ပြည်သူချစ်တဲ့ဘုရင်ဖြစ်ဖို့  -သရ၀ဏ်(ပြည်)

ထိုင်းနိုင်ငံမှာ ဘုရင်ကြီး ဘူမိဘောအဒူလျာဒက် ကွယ်လွန်အနိစ္စရောက်သွားတော့ ပြည်သူတွေသာမကတကမ္ဘာလုံးကစိတ်မကောင်းဝမ်းနည်းကြတယ် ။ သူ့ တိုင်းသူပြည်သားတွေဆိုတာတော့ပြောမနေနဲ့ ၀မ်းနည်းလွန်းလို့ အနက်ရောင်အင်္ကျီတွေဝတ် ၊ပျော်ပွဲရွှင်ပွဲမှန်သမျှ ခေတ္တရပ်နားထားပြီး ဘုရင်ကြီးကို ဂါရ၀ထားလေးစားကြတယ် ။ အောက်တိုဘာလ ၁၄ ရက်နေ့ကိုဝမ်းနည်းခြင်းအထိမ်းအမတ်အဖြစ် အားလပ်ရက်သတ်မှတ်ပေးခဲ့တယ် ။ တနိုင်ငံလုံး ပူဆွေးဝမ်းနည်းကြတဲ့နေ့ပါပဲ ။ သူများနိုင်ငံက ဘုရင်ကို ပြည်သူလူထုကချစ်ကြခင်ကြ ကြည်ငြိုလေးစားကြတာမြင်မိတော့ ကိုယ့်နိုင်ငံကဘုရင်တွေ ၊ ကိုယ့်နိုင်ငံကခေါင်းဆောင်တွေကို လူတွေက ဘာ့ကြောင့်မကြည်ညိုကြတာပါလိမ့်လို့  လည်းစဉ်းစားမိတယ် ။တကယ်ဆို ကျွန်တော်တို့မှာလည်းဘုရင်တွေရှိခဲ့ဖူးပါတယ် ။ အတိတ်သမိုင်းမှာကောင်းတဲ့ဘုရင်တွေ ရှိသလို ၊ အရည်အချင်းမပြည့်မီတဲ့ ဘုရင်တွေ ။ အာဏာယစ်မူးပြီး တိုင်းပြည်ကိုဂရုမစိုက်ထင်ရာစိုင်းခဲ့တဲ့ ဘုရင်တွေလဲရှိခဲ့ပါတယ် ။ သာလွန်မင်းတရားကြီလို လက်ရုံးရည်နှလုံးရည်နဲ့ ပြည့်စုံတဲ့ဘုရင်ကြီးတွေလက်ထက်မှာ တိုင်းသူပြည်သားတွေဟာ နှလုံးစိတ်ဝမ်းငြိမ်းချမ်းကြရပြီး စလေငခွေးလို ၊နရသူမင်းလို ၊ တရုတ်ပြေးမင်းလို ၊ ပုဂံမင်းလို မင်းတွေလက်ထက်မှာတော့ တိုင်းသူပြည်သားတွေဟာ စိတ်နှလုံးညှိုးချုန်းခဲ့ရပါတယ် ။ အပျော်အပါးမက်တဲ့ မင်းတွေလက်ထက်မှာ မြို့စာရေးမောင်ပိန်လို ၊ ဘိုင်ဆပ်လိုပုဂ္ဂိုလ်တွေရှေ့တန်းရောက်နေရာရကြပြီး တော်တည့်ဖြောင့်မတ်တဲ့ ပညာရှိအမတ်ကြီးတွေဟာ နောက်တန်းကိုရောက်ခဲ့ကြရပါတယ် ။ မြန်မာရာဇ၀င်မှာ မင်းလိုလိုက်မင်းကြိုက်တင်တတ်တဲ့ တကိုယ်ကောင်းသမားတွေ ဟာ နေရာရတွင်ကျယ်လေ့ရှိပြီး ယောမင်းကြီးဦးဘိုးလှိုင်လို နိုင်ငံအရေးကို ပထမဦစားပေးပြီးစဉ်းစားလျှောက်တင်တတ်တဲ့ အမှန်တရားဘက်တော်သာတွေဟာ ကျဆုံးလေ့ရှိပါတယ် ။

