ပြည်ထောင်စုသမ္မတမြန်မာနိုင်ငံတော်၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်မှ (၃၇) ကြိမ်မြောက် အာဆီယံ ပါလီမန်များညီလာခံ ဖွင့်ပွဲအခမ်းအနားသို့ ပြောကြားခဲ့သည့် မိန့်ခွန်းဘာသာပြန်ဆိုချက်


ပြည်ထောင်စု သမ္မတမြန်မာနိုင်ငံတော်၊ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်မှ
(၃၇) ကြိမ်မြောက် အာဆီယံ ပါလီမန်များညီလာခံ ဖွင့်ပွဲအခမ်းအနားတွင် ပြောကြားခဲ့သည့် မိန့်ခွန်း(မြန်မာဘာသာပြန်ဆိုချက်)

(၂၀၁၆ ခုနှစ် စက်တင်ဘာလ ၃၀ ရက် ၊ နေပြည်တော်)

လေးစားအပ်ပါသော အာဆီယံပါလီမန်များ ညီလာခံဥက္ကဌ၊ အာဆီယံပါလီမန်အသီးသီးမှ ဥက္ကဌ များ၊ ပါလီမန်ကိုယ်စားလှယ်များ၊ အာဆီယံအတွင်းရေးမှူးချုပ်နဲ့ ဧည့်သည်တော်များရှင့်-

ဒီကနေ့ (၃၇) ကြိမ်မြောက် အာဆီယံပါလီမန်များ အထွေထွေညီလာခံ ဖွင့်ပွဲအခမ်းအနားမှာ အဖွင့်မိန့်ခွန်း ပြောကြားခွင့်ရတဲ့အတွက် ကျေးဇူးဥပကာရ အထူးပင်တင်ရှိကြောင်း ပြောကြားလိုပါတယ်။ ယခုနှစ် အာဆီယံပါလီမန်များညီလာခံကို ပြည်ထောင်စုလွှတ်တော်နာယက မန်းဝင်းခိုင်သန်း လက်ထက်မှာ မြန်မာနိုင်ငံက အိမ်ရှင်နိုင်ငံအဖြစ် လက်ခံကျင်းပခွင့် ရရှိတဲ့အတွက်လည်း ဂုဏ်ယူ ဝမ်းမြောက်မိ ပါတယ်။

ဒီကနေ့အခမ်းအနားကို တက်ရောက်လာကြတဲ့ လူကြီးမင်းများ အားလုံး၊ ဒီညီလာခံကို ထောက်ခံ ကြောင်း ပြောကြားခဲ့ကြတဲ့အာဆီယံခေါင်းဆောင်များအားလုံးကို ပြည်ထောင်စုသမ္မတမြန်မာနိုင်ငံတော် အစိုးရ ကိုယ်စား ကျေးဇူးတင်ရှိပါကြောင်း ပြောကြားလိုပါတယ်။

လွှတ်တော်မရှိဘဲ နှစ်ပေါင်းများစွာကြာမြင့်ခဲ့တဲ့မြန်မာနိုင်ငံဟာ ၂၀၁၁ ခုနှစ်မှာ လွှတ်တော် ပြန်လည် ပေါ်ပေါက်လာပြီး နောက်ပိုင်းကစလို့ အာဆီယံပါလီမန်များ ညီလာခံကို တက်ရောက်ပါဝင်ခဲ့တာ အခုဆိုရင် (၆) ကြိမ် ပြည့်မြောက်ခဲ့ပါပြီ။ ကျွန်မတို့နိုင်ငံမှာ ၁၉၄၈ ခုနှစ် လွတ်လပ်ရေးရကတည်းက ပါလီမန် ဒီမိုကရေစီစနစ်ကို စတင်ကျင့်သုံးခဲ့ပါတယ်။ အဲဒီကာလတုန်းက မြန်မာနိုင်ငံဟာ အာရှမှာ ပါလီမန် ဒီမိုကရေစီစနစ်ကျင့်သုံးတဲ့ အစောဆုံးနိုင်ငံတွေအထဲမှာ ပါခဲ့ပါတယ်။ ဒါပေမယ့် မြန်မြန် ပြေးနိုင်တိုင်း ပြေးပွဲမှာ အမြဲအနိုင်မရနိုင်၊ ခွန်အားကြီးမားတိုင်းလည်း တိုက်ပွဲမှာ အမြဲအနိုင်မရတတ် ဆိုသလိုပဲ ကျွန်မတို့ဟာ ဖြစ်ရပ်ဆိုးတွေနဲ့ကြုံတွေ့ပြီး ပါလီမန် ဒီမိုကရေစီစနစ်ကို ဆုံးရှုံးခဲ့ရပါတယ်။ ဒါပေမယ့်လည်း အမျိုးမျိုးသော အားထုတ်မှုတွေနဲ့ မလျော့သော ဇွဲလုံ့လတို့ကြောင့် ကျွန်မတို့ဟာ ပြည်သူ့ လိုလားချက်ဆန္ဒကို ထင်ဟပ်စေတဲ့ ပါလီမန်ဒီမိုကရေစီ လမ်းကြောင်းအပေါ်ကို တစ်ဖန်ပြန်ပြီး ခြေချ လျောက်လှမ်းနိုင်ခဲ့ပြီ ဖြစ်ပါတယ်။ ဒီလွှတ်တော်ဟာ အားမာန်အပြည့်နဲ့တက်တက်ကြွကြွရှိမယ်လို့ ကျွန်မတို့ မျှော်လင့်ပါတယ်။

