ပါဝါ ၊ သြဇာနှင့် ဂုဏ်သိက္ခာ

အမေရိကန်အစိုးရရုံးစိုက်ရာ ၀ါရှင်တန်မြို့အတွက် နိုင်ငံရေးသမားများ၏ ပါဝါကစားပွဲများမှာ မထူးဆန်းတော့သော်လည်း ပြီးခဲ့သည့် လအတွင်း ဖြစ်ပေါ်ခဲ့မှုများက အခြားအရာများကို လွှမ်းမိုးသွားခဲ့သည်။ မြန်မာ့ခေါင်းဆောင် နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်၏ အမေရိကန်ခရီးစဉ် ကာလအတွင်း အမေရိကန်အစိုးရသည် အကောင်းဆုံး ပူးပေါင်းလုပ်ဆောင်မှုပုံစံဖြင့် လှုပ်ရှားဆောင်ရွက်မှုများ ပြုခဲ့သည်။

ဒေါ်အောင်ဆန်းစုကြည် စီးနင်းလာသည့် လေယာဉ်က အတ္တလန္တိတ် သမုဒ္ဒရာကို ဖြတ်ကျော်နေဆဲ အချိန်တွင်ပင် အမေရိကန် ရီပက်ဘလီကန် လွှတ်တော်အမတ် ဂျွန်မက်ကိန်းနှင့် ဒီမိုကရက်တစ် လွှတ်တော်အမတ် ဘန်ကာဒင် တို့ ပူးပေါင်း၍ “မြန်မာနိုင်ငံဆိုင်ရာ မဟာဗျူဟာ ဥပဒေ ၂၀၁၆” ကို လွှတ်တော်၌ တင်သွင်းခဲ့သည်။

ထိုဥပဒေမှာ ခြစားမှုနှင့် လူ့အခွင့်အရေး ချိုးဖောက်မှုတို့ နှစ်ရှည်လများ ကြုံတွေ့ခဲ့သည့် မြန်မာနိုင်ငံအား ကုန်သွယ်ရေး ပိတ်ဆို့ အရေးယူထားမှုများ ဖြေလျှော့ လိုအပ်နေသည့် မြန်မာနိုင်ငံအတွက် လိုအပ်သည့် ဥပဒေတစ်ရပ်ဖြစ်ပြီး အပြုသဘောဆောင်သော မိတ်ဆွေပီသသော ဥာဏ်အမြော်အမြင် ရှိသည့် လုပ်ဆောင်ချက်အဖြစ် ရည်ညွှန်းခံရသည်။

ထိုဥပဒေတွင် မြန်မာနိုင်ငံ၌ လူ့အခွင့်အရေး ချိုးဖောက်မှုနှင့် ခြစားမှုပြသ၁နာများ ဆက်လက်တည်ရှိနေသည်ကို ဖော်ပြထားသော်လည်း အမေရိကန် စီးပွားရေးလုပ်ငန်းနှင့် ရင်းနှီးမြှုပ်နှံမှုများမှ အကျိုးကျေးဇူး ရရှိနိုင်မည့် လမ်းညွှန်ချက်များကိုလည်း ထည့်သွင်း ဖော်ပြထားသည်။ စစ်အာဏာရှင် စနစ်အောက် တွင် နှစ်ငါးဆယ်ကြာ နေခဲ့ရပြီး လက်ရှိတွင်လည်း ရုန်းကန်နေရဆဲဖြစ်သည့် မြန်မာနိုင်ငံအား အခက်အခဲများကြား လျစ်လျူရှုထားမည့်အစား အမေရိကန် အနေဖြင့် မြန်မာနိုင်ငံရှိ ပွင့်လင်းမြင်သာမှုနှင့် တာဝန်ခံမှုရှိသည့် စီမံကိန်းများကို ထောက်ပံ့ရန် ဥပဒေတွင် ဖော်ပြထားသည်။

