ဝ တပ်ဖွဲ့ အနေဖြင့် သံလွင်အရေးတွင် တရုတ်ဘက်မလိုက်ရန် စိုင်းလိတ် တိုက်တွန်း


စက်တင်ဘာလ ၃၀ ရက် ၂၀၁၆

အင်အားအကြီးဆုံး တိုင်းရင်းသား လက်နက်ကိုင် အဖွဲ့ဖြစ်သည့် UWSA ၀ အနေဖြင့် သံလွင်မြစ် ရေကာတာ နှင့်လျှပ်စစ်စီမံကိန်း အရေးတွင် တရုတ်ဘက်မလိုက်ဘဲ ပြည်ထောင်စု သားများနှင့် အတူလက်တွဲ ဆောင် ရွက်ရန် CSSU သျှမ်းပြည်ညီညွတ်ရေး ကော်မတီမှ ကော်မတီဝင် စိုင်းလိတ်က တိုက်တွန်းလိုက်သည်။

သံလွင်မြစ်ပေါ်တွင်တည်ဆောက်မည့် စီမံကိန်း အားလက်ခံရန် UWSA အား တရုတ်ဘက်မှ ဖိအားပေး မှု များတွင် UWSA အနေဖြင့် ပါဝင်ခြင်းမရှိဘဲ အောက်ခြေလူထု အဖွဲ့အစည်းများနှင့် လူထုဆန္ဒကို ဆန့်ကျင် မှုမပြုပဲ ပြည်ထောင်စုတိုင်းရင်းသားများနှင့် အတူလက်တွဲဆောင်ရွက်ရန် စက်တင်ဘာ ၂၈ ရက်နေ့က ထုတ်ပြန်သည့် နောင်ဖှရေကာတာ စီမံကိန်းနှင့် ပတ်သက်သော ရှမ်းအင်အားစုများ၏ ထုတ်ပြန်ချက်တွင် တိုက်တွန်းထားကြောင်း သိရသည်။

“ UWSA က တရုတ်နဲ့ပတ်သက်လို့ Buffer Zoneဆိုတဲ့ နယ်ခြားဒေသဖြစ်တယ်။ တရုတ်အတွက် ကိုကြည့်ပြီးတော့ မှ ပြည်ထောင်စုကြီးအတွက် ရှေးရှုတဲ့ လုပ်ငန်းမျိ်ုးကို မလုပ်ဘူး။ တရုတ်အစိုးရ အလိုကျ သာလိုက်လုပ်မယ်ဆိုရင် ပြည်ထောင်စုဖွားအချင်းချင်းကြားထဲမှာ စိတ်ဝမ်းကွဲစရာတွေဖြစ်စေနိုင်တယ်” ဟု ပြောသည်။

သျှမ်းပြည်နယ်အတွင်း သံလွင်စီမံကိန်းများအပါဝင် မြစ်ငယ် ( ဒုဌ၀တီမြစ် ) ပေါ်ရှိစီမံကိန်းများအား ဒေသခံ များမှ ကန့်ကွက်မှုများရှိနေသော်လည်း UWSA ၀ တပ်ဖွဲ့နှင့် သမ္မတ ဦးသိန်းစိန် အစိုးရတာဝန်ရှိသူများ ၂၀၁၄ ခုနစ်က တွေ့ဆုံစဉ် သံလွင်မြစ်ပေါ်မှ ရေအားလျှပ်စစ် ထုတ်ယူခွင့်နှင့် သီပေါအနီးတွင် လျှပ်စစ်ဓါတ် အားထုတ်ယူခွင့်ပေးရန် ၀ တပ်ဖွဲ့မှ တင်ပြခဲ့သည်ဟု Eleven Media ၏ သတင်းတပုဒ်တွင် ဖော်ပြခဲ့ဖူးသည်။

သံလွင်မြစ်ပေါ်စီမံကိန်းများနှင့် မြစ်ငယ်မြစ်ပေါ်ရှိစီမံကိန်းများမှာ တရုတ်ရင်းနှီးမြှပ်နှံမှုဖြင့် တည်ဆောက်မည့် စီမံကိန်းများဖြစ်ပြီး ပဋိပက္ခနှင့် တိုက်ပွဲများ ဖြစ်ပွားရာ ဒေသများတွင် တည်ရှိသည်။

ပြည်ထောင်စုအရေးကိစ္စများတွင် တက်တက်ကြွကြွပါဝင်လှုပ်ရှားသင့်ကြောင်း UWSAဒေသတွင် လူထုအခြေ ပြုအဖွဲ့အစည်းများမရှိသည့်အတွက် UWSA အနေဖြင့် လူထုအခြေပြုအဖွဲ့အစည်း အနေဖြင့်လည်း ကောင်း၊ ပြည်သူလူထု အနေဖြင့်လည်းကောင်းပါဝင်သင့်ပါဝင်ထိုက်သည့်အတွက် ရှမ်းအင်အားစုများအနေဖြင့် ကမ်းလှမ်းရခြင်းဖြစ်သည်ဟုလည်း စိုင်းလိတ်က ဆိုသည်။

စိုင်းလိတ်က “ အခုငြိမ်းချမ်းရေးဖြစ်စဉ်မှာ ၀ မပါလို့မဖြစ်ဘူး။ ၀ က အင်မတန်အရေးကြီးတဲ့အခန်းကဏ္ဍမှာေ၇ာက်နေတာပေါ့။ သူတို့အနေနဲ့ သံလွင်ကိုရပ်စဲမယ်ဆိုရင် ငြိမ်းချမ်းရေးကိစ္စမှာ ဒီထက်မက ပိုပြီးတော့မှ နီးနီးကပ်ကပ်ပူးပေါင်းပါဝင်နိုင်တယ်ဆိုတဲ့ပုံမျိုး အလေးတင်လိုက် မယ်ဆိုရင်ပိုပြီးတော့မှ အကျိုးထိရောက်နိုင်တာပေါ့”ဟု ပြောသည်။

ရှမ်းပြည်နယ်အတွင်း သံလွင်မြစ်ပေါ်တွင် ရေကာတာ ၄ ခု တည်ဆောက်ရန် ယခင် စစ်အစိုးရလက်ထက်ကတည်းက သဘောတူခဲ့ကာ အားလုံးမှာ တရုတ်ရင်းနှီးမြှပ်နှံမှုများ ဖြင့် တည်ဆောက်မည်ဖြစ်ပြီး လျှပ်စစ် ၉၀ % မှာ တရုတ်သို့တင်ပို့မည်ဖြစ်ကာ ဒေသခံ သိန်းနှင့်ချီ နေရပ်စွန့်ခွာရဖွယ်ရှိနေသည်။

သျှမ်းသံတော်ဆင့်၊ စိုင်းအောင်ဆိုင်း
Panglong(Burmese)
https://www.facebook.com/Panglong.burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.