အာဆီယံ ပါလီမန်များ ညီလာခံရဲ့ ယခုနှစ်ဆောင်ပုဒ်ကတော့“အာဆီယံအသိုက်အဝန်း တိုးတက် ထွန်းကားရေး-အာဆီယံပါလီမန်များညီလာခံက တက်ကြွလှုပ်ရှားပေး”ပဲ ဖြစ်ပါတယ်။ ဒီနေ့အခမ်းအနားကို ကြွရောက်လာကြတဲ့ ကိုယ်စားလှယ်တော်များအနေနဲ့ ဒ်ီဆောင်ပုဒ်ထက်သာလွန်ပြီး ကြိုးပမ်းလုပ်ကိုင် ဆောင်ရွက်ကြမယ်ဆိုတာ ယုံကြည်ထားပါတယ်။ ကျွန်မရဲ့အတွေ့အကြုံအရ ကမ္ဘာတစ်ဝှမ်းက လွှတ်တော် ကိုယ်စားလှယ်တွေဟာ ပါတီတွေ၊ အယူအဆတွေ မတူကွဲပြားနေတဲ့ကြားမှာ အံ့အားသင့်ဖွယ်ရာ ကောင်း လောက်တဲ့ စိတ်ဓါတ်နဲ့ တက်တက်ကြွကြွ ညီညီညွတ်ညွတ် လုပ်ကိုင်တတ်ကြပါတယ်။ ဒီလို တက်ကြွတဲ့ စိတ်ဓာတ်ဟာလည်း မဲဆန္ဒရှင်ပြည်သူတွေက သူတို့ကို အပ်နှင်းလိုက်တဲ့ ကြီးလေးတဲ့တာဝန် ဝတ္တရားတွေ ကို အလေးအမြတ်ထားမှု၊ ဒီတာဝန်တွေကို ကိုယ်စွမ်းဥာဏ်စွမ်းရှိသမျှ အကောင်းမွန်ဆုံး ထမ်းရွက်သွား မယ်ဆိုတဲ့ စိတ်ပိုင်းဖြတ်ထားမှုတွေကြောင့်ပဲ ဖြစ်မှာပါ။

အာဆီယံအဖွဲ့ကြီးဟာ စည်းမျဉ်းစည်းကမ်းကို အခြေခံပြီး ပြည်သူလူထုကိုရှေးရှုဖို့၊ လူထုဗဟိုပြု အသိုက် အဝန်းတစ်ခု ဖြစ်လာဖို့ လမ်းစဉ်ချမှတ်ပြီး ကြိုးပမ်းဆောင်ရွက်နေတဲ့ အဖွဲ့ကြီး ဖြစ်ပါတယ်။ စည်းမျဉ်း အခြေပြုပြီး လူထုကို အလေးထားတဲ့ လူထုဗဟိုပြု အဖွဲ့အစည်း တစ်ရပ်ဖြစ်စေရန် ရည်ရွယ်ချက်များနဲ့ အာဆီယံအဖွဲ့ကြီးကို ဖွဲ့စည်းထားတာဖြစ်ပါတယ်။ စည်းမျဉ်းအခြေပြုဆိုတာဟာ အထူးသဖြင့် ဥပဒေပြု လွှတ်တော်အမတ်များအတွက် လွန်စွာပဲ အရေးကြီးပါတယ်။ ဥပဒေပြုသူတွေဟာ ဥပဒေကို ချိုးဖေါက်သူ တွေဖြစ်နေလို့ မရပါဘူး။ လွှတ်တော်တစ်ရပ်လုံး အနေနဲ့ရော သူတို့ ကိုယ်တိုင်ကိုယ်ကျပါ ဥပဒေစည်းမျဉ်း တွေနဲ့ လုပ်ထုံးလုပ်နည်းတွေ အပြင် ဒီမိုကရက်တစ်အစိုးရရဲ့ ဥပဒေပြုမဏ္ဍိုင်ကို အမှန်တကယ် ကိုယ်စားပြု နေတဲ့ ဥပဒေတွေကိုပါ သိရှိနားလည်နေရမှာ ဖြစ်ပါတယ်။ ဒါ့အပြင် စည်းမျဉ်းအခြေပြုပြီး လူထုကို အလေးထားတဲ့ လူထုဗဟိုပြု မူဘောင်များကို အကောင်းဆုံး အကောင်အထည်ဖော်ပေးနိုင်တဲ့ နိုင်ငံတော် အဆင့် အဖွဲ့အစည်းဟာ လွှတ်တော်ပဲ ဖြစ်ပါတယ်။