ထောက်ပံ့ကူညီမှု မြှင့်တင်မည့် ဥပဒေသစ် တင်သွင်းမှုက ဒေါ်အောင်ဆန်းစုကြည်အတွက် ခရီးစဉ်ကို များစွာအထောက်အကူ ပြုခဲ့သည်။ ညနေ အစောပိုင်းတွင် ဒေါ်အောင်ဆန်းစုကြည်သည် အိမ်ဖြူတော် ဘဲဥပုံရုံးခန်း၌ တွေ့ဆုံခဲ့သည်။ ခရီးစဉ်တလျောက် တွေ့ဆုံမှုတိုင်းတွင် ဒေါ်အောင်ဆန်းစုကြည်အား အမေရိကန်နိုင်ငံမှ ခေါင်းဆောင်များ နိုင်ငံရေးသမားများက များစွာ လေးစားမှုကို မြင်တွေ့နိုင်သည်။

သမ္မတ အိုဘားမားက သူ၏ ဧည့်သည်တော်အား ပြီးခဲ့သည့် ၆ လအတွင်း စွမ်းဆောင်နိုင်မှုများအတွက် ချီးကျူးခဲ့ပြီး အမေရိကန်အနေဖြင့် မြန်မာနိုင်ငံအား စီးပွားရေး ပိတ်ဆို့ အရေးယူခြင်းအစား အခြားပုံစံဖြင့် ကူညီထောက်ပံ့နိုင်မည်ဟု ယုံကြည်ကြောင်း ပြောကြားခဲ့သည်။ အထူးသဖြင့် ဥပဒေပြုရေး ဥပဒေပြင်ဆင်ရေး ဘတ်ဂျက်အတည်ပြုရေးတို့တွင် ထိပ်တိုက်တွေ့နေကြဖြစ်သည့် အမေရိကန်နိုင်ငံမှ ပါတီကြီး ၂ ခု၏ ပူးပေါင်းဆောင်ရွက်မှုမှာ အံ့ဖွယ်ဖြစ်သည်ဟု ၀ါရှင်တန် နိုင်ငံရေးအသိုင်းအ၀န်းက မှတ်ချက်ပြုကြသည်။

ထိုအချက်များမှာ ဒေါ်အောင်ဆန်းစုကြည်၏ သြဇာကို ဖော်ပြနေသည်။ အခက်အခဲမျိုးစုံဖြင့် ရုန်းကန်နေရနိုင်သည့် အစိုးရတစ်ခုအား ဟန်ချက်ညီညီ ရှေ့ဆက်နိုင်ရန် ဦးဆောင်မှုပေးနိုင်သော သြဇာအာဏာဖြစ်သည်။

ဝါရှင်တန်တွင် အမေရိကန်၏ ပါတီကြီးနှစ်ခုအကြား နှစ်ပေါင်းများစွာ အပြန်အလှန် ဆန့်ကျင်အပြစ်တင်ခဲ့သည့် အလေ့အထအရ တစ်ဦး၏ အစီအစဉ်ကို တစ်ဦးက ထောက်ခံရန် စိတ်ဝင်စားမှု နည်းပါးသည်။ ဒေါ်အောင်ဆန်းစုကြည်၏ သြဇာအာဏာမှာ နိုင်ငံအကျိုး ထမ်းဆောင်သူများအား ပထမဦးစားပေးနေရာမှ ဂုဏ်ပြုခြင်းကြောင့် ထိရောက်အလုပ်ဖြစ်ခြင်း ဖြစ်သည်။ ဖက်ဒရယ် ဒီမိုကရေစီနိုင်ငံတစ်ခု ထူထောင်ခြင်းကို ကြီးကြပ်နေသည့် မြန်မာ့ ခေါင်းဆောင်အား ၀ါရှင်တန်က စိတ်ရောလက်ပါ ထောက်ခံကူညီခြင်း ဖြစ်သည်။

