ရေနံချက်ဖိုတွေ ပိတ်သိမ်းဖို့ အဆို ဧရာဝတီတိုင်းလွှတ်တော် အတည်ပြု



ဒုတိယအကြိမ် ဧရာဝတီတိုင်းဒေသကြီး လွှတ်တော် ဒုတိယပုံမှန်အစည်းအဝေး ကျင်းပစဉ်။ ဓါတ်ပုံ - မန်းဂျော်နီ ဖေ့စ်ဘွတ်
ဧရာဝတီတိုင်းဒေသကြီး မြန်အောင်၊ ကြံခင်းနဲ့ အင်္ဂပူမြို့နယ်မှာရှိတဲ့ ရေနံချက်ဖိုတွေဟာ သစ်တောပြုန်းတီးပြီး သဘာဝပတ်ဝန်းကျင်ကို ထိခိုက်စေတဲ့အတွက် ပိတ်သိမ်းဖို့ အဆိုကို ဧရာဝတီတိုင်းလွှတ်တော်မှာ ဒီနေ့ အတည်ပြုလိုက်ပါတယ်။

အဲဒီအဆိုနဲ့ပတ်သက်ပြီး ဧရာဝတီတိုင်းဒေသကြီး စွမ်းအင်၊ လမ်းပန်းဆက်သွယ်ရေးနဲ့ လျှပ်စစ်ဝန်ကြီး ဦးဝင်းဌေး က ထောက်ခံကြောင်းနဲ့ တိုင်းဒေသကြီးအစိုးရအဖွဲ့အနေနဲ့ ဆက်လက်ဆောင်ရွက်သွားမယ်လို့ ပြောကြား ခဲ့ကြောင်း ကြံခင်းမြို့နယ် တိုင်းဒေသကြီး လွှတ်တော်ကိုယ်စားလှယ် ဦးသော်ဇင်ဝင်း က ပြောပါတယ်။

"အဆိုကတော့ အောင်မြင်သွားပါတယ်ခင်ဗျ၊ အစိုးရ၀န်ကြီး ဖြေသွားတာကတော့ အဆိုကို လက်ခံကြောင်းနဲ့ အဆိုပါအချက်များအတိုင်းပေါ့၊ အစိုးရအဖွဲ့ အစည်းအဝေးခေါ်ယူပြီး ဆုံးဖြတ်သွား မှာဖြစ်ကြောင်း ဖြေသွားပါတယ်ခင်ဗျ" လို့ ဦးသော်ဇင်ဝင်း က ပြောတာဖြစ်ပါတယ်။

အဲဒီအဆိုကို မြန်အောင်မြို့နယ် တိုင်းဒေသကြီး လွှတ်တော်ကိုယ်စားလှယ် ဒေါ်စုစုအောင်က မနေ့က တင်သွင်းခဲ့တာဖြစ်ပါတယ်။

ဧရာဝတီတိုင်းဒေသကြီးအတွင်းမှာ လုပ်ကိုင်နေတဲ့ ရေနံချက်ဖိုတွေဟာ မြန်မာနိုင်ငံ အလယ်ပိုင်း လက်ယက် တွင်းတွေက ထွက်လာတဲ့ ရေနံတွေကို ချက်လုပ်တာဖြစ်ပါတယ်။

ရေနံချက်လုပ်ရာမှာ အသုံးပြုရတဲ့ ထင်းလောင်စာ လိုအပ်ချက်တွေကြောင့် မြန်အောင်၊ ကြံခင်းနဲ့ အင်္ဂပူမြို့နယ်က သစ်တောကြိုးဝိုင်းတွေမှာ သစ်တောပြုန်းတီးမှုတွေကို ဖြစ်ပေါ်စေတယ်လို့လည်း လွှတ်တော်ကိုယ်စားလှယ်တွေ က ပြောပါတယ်။

ရေနံဖိုတွေကို ဖျက်သိမ်းတဲ့အခါ ထင်းအလွန်အကျွံသုံးစွဲမှုကြောင့် သစ်ပင်ခုတ်လှဲတာတွေ သစ်ထုတ်လုပ် မှုတွေ လျော့နည်းသွားမှာဖြစ်ကြောင်း လွှတ်တော်ကိုယ်စားလှယ်တွေက ထောက်ပြဆွေးနွေးကြတာဖြစ်ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.