အာဆီယံရဲ့ လူထုဗဟိုပြုတဲ့ ဒီလမ်းစဉ်ကို အာဆီယံအဖွဲ့ဝင်နိုင်ငံတွေမှာ အကောင်းဆုံး ပုံဖော်နေတာက လွှတ်တော်ဆိုတဲ့ အဖွဲ့အစည်းတွေပဲဖြစ်ပါတယ်။ ဒါကြောင့်လည်း AIPA နဲ့ အာဆီယံအကြား မိတ်ဖက် ဖြစ်တည်မှုဟာ နှစ်ပေါင်းများစွာ တန်ဖိုးကြီးကြီး၊ သိက္ခာရှိရှိ၊ လက်တွေ့ကျကျနဲ့ အခိုင်အမာ တည်ရှိလာခဲ့ တာပဲ ဖြစ်ပါတယ်။ ဥပဒေပြုလွှတ်တော်တွေရဲ့ စိစစ်ကြီးကြပ်မှု၊ ထောက်ခံပံ့ပိုးမှုတွေကြောင့် အာဆီယံ နိုင်ငံတွေဟာ အာဆီယံရဲ့သဘောတူစာချုပ်တွေကို အတည်ပြုနိုင်ခဲ့ကြပြီး၊ သက်ဆိုင်တဲ့ ဥပဒေတွေကို အချိန်မီပြဌာန်းပေးနိုင်ခဲ့တဲ့အတွက် အာဆီယံရဲ့ နိုင်ငံရေးရည်မှန်းချက်တွေကို တရားဥပဒေစိုးမိုးရေး အောက်မှာ လက်တွေ့ကျကျ အကောင်အထည်ဖော်ဆောင်ရွက်နိုင်ခဲ့တာပဲ ဖြစ်ပါတယ်။

မကြာသေးခင်က လာအိုနိုင်ငံ၊ ဗီယန်ကျင်းမြို့မှာအာဆီယံခေါင်းဆောင်တွေနဲ့ AIPA ကိုယ်စားလှယ်တွေ အကြား ကျင်းပပြုလုပ်ခဲ့တဲ့ အာဆီယံ ထိပ်သီးအစည်းအဝေးမှာ အကျိုးရှိတဲ့ ဆွေးနွေးမှုတွေ ရရှိခဲ့တဲ့အတွက်အားတက်ခဲ့ရပါတယ်။ အာဆီယံအသိုက်အဝန်း မျှော်မှန်းချက် ၂၀၂၅ နဲ့ ကုလသမဂ္ဂရဲ့ ထောင်စုနှစ်ဖွံ့ဖြိုးရေး ရည်မှန်းချက်တွေ ပြည့်ဝဖို့ ဦးတည်ကြိုးပမ်း ဆောင်ရွက်နေတဲ့ ကျွန်မတို့အကြားမှာ ဒီနှစ်တွေ့ဆုံဆွေးနွေးမှုလိုပဲ နောင်လာမယ့် နှစ်ပေါင်းများစွာအထိ ဆက်လက်ဆွေးနွေးသွားကြဖို့ မျှော်လင့် ထားပါတယ်။

AIPA အဖွဲ့ကြီးဟာ အာဆီယံဒေသအတွင်းမှာ လူ့အခွင့်အရေး အခြေခံစံနှုန်းတွေ မြှင့်တင်ဖို့၊ ဒီမိုကရေစီ၊ ငြိမ်းချမ်းရေး၊ လုံခြုံရေးနဲ့ သာယာဝပြောရေးတို့ကို မြှင့်တင်ဖို့ ရည်ရွယ်ပြီး ကြိုးပမ်းဆောင်ရွက်နေတာ သိရှိရတဲ့အတွက်လည်း ဝမ်းမြောက်ဝမ်းသာဖြစ်ရပါတယ်။ AIPA အဖွဲ့ကြီးရဲ့ရည်မှန်းချက်တွေဟာ ခရီး ရှည်လျားပြီး စိန်ခေါ်မှုတွေ ပြည့်နှက်နေတဲ့ ဒီမိုကရေစီအသွင်ကူးပြောင်းရေးလမ်းကြောင်းကို ဆက်လက် လျှောက်လှမ်းနေတဲ့ ကျွန်မတို့ မြန်မာနိုင်ငံအတွင်းက ဦးစားပေးလုပ်ငန်းစဉ်တွေနဲ့ ထပ်တူ ထပ်မျှ တူညီနေတာကို သတိပြုမိကြမယ် ထင်ပါတယ်။

၂၀၁၅ ခုနှစ်၊ နိုဝင်ဘာလ အထွေထွေရွေးကောက်ပွဲမှာ ကျွန်မတို့ အနိုင်ရရှိပြီးတဲ့နောက် ယခုနှစ်၊ မတ်လကုန်မှာ အစိုးရသစ်ကို ဖွဲ့စည်းခဲ့ပါတယ်။ ဒီနေ့မှာဆိုရင် ကျွန်မတို့ အစိုးရသစ် တာဝန်ထမ်းဆောင် ခဲ့တာ ၆ လတိတိ ပြည့်မြောက်ခဲ့ပါပြီ။ အခွင့်သင့်ခိုက်မှာ ကျွန်မတို့ အစိုးရ ကြိုးပမ်းဆောင်ရွက်နေတဲ့ အဓိကလုပ်ငန်းစဉ်အချို့ကို အကျဉ်းချုံးပြီးတင်ပြလိုပါတယ်။