တကယ်တော့မြန်မာနိုင်ငံဟာ စည်းမျဉ်းခံဘုရင်စနစ်ကိုကျင့်သုံးဖို့  မင်းတုန်းမင်းတရားလက်ထက်ကတည်းက ယောမင်းကြီးဦးဘိုးလှိုင်က ရာဇဓမ္မသင်္ဂဟ ကျမ်း လို့အမည်ရတဲ့ Constitutional Monarchy စနစ်ကို ရှင်းပြထားတဲ့ကျမ်းတစ်စောင်ကို မင်းတုန်းဘုရင်မင်းမြတ် နဲ့ မိဖုရားခေါင်ကြီးလက်ထဲကို ဆက်သခဲ့ပါတယ် ။ ဒါပေမယ့် အကြွင်းမဲ့အာဏာရှင်စနစ်ဖြစ်တဲ့ သက်ဦးဆိုင်ပိုင်ပဒေသရာဇ်စနစ်မှာ အသားကျနေပြီဖြစ်တဲ့ မြန်မာဘုရင်နဲ့မိဖုရားဟာ ပြုပြင်ပြောင်းလဲရေးဘက်တော်သား ပညာရှိအမတ်ကြီးကိုအမျက်သိုခဲ့ပါတယ် ။ ဘုရင်ဟာ နိုင်ငံတော်ကချီးမြင့်တဲ့လခစားဖြစ်ရမယ်ဆိုတဲ့အချက်ကို မင်းတုန်းမင်းတရားကြီးနဲ့မိဖုရားကြီးကဆတ်ဆတ်ခါနာကျည်းခဲ့ပါတယ် ။ သူတို့စိတ်ထဲမှာ နိုင်ငံ့ဘဏ္ဍာဟာ မင်းဘဏ္ဍာပဲ စိတ်ရှိသလောက် သုံးစွဲခွင့်ရှိတယ် လို့ အစဉ်အဆက်ခံယူထားတာကြောင့် စည်းနဲ့ကမ်းနဲ့  အကန့်အသတ်နဲ့ အာဏာကို ကျင့်သုံးရတဲ့စဉ်းမျဉ်းခံဘုရင်စနစ်ကို သိလိုက်ရတော့ လက်မခံနိုင်ဖြစ်သွားပြီးခါါးးသီးသီးဆန့်ကျင်ခဲ့တာပါ ။ အဲဒိအကျိုးဆက်ဟာ မြန်မာ့နိုင်ငံရေးမှာ ပြုပြင်ပြောင်းလဲရေးသမားတွေဘက်ကအရေးနိမ့်ပြီး အရေအတွက်အများစုဖြစ်တဲ့အစဉ်အလာသမားတွေ အသာစီးရသွားတာပါပဲ ။အချို့ ကိစ္စတွေမှာ လူအများစုက ယူဆထားတိုင်းလဲအမှန်တရားမဟုတ်ဘူးဆိုတာ ဒီဖြစ်ရပ်ကပြဆိုနိုင်ခဲ့ပါတယ် ။ရလာဒ်ကတော့ မြန်မာနိုင်ငံကို အင်္ဂလိပ်တွေကျွန်ပြုအုပ်ချုပ်တာံရပြီး ဘုရင်စနစ်နိဂုံျးုပ်သွားတာပါပဲ ။အခုအခါမှာ ကမ္ဘာမျှာကန်ရှိနေသေးတဲ့ဘုရင်စနစ်ကိုကျင့်သုံးတဲ့နိုင်ငံအားလုံးနီးပါးဟာ အစိုးရကသပ်သပ် ၊တော်ဝင်မိသားစုကသပ်သပ် စီ အာဏာပိုင်းခြားထားတဲ့ စည်းမျဉ်းခံဘုရင်စနစ်ကိုပဲ ( ယောမင်းကြီးဦးဘိုးလှိုင်တင်ပြခဲ့တဲ့စနစ်အတိုင်း) ကျင့်သုံးနေကြတာဖြစ်ပါတယ် ။ အင်္ဂလန်မှာရော ၊ထိုင်းနိုင်ငံမှာရော အဲဒိနည်းကိုကျင့်သုံးနေကြတာဖြစ်ပါတယ် ။

