ရာဇ၀တ်မှုတွေများလာတဲ့နိုင်ငံ


သရ၀ဏ်(ပြည်)ှ

ကျွန်တော်ဧည့်လမ်းညွှန်ဖြစ်ကာစ ၁၉၉၅ ခုပါတ်ဝန်းကျင်ကာလများက နိုင်ငံခြားသားများမကြာခနမေးသော မေးခွန်းတစ်ခုရှိသည် ။ထိုမေးခွန်းမှာ မြန်မာနိုင်ငံတွင်ရာဇ၀တ်မှုခင်းဖြစ်ပွားနှန်းမှာ မြင့်မားပါသလားဆိုသည့်အမေးဖြစ်သည် ။ မှန်သည့်အတိုင်းဖြေရလျှင် ထိုခေတ်က မြန်မာနိုင်ငံတွင်ရာဇ၀တ်မှုဖြစ်ပွားနှုန်းမှာအတော်ပင်နည်းပါသေးသည် ။ထို့ ကြောင့်နိုင်ငံခြားသားများအား ကျွန်တော်တို့ နိုင်ငံတွင် ခိုးမှု လောင်းကစားမှု မူးယစ်ရမ်းကားမှုကဲ့သိုသောအသေးစားရာဇ၀တ်မှုများအနည်းငယ်ဖြစ်ပွားလေ့ရှိသော်လည်း ကမ္ဘာပေါ်ရှိ အခြားမြို့ကြီးများနှင့်စာလျှင် ရာဇ၀တ်မှုဖြစ်ပွားနှုန်း နည်းပါးပါကြောင်း ပြန်ဖြေရလေ့ရှိပါသည် ။ ထိုအခါ တိုးရစ်များက ထိုသို့ ရာဇ၀တ်မှုဖြစ်ပွားနှုန်းနည်းပါးရခြင်းမှာ စစ်အစိုးရအုပ်ချုပ်သောကြောင့်လား ၊ သို့ မဟုတ် ဗုဒ္စဘာသာကိုးကွယ်သောနိုင်ငံဖြစ်သောကြောင့်ပေလောဟုထပ်မံမေးမြန်းကြပါသည် ။ မြန်မာနိုင်ငံသူနိုင်ငံသားများသည် ဗုဒ္စဘာသာအခြေခံဖြစ်သောငါးပါးသီလကို လိုက်နာစောင့်ထိမ်းကြသဖြင့် လည်းကောင်း ၊ စစ်အစိုးရလက်ထက်တွင် အကြောက်တရားကြီးစိုးနေသောကြောင့်လည်းကောင်း နှစ်ခုစလုံးကြောင့်ဖြစ်နိုင်ကြောင်းဖြေကြားခဲ့ပါသည် ။ သို့ သော် အသေးစိတ်ကျွန်တော်မဖြေကြားခဲ့သောအချက်များလည်းများစွာကျန်ရှိခဲ့ပါသည် ။ သေချာသည် ကား ထိုခေတ်ထိုကာလက မြန်မာနိုင်ငံတွင် ရာဇ၀တ်မှုများယခုခေတ်ကလို မများသေးပါ ။