ကျွန်မတို့ အစိုးရသစ်ရဲ့ ပထမဦးစားပေးလုပ်ငန်းစဉ်ကတော့ ကျွန်မတို့ လူ့အဖွဲ့အစည်းတစ်ခုလုံးမှာ ရှိတဲ့ အစိတ်အပိုင်းအားလုံးအကြား အမျိုးသားပြန်လည်ရင်ကြားစေ့ရေးနဲ့ သဟဇာတဖြစ်ရေးကို ဖော် ဆောင်ဖို့ပဲ ဖြစ်ပါတယ်။ ပြီးခဲ့တဲ့လမှာပဲ စစ်မှန်တဲ့ ဒီမိုကရက်တစ် ဖက်ဒရယ်ပြည်ထောင်စု ထူထောင်ဖို့ ခြေလှမ်း တစ်ရပ်အနေနဲ့ ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံကို နေပြည်တော်မှာ ကျင်းပခဲ့ ပါတယ်။ ကျွန်မတို့နိုင်ငံ လွတ်လပ်ရေးရရှိချိန်ကစလို့ ဆယ်စုနှစ်နဲ့ချီပြီး ဖြစ်ပွားခဲ့ရတဲ့ပဋိပက္ခတွေကို နိဂုံးချုပ် အဆုံးသတ်နိုင်ဖို့ ယခင်အစိုးရ စတင်ခဲ့တဲ့ ငြိမ်းချမ်းရေးလုပ်ငန်းစဉ်ကို ကျွန်မတို့အနေနဲ့ ပြီးမြောက် အောင်မြင်အောင် လုပ်ဆောင်ပြီး ကျွန်မတို့ ပြည်သူအားလုံး နှစ်ပေါင်းများစွာ မျှော်လင့်တောင့်တနေတဲ့ ထာဝရငြိမ်းချမ်းရေး ရရှိအောင် ဆောင်ကြဉ်းပေးဖို့ ရည်မှန်းထားပါတယ်။

ကျွန်မတို့နိုင်ငံမှာ တိုင်းရင်းသားမျိုးနွယ်စုပေါင်း များစွာ ရှိနေတဲ့အပြင် ဆယ်စုနှစ်နဲ့ချီပြီး ဖြစ်တည် လာခဲ့တဲ့ ယုံကြည်မှု ပြိုကွဲခဲ့တာတွေကြောင့်ရှေ့ခရီးမှာ ရှုပ်ထွေးလှတဲ့စိန်ခေါ်မှုတွေနဲ့ ရင်ဆိုင်ရမယ်ဆိုတာ ယုံမှား သံသယ မရှိပါဘူး။ ဒါပေမယ့်လည်း ပူးပေါင်းဆောင်ရွက်လိုစိတ်၊ အပေးအယူလုပ် ညှိနှိုင်းဆွေးနွေး လိုစိတ်တွေနဲ့ ကျင်းပတဲ့ နိုင်ငံရေးဆွေးနွေးပွဲတွေက တစ်ဆင့် ကျွန်မတို့ ပြည်သူအားလုံးအတွက် ငြိမ်းချမ်း လုံခြုံပြီး သာယာဝပြောတဲ့ အနာဂတ်ဆိုတဲ့ ဘုံရည်မှန်းချက်ကို လက်တွေ့ ဖော်ဆောင်နိုင်မယ်လို့ ယုံကြည် ထားပါတယ်။

ရခိုင်ပြည်နယ်မှာရှိတဲ့ မတူညီတဲ့ အသိုင်းအဝိုင်းတွေအကြားမှာ သဟဇာတဖြစ်မှုနဲ့ နားလည်မှုတွေ ဆောင်ကြဉ်းပေးနိုင်ဖို့ကိုလည်း ကျွန်မတို့ ကြိုးပမ်းဆောင်ရွက်လျက် ရှိပါတယ်။ ရခိုင်ပြည်နယ် အခြေ အနေဟာ ရှုပ်ထွေးနက်နဲပါတယ်။ ကျွန်မတို့နိုင်ငံရဲ့ နယ်နိမိတ်ကို ကျော်လွန်ပြီး အာဆီယံဒေသနဲ့ ပြင်ပ ကမ္ဘာရဲ့ အာရုံစိုက်စရာ၊ စိုးရိမ်ပူပန်စရာ ကိစ္စရပ်တစ်ခု ဖြစ်လာနေပါတယ်။ ကျွန်မတို့အစိုးရသစ် စတင် ဖွဲ့စည်းချိန်က စတင်ပြီးတော့ ဒီစိန်ခေါ်မှုတွေကို ဖြေရှင်းနိုင်ဖို့ ကြိုးပမ်းဆောင်ရွက်ခဲ့ပါတယ်။ ရခိုင် ပြည်နယ် အတွင်း တည်ငြိမ် အေးချမ်းမှုနဲ့ တရားဥပဒေစိုးမိုးမှု သေချာခိုင်မာစေဖို့၊ လူဝင်မှုကြီးကြပ်ရေးနဲ့ နိုင်ငံသားစိစစ်ရေး လုပ်ငန်းတွေကို စနစ်တကျ စိစစ်ကြပ်မတ်နိုင်ဖို့၊ လူမှု-စီးပွားဖွံ့ဖြိုးတိုးတက်ရေးကို ဖော်ဆောင်နိုင်ဖို့ ကျွန်မကိုယ်တိုင် ဥက္ကဌ အဖြစ် ဆောင်ရွက်တဲ့ “ရခိုင်ပြည်နယ် တည်ငြိမ် အေးချမ်းမှုနှင့် ဖွံ့ဖြိုးမှု တိုးတက်ရေး အကောင်အထည်ဖော်ရေး ဗဟိုကော်မတီ”ကို ဖွဲ့စည်းဆောင်ရွက်ခဲ့ပါတယ်။ ဒီ စိန်ခေါ်မှုတွေကို ဘက်ပေါင်းစုံ လေ့လာသုံးသပ်ဖြေရှင်းရာမှာ ကျွန်မတို့ကို ကူညီပံ့ပိုးနိုင်ဖို့အတွက် ဒေါက်တာ ကိုဖီအာနန် ဦးဆောင်တဲ့ အကြံပေး ကော်မရှင်ကိုလည်း ဖွဲ့စည်းခဲ့ပါတယ်။

