မောင်တောနဲ့ ဘူးသီးတောင်မှာ စာသင်ကျောင်းတွေ ပိတ်ထား

 ရခိုင်ပြည်နယ် နယ်စပ်မြို့တော် မောင်တောမြို့အဝင်ဆိုင်းဘုတ်ကို တွေ့ရစဉ် ရခိုင်ပြည်နယ် နယ်စပ်မြို့တော် မောင်တောမြို့အဝင်ဆိုင်းဘုတ်ကို တွေ့ရစဉ်
Photo: RFA
ရခိုင်ပြည်နယ် မောင်တောမြို့နယ်မှာ မနေ့က နယ်ခြားစောင့်ရဲကင်းစခန်းတွေ တိုက်ခိုက်ခံခဲ့ရတဲ့ ကိစ္စကြောင့် မောင်တောနဲ့ ဘူးသီးတောင်မြို့နယ်မှာရှိတဲ့ အခြေခံပညာစာသင်ကျောင်းအားလုံးကို ဒီနေ့ကစပြီး ရက်အကန့်အသတ်မရှိ ပိတ်လိုက်တယ်လို့ ရခိုင်ပြည်နယ် ပညာရေးဦးစီးဌာန ညွှန်ကြားရေးမှူး ဦးအောင်ကျော်ထွန်း က ပြောပါတယ်။

ပြီးခဲ့တဲ့ အောက်တိုဘာလ ၈ ရက်နေ့က စတင်စစ်ဆေးခဲ့တဲ့ နှစ်ဝက်စာမေးပွဲတွေကိုလည်း ရပ်နားလိုက်ရသလို ဆရာ၊ ဆရာမတွေကို လုံခြုံတဲ့နေရာတွေဆီ ပြောင်းရွှေ့ပေးထားတယ်လို့လည်း ဆိုပါတယ်။

စာသင်ကျောင်းတွေကို အခြေအနေတွေ တည်ငြိမ်တဲ့အချိန်ကျမှ ပြန်လည်ဖွင့်လှစ်ခွင့်ပြုမှာ ဖြစ်တယ်လို့လည်း ညွှန်ကြားရေးမှူး ဦးအောင်ကျော်ထွန်းက ပြောပါတယ်။

ရခိုင်ပြည်နယ် မောင်တောမြို့နယ်နဲ့ ရသေ့တောင်မြို့နယ်က နယ်ခြားစောင့်ရဲစခန်းသုံးခု မနေ့က အကြမ်းဖက် စီးနင်းခံရမှုမှာ အကြမ်းဖက် တိုက်ခိုက်သူ ၈ ဦးကို အသေရမိပြီး နယ်ခြားစောင့်ရဲတပ်ဖွဲ့ဝင် ၉ ဦး ကျဆုံးခဲ့ပါတယ်။

ဒါ့အပြင် နယ်ခြားစောင့်ရဲတပ်ဖွဲ့ဝင် ၅ ဦး ဒဏ်ရာရခဲ့ပြီး ၁ ဦး ပျောက်ဆုံးခဲ့ကာ လက်နက်ပေါင်းစုံ ၅၁ လက်နဲ့ ကျည်ဆံ တစ်သောင်းကျော် ပျောက်ဆုံးခဲ့တယ်လို့ ရဲချုပ် ဇော်ဝင်းက မနေ့က နေပြည်တော်မှာ ကျင်းပတဲ့ သတင်းစာရှင်းလင်းပွဲမှာ ပြောခဲ့ပါတယ်။

ဒီနေ့ မောင်တောမြို့ရဲ့ အခြေအနေကတော့ လူသွားလူလာတွေနည်းနေသလို အစိုးရလုံခြုံရေးတပ်ဖွဲ့တွေက လမ်းတစ်ချို့ကို ပိတ်ထားပြီး ပျောက်ဆုံးသွားတဲ့ လက်နက်တွေ ပြန်လည်ရရှိရေးအတွက် နယ်မြေရှင်း လင်းရေးတွေ ဆောင်ရွက်နေတယ်လို့ ဒေသခံတွေက ပြောပါတယ်။
RFA
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.