နှစ်ပေါင်း ၂၁ နှစ်ကျော်ကြာပြီးနောက် ယခုအခါတွင် ထိုမေးခွန်းကို တိုးရစ်များထပ်မံလာရောက်မေးမြန်းမည်ဆိုပါက မြန်မာနိုင်ငံသည် အရှေ့တောင်အာရှဒေသတွင် ရာဇ၀တ်မှုဖြစ်ပွားနှုန်းအမြင့်ဆုံးနိုင်ငံများထဲတွင်ပါဝင်နေပြီဟုပင်ထင်မြင်ပါကြောင်းဖြေကြားမိပေမည် ။ လူသတ်မု ၊ မုဒိမ်းမှု ၊ ပြန်ပေးဆွဲမှု ၊လူမှောင်ခိုမှု ၊ ရိုက်နှက်မှု ၊ဓားပြမှု ၊ ခိုးမှု ၊လက်နက်မှု စသည့်အမှုအခင်းများသည် နေ့ ခင်းကြောင်တောင်လူမြင်ကွင်းမှာပင်နေ့စဉ်ရက်ဆက်မြန်မာနိုင်ငံအနှံ့ ဖြစ်ပွားနေကြပေ၏ ။ ငါးလောင်းပြိုင်လူသတ်မှု ၊လေးလောင်းပြိုင်လူသတ်မှု ဆိုသည်များသည် ဟိုးတောကြိုအုံကြားမှာပင်မဟုတ် ရန်ကုန်မြို့ ကြီးမှာပင် ဖြစ်ပွားခဲ့ပြီးယခုထက်တိုင်လက်သည်တရားခံမပေါ်ခဲ့ခြင်းဖြစ်ပေသည် ။ကြည့်မြင့်တိုင်၌ ဆရာဝန်တစ်ယောက်၏အိမ်သို့ နေ့ ခင်းကြောင်တောင်အနုကြမ်းဝင်စီးခြင်းမှာလည်းတ၇ားခံလွတ်မြောက်နေဆဲဖြစ်သည် ။ တနိုင်ငံလုံးတွင်တရားခံလွတ်နေဆဲရာဇ၀တ်မှုများကို တန်းစီချရေးပြနေရလျှင် စာမျက်နှာ များမကုန်နိုင်အောင်ရှိပေလိမ့်မည် ။သက်ငယ်မုဒိန်းမှုကဲ့သို့ သော မကြားဝံ့မနာသာအမှုများအကြောင်းပြောပြရလျှင်တစ်ထောင့်တစ်ညပုံပြင်လိုမဆုံးနိုင်အောင်ရှိပေလိမ့်မည် ။ ကျွန်တော်ပြောလိုရင်းမှာ ဒါတွေဘာကြောင့်ဖြစ်လာသလဲ ။မြန်မာနိုင်ငံဘာကြောင့်ပြောင်းလဲသွားသလဲဆိုတာဖြစ်သည် ။ အပြောင်းအလဲ၏အစမှာ ၁၉၉၆ လွန်နှစ်များက ရှမ်းပြည်နယ်နယ်စပ်ဒေသများမှ လက်နက်ကိုင်အဖွဲ့ အချို့နှင့် ဗိုလ်ချုပ်ခင်ညွန့် ခေါင်းဆောင်သောစစ်အစိုးရအဖွဲ့ တို့ အပစ်အခတ်ရပ်စဲရေးသဘောတူညီချက်ယူလိုက်ချိန်မှစသည်ထင်သည် ။ ထိုသို့ တိုင်းရင်းသားလက်နက်ကိုင်အဖွဲ့ အချို့နှင့်ငြိမ်းချမ်းရေးသဘောတူညီချက်ယူလိုက်ခြင်း (အပစ်အခတ်ရပ်စဲရေးလုပ်လိုက်ခြင်းကို )လက်နက်နှင့်ငြိမ်းချမ်းရေးလဲလှယ်သည် ဟု အစိုးရဘက်ကခေါ်ဝေါ်သုံးနှုန်းခဲ့သည် ။ ယခင်အခါများစွာက မြို့ကြီးပြကြီးများသို့ တရားဝင်လာရောက်ခွင့်မရခဲ့သော တောတွင်းလက်နက်ကိုင်အဖွဲ့ အချို့သည် ထိုသို့ လက်နက်နှင့်ငြိမ်းချမ်းရေးဆိုသော ကိစ္စကြီးအပြီးတွင် မြန်မာပြည်တွင်းသို့  စိတ်ကြိုက်ဝင်ထွက်ခဲ့ကြသည် ။ပထမဆုံးရှေ့တန်းခံတပ်စခန်းစတင်ကျဆုံးရသည်မှာမန္တလေးမြို့ဖြစ်သည် ။ မန္တလေးသည် တစ်သက်လုံးကရှိခဲ့သော မြန်မာမှု ယဉ်ကျေးမှုစံနှုန်းများနေရာတွင် အာဏာနှင့်ငွေကြေးကို စိတ်ထင်တိုင်းသုံးနိုင်သော တရုတ်စကားပြော ပြည်တွင်းငြိမ်းချမ်းရေးအဖွဲ့ တွေ၏ခြေရာတွေဝင်ရောက်လာသည် ။ မြေကွက်များစွာကိုမတန်တဆဈေးပေး၍၀ယ်ယူကြသောကြောင့် မန္တလေးမြိခံရွှေဗမာတို့  အိမ်ရောင်း မြေရောင်း ခြံဝိုင်းများရောင်းကာမြို့စွန်၊ မြို့သစ်အရပ်များဆီဆုတ်ခွာရသည် ။ ဆုတ်ခွာရသည်မှာကိစ္စမရှိသေး ။ တရားမ၀င်လက်နက်ကိုင်ဆောင်ထားသော ထို အလင်းဝင်သူပုန်များကို မြို့ခံ လူကောင်းသူကောင်းများကကြောက်ကြရရုံသာမက ဥပဒေဘက်တော်သားဖြစ်သော ယာဉ်ထိန်းရဲ ၊ ပြည်သူ့ ရဲတို့ အပေါ်မှာပါ အထက်ကိုပိုင်သည့်အပေါက်များဖြင့် မထီမဲ့မြင် ပမာမခန့်လုပ်ကြသည် ။စစ်အစိုးရနှင့်ပါတ်သက်သော စစ်ဗိုလ်ချုပ်ကြီးများကိုသာမက ၊ အလင်းဝင်လာသော တိုင်းရင်းသားလက်နက်ကိုင်များထင်တိုင်းကြဲ သည်ကိုပြည်သူလူထုကကြောက်နေကြရသည် ။