မတူညီတဲ့ အသိုင်းအဝိုင်းနှစ်ခုအကြား နားလည်မှုတွေ၊ သဟဇာတဖြစ်မှုတွေနဲ့ ယုံကြည်မှုတွေ တည်ဆောက်နိုင်အောင် ကျွန်မတို့ ကြိုးပမ်းလုပ်ဆောင်နေပါတယ်။ တစ်ချိန်တည်းမှာပဲ ဒီအသိုင်းအဝိုင်း နှစ်ခုအကြားမှာ အမုန်းတရားတွေ၊ သည်းမခံနိုင်မှုတွေနဲ့ အစွန်းရောက်မှုတွေကို ဆန့်ကျင်လိုစိတ်တွေ အခိုင်အမာ ဖြစ်ပေါ်လာအောင်လည်း ကြိုးပမ်းဆောင်ရွက်နေပါတယ်။ ဒီလို ကြိုးပမ်းဆောင်ရွက်နေတဲ့ အချိန်မှာဒေသတွင်းနိုင်ငံတွေ၊အိမ်နီးချင်းနိုင်ငံတွေအနေနဲ့ အပြုသဘောဆောင်တဲ့ ပံ့ပိုးကူညီမှုတွေ ပေးကြဖို့ ကျွန်မအနေနဲ့တောင်းဆိုလိုပါတယ်။ နေ့ချင်းညချင်း အားလုံးကောင်းအောင်၊ ဘက်စုံ တိုးတက် အောင် ဆောင်ရွက်နိုင်ဖို့ မဖြစ်နိုင်ပေမယ့် ရခိုင်ပြည်နယ်နဲ့ပြည်တွင်းက ပဋိပက္ခကူးစက်ခံ နယ်မြေဒေသ တွေမှာကောင်းမွန်တဲ့ အပြောင်းအလဲတွေ ရယူဆောင်ကြဉ်းပေးနိုင်ဖို့အတွက် မဆုတ်နစ်တဲ့ ဇွဲလုံ့လနဲ့ ကြိုးပမ်းသွားဖို့ ကျွန်မတို့ ခိုင်ခိုင်မာမာ ဆုံးဖြတ်ထားပြီး ဖြစ်ပါတယ်။

ကျွန်မတို့အနေနဲ့ မြန်မာနိုင်ငံသားအားလုံး ကောင်းကျိုးဖြစ်ထွန်းစေဖို့ရေရှည်တည်တံ့တဲ့ စီးပွားရေး တိုးတက်မှုတွေ ဆောင်ကြဉ်းပေးနိုင်ဖို့အတွက်လည်း ကြိုးပမ်းဆောင်ရွက်နေပါတယ်။ ကံကြမ္မာ မျက်နှာသာ ပေးမှုကြောင့်ကျွန်မတို့နိုင်ငံမှာ သဘာဝ သယံဇာတအရင်းအမြစ်မျိုးစုံ ပေါများကြွယ်ဝသလို လေ့လာ စူးစမ်းသင်ယူလိုစိတ်ရှိတဲ့ လူငယ်တွေရှိနေပါတယ်။ ပြီးတော့နိုင်ငံတည်နေရာကလည်း ကမ္ဘာ့ အကြီးမားဆုံး ဈေးကွက်ကြီးတွေကြားမှာ တည်ရှိနေပါတယ်။ သမိုင်းရဲ့ အကြောင်းတရားတွေကြောင့် ကျွန်မတို့နိုင်ငံဟာ စီးပွားရေးအလားအလာကောင်းတွေကို ဘယ်ခေတ် ဘယ်အခါကမှ အကျိုးရှိရှိ ဖော် ဆောင်နိုင်ခဲ့ခြင်း မရှိသေးပါဘူး။ ဒီကနေ့ ဒီအချိန်မှာတော့ ကျွန်မတို့အစိုးရနဲ့ ပြည်သူလူထုတစ်ရပ်လုံးရဲ့ ပြင်းပြင်းထန်ထန် ကြိုးစားအားထုတ်မှု၊ ဒေသတွင်းက မိတ်ဆွေနိုင်ငံတွေရဲ့ ကူညီပံ့ပိုးမှုနဲ့ ပူးပေါင်း ဆောင်ရွက်မှုတွေကြောင့် ပိုမိုကောင်းမွန်တဲ့ အနာဂတ်ကို တည်ဆောက်နိုင်မယ့် ကြုံထောင့်ကြုံခဲ အခွင့်အလမ်းကြီးတစ်ခု ရရှိနေပြီဖြစ်ပါတယ်။

ကျွန်မတို့အနေနဲ့ အမျိုးသားပြန်လည်သင့်မြတ်ရေး၊ ဆင်းရဲနွမ်းပါးမှုတိုက်ဖျက်ရေး၊ အမြောက်အများ လိုအပ်နေတဲ့ အခြေခံအဆောက်အအုံတွေ ဖွံ့ဖြိုးတိုးတက်ရေး၊ တာဝန်သိ တာဝန်ယူမှုရှိတဲ့ ပြည်ပ ရင်းနှီးမြှုပ်နှံမှုတွေ ဝင်ရောက်လာအောင် တွန်းအားပေးရေးနဲ့ အလုပ်အကိုင်အခွင့်အလမ်းတွေ ဖန်တီး ပေးနိုင်ရေးတို့အတွက် ရည်ရွယ်ပြီး စီးပွားရေးမူဝါဒအသစ်ကိုလည်း ထုတ်ပြန်ထားပါတယ်။ အဆွေတော်တို့ နိုင်ငံတွေမှာ ကျင့်သုံးနေတဲ့ အောင်မြင်ဖြစ်ထွန်းနေတဲ့နည်းလမ်းတွေကိုလည်း ကျွန်မတို့ လေ့လာသင်ယူ နိုင်ဖို့ ကြိုးစားသွားမှာ ဖြစ်ပါတယ်။မြန်မာနိုင်ငံရဲ့ စီးပွားရေးဖွံ့ဖြိုးတိုးတက်မှုဟာ ကျွန်မတို့ အာဆီယံ ဒေသကြီး တစ်ခုလုံးရဲ့ တိုးတက်မှုကို အထောက်အကူ ဖြစ်စေပြီး အာဆီယံအသိုက်အဝန်းရဲ့ အနာဂတ် အောင်မြင်မှုကို အားဖြည့်ပေးနိုင်မယ် လို့ ကျွန်မအနေနဲ့ ယုံကြည်ထားပါတယ်။

တစ်ချိန်တည်းမှာပဲ တက်ကြွပြီး တာဝန်ယူမှုရှိတဲ့ ကမ္ဘာ့မိသားစုဝင် နိုင်ငံတစ်နိုင်ငံ ဖြစ်လာဖို့ မျှော်မှန်း ထားတဲ့ ကျွန်မတို့နိုင်ငံဟာ နိုင်ငံတကာရေးရာကိစ္စရပ်တွေမှာ တာဝန်သိစိတ်အပြည့်နဲ့ ပါဝင် ဆောင်ရွက် နေပါတယ်။ မကြာသေးခင်ကဘဲ ကျွန်မတို့မြန်မာနိုင်ငံဟာ ကမ္ဘာ့ကုလသမဂ္ဂ နျူကလီးယား စမ်းသပ် ဖောက်ခွဲမှု အလုံးစုံပိတ်ပင်တားဆီးရေးစာချုပ်UN Nuclear Comprehensive Test Ban Treatyကို အတည်ပြုပါဝင်ခဲ့ပြီးဖြစ်ပါတယ်။ လက်ရှိအချိန်မှာ အငြင်းပွားမှုဖျန်ဖြေရေးလုပ်ငန်းစဉ်ဆိုင်ရာ အာဆီယံပဋ်ိညာဉ်စာတမ်းရဲ့ နောက်ဆက်တွဲစာချုပ်Protocol to the ASENA Charter on Dispute Settlement Mechanisms ၊ အာဆီယံ၏ကင်းလွတ်ခွင့်နှင့် အခွင့်အရေးများဆိုင်ရာ သဘောတူစာချုပ် ASEAN Agreement on Privileges and Immunities နဲ့အာဆီယံ လူကုန်ကူးမှု တိုက်ဖျက်ရေး သဘောတူညီချက် ASEAN convention Against Trafficking in Person တွေမှာလည်း အတည်ပြု ပါဝင်နိုင်ရေးအတွက် ပြည်တွင်းလုပ်ထုံးလုပ်နည်း အဆင့်ဆင့်ကို အပြီးသတ်ဆောင်ရွက်နေပြီ ဖြစ်ပါတယ်။ ဒီလိုဆောင်ရွက်တဲ့နေရာမှာ ကျွန်မတို့ အစိုးရရဲ့ အုပ်ချုပ်ရေးပိုင်းနဲ့ ဥပဒေပြုရေးပိုင်း တို့အကြား အပြုသဘောနဲ့ တက်တက်ကြွကြ ပူးပေါင်းဆောင်ရွက်ခဲ့တာတွေဟာ တန်ဖိုးဖြတ်လို့ မရနိုင်ပါဘူး။

