နယ်သာလန် နိုင်ငံခြားရေးဝန်ကြီး မြန်မာပြည် ကူညီရေး ကတိပေးပြောကြား


( ရန်ကုန်လေဆိပ်ကို အောက်တိုဘာလ ၁၁ ရက်နေ့က ရောက်ရှိလာတဲ့ နယ်သာလန်နိုင်ငံ နိုင်ငံခြားရေးဝန်ကြီး H.E. Mr. Bert Koenders နဲ့အဖွဲ့ ကို တွေ့ရစဉ် )Photo: MOI
မြန်မာနိုင်ငံကို ရောက်ရှိနေတဲ့ နယ်သာလန်နိုင်ငံခြားရေးဝန်ကြီး Bert Koenders ဘာ့တ် ခိုအင်းဒါးစ် ဟာ မနေ့က ရခိုင်ပြည်နယ် စစ်တွေမြို့ကို သွားရောက်ပြီး ဝန်ကြီးချုပ် ဦးညီပု ဦးဆောင်တဲ့ ပြည်နယ်အစိုးရအဖွဲ့ဝင်တွေနဲ့ တွေ့ဆုံခဲ့ပါတယ်။ ပြည်နယ်ဝန်ကြီးချုပ် ဦးညီပုရဲ့ပြောဆိုချက်အရ အဲဒီ တွေ့ဆုံပွဲမှာ ရခိုင်ပြည်နယ်အစိုးရအဖွဲ့ဝင်တွေက နယ်သာလန်နိုင်ငံအနေနဲ့ ရခိုင်ပြည်နယ်ဖွံ့ဖြိုးရေးအတွက် အကူအညီတွေပေးဖို့ တောင်းဆိုပြောကြားခဲ့ပြီး နယ်သာလန် နိုင်ငံခြားရေးဝန်ကြီးကလည်း ရခိုင်ပြည်နယ်မှာ အလုပ်အကိုင်တွေ ရရှိရေးအတွက် ပူးပေါင်းဆောင်ရွက်မှာဖြစ်သလို နည်းပညာအထောက်အကူတွေလည်း ပံ့ပိုးကူညီမယ်လို့ ကတိပေး ပြောကြားခဲ့ကြောင်း သိရှိရပါတယ်။

နယ်သာလန် အစိုးရရဲ့ ထုတ်ပြန်ချက်မှာတော့ နိုင်ငံခြားရေးဝန်ကြီးဟာ ပြည်နယ်အစိုးရအဖွဲ့နဲ့ တွေ့ဆုံအပြီးမှာ နိုင်ငံရေးပါတီနဲ့ လူမှုအဖွဲ့အစည်းတွေကိုလည်း တွေ့ဆုံပြီး ရခိုင်ပြည်နယ်က လူမျိုးစုအသိုင်းအဝန်းမှာ ဖြစ်ပေါ်နေတဲ့ ပြဿနာတွေကို အလေးပေးဆွေးနွေးမယ်လို့ ဖေါ်ပြထားပါတယ်။

နိုင်ငံခြားရေးဝန်ကြီး ခိုအန်းဒါးစ် ဟာ မြန်မာပြည်ဒီမိုကရေစီ ပြောင်းလဲမှုတွေကို အထောက်အပံ့ပေးဖို့ လာရောက်တာဖြစ်ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ဒီကနေ့ မနက်တွေ့ဆုံမှာ ဖြစ်ပါတယ်။ ဒါ့အပြင် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ပြည်သူ့လွှတ်တော် ဥက္ကဌ ဦးဝင်းမြင့်တို့ကိုလည်း သီးခြားတွေ့ဆုံပါလိမ့်မယ်။

အဲဒီတွေ့ဆုံပွဲတွေမှာ မြန်မာအစိုးရသစ် ရင်ဆိုင်နေရတဲ့ စိန်ခေါ်မှုတွေ၊ ပြည်တွင်းငြိမ်းချမ်းရေးနဲ့ လူ့အခွင့်အရေး အခြေအနေတွေနဲ့ နှစ်ပြည်ထောင်အကြား ကုန်သွယ်မှုမြှင့်တင်ရေးကိစ္စတွေကိုလည်း ဆွေးနွေးမယ်လို့ သိရပါတယ်။

ဒါ့အပြင် နိုင်ငံခြားရေးဝန်ကြီး ခိုအန်းဒါးစ်ဟာ ဒီ ခရီးစဉ်အတွင်း ရန်ကုန်မြို့မှာ နယ်သာလန် သံရုံးသစ်ကို ဖွင့်လှစ်ပေးမှာ ဖြစ်ပါတယ်။

RFA Burmese
https://www.facebook.com/rfaburmese


Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.