ဤအဖြစ်အပျက်သည် မြန်မာနိုင်ငံတွင်ဥပဒေစိုးမိုးမှုပျက်သုဉ်းခြင်း၏အစ ၊ ရာဇ၀တ်မှုများတိုးပွားလာရခြင်း၏အကြောင်းရင်းခံဖြစ်တော့သည် ။ မြန်မာနိုင်ငံ၏တရားစီရင်ရေးသည် ငွေနှင့်အာဏာရှိသူတို့ လိုသလိုပုံဖော်၍ရသော ယန္တယားကြီးဖြစ်လာသည် ။ အာဏာသာအမိအာဏာသာအဖ ၊ငွေသာအမိငွေသာအဖဖြစ်လာသည် ။တိုင်းသူပြည်သားများသည် တရားဥပဒေအပေါ်ယုံကြည်ကိုးစားမှု ကျဆင်းလာသည် ။ အမှုတစ်မှုဖြစ်လျှင် နှစ်ပေါက်အောင်စစ်ဆေးပြီး ရယ်ရွှင်ဖွယ်ကောင်းသော စီရင်ချက်များဖြင့်အဆုံးသတ်လေ့ရှိသဖြင့် မည်သူမှ အချိန်ကုန်ငွေကုန် လူပင်ပန်းခံပြီးတရားရုံးသို့မသွားလိုတော့ ။ ရေလောင်းလျှင်နေကောင်းမည်ကို သိနေကြပြီဖြစ်၍ တရားဥပဒေကိုမကြောက်တော့တာလဲပါသည် ။ လူတစ်ယောက်ကို လူပုံအလည်တွင် ပါးရိုက်ပြီး တစ်နှစ်လောက်ကြာအောင်အမှုစစ်ပြီး ဒဏ်ငွေတစ်ထောင်ကျပ်ဖြင့်ပြီးလိုက်သော ၊လူသတ်မှုကိုလူသေမှုဟုပြောင်းလဲသတ်မှတ်လိုက်သော ၊ မိန်းကလေးတစ်ယောက်ကိုမတရားဖမ်းဆီးချုပ်နှောင် ၊ခြေထောက်ကိုသံကြိုးဖြင့်ခတ်၊ မုဒိန်းကျင့် ပြန်ပေးဆွဲငွေတောင်းခံပြီး ချုပ်နှောင်ထားသောသူကိုထောင်ဒဏ်နှစ်နှစ်သာချလိုက်သော တရားစီရင်ရေးမျိုးကိုလူတို့က အားမထားတော့တာ သိပ်ပြီးမဆန်းတော့ပေ ။ ထိုအခါ ဘာကိစ္စပဲဖြစ်ဖြစ် ဥပဒေဘောင်အတွင်းမှရှင်းဖို့ ထက် မိမိဘာသာ ဟာမူရာဘီ၏ကိုဓ ဥပဒေဖြင့် ကိုယ်တိုင်စီရင်သော ဓလေ့များဖြစ်ပေါ်လာလေသည် ။ကိုယ်တိုင်ဒါးဖြင့်ခုတ်ကြသည်။ကိုယ်တိုင်တုတ်ဖြင့်ရိုက်ကြသည်။ကိုယ်တိုင်စကေဘာဖြင့်ထိုးကြသည်။ ကိုယ်တိုင်အက်ဆစ်ဖြင့်ပက်ကြသည် ။ကိုယ်တိုင်အုပ်စုဖွဲ့၍ရိုက်ကြသည် ။

