Trump အနိုင်ရရင် ရက် ၁၀၀ အတွင်း ဘာတွေလုပ်မလဲ


ရီပတ်ဘလစ်ကန် သမ္မတလောင်း Donald Trump ဟာ ရှေ့လထဲကျင်းပမယ့် အမေရိကန် သမ္မတရွေးကောက်ပွဲမှာ သူအနိုင်ရခဲ့ရင်၊ လူဝင်မှုကြီးကြပ်ရေး လုပ်ငန်းတွေ ပြုပြင်ပြောင်းလဲရေး၊ အမေရိကန်လူလတ်တန်းစားတွေ အခွန်ပေးဆောင်နေရတာတွေကို ၃၅ ရာခိုင်နှုန်း လျှော့ချရေး စတာတွေကို ရက်ပေါင်း ၁၀၀ အတွင်း ဆောင်ရွက်မယ်လို့ ပြောဆိုလိုက်ပါတယ်။

အမေရိကန်ကို တရားမ၀င် ၀င်ရောက်လာနေတာတွေကို ဟန့်တားဖို့ ခိုးဝင်လာသူတွေကို အမြင့်ဆုံးပြစ်ဒဏ်အဖြစ် ထောင် ၂ နှစ်ချရေး ပြဌာန်းမယ်လို့ ပြောဆိုိခဲ့တာပါ။ ရာဇ၀တ်မှုကျုးလွန်ဖူးတဲ့ နောက်ခံရာဇ၀င်ရှိသူတွေ၊ အနည်းဆုံး ၂ ကြိမ် နေရပ်ရင်းပြန်ပို့ခံရဖူးသူတွေကိုတော့ အမြင့်ဆုံး ထောင် ၅ နှစ်အထိ အပြစ်ပေးမယ်လို့လည်း ဆိုပါတယ်။

တိုင်းပြည်သာယာဝပြောရေး၊ လူမှုအသိုင်းအ၀ိုင်းကြား လုံခြုံမှုရှိစေရေးနဲ့ သန့်ရှင်းတဲ့အစိုးရတရပ် ပေါ်ပေါက်လာအောင်၊ နိုဝင်ဘာ ၈ ရက် သမ္မတ ရွေးကောက်ပွဲမှာ အမေရိကန် နိုင်ငံသားတွေ ဒီရက် ၁၀၀ စီမံကိန်းကို မဲပေးကျမှာ ဖြစ်တယ်လို့လည်း Pennsylvania ပြည်နယ် Gettysburg မြို့က မိန့်ခွန်းထဲမှာ ပြောဆိုခဲ့တာပါ။ Trump မိန့်ခွန်းပြောခဲ့တဲ့ Gettysburg မြို့မှာပဲ လွန်ခဲ့တဲ့နှစ်ပေါင်း ၁၅၃ နှစ်တုန်းက သမ္မတ Abraham Lincoln ဟာလည်း သမိုင်းဝင်မိန့်ခွန်းတရပ် ပြောဆိုိခဲ့ဖူးပြီး၊ တိုင်းပြည်မှာ ပြည်တွင်းစစ်ဖြစ်ခဲ့ရတဲ့အထိ သဘောထား ကွဲပြားမှုတွေ ပေါ်ပေါက်ခဲ့သလို၊ အမေရိကန်ကို လမ်းကြောင်းပြောင်းခဲ့တဲ့အထိ ဖြစ်ခဲ့ဖူးပါတယ်။

ကွန်ဂရက်လွှတ်တော်အမတ်တွေ တာဝန်ယူနိုင်တဲ့ သက်တမ်းကို ကန့်သတ်ဖို့၊ ဗဟိုအစိုးရ၀န်ထမ်းတွေ ခန့်အပ်ခွင့်ကို ဆိုင်းငံ့ထားဖို့၊ အစိုးရရဲ့ လုပ်ထုံး လုပ်နည်းတွေကို လျှော့ချဖို့၊ အိမ်ဖြူတော်နဲ့ လွှတ်တော်မှာ အမှုထမ်းခဲ့ဖူးသူတွေ တာဝန်က အနားယူပြီးတဲ့အခါ၊ ပြင်ပမှာ စည်းရုံးလှုပ်ရှားသူတွေအဖြစ် လုပ်ခွင့်မပေးဘဲ တားမြစ်ထားဖို့တွေကိုလည်း Trump က အဆိုပြုခဲ့ပါတယ်။

 ဗွီအိုအေ (မြန်မာပိုင်း)
http://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.