မစန်းကေခိုင်၏ လက်ချောင်းလေးများကို စတင်ခွဲစိတ်ကုသ၊ နဂိုအတိုင်း ပြန်ကောင်းနိုင်ခြေရှိဟုဆို


အင်းဝအပ်ချုပ်ဆိုင်ပိုင်ရှင်မိသားစု၏ ညှဉ်းပန်းနှိပ်စက်မှုကြောင့် လက်ဆယ်ချောင်းလုံးကျိုးခဲ့ရပြီး မကွေးနိုင်၊ မဆန့်နိုင်ဖြစ်နေသည့် မစန်းကေခိုင်၏ ယာဘက် လက်ချောင်းလေးများကို အောက်တိုဘာ ၅ ရက်က ရန်ကုန် ဆေးရုံကြီး လက်ပိုင်းဆိုင်ရာကုသရေးအဆောင်တွင် စတင်ခွဲစိတ်ကုသပေးပြီဖြစ်ကြောင်း သတင်းရရှိသည်။

 ထိုသို့ခွဲစိတ်ကုသရာတွင် လက်ပိုင်းဆိုင်ရာကုသရေးဌာနမှ ဌာနမှူးပါမောက္ခ ဒေါက်တာဦးခင်မောင်မြင့်၊ တွဲဖက်ပါမောက္ခဒေါက်တာမျိုးမင်းဦးတို့၏ ဦးဆောင်မှုဖြင့် ကုသပေးခြင်းဖြစ်ပြီး ပထမဆုံးခွဲစိတ်မှုကို နှစ်နာရီနီးပါး ခွဲစိတ်ကုသပေးခဲ့ခြင်းဖြစ်ကြောင်း သိရသည်။ ပထမနေ့ ခွဲစိတ်ကုသမှုအပြီးတွင် မစန်းကေခိုင်၏ လက်ချောင်းလေးများ နဂိုအတိုင်း ပြန်လည်ကောင်းမွန်လာနိုင်ရန် ပြုလုပ်ရမည့် ခွဲစိတ်ကုသမှုအဆင့်အားလုံး၏ ၅၀ ရာခိုင်နှုန်းကျော်ပြီးစီးခဲ့သည်ဟု ဆိုသည်။

''မကွေးနိုင်မဆန့်ဖြစ်နေတဲ့လက်ချောင်းလေးတွေကို ကွေးနိုင်ဆန့်နိုင်အောင်လို့ ကျွန်တော်တို့က ကပ်နေတဲ့ ကြွက်သားတွေ၊ အရွတ်တွေကို ပြန်ပြီးပြုပြင်တာပေါ့။ ဘယ်လောက်ရာခိုင်နှုန်း ပြန်ကောင်းနိုင်မလဲဆိုတာ ကတော့ လောလောဆယ် ပြီးပြီးချင်းအခြေအနေကတော့ ၈၀၊ ၉၀ ရာခိုင်နှုန်းလောက် ပြန်လှုပ်နိုင်မယ်။ အချိန်ပေးရင်တော့ နဂိုအတိုင်းပြန် ဖြစ်သွားနိုင်တယ်''ဟု တွဲဖက်ပါမောက္ခဒေါက်တာမျိုးမင်းဦးက ပြောကြား သည်။

ယနေ့ခွဲစိတ်ကုသမှုတွင် မစန်းကေခိုင်၏ ယာဘက်လက်ချောင်းငါးချောင်းကိုသာ စတင်ခွဲစိတ်ခြင်းဖြစ်ပြီး နောက်ပိုင်းတွင် ၀ဲဘက်လက်ချောင်းများနှင့် တံတောင်ဆစ် ကွေးနိုင်ဆန့်နိုင်အောင် ဆက်လက်ခွဲစိတ်ကုသရန် ကျန်ရှိသေးသည့်အပြင် ယာဘက်လက်ချောင်းလေးများမှာလည်း နောက်ဆက်တွဲ ခွဲစိတ်ကုသမှုများပြုလုပ်ရန် ကျန်ရှိသေးကြောင်း၊ မစန်းကေခိုင်အား ခွဲစိတ်ကုသမှု အလုံးစုံပြီးဆုံးသည်အထိ ရန်ကုန်ဆေးရုံကြီး၌ပင် ပြုစု စောင့်ရှောက်ပေးထားမည်ဖြစ်ကြောင်း ၎င်းက ပြောကြားသည်။

''ဒီဟာရဲ့ result ကို ကြည့်ရဦးမယ်။ ဒီ function ကိုကြည့်ပြီးမှ နောက်တဆင့်ကို ဆုံးဖြတ်ပါမယ်။ တိုးတက်မှု ကို ကျွန်တော်တို့ပါမောက္ခဦးဆောင်တဲ့ လက်ပိုင်းဆိုင်ရာဌာနက ပြန်လည်သုံးသပ်ပြီးတော့မှ နောက်ထပ် ခွဲစိတ်မှု ဆက်လုပ်မယ်''ဟု တွဲဖက်ပါမောက္ခဒေါက်တာမျိုးမင်းဦးက ပြောကြားသည်။

မစန်းကေခိုင်နှင့် မသဇင်တို့နှစ်ဦးသည် အင်းဝအပ်ချုပ်ဆိုင်ပိုင်ရှင်မိသားစုထံတွင် ငါးနှစ်ကြာ အိမ်အကူအဖြစ် လုပ်ကိုင်ခဲ့ရာ လူမဆန်စွာညှဉ်းပန်းနှိပ်စက်ခံရခြင်းကြောင့် မစန်းကေခိုင်မှာ လက်ချောင်းဆယ်ချောင်းလုံးကျိုး ခဲ့ရပြီး ခန္ဓာကိုယ်အနှံ့တွင်လည်း ဒဏ်ရာများရရှိခဲ့သည်။ မသဇင်၏ဒဏ်ရာများမှာမူ များစွာစိုးရိမ်ဖွယ်ရာ မရှိကြောင်း သိရသည်။

၎င်းတို့နှစ်ဦးစလုံးကို စက်တင်ဘာ ၂၁ ရက်မှစ၍ ရန်ကုန်ဆေးရုံကြီး လက်ပိုင်းဆိုင်ရာကုသရေးအဆောင်တွင် ဆေးကုသပေးလျက်ရှိကြောင်း သိရသည်။

အော်စကာ/ မင်းဇာနည်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.