အင်္ဂလန်မှာရော ၊ထိုင်းမှာရော သူတို့ဘုရင်မကြီးကို ၊ ဘုရင်ကြီးကို ပြည်သူတွေက သည်းသည်းလှုပ်လှုပ်ချစ်ကြပါတယ် ။ဘာကြောင့်လည်းဆိုတော့ သူတို့ပြည်သူတွေကို ဘုရင်ကြီး၊ဘုရင်မကြီးတွေက ဂရုစိုက်လို့ ၊အလေးထားလို့  ၊နိုင်ငံ့ကောင်းကျိုးကိုသယ်ပိုးခဲ့လို့ဖြစ်ပါတယ် ။ ထိုင်းဘုရင်ကြီး ဘူမိဘောအဒူလျာဒက်ဆိုရင် ထိုင်းနိုင်ငံတောပိုင်းမှာရှိတဲ့ ဆင်းရဲသားပြည်သူလူထုကိုအတော်ကြီးအလေးထားစောင့်ရှောက်ကူညီခဲ့ပါတယ် ။ သူ့ ကိုယ်ပိုင်ငွေတွေနဲ့ သမားတော်တွေ ၊ဆရာဝန်တွေကိုခေါ်သွားပြီး ဆင်းရဲသားတွေကိုအခမဲ့ကုသပေးခဲ့ပါတယ် ။ တံတားတွေဆောက်ပေးတယ် ။ မြေယာမူဝါဒတွေချမှတ်ပေးတယ် ။ လူတစ်ယောက်ကိုမြေစတုရန်းမီတာ ရှစ်သောင်းထက်ပိုမပိုင်ရဆိုတဲ့ မြေယာလက်ဝါးကြီးအုပ်မှု ကာကွယ်ရေးဥပဒေကိုပြဌာန်းပေးတယ် ။ပြောရရင် တိုင်းပြည်မှာ ဆင်းရဲတဲ့သူရောချမ်းသာတဲ့သူရောမျှမျှတတတိုးတက်ကြီးပွားမယ့်လမ်းကြောင်းကိုချမှတ်ပေးတယ် ။ ၁၉၇၄ခု ဇူလိုင် ၁၉ ရက်နေ့က Kasetsart တက္ကသိုလ်မှာ ဘုရင်ကြီးမိန့်ကြားခဲ့တဲ့မိန့်ခွန်းတစ်ခုမှာ

“တိုင်းပြည်တစ်ပြည်ရဲ့ဖွံ့ ဖြိုးတိုးတက်မှုဆိုတာ တဆင့်ချင်းဖွံ့ ဖြိုးအောင်လုပ်ယူရမယ် ။အရင်ဆုံးအခြေခံအဆောက်အဦးတွေတည်ဆောက်တာနဲ့စရမယ် ။ ပြည်သူလူထုအတွက် အစားအသောက်နဲ့ အခြေခံလိုအပ်ချက်တွေကို နည်းလမ်းတကျဖြည့်ဆည်းပေးဖို့ မူဝါဒတွေကို ဥပဒေနဲ့အညီချမှတ်ထားရမယ် ။အခြေံအဆောက်အအုံကိုခိုင်မာအောင်တည်ဆောက်နိုင်ပြီဆိုတာနဲ့  ဖွံဖြိုးတိုးတက်မှုဆိုတာကို စဉ်ဆက်မပြတ် စီးပွားရေးအရ ဂရုတစိုက် မြှင့်တင်ပေးလို့ရပြီ ။ဒီနည်းစနစ်က အမှားနည်းတယ် ။ ရည်မှန်းချက်ကိုသေချာပေါက်ရောက်စေတယ် “

လို့ ပြောကြားခဲ့တယ် ။ အားလုံးသိတဲ့အတိုင်း မြန်နိုင်ငံနဲ့ထိုင်းနိုင်ငံဟာအရင်တုန်းကမတိမ်းမယိမ်း၇ှိနေရာကနေ အခုအခါမှာ ထိုင်းဟာစီးပွားရေးနဲ့ ဖွံဖြိုးတိုးတက်မှုမှာ ရှေ့ကိုတော်တော်ရောက်သွားတယ် ။ ဘုရင်ကြီးဘူမိဘော လို ဥာဏ်အမြော်အမြင်ရှိတဲ့သူတွေ ကို နေရာပေး တဲ့အကျိုးကျေးဇူးတွေပါပဲ ။ထိုင်းဘုရင်ကြီးဟာခေတ်ပညာတတ်တစ်ယောက်လဲဖြစ်တယ် ။သူဟာ
သိကြတဲ့အတိုင်း မြန်မာနိုင်ငံမှာတော့ ပညာတတ်ကိုမုန်းတီးတဲ့စိတ်၊ ကိုယ့်ထက်သာမနာလိုတဲ့စိတ်ဟာ မြန်မာ့နိုင်ငံရေးမှာလွှမ်းမိုးခဲ့တယ် ။ ၁၉၆၂ မှာ ဗိုလ်ချုပ်နေ၀င်းအာဏာသိမ်းပြီးတဲ့နောက်မှာ သူ့ထက်တော်တဲ့တတ်တဲ့သူတွေကို အမျိုးမျိုး နှိပ်ကွပ်ခဲ့တယ် ။ သူ့ အာဏာစက်အောက်က လွတ်ကင်းနေတဲ့ ကုလသမဂ္ဂအထွေထွေအတွင်းရေးမှူး ဦးသန့် လိုပုဂ္ဂိုလ်အပေါ်မှာတောင် မနာလိုမစ္ဆရိယစိတ်တွေများပြီး ကွယ်လွန်ချိန်အထိ အသိအမှတ်ပြုဖို့ ဝန်လေးခဲ့တယ် ။ သူများကိုလည်းမနာလို ကိုယ်ကိုယ်တိုင်ကလည်းတိုင်းပြည်ကို တိုးတက်အောင်လုပ်နိုင်တဲ့အရည်အချင်းနဲ့စေတနာမရှိတဲ့ခေါင်းဆောင်တွေပဲ မြန်မာနိုင်ငံမှာတယောက်ပြီးတယောက်ပေါက်ပေါက်ခဲ့တယ် ။