ကျွန်မတို့အခုလို အားကြိုးမာန်တက် ကြိုးပမ်း ဆောင်ရွက်နေတဲ့အချိန်မှာ အာဆီယံဒေသတွင်း နိုင်ငံတွေ ဆီက စိတ်ရင်းစေတနာကောင်းနဲ့ စဉ်ဆက်မပြတ် ပံ့ပိုးကူညီမှုတွေဟာ ကျွန်မတို့အတွက် ကြီးမားတဲ့ ခွန်အားတွေ၊ အားပေးမှုတွေဖြစ်လာစေမှာပါ။

ဒီကနေ့ ဒီအချိန်မှာ ကျွန်မတို့ကမ္ဘာကြီးဟာ ဘယ်တုန်းကမှ မဖြစ်ထွန်းခဲ့ဖူးတဲ့ ဆက်သွယ်မှု အချိတ် အဆက်တွေ ဖြစ်ပေါ်တိုးတက်လာခဲ့ပြီး ဘယ်လိုနိုင်ငံမှ၊ ဘယ်လိုပုဂ္ဂိုလ် တစ်ဦးတစ်ယောက်မှ ထီးတည်း ရပ်တည်နိုင်မှာ မဟုတ်သလို၊ ထီးတည်း ရပ်တည်ဖို့လည်းမသင့်တော့ပါဘူး။ ကျွန်မတို့ ရင်ဆိုင်နေရတဲ့ အခွင့်အလမ်းတွေ၊ စိန်ခေါ်မှုတွေကို နိုင်ငံတကာရဲ့ ပူးပေါင်းဆောင်ရွက်မှုမပါဘဲ အကောင် အထည်ဖော်ဖို့၊ ရင်ဆိုင်ကျော်လွှားဖို့ မဖြစ်နိုင်ပါဘူး။ ပူးပေါင်းဆောင်ရွက်မှုဆိုရာမှာလည်း အစိုးရရဲ့ အုပ်ချုပ်ရေး၊ ဥပဒေပြုရေးနဲ့ တရားစီရင်ရေးဆိုတဲ့ မဏ္ဍိုင်ကြီးတွေအားလုံးအချင်းချင်း တစ်ခုနဲ့တစ်ခု အချိတ်အဆက်ရှိရှိ ပူးပေါင်းမှုမျိုးဖြစ်ဖို့ လိုအပ်ပါတယ်။

ဒါကြောင့် AIPA ဟာ အလွန်အရေးကြီးတဲ့ အခန်းကဏ္ဍကနေ ပါဝင်နေတာဖြစ်ပါတယ်။ ဒီညီလာခံကြီးရဲ့ လာမယ့်နေ့ရက်တွေမှာ ဆွေးနွေးမယ့် အကြောင်းအရာတွေရဲ့ ကျယ်ပြန့်မှုကို ကြည့်ရင် AIPA ရဲ့ အရေးမှုကို အထင်အရှား ပြဆိုနေပါတယ်။ ဒီညီလာခံကြီးမှာ ဆွေးနွေးမယ့်အကြောင်းအရာတွေ ထဲမှာ ဆိုက်ဘာလုံခြုံရေးမြှင့်တင်ရေးကိစ္စ၊ ပင်လယ်ထွက် သဘာဝသယံဇာတများ ကာကွယ်ရေးကိစ္စ၊ ရာသီဥတု ပြောင်းလဲမှုကြောင့် ဖြစ်ပေါ်လာရတဲ့ အကျိုးဆက်များ လျော့ပါးသက်သာစေဖို့ ဆောင်ရွက်ရေး ကိစ္စ၊ အသေးစား၊ အလတ်စား ရင်းနှီးမြှုပ်နှံမှုလုပ်ငန်းများကို ပံ့ပိုးရေးကိစ္စနဲ့ ဇီကာ ဗိုင်းရပ်စ်ပိုး ကာကွယ်ရေး ကိစ္စတွေ ပါဝင်နေပါတယ်။ ဒီကိစ္စတွေအားလုံးဟာ ကျွန်မတို့ရဲ့ ပြည်သူတွေကို တိုက်ရိုက် သက် ရောက်စေမယ့် ကိစ္စတွေဖြစ်ပြီး ထိရောက်တိုးတက်မှုရှိတဲ့ ဖြေရှင်းချက်တွေရှာဖွေ ဖေါ်ထုတ်နိုင်ဖို့ အတွက် ဒီမိုကရေစီပေါင်းစည်းမှုစိတ်ဓါတ်နဲ့ အတူတစ်ကွလက်တွဲပူးပေါင်း ဆောင်ရွက်သွား ကြရမှာ ဖြစ်ပါတယ်။

နိဂုံးချုပ်မတိုင်မီ ကျွန်မအနေနဲ့ ပြီးခဲ့တဲ့အပတ်က ကမ္ဘာ့ကုလသမဂ္ဂအထွေထွေ ညီလာခံ တက်ရောက် ခဲ့စဉ်မှာ ပြောခဲ့တဲ့ အပိတ်စကားလေးကို ထပ်မံပြီး ပြောချင်ပါတယ်။

ပဋိပက္ခတွေ၊ ဝိဝါဒကွဲလွဲမှုတွေ ဖြစ်ထွန်းရာမြေအဖြစ် ကျွန်မတို့မြန်မာနိုင်ငံကို လူသိများ ကြပါတယ်။ လောဘ၊ ဒေါသ၊ ကြောက်ရွံ့မှုနဲ့ မသိနားမလည်မှုတွေဟာ လူ့သဘာဝကိုသာမက လူ့အဖွဲ့အစည်း တစ်ခုလုံးကိုပါ ဘယ်လို ဘယ်ပုံ ဖေါက်ပြန်ပျက်စီးစေတယ်ဆိုတာကို ကျွန်မတို့ မျက်မြင်ကိုယ်တွေ့ ကြုံခဲ့ရပြီးပါပြီ။ ဒါကြောင့် ဒီကနေ့ အားလုံးကို ကျွန်မအနေနဲ့ မေတ္တာရပ်ခံချင် တာကတော့ ဒေါသတရား၊ အမုန်းတရား၊ အကြောက်တရားနဲ့ မသိနားမလည်ခြင်း တရားတွေနဲ့ ကြုံတွေ့ရတိုင်း သူတို့နဲ့ ဆန့်ကျင်ဘက်က ရပ်တည်ပေးကြပါ၊ ကရုဏာတရား၊ အကြင်နာ မေတ္တာတရားနဲ့ တစ်ပါးသူရဲ့ ပျော်ရွှင်မှုကို ဆောင်ကြဉ်းပေးနိုင်မယ့် လမ်းကြောင်းကိုသာ ရှာဖွေလျှောက်လှမ်းကြပါ ဆိုတာပဲ ဖြစ်ပါတယ်။

ကျွန်မတို့ အာဆီယံအဖွဲ့အစည်းကြီးရဲ့ မူဝါဒတွေနဲ့ ဆောင်ရွက်ချက်တွေဟာ လူသားဂုဏ်သိက္ခာနဲ့ အခြေခံ လူ့အခွင့်အရေးတွေကို အရင်းတည်ပြီးတော့ ပေးဆပ်ခြင်းကို ရယူခြင်းထက် အမှန်တစ်ကယ် တန်ဖိုး ထားတဲ့ အသိုက်အဝန်းတစ်ခုအဖြစ် ကမ္ဘာတစ်ဝှမ်းလုံးမှာရှိတဲ့ အခြားအဖွဲ့အစည်းတွေ၊ အခြား အသိုက်အဝန်းတွေက စံနမူနာပြု အတုယူရတဲ့ စံပြအဖွဲ့အစည်းတစ်ခုအဖြစ်မြင်တွေ့ချင်ပါတယ်။ ပြည်သူ့ အရွေးချယ်ခံ လွှတ်တော်ကိုယ်စားလှယ်များဖြစ်ရခြင်း၊ ပြည်သူတွေအတွက် ကမ္ဘာကြီးရဲ့ စိန်ခေါ်မှု တွေကို ရင်ဆိုင်ပြီး မားမားမတ်မတ်ရပ်တည်ပေးရခြင်း၊ ကိုယ်စားလှယ်သက်တမ်းကုန်ဆုံးတဲ့အခါမှာ ကျွန်မ တို့ ပြည်သူများ အတွက်ရော ကျွန်မတို့ ကိုယ်တိုင်အတွက်ပါ ဆောင်ရွက်ရမယ့် တာဝန်ဝတ္တရားများကို ကျေကျေပွန်ပွန်ထမ်းဆောင်နိုင်ခဲ့တယ်ဆိုတာ ပြောနိုင်ခြင်းလောက် ဂုဏ်ယူစရာကောင်းတာ ဘာမှမရှိဘူး ဆိုတာကို ကျွန်မအနေနဲ့ လွှတ်တော်ကိုယ်စားလှယ်ကြီးများအားလုံးကို သတိပေးပြောကြားလိုပါတယ်။

ဒီကနေ့ ဖွင့်လှစ်တဲ့ (၃၇) ကြိမ်မြောက် အာဆီယံပါလီမန်များညီလာခံကြီးအောင်မြင်ပါစေကြောင်း၊ အဆွေတော်တို့ အားလုံးလည်း နေပြည်တော်မှာ အကျိုးရှိတဲ့ ပျော်ရွှင်ဖွယ်နေ့ရက်တွေကို ပိုင်ဆိုင်နိုင်ကြ ပါစေကြောင်း ဆုမွန်ကောင်းတောင်းရင်း နိဂုံးချုပ်လိုက်ပါတယ်။

ကျေးဇူးတင်ပါတယ်။
Myanmar State Counsellor Office
https://www.facebook.com/state.counsellor
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.