ဒိယ-မြန်မာ နယ်စပ် တမူးမြို့က နမ်ဖာလုံဈေးအနီးမှာ အောက်တိုဘာလ ၂ရက်နေ့က သေနတ်ပစ်ခတ်မှု ဖြစ်ပွားခဲ့ပြီး၊ ညဘက်မှာလည်း အိန္ဒိယနိုင်ငံဘက် မိုးရေးမြိုဘက်မှလည်း ပေါက်ကွဲမူတခု ဖြစ်ပွားခဲ့တာကြောင့် တနင်္လာနေ့ကစလို့ ၂ နိုင်ငံ နယ်စပ်ဂိတ်ကို ပိတ်လိုက်တာပါ။ လုံခြုံရေး အခြေအနေကြောင့် ၂ နိုင်ငံကြား နယ်စပ်ဂိတ်ကို ပိတ်ထားရတာ ဖြစ်တယ်လို့လည်း တမူးမြို့နယ် ဒုတိယခရိုင်ရဲတပ်ဖွဲမှူး ရဲမှူးတင့်ဝေကအခုလို ပြောပြပါတယ်။

“အဲဒါပြီးတော့ သူတို့ဘက်မှာ ပေါက်ကွဲမှုဖြစ်တယ်ခင်ဗျ။ သူတို့ ဘန်ကာ ရပ်ကွက်ခေါ်တာပေါ့ သူတို့ ရပ်ကွက်ကလမ်းထဲမှာပေါက်တာ။ ဟိုဘက်နိုင်ငံမှာလေ ပေါက်ကွဲမှုဖြစ်တယ် အဲဒါကြောင့်မို့လို့ ပိတ်တာပါ။ ဟိုဘက်ကနေ ပိတ်တာ ၊ ဂိတ်က နမ်ဖာလုံဈေးနဲ့ အ၀င်အထွက် ဂိတ်တခုနဲ့ အဲဒါပဲပိတ်တာ။ ဟိုဘက်က သွားလို့ရပါတယ်။ အဓိက သူတို့ main အ၀င်အထွက်လုပ်တဲ့အပေါက်ကိုပဲ ပိတ်ထားတာ။”

အိန္ဒိယနိုင်ငံဘက်ခြမ်းက လာရောက်သူအချင်းချင်း ဖြစ်ခဲ့တယ်လို့ဆိုတဲ့ တမူးမြို့က ပစ်ခတ်မှုအတွက် အိန္ဒိယနိုင်ငံဘက်က နယ်စပ်ဆက်ဆံရေးကော်မတီက တာဝန်ရှိသူတွေကို အကြောင်းကြားထားပေမဲ့ တစုံတရာ တုန့်ပြန်တာမျိုး မရှိသေးဘူးလို့လည်း ရဲမူးတင့်ဝေကဆိုပါတယ်။

“သူတို့အထဲကိုဝင်သွားတာ ။ သူတို့ဘက်ကိုဝင်သွားတော့ သူတို့ ဖမ်းဆီးရမယ့်တာဝန် စိစစ်ပေးရမယ့်တာဝန်ရှိတယ်လေ။ သူတို့ကိုအကြောင်းကြားထားတာပေါ့နော်။ အခုအထိတော့ ဘာမှ ထူးခြားမှုမရှိသေးဘူး။”

တမူးဘက်ခြမ်းနမ်ဖာလုံဈေးမှာ ဈေးရောင်နေသူတွေကတော့ လူအသွားအလာမရှိ ဂိတ်ပိတ်ထားတဲ့အတွက် အရောင်းအ၀ယ်တွေ ကျဆင်းနေတယ်လို့ ပြောကြပါတယ်။ ဒါပေမယ့် ရဲမှူးတင့်ဝေ ကတော့ နယ်စပ်ဒေသမှာ အရောင်းအ၀ယ်တွေ သိသိသာသာ ထိခိုက်မှုမရှိဘူးလို့ ဆိုပါတယ်။

“နမ်ဖာလုံဈေးအရောင်းအ၀ယ်တွေကတော့ နည်းနည်းလေးတော့ ဟိုဟာဖြစ်တာပေါ့။ ဒါပေမယ့်လို့ ပုံမှန်သွားလာနေတဲ့ဟာတွေကတော့ ပြဿနာမရှိပါဘူး။ ဒီဘက်က ကုန်ပစ္စည်းပို့တာတို့၊ သယ်တာတို့ ကတော့ ပြဿနာမရှိပါဘူး။ ဒီဈေးကို အကြောင်းပြုပြီးတော့မှ အသေးအမွားဝယ်တာ၊ ဟိုဘက်ကနေ လာဝယ်တဲ့ဟာပေါ့ ။ အဓိကတော့ ဟိုဘက်ကလူတွေထိခိုက်တာပေါ့ဗျာ။”

အိန္ဒိယနိုင်ငံနဲ့ နယ်စပ်တမူးမြို့မှာ မကြာခန အခုလို ပစ်ခတ်မူတွေရှိနေပြီး ဒီနှစ်ထဲမှာပဲ နယ်စပ်မှာ ၃ကြိမ်ထက် မနည်း ပစ်ခတ်မူပေါက်ကွဲမူတွေ ဖြစ်ခဲ့တာပါ။ ဒါပေမယ့် ပစ်ခတ်မူတွေဖြစ်ပြီးတိုင်းမှာ နှစ်နိုင်ငံနယ်စပ်တွေကနေ တဆင့်ထွက်ပြေးလွတ်မြောက်သွားကြပြီး ဖမ်းဆီးရမိတာတွေတော့ သိပ်မတွေရဘူးလို့ ဒေသခံတွေက ဆိုပါတယ်။အခုမှာတော့နယ်စပ်မှာ တည်ငြိမ်နေသလို အဓိက ဂိတ်ပိတ်ထားတဲ့ အတွက်တော့ ဈေးရောင်းဈေးဝယ်အလုပ်နဲ့ လုပ်ကိုင်စားသောက်သူတွေကတော့ အခက်အခဲတွေရှိနေတယ်လို့ ပြေဆိုကြပါတယ်။

 မအေးအေးမာ / ဗွီအိုအေ (မြန်မာပိုင်း)
http://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.