အဲဒိလိုတိုင်းပြည်မျိုးမွဲတာဘာဆန်းမှာလဲ ။ အဲဒိလိုတိုင်းပြည်မျိုးမှာ လူတွေက ကိုယ့်နိုင်ငံခေါင်းဆောင်တွေကိုမလေးစားတာ ဘာဆန်းမှာလဲ ။မချစ်ကြတာဘာဆန်းမှာလဲ ။ အချစ်ဆိုတာ လုပ်ယူလို့ရတာမဟုတ်ဘူး ။ အဘလို့ ခေါ်တိုင်းကြည်ညိုလေးစားတာမဟုတ်ဘူး ။ တစ်ဦးကစေတနာတစ်ဦးကမေတ္တာ ဆိုသလို အုပ်ချုပ်သူခေါင်းဆောင်တွေဘက်က ကောင်းလွန်းခဲ့တော့လည်း ထိုင်းနိုင်ငံမှာ ပြည်သူတွေက ဘုရင်ကြီးကွယ်လွန်တာကိုပူဆွေးဝမ်းနည်းကြတာပေါ့ ။ တိုနိုင်ငံမှာတော့ ဘုရင်ရူးရူးနေကြတဲ့ သူတွေ လည်းမနည်းပါဘူး ။အဲဒိလူတွေကို မြန်မာပြည်သူလူထုကဘယ်လိုသဘောထားသလဲ ၊ထိုင်းနိုင်ငံလိုပဲ ပြည်သူတွေက တနိုင်ငံလုံးချစ်ကြခင်ကြသလား။သေသွားတဲ့အခါ ပူဆွေးဝမ်းနည်းကြသလားဆိုတာ သိချင်ရင်လွယ်လွယ်လေးပါ ။နတ်ရွာစံ ကံတော်ကုန်တဲ့အခါ အခြေအနေမှန်ကိုသိရပါလိမ့်မယ် ။မိကျောင်းလား ၊ထင်းလားဆိုတာ ရေထဲချကြည့်တဲ့တဲ့အခါ ငြင်းမရအောင်ပေါ်လွင်ထင်ရှားလာပါလိမ့်မယ်ဖြစ်ကြောင်း။

သရ၀ဏ်(ပြည်)

သူရိယနေ၀န်းဂျာနယ်
၂၂.၁၀.၂၀၁၆

COMMENTS

Name

art,1,article,1317,cartoon variety,22,crime,68,culture,1,documentary,8,Entertainment,8,health,33,history,2,international,7565,interview,221,knowledge,8,Live,8,LocalNews,16100,news,2842,opinion,767,photos,203,poem,116,satires,39,song,12,speech,12,sports,147,statement,59,technic,57,translate,34,video,1068,voice,76,
ltr
item
dawnmanhon: ပြည်သူချစ်တဲ့ဘုရင်ဖြစ်ဖို့  -သရ၀ဏ်(ပြည်)
ပြည်သူချစ်တဲ့ဘုရင်ဖြစ်ဖို့  -သရ၀ဏ်(ပြည်)
https://1.bp.blogspot.com/-ge5EGpSPV2E/V_5kwzTP6tI/AAAAAAAAZnU/2pbQxoFgz442-d1SsgIKHrkFFYxUGEbeQCPcB/s1600/q1.jpg
https://1.bp.blogspot.com/-ge5EGpSPV2E/V_5kwzTP6tI/AAAAAAAAZnU/2pbQxoFgz442-d1SsgIKHrkFFYxUGEbeQCPcB/s72-c/q1.jpg
dawnmanhon
http://www.dawnmanhon.com/2016/10/blog-post_999.html
http://www.dawnmanhon.com/
http://www.dawnmanhon.com/
http://www.dawnmanhon.com/2016/10/blog-post_999.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy