ထိုင်းဘုရင်ကြီး ဘူမိဘော နတ်ရွာစံ ကံတော်ကုန်



ထိုင်းဘုရင်ကြီး ဘူမိဘောကို ထိုင်းနိုင်ငံသား အားလုံးက လေးစား ချစ်ခင်ကြ။
ကမ္ဘာပေါ်မှာ နန်းသက်အရှည်ဆုံး ဖြစ်တဲ့ ထိုင်းဘုရင်ကြီး ဘူမိဘော အဒူယာဒက်ဟာ အနှစ် ၇၀ ကြာ ထီးနန်းစိုးစံခဲ့ပြီးနောက် အခု သက်တော် ၈၉ နှစ် အရွယ်မှာ နတ်ရွာစံ ကံတော်ကုန်သွားပြီလို့ ထိုင်း နန်းတော်က ကြေညာပါတယ်။

ထိုင်းနိုင်ငံသားတွေက သူ့ကို နတ်တစ်ပါးလို လေးစား ချစ်ခင်ကြတာပါ။

အလှုပ်အယိမ်းများတဲ့ ထိုင်းနိုင်ငံရေးကို တည်ငြိမ်အောင် ထိန်းပေးနိုင်သူ အဖြစ်လည်း သူ့ကို အများက ရှုမြင်ကြပါတယ်။

၂၀၁၄ မှာ အာဏာသိမ်းခဲ့တဲ့ စစ်အစိုးရ အုပ်ချုပ်နေဆဲမှာပဲ အခု သူ နတ်ရွာစံ ကံတော်ကုန်သွားတာ ဖြစ်ပါတယ်။

တနင်္ဂနွေနေ့က စပြီး ဘုရင့် ကျန်းမာရေး အခြေအနေ ဆိုးလာလို့ အသက်ရှူစက် တပ်ထားရတယ်လို့ ထိုင်းနန်းတော်က ထုတ်ပြန် ကြေညာခဲ့ပါတယ်။ အဲဒီ အချိန်ကစပြီး ထိုင်းဘုရင် တက်ရောက်နေတဲ့ ဆေးရုံ အပြင်ဘက်မှာ ဘုရင့်ကျန်းမာရေးအတွက် ဆုတောင်းပေးကြသူတွေနဲ့ ပြည့်နေခဲ့ပါတယ်။

ဘုရင် တက်ရောက်ရာ ဆေးရုံရှေ့မှာ ဆုတောင်း ခဲ့ကြသူတွေ။
ပြည်သူလူထုရဲ့ ကြည်ညိုလေးစားမှု ခံရတဲ့ ဘုရင်ကြီးဟာ သူ့နန်းသက်အတွင်း တိုင်းပြည်မှာ စစ်အာဏာသိမ်းပွဲတွေ ဝန်ကြီးချုပ် အပြောင်းအလဲတွေနဲ့ အခြေခံဥပဒေပေါင်း ၁၇ ခုလောက် နိုင်ငံရေးအပြောင်းအလဲ ရှိခဲ့ပါတယ်။

ဒီလို တည်ငြိမ်မှုမရှိလှတဲ့ ထိုင်းနိုင်ငံရေးလောကမှာ ဘုရင်ကြီးဟာ တိုင်းပြည် တည်ငြိမ်အေးချမ်းအောင် လုပ်ပေးနိုင်တဲ့ တန်ခိုးဩဇာရှိသူ ဖြစ်ပါတယ်။

နိုင်ငံရေးမှာ မပါဘဲ ကရုဏာ ကြီးမားတဲ့ တိုင်းပြည်ဖခင် အဖြစ် မြင်တွေ့ရတဲ့ ဘုရင်ဘူမိဘောလ်ဟာ သိပ်တင်းမာတဲ့ နိုင်ငံရေးပြဿနာတွေမှာ အကြမ်းမဖက်တဲ့ နည်းနဲ့ အဖြေရှာဖို့ ဝင်ရောက် ဖြေရှင်းရတဲ့အချိန်တွေ ရှိခဲ့ပါတယ်။

ဘုရင် ဘူမိဘောလ်ဟာ စည်းမျဉ်းခံ ဘုရင်ဖြစ်လို့ လုပ်ပိုင်ခွင့်တွေ အကန့်အသတ် ရှိပေမယ့် ထိုင်းတွေကတော့ သူ့ကို နတ်ဘုရားသဖွယ် ကြည်ညိုကြတာ ဖြစ်ပါတယ်။

ဘုရင် ဘူမိဘောလ်ရဲ့ အရိုက်အရာကို ဆက်ခံမယ့် သူကတော့ ၆၃ နှစ်အရွယ် အိမ်ရှေ့မင်းသား မဟာ ဗာဂျီရာလောင်ကွန် ဖြစ်ပါတယ်။

BBC Burmese
http://www.bbc.com/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.