ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးထင်ကျော် ကမ္ဘာ့စီးပွားရေး ဖိုရမ်(မဲခေါင်ဒေသ)သို့ တက်ရောက်အမှာစကား ပြောကြား။






ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးထင်ကျော်သည် ဒေသစံတော်ချိန် မွန်းလွဲ ၁ နာရီခွဲတွင် ဗီယက်နမ်နိုင်ငံ ဟနွိုင်းမြို့ အမျိုးသား ကွန်ဗင်းရှင်းစင်တာ၌ ကျင်းပသည့် ကမ္ဘာ့စီးပွားရေးဖိုရမ်(မဲခေါင်ဒေသ)သို့ တက်ရောက် အမှာစကားပြောကြားသည်။

အခမ်းအနားတွင် ကမ္ဘာ့စီးပွားရေးဖိုရမ်မှ ဌာနမှူး မစ္စတာ Rick Samans နှင့် အာရှ-ပစ္စဖိတ်ဒေသ ဌာနမှူး မစ္စတာ Justin Wood တို့က အဖွင့်အမှာစကား ပြောကြားကြသည်။

ထို့နောက် ဗီယက်နမ်နိုင်ငံဝန်ကြီးချုပ် မစ္စတာ ငုယင်စွမ်းဖွတ်က အမှာစကား ပြောကြားသည်။

ယင်းနောက် နိုင်ငံတော်သမ္မတ ဦးထင်ကျော်က အမှာစကားပြောကြားရာတွင် ယခု အစည်းအဝေးသည် မဲခေါင်ဒေသအတွင်း မတူညီကွဲပြားမှုများမှ စုစည်းအင်အား ဖော်ထုတ် အသုံးပြုရေးအတွက် အရေးကြီးသည့်အစည်းအဝေးတစ်ရပ်ဖြစ်ကြောင်း၊ မဲခေါင် မြစ်သည် ဒေသတွင်းနေထိုင်သော ပြည်သူများ၏ ဖွံ့ဖြိုးတိုးတက်မှုနှင့် ရှင်သန်ရပ်တည်မှု အတွက် အခြေခံကျစွာ ချိတ်ဆက်လျက်ရှိကြောင်း၊ မဲခေါင်မြစ်ဝှမ်းနိုင်ငံများသည် စီးပွားရေး ဖွံ့ဖြိုးတိုးတက်မှုအတွက် အခွင့်အလမ်းကောင်းများရှိသော်လည်း စိမ်ခေါ်မှုများရှိနေဆဲ ဖြစ်ကြောင်း၊ အခြေခံအဆောက်အဦ၊ လူသားအရင်းအမြစ်ဖွံ့ဖြိုးတိုးတက်မှု၊ ထုတ်ကုန်တိုးမြှင့် မှုနှင့် စီးပွားရေးယှဉ်ပြိုင်စွမ်းတိုးမြှင့်မှု ကဏ္ဍများတွင် အဆင့်မြှင့်တင်ဆောင်ရွက်ရန် လိုအပ် လျက်ရှိကြောင်း။

ယခုအစည်းအဝေးမှ ဒေသတွင်းပူးပေါင်းဆောင်ရွက်မှုနှင့် ချိတ်ဆက်ဆောင်ရွက်မှု တိုးမြှင့်ရေးအတွက် နည်းလမ်းများ ရှာဖွေနိုင်လိမ့်မည်ဟုယုံကြည်ကြောင်း၊ မဲခေါင်ဒေသ၏ စီးပွားရေးအခွင့်အလမ်းများအား စုစည်းအင်အားဖြင့် ဖော်ထုတ်အသုံးပြုပြီး ဒေသတွင်းဖွံ့ဖြိုး တိုးတက်မှုရရှိရန် ဆောင်ရွက်သွားရမည်ဖြစ်ကြောင်း၊ မိမိတို့မဲခေါင်နိုင်ငံများတွင် ဘက်ပေါင်း စုံမှ ပူးပေါင်းဆောင်ရွက်ရန်အတွက် အခွင့်အလမ်းများစွာရှိပါကြောင်း၊ ၂၀၃၀ စဉ်ဆက်မပြတ် ဖွံ့ဖြိုးတိုးတက်မှုအစီအစဉ်ကို ထိရောက်စွာ အကောင်အထည်ဖော်ဆောင်ရွက်ခြင်းဖြင့် ဒေသအတွင်း စီးပွားရေးပေါင်းစပ်ဆောင်ရွက်မှုများကို မြှင့်တင်သွားရမည်ဖြစ်ကြောင်း ပြောကြားသည်။

ထို့နောက် ကမ္ဘောဒီးယားနိုင်ငံ ၀န်ကြီးချုပ် မစ္စတာဆမ်ဒက်ဟွန်ဆန်၊ လာအို ပြည်သူ့ဒီမိုကရက်တစ်သမ္မတနိုင်ငံ ၀န်ကြီးချုပ် မစ္စတာထောင်လွန်းဆီဆိုလစ် ထိုင်းနိုင်ငံ ဒုတိယ၀န်ကြီးချုပ် မစ္စတာ ဆွန်ကစ်ဂျာတူဆရီပီတက်တို့က အမှာစကားပြောကြားကြသည်။

ယင်းနောက် နိုင်ငံတော်သမ္မတနှင့်ဇနီးတို့သည် ဟနွိုင်းမြို့ ပိုးထည်ရွာသို့ သွားရောက်ပြီး ပိုးထည်ရက်လုပ်နေမှုနှင့် ပိုးထည်များအား ကြည့်ရှုလေ့လာကြသည်။
ညပိုင်းတွင် နိုင်ငံတော်သမ္မတနှင့် ဇနီးတို့သည် (၈)ကြိမ်မြောက် စီအယ်လ်အမ်ဗွီ ထိပ်သီးအစည်းအဝေးနှင့် (၇)ကြိမ်မြောက်အက်မက်စ်ထိပ်သီး အစည်းအဝေးသို့ တက်ရောက်လာကြသည့် အဖွဲ့ဝင်နိုင်ငံများမှ နိုင်ငံအကြီးအကဲနှင့် အစိုးရအဖွဲ့အကြီး အကဲများအား ဗီယက်နမ်နိုင်ငံဝန်ကြီးချုပ်က တည်ခင်းဧည့်ခံသည့် ဂုဏ်ပြုညစာစားပွဲသို့ တက်ရောက်သည်။
MOI Webportal Myanmar
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.