မြန်မာနိုင်ငံ၏ ပြောင်းလဲမှုပုံစံက အလုပ်ဖြစ်နိုင်ခြင်း ရှိမရှိနှင့် ပုဂ္ဂိုလ်ရေးနှင့် အမျိုးသားရေး ဂုဏ်သိက္ခာက အလုပ်ဖြစ်ရန် တွန်းအားပေးနိုင်ခြင်း ရှိမရှိ မေးခွန်းများ ရှိနေသည့် နိုင်ငံကို ဦးဆောင်နိုင်ရန် နှစ်ပေါင်းများစွာ အနစ်နာခံခဲ့သူ တစ်ဦးအား ရင့်ကျက်သည့် ဒီမိုကရေစီဖြင့် အကူအညီပေးရန်အတွက် ၀ါရှင်တန် မှ နိုင်ငံရေးသမားများက အခြင်းခြင်း နာကျည်းချက်အဖုအထစ်များကို လွယ်ကူစွာ ကျော်လွှားပြခဲ့သည်။ ထို့အပြင် အမေရိကန်အစိုးရအတွက် တွန်းအားဖြစ်စေခဲ့သည့် ဒေါ်အောင်ဆန်းစုကြည်၏ ဂုဏ်သိက္ခာက မြန်မာနိုင်ငံတွင် နှစ်အနည်းငယ်အတွင်း အကောင်းဆုံး အစိုးရ ပုံစံကို ဖြစ်လာနိုင်မည်လားဟု မေးခွန်းထုတ်စရာရှိသည်။

ဒေါ်အောင်ဆန်းစုကြည်သည် ပြည်သူတို့၏ ကြီးမားသော ယုံကြည်ထောက်ခံမှု ရရှိထားသည်။ သူသည် နိုင်ငံကို ဦးဆောင်ရန် ပြင်ဆင်ထားသူလည်း ဖြစ်သည်။ နေအိမ်အကျယ်ချုပ်ဖြင့် ထိန်းသိမ်းခံထားရသည့် ၁၅ နှစ်တာအချိန်အတွင်း ဒေါ်အောင်ဆန်းစုကြည်သည် အခွင့်အရေး ရရှိလာပါက မည်သို့ ဆောင်ရွက်မည်ကို အချိန်တိုင်း ပြင်ဆင်ခဲ့သူ ဖြစ်သည်။ ယခုအခွင့်အရေး ရလာချိန်တွင် အလဟသ၁မဖြစ်စေဘဲ အမိအရ ဆောင်ရွက်နိုင်ခဲ့သည်။

NLD ပါတီက ရွေးကောက်ပွဲတွင် အမတ်နေရာ ၈၀ ရာခိုင်နှုန်းခန့်ဖြင့် အနိုင်ရခဲ့ပြီးနောက် ယခုအခါတွင် အားကျိုးမာန်တက် လုပ်ကိုင်နေသည့် ဒေါ်အောင်ဆန်းစုကြည်ကို မကူညီလိုသူ ရှားမည်ဖြစ်သည်။ ဒေါ်အောင်ဆန်းစုကြည်၏ ၀ါရှင်တန်ခရီးစဉ်တွင် မြန်မာနိုင်ငံအတွက် ရေရှည် အကျိုးကျေးဇူးများ ရရှိခဲ့သည့်အပြင် အမေရိကန်နိုင်ငံရေးလောကအတွက်လည်း ကောင်းသော နမူနာများဖြင့် အကျိုးရှိစေခဲ့သည်။ ဒေါ်အောင်ဆန်းစုကြည်က ဒီမိုကရေစီသည် အလုပ်ဖြစ်ကြောင်း၊ ပူးတွဲလုပ်ဆောင်မှုများသည် အလုပ်ဖြစ်ကြောင်း ပြသခဲ့သည်။

မြန်မာမဟာဗျူဟာဥပဒေ ၂၀၁၆ အတည်ပြုပြီးပါက နောင်လာမည့် မြန်မာအစိုးရအဖွဲ့အဆက်ဆက်သည် ၀ါရှင်တန်မြို့သို့ တစ်နှစ်လျှင် ရက်သတ္တပတ်ခန့် လာရောက်ပြီး နိုင်ငံအတွက် လိုအပ်ချက်များကို တင်ပြပြီး အကူအညီများ ရယူနိုင်တော့မည် ဖြစ်သည်။ ထိုသည်ကား ဒေါ်အောင်ဆန်းစုကြည်၏ ပါဝါ ဖြစ်ပေသည်။

မောင်နိုး
The Ladies News
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.