အကြမ်းဖက် စီးနင်း တိုက်ခိုက်သူလေးဦး ဖမ်းဆီးရမိ



တပ်မတော်စစ်ကြောင်းများက မောင်တောမြို့နယ် ကျေးရွာများအတွင်း ဝင်ရောက်ရှင်းလင်းစဉ် အကြမ်းဖက် စီးနင်း တိုက်ခိုက်သူလေးဦး ဖမ်းဆီးရမိ
နေပြည်တော် အောက်တိုဘာ ၁၁

ရခိုင်ပြည်နယ် မောင်တောမြို့နယ်နှင့် ရသေ့တောင်မြို့နယ်တို့တွင် ဖြစ်ပွားခဲ့သော ဖြစ်စဉ်များနှင့်ပတ်သက်၍ မောင်တော မြို့နယ် ကျေးရွာများအတွင်း အကြမ်းဖက်စီးနင်းတိုက်ခိုက်သူများ ဝင်ရောက်ခိုအောင်း နေထိုင်လျက် ရှိကြောင်း သတင်းများအရ တပ်မတော်စစ်ကြောင်းများက နယ်မြေရှင်းလင်းလျက်ရှိသည်။

ထိုသို့ ရှင်းလင်းစဉ် အောက်တိုဘာ ၉ ရက် ည ၈ နာရီခွဲ ခန့်က ငါးခူရကျေးရွာဖြစ်စဉ်တွင် ပါဝင်ခဲ့သည့် အန်ဒရာမူလာ ကိန်းနှင့် မော်လဝီဖော်ဒီတာလောင်တို့ နှစ်ဦးကို ဖမ်းဆီးရမိ ခဲ့သည်။

ထို့ပြင် အောက်တိုဘာ ၁၀ ရက် နံနက် ၉ နာရီခန့်က တောင်ပိုင်ညာကျေးရွာအား ဝင်ရောက်ရှင်းလင်းစဉ် ရွာသား ရှစ်ဦးခန့်က ဓား၊ တုတ်များဖြင့် ရုတ်တရက် ဝင်ရောက် တိုက်ခိုက်လာမှုကြောင့် ပြန်လည် ပစ်ခတ်ရှင်း လင်းရာ အကြမ်း ဖက် စီးနင်းတိုက်ခိုက်သူ အလောင်း ခုနစ်လောင်းနှင့် ၎င်းတို့ ကိုင်ဆောင်တိုက်ခိုက်ခဲ့သော ဓား၊ တုတ်များအား သိမ်းဆည်းရမိခဲ့သည်။

အလားတူ မောင်နှမအလယ်ကျေးရွာအတွင်း ကျီးကန်းပြင်စခန်းဌာနချုပ် လက်နက်တိုက်များ ဖောက်ထွင်း ရာတွင် အဓိကပါဝင်သူ နှစ်ဦး ပုန်းခိုနေထိုင်လျက်ရှိကြောင်း နှင့် လက်နက်များ သိုဝှက်ထားကြောင်း သတင်းများအရ တပ်မတော်စစ်ကြောင်းများက အောက်တိုဘာ ၁၁ ရက် နံနက်၅ နာရီခန့်တွင် ဝင်ရောက်ရှင်းလင်းရာ ဝဲဘက် ခြေထောက်တွင် ဒဏ်ရာများရရှိထားသည့် အစ္စမာန်နှင့် ကျေးရွာတာဝန်ခံ အဘူကာလာမ်တို့ နှစ်ဦးကို ဖမ်းဆီးရမိခဲ့သဖြင့် စစ်ဆေးမေးမြန်း ခဲ့ရာ ၎င်းတို့နှစ်ဦးမှာ ကျီးကန်းပြင်စခန်းအား အကြမ်းဖက်စီးနင်းတိုက်ခိုက်စဉ် ပါဝင်ခဲ့သူများဖြစ်ကြောင်း သိရသည်။

တပ်မတော်စစ်ကြောင်းများသည် အကြမ်းဖက်ဖြစ်စဉ် များ၌ ပါဝင်ခဲ့သူများ ဖော်ထုတ်ဖမ်းဆီးနိုင်ရေးနှင့် လက်နက် များ သိုဝှက်ထားသည့်နေရာများကို ရှာဖွေရှင်းလင်းနိုင်ရေးဖမ်းဆီးရမိသူ အကြမ်းဖက်သမား လေးဦးအား စစ်ဆေးမေးမြန်းလျက်ရှိကြောင်း သတင်းရရှိသည်။

(မြ၀တီ)
MOI Webportal Myanmar
https://www.facebook.com/MOIWebportalMyanmar/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.