အခြားတစ်ဖက်တွင် မြန်မာနိုင်ငံဝယ် မူးယစ်ဆေးဝါးရောင်းဝယ်ဖောက်ကားမှုသည် အနှစ်နှစ်ဆယ်ကာလအတွင်းတရှိန်ထိုး မြင့်မားလာသည် ။ထိန်းချုပ်၍မရလောက်အောင်ပင် ဖြစ်သည် ။ မူးယစ်ဆေးဝါးအမှုများတွင် သုံးစွဲသူများ ၊ အနည်းငယ်လက်ဝယ်တွေ့ ရှိသူများသာ ဥပဒေအတိုင်းစီရင်ခံရသည် ။ တန်နှင့်ချီ၍ထုတ်လုပ်သူများ ၊ ကားအစီးလိုက် သယ်ယူပို့ ဆောင်သူများ ၊ ပင်ရင်းထုတ်လုပ်သူများမှာ (မည်သည့်နည်းနှင့်မှန်းမသိ)လွတ်နေလေ့ရှိသည် ။တခါတရံဖမ်းဆီးရမိသောအလွန်များပြားသည့် မူးယစ်ဆေးဝါးများမှာလည်းပိုင်ရှင်မဲ့ဟူ၍ထူးဆန်းစွာဖြစ်နေလေ့ရှိသည် ။ မြန်မာနိုင်ငံတွင် မူးယစ်ဆေးဝါးသည် ယခင်က အရက်၊ဆေးခြောက်၊ဘိန်းမဲ ၊ဘိန်းဖြူ အဆင့်များသာရှိရာမှ ယခုအခါ ဘိန်းနှင့် စိတ်ကြွရူးသွပ်ဆေးပြား မှာရှေ့ တန်းသို့ရောက်လာသည် ။ယခင်က မူးယစ်ဆေးဝါးရရှိရန်ဝေးလံခေါင်ဖျားသောနေရာများတွင်အရောင်းအ၀ယ်လုပ်ကြသော်လည်း ယခုအခါ WY ဆေးပြား များမှာ စာသင်ကျောင်းအနီးမှာပင်လွယ်လွယ်ကူကူဝယ်လို့ရသည် ။ ပါရာစီတမောထက်ပင်ပေါပေါပဲပဲရှာရလွယ်လာသည်။ ရိုးရှင်းသောဖြစ်စဉ်အရ ဆေးသုံးသူသည် ဆေးဖိုးငွေလိုသည် ။ထိုငွေကို နေ့စဉ်မတတ်နိုင်လျှင်မရရအောင်ရှာမည် ။ ထိုအခါ ဆိုင်ကယ်ခိုးမှု ၊ ဖုန်းခိုးမှု မှသည်ဖောက်ထွင်းမှု ။လုယက်မှု ၊ လူသတ်မှုအထိကျူးလွန်လာကြတော့သည် ။ ဤကားဒုစရိုက်မှုများ များလာရခြင်း၏အကြောင်းတစ်ချက်ပင်တည်း။ မြွေပူရာကင်းမှောင့်အဖြစ်ရာဇ၀တ်မှုထူပြောဖို့ ထပ်မံအားဖြည့်ပေးသောအချက်မှာ သမ္မတဦးသိန်းစိန်လက်ထက် အကြိမ်ကြိမ်ပေးခဲ့သည့်လွတ်ငြိမ်းချမ်းသာခွင့်အမိန့်များဖြစ်သည် ။ နိုင်ငံရေးအကျဉ်းသားများလွှတ်ပေးရန်နိုင်ငံတကာမှတောင်းဆိုမှုကိုမျက်လှည့်ပြရန် သမ္မတဦးသိန်းစိန်နိုင်ငံခြားသွားကာနီးတိုင်း (သို့ မဟုတ်) နိုင်ငံတကာခေါင်းဆောင်များမြန်မာနိုင်ငံလာကာနီးတိုင်း လွတ်ငြိမ်းချမ်းသာခွင့်အမိန့်ဖြင့် အကျဉ်းသားထောင်ပေါင်းများစွာကိုလွှတ်ပေးလေ့ရှိသည် ။ထိုအထဲတွင် တကယ့်နိုင်ငံရေးအကျဉ်းသားအစစ်မှာ ဆယ်ဂဏန်းလောက်သာပါပြီး ရာဇ၀တ်မှုအကျဉ်းသား ခိုးဆိုးနှိုက် လူသတ် မုဒိမ်းသမားများသာ အဓိကပါဝင်ခဲ့သည် ။ သမ္မတဦးသိန်းစိန်၏ မျက်လှည့်ပွဲကြီးအောင်မြင်လားမအောင်မြင်လားတော့မသိ ၊တိုင်းပြည်မှာတော့ လူဆိုးသူခိုးများ အရည်အတွက်ရုတ်တရက်မြင့်တက်သွားရချေ၏ ။

ယခုအခါ မြန်မာနိုင်ငံ၏တရားစီရင်ရေးသည် လုံးဝကိုချွတ်ခြုံကျကာပျက်စီးခဲ့ပြီဖြစ်သည် ။ မူးယစ်ဆေးဝါးမှုဖြင့် ထောင်ကျနေသော လူငယ်တစ်ဦးနှင့် ကျွန်တော်စကားပြောခွင့်ရစဉ် သူပြောသောစကားမှာ အတော်ကို မှတ်သားစရာကောင်းသည်။

“အကြောင်းမသိခင်ကသာ ရှေ့နေတွေ ကိုယ့်အတွက်တရားခွင်မှာဘာတွေပြောသလဲဆိုတာစိတ်ဝင်စားနေတာ ၊ အခုဆို တရားခွင်မှာရှေ့နေတွေ ပြောချင်တာပြော ၊ တရားသူကြီးပြောချင်ရာပြော ကျွန်တော်စိတ်မ၀င်စားဘူး ။အဓိကကတော့ တရားသူကြီးကိုပိုက်ဆံများများသွားပေးနိုင်ရင် ပြီးသွားပြီ ။စွဲချက်ပုဒ်မတွေကိုလျှော့လို့ ရတယ် ။အယူခံမှာ ထောင်ကျမယ့်နှစ်ကို လျှော့လို့ ရတယ် ။ကံကောင်းရင်ကွင်လုံးကျွတ်တောင်လွတ်နိုင်သေးတယ် ။ မြန်မာပြည်မှာရေလောင်းရင်နေကောင်းသွားတာပဲ “

သရ၀ဏ်(ပြည်)

COMMENTS

Name

art,1,article,1288,cartoon variety,22,crime,54,culture,1,documentary,7,Entertainment,5,health,29,history,2,international,6717,interview,208,knowledge,5,Live,8,LocalNews,14609,news,2842,opinion,753,photos,202,poem,115,satires,38,song,12,speech,12,sports,131,statement,59,technic,49,translate,33,video,1061,voice,76,
ltr
item
dawnmanhon: ရာဇ၀တ်မှုတွေများလာတဲ့နိုင်ငံ
ရာဇ၀တ်မှုတွေများလာတဲ့နိုင်ငံ
http://guyanachronicle.com/wp-content/uploads/2014/01/Theft-crime.jpg
dawnmanhon
http://www.dawnmanhon.com/2016/10/blog-post_6.html
http://www.dawnmanhon.com/
http://www.dawnmanhon.com/
http://www.dawnmanhon.com/2016/10/blog-post_6.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy