November 2016



နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဒီကနေ့ စင်ကာပူနိုင်ငံမှ စီးပွားရေးလုပ်ငန်းရှင်များနှင့်တွေ့ဆုံ (Ministry of Foreign Affairs Myanmar)
မြန်မာနိုင်ငံရဲ့ ရင်းနှီးမြှုပ်နှံမှုဆိုင်ရာ ဥပဒေအသစ်ဟာ ရင်းနှီးမြှုပ်နှံသူတွေကို အပြည့်အ၀အာမခံချက်ပေးထားတဲ့ ဥပဒေဖြစ်တယ် လို့ဆိုပြီး မြန်မာနိုင်ငံမှာ ပြည်ပရင်းနှီးမြှုပ်နှံမှုတွေ ပိုရလာအောင် ဆွဲဆောင် စည်းရုံးတဲ့အနေနဲ့ စင်္ကာပူမှာလုပ်တဲ့ စီးပွားရေးဖိုရမ် တခုအတွင်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောသွားပါတယ်။

“ကျမတို့ရဲ့ ရင်းနှီးမြှုပ်နှံမှုဥပဒေသစ်ဟာ စီးပွားရေးလုပ်ကိုင်ရ လွယ်ကူစေဖို့ရည်ရွယ်ထားပါတယ်။ ချမှတ်ထားတဲ့ လုပ်ထုံး လုပ်နည်းအသစ်တွေဟာလည်း စီးပွားရေးလုပ်ငန်းတွေ စိတ်ချလက်ချလုပ်နိုင်ဖို့အတွက် ပိုပြီး လွယ်ကူစေပါလိမ့်မယ်။ ဘာကြောင့် လည်းဆိုတော့ ရင်းနှီးမြှုပ်နှံမှုတွေကနေ ကိုယ်လိုချင်တာကို ပြန်ရလာစေဖို့ ကျမတို့ရဲ့ ရင်းနှီးမြှုပ်နှံမှုဥပဒေ တစိတ်တပိုင်းက အာမခံချက်ပေးထားပါတယ်။ စီးပွားရေးလုပ်ငန်းတွေကို တရားလက်လွတ်နဲ့ တိုက်ရိုက်သော်လည်းကောင်း၊ သွယ်ဝိုက်၍သော် လည်းကောင်း ကြိုပြီး မျှော်လင့်မထားဘဲ ထိခိုက်ပျက်စီးအောင် လုပ်မှာမဟုတ်ပါဘူး။” လို့ ဒေါ်အောင်ဆန်းစုကြည်က ပြောသွား ပါတယ်။

ဒီဇင်ဘာလ ၂ ရက်နေ့ထိ သုံးရက်ကြာ စင်္ကာပူနိုင်ငံခရီးစဉ်အစ ဒီကနေ့မှာပဲ စင်္ကာပူမှာရှိတဲ့ နိုင်ငံတကာစီးပွားရေးလုပ်ငန်းရှင် တွေကို ဒေါ်အောင်ဆန်းစုကြည်က အဲဒီလိုပြောတာပါ။ ဒိပွဲအတွင်းမှာပဲ မြန်မာနိုင်ငံ အမျိုးသားပြန်လည်သင့်မြတ်ရေးနဲ့ ငြိမ်းချမ်း ရေးဟာ သိပ်ကိုအရေးကြီးတယ်လို့လည်း ဒေါ်အောင်ဆန်းစုကြည်က ထည့်ပြောသွားပါတယ်။ ဒါဟာ ရွေးချယ်ရမယ့်ကိစ္စ မဟုတ် ဘဲ မဖြစ်မနေကို လုပ်ရမယ့်ကိစ္စဖြစ်ပြီး ငြိမ်းချမ်းရေးနဲ့ အမျိုးသားပြန်လည်သင့်မြတ်ရေးရမှသာ တိုင်းပြည်လည်း တိုးတက်နိုင်၊ ရင်းနှီးမြှုပ်နှံချင်သူတွေအတွက်လည်း ယုံကြည်မှုရနိုင်မှာဖြစ်တယ်လို့ ဒေါ်အောင်ဆန်းစုကြည်က ပြောသွားပါတယ်။

 ဗွီအိုအေ (မြန်မာပိုင်း)
http://burmese.voanews.com


ထိုင်းနိုင်ငံ ၁၀ ဆက်မြောက် ရာမ မင်းဆက် ဖြစ်လာမည့် ဘုရင် မဟာ ဝိဇယလောင်ကွန်းအား အခမ်းအနား တစ်ခုတွင် တွေ့ရစဉ် (ဆင်ဟွာ)
  ဘန်ကောက်၊ နိုဝင်ဘာ ၃၀ ရက် (ဆင်ဟွာ)

    ထိုင်းနိုင်ငံ အိမ်ရှေ့မင်းသား မဟာ ဝိဇယလောင်ကွန်း (Maha Vajirallongkorn) သည် ၁၀ ဆက်မြောက် ရာမဘုရင် (Rama X) အဖြစ် ထီးနန်းလွှဲအပ်မှုအား လက်ခံခဲ့ကြောင်း ဒုတိယ ဝန်ကြီးချုပ် ပရာဝတ် ဝန်စူဝမ်က နိုဝင်ဘာလ ၃၀ ရက်က ပြောကြားလိုက်သည်။

အိမ်ရှေ့မင်းသားက ဘုရင် ဖြစ်လာစေမည့် ဖိတ်ကြားချက်အား လက်ခံရရှိပြီး ဖြစ်ကြောင်း၊ တည်ဆဲဥပဒေ၏ လုပ်ထုံးလုပ်နည်းအရ အားလုံး လုပ်ဆောင်ခဲ့ခြင်း ဖြစ်ကြောင်း ပရာဝတ်က သတင်းထောက်များအား နိုဝင်ဘာလ ၃၀ ရက် နံနက်ပိုင်းက ပြောကြားခဲ့ခြင်း ဖြစ်သည်။

ထိုင်းလွှတ်တော် သို့မဟုတ် ဥပဒေပြု လွှတ်တော် (NLA) က အိမ်ရှေ့မင်းသားအား နန်းတက်ရန် နိုဝင်ဘာလ ၂၉ ရက်က ဖိတ်ကြားခဲ့ကြောင်း သိရသည်။

လွှတ်တော်မှ ဖိတ်ကြားချက်အား အိမ်ရှေ့မင်းသားက လက်ခံခဲ့ပြီးနောက် နှစ်ပေါင်း ၂၃၄ နှစ်ရှိပြီ ဖြစ်သော  ချာခရီ မင်းဆက်၏ ၁၀ ဆက်မြောက် ရာမ ဘုရင်အဖြစ် ထီးနန်း ဆက်ခံမည် ဖြစ်သည်။ မင်းသားသည့် ၎င်း၏ ခမည်းတော် နန်းသက် နှစ်ပေါင်း ၇၀ ကျော် အုပ်စိုးခဲ့ပြီး သက်တော် ၈၈ နှစ်အရွယ်တွင် နတ်ရွာစံခဲ့သော ဘုရင် ဘူမိဘော အဒူလျာဒတ်၏ အရိုက်အရာကို ဆက်ခံမည် ဖြစ်သည်။

(Xinhua)
http://xinhuamyanmar.com


(ခိုလမ်၊ နိုဝင်ဘာ ၃၀)

နိုဝင်ဘာလ ၂၉ ရက်နေ့ နံနံက်ပိုင်းက ကာလိမြို့နယ်ခွဲ၊ ကာလိကျေးရွာအနီးတွင် လူစီးယာဉ်ငယ်တစ်စီး လမ်းဘေးကမ္ဘားယံကိုဝင်တိုက်၍ အဆိုပါယာဉ်အား မောင်းနှင်လာသူ ရဟန်းတော်မှာ အချင်းဖြစ်နေရာတွင်ပင် ပျံလွန်တော်မူသွားကြောင်း ကာလိမြို့နယ်ခွဲရဲစခန်းမှ သတင်းရရှိသည်။

“အရှိန်မထိန်းဘဲ လမ်းညာဖက်ရေမြောင်းထဲ ထိုးကျ လမ်းဘေးကမ္ဘားယံကိုဝင်တိုက်ပြီး အခင်းဖြစ်နေရာ မှာဘဲ ကိုယ်တော်ကြီးပျံလွန်တော်မူလို့ ခိုလန်ကုတင်(၁၀၀)ဆေးရုံကိုပေးပို့လိုက်ပြီး အမှုဖွင့်ဆောင်ရွက် နေပါ တယ်“ဟု ကာလိမြို့နယ်ခွဲရဲစခန်းမှ ရဲအုပ်ရဲနောင်စိုးက ပြောသည်။

ဖြစ်စဉ်မှာ နိုဝင်ဘာလ ၂၉ရက် နေ့ နံနက်၁၀နာရိမိနစ်၂၀ခန့်တွင် ခိုလန်မှ ၁၁မိုင်အကွာ ကွန်ဟိန်း နမ့်စမ်လမ်းမ၏ ယာဘက်တွင် အ၀ါရောင်သာသနာနံပါတ်တပ် လူစီးယာဉ်ငယ်တစ်စီး လမ်းဘေးထိုးကျ လမ်းဘေးကမ္ဘား ယံကိုဝင်တိုက်ပြီးရဟန်းတော်တစ်ပါး ပျံလွန်တော်မူနေကြောင်းသတင်းအရ ကာလိရဲစခန်းမှသွားရောက်စစ်ဆေးရာ ကွန်ဟိန်းမှနမ့်စမ်သို့ ကွန်ဟိန်း လောကပါလကျောင်းတိုက်မှ ဦးပဉ္စင်းဥုးဝါယမ သက်တော်(၇၀)၊၀ါတော်(၃)၀ါ၊ မောင်းလာသည့် RLG9167 သာသနာ့နံပါတ်တပ် ကားငယ်မှာ မိုင်တိုင်၂၁၇/၇အရောက်တွင် အရှိန်မထိန်းနိုင်ဘဲ လမ်းယာဘက် လမ်းဘေးကမ္ဘားယံကိုဝင်တိုက်မိကာ ယာဉ်မောင်းရဟန်းမှာ နေရာတွင်ပင် ပျံလွန်တော်မူသွား ကြောင်းစစ်ဆေးတွေ့ရှိရသဖြင့် ရဲလုပ်ထုံးလုပ်နည်းများအရ ဆောင်ရွက်ထားရှိသည့်ဖြစ်စဉ်ဖြစ်သည်။

ယာဉ်တိမ်းမှောက်မှုအားခိုလန်ရဲစခန်းမှ (ပ) ၁၂/၂၀၁၆ရာဇသတ်ကြီးပုဒ်မ ၂၇၉/၃၀၄-ကဖြင့် အမှုဖွင့်လှစ်ထားရှိပြီး တရားလိုအဖြစ် လွယ်လင် ယာဉ်ထိန်းတပ်ဖွဲ့(၁၁၅)မှဒုရဲအုပ်ဇော်ထက်ပိုင်က ဆောင်ရွက်၍ အမှုစစ်အဖြစ် ရဲအုပ်ရဲနောင်စိုးမှ ဆောင်ရွက်လျှက်ရှိကြောင်း အဆိုပါရဲစခန်းမှ သတင်းရရှိသည်။

မင်းဇော်မင်း
Kanbawza Tai News Journal
https://www.facebook.com/kanbawzatai



အာဖဂန်တွင် တိုက်ပွဲအတွက် အာဖဂန်နှင့် အမေရိကန် စစ်သားများ ပြင်ဆင်နေပုံအား တွေ့ရစဉ် (ဓာတ်ပုံ-အင်တာနက်)
    ဂါ့ဇ်နီ၊ အာဖဂန်နစ္စတန်၊ နိုဝင်ဘာ ၃၀ ရက် (ဆင်ဟွာ)

    အာဖဂန်နိုင်ငံ အရှေ့ပိုင်း ဂါ့ဇ်နီပြည်နယ်တွင် တာလီဘန်များ ပါဝင်သည့် ယာဉ်တန်းတစ်ခုအား တိုက်ခိုက်ခဲ့ရာ တာလီဘန် အဓိက တပ်မှူး တစ်ဦး ဖြစ်သည့် မူလာလ် ရိုင်ဟန် အပါအဝင် စစ်သွေးကြွ ၁၆ ဦးနှင့်အထက် သေဆုံးခဲ့ကြောင်း ပြည်နယ်ဆိုင်ရာ ရဲချုပ် အမင်နူလ်လာ အိုမာခီလ်က ပြောကြားလိုက်သည်။

ယနေ့ နံနက်ပိုင်းက Aband ခရိုင်၌ သတင်းပေးချက်အရ လုံခြုံရေး တပ်ဖွဲ့ဝင်များက တိုက်ခိုက်ခဲ့ရာ နာမည်ဆိုးဖြင့် ကျော်ဇောသည့် မူလာလ် ရိုင်ဟန်သည် နေရာတွင် ပွဲချင်းပြီး သေဆုံးခဲ့ပြီး စုစုပေါင်း တာလီဘန် ၁၆ ဦး သေဆုံးကာ လူ ၅ ဦး ဒဏ်ရာရရှိခဲ့ကြောင်း အိုမာခီလ်က သတင်းထောက်အား ပြောကြားခဲ့သည်။

ဂါ့ဇ်ဇာပြည်နယ်တွင် မူလာလ် ရိုင်ဟန် သေဆုံးခြင်းသည် တာလီဘန်များအတွက် ကြီးမားသော ဆုတ်ယုတ်မှု တစ်ခု ဖြစ်ကြောင်း အဆိုပါ ရဲချုပ်က ပြောသည်။

အဆိုပါ တိုက်ခိုက်မှုအတွင်း လုံခြုံရေး တပ်ဖွဲ့ဝင် တစ်ဦးတစ်ယောက်မျှ ထိခိုက်မှု မရှိကြောင်းနှင့် တာလီဘန်များဘက်ကမူ မည်သည့် မှတ်ချက်မျှ မပေးထားပေ။

(Xinhua)
http://xinhuamyanmar.com



ပြည်ထောင်စုဝန်ကြီး ဒေါက်တာအောင်သူ နိုဝင်ဘာလ ၃၀ ရက်နေ့က ပြည်ထောင်စုလွှတ်တော်မှာ တင်ပြနေစဉ်။ Photo: Win Naung Toe/ RFA
လယ်ယာမြေ ဧက ၅၀ အထိပိုင်ဆိုင်တဲ့ တောင်သူလယ်သမားတစ်ဦးကို ကျပ်သန်း ၅၀ အထိ ချေးငွေ ထုတ်ပေး သွားမှာကြောင်းဖြစ်ကြောင်း စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီး ဒေါက်တာ အောင်သူက ပြည်ထောင်စု လွှတ်တော်မှာ ဒီနေ့ ပြောပါတယ်။

နိုင်ငံတော်သမ္မတက ပြည်ထောင်စုလွှတ်တော်ထံ ပေးပို့ထားတဲ့ ဂျပန်နိုင်ငံအပြည်ပြည်ဆိုင်ရာ ပူးပေါင်းဆောင် ရွက်ရေးအေဂျင်စီထံကနေ ဂျပန်ယန်း သန်းပေါင်း ကိုးသောင်းလေးထောင်နီးပါး ချေးယူမယ့်ကိစ္စနဲ့ ပတ်သက်ပြီး လွှတ်တော်ထံ ရှင်းလင်းတင်ပြရာမှာ ပြည်ထောင်စုဝန်ကြီး ဒေါက်တာအောင်သူ က ပြောခဲ့တာဖြစ်ပါတယ်။

ဂျပန်နိုင်ငံအပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီထံကနေ ချေးယူမယ့်ငွေတွေထဲက မြန်မာ့ လယ်ယာကဏ္ဍဖွံ့ဖြိုးရေးစီမံကိန်းတွေအတွက် ဂျပန်ယန်းသန်းပေါင်း တစ်သောင်းငါးထောင် ကျော်ကို စိုက် ပျိုးရေး၊ မွေးမြူရေးနဲ့ဆည်မြောင်းဝန်ကြီးဌာနက အသုံးပြုသွားမှာဖြစ်ပါတယ်။

ဝန်ကြီးဌာနက အကောင်အထည်ဖော်မယ့် လယ်ယာကဏ္ဍနဲ့ ကျေးလက်ဒေသဖွံ့ဖြိုးရေးစီမံကိန်းကို လာမယ့် ၂၀၁၇ - ၂၀၁၈ ဘဏ္ဍာရေးနှစ် မှာ နေပြည်တော်ကောင်စီနယ်မြေ ၊ ဧရာဝတီတိုင်းဒေသကြီး၊ မန္တလေးတိုင်းဒေသကြီးနဲ့ ပဲခူးတိုင်းဒေသကြီးအနောက်ဖက်ခြမ်းမှာ စတင်မှာဖြစ်ပြီး နောက်နှစ်မှာ မွန် ပြည်နယ်၊ ရှမ်းပြနယ်တောင်ပိုင်းနဲ့ ရန်ကုန်တိုင်းဒေသကြီးတို့မှာဆက်ပြီး လုပ်ဆောင်သွားမှာ ဖြစ်ကြောင်းလည်း ဒေါက်တာအောင်သူက ပြောပါတယ်။

အဲဒီချေးငွေဟာ အတိုးနှုန်း သုည ဒသမ သုညတစ် ရာခိုင်နှုန်းဖြစ်ပြီး ပြန်ဆပ်ရမယ့်ကာလမှာ ဆိုင်းငံ့ကာလ အပါအ၀င် နှစ်ပေါင်း လေးဆယ်နဲ့ အတိုးကို တစ်နှစ် နှစ်ကြိမ်ပေးသွင်းရမှာဖြစ်ပါတယ်။

အဲဒီချေးငွေတွေနဲ့ ဆောက်လုပ်ရေးဝန်ကြီး ဌာနက တိုင်းနဲ့ပြည်နယ်တွေမှာ လမ်းနဲ့တံတား စီမံကိန်းတွေအတွက် အသုံးပြုမှာဖြစ်သလို၊ ပို့ဆောင်ရေးနဲ့ ဆက်သွယ်ရေးဝန်ကြီးဌာနက ရန်ကုန်-မန္တလေးရထားလမ်းအဆင့်မြှင့် တင်ခြင်းလုပ်ငန်းကိုအကောင်အထည်ဖော်မယ်လို့လည်း သိရပါတယ်။

ဒါ့အပြင် လျှပ်စစ်နဲ့စွမ်းအင်ဝန်ကြီးဌာနကလည်း တိုင်းနဲ့ပြည်နယ်တွေနဲ့ မြို့ကြီး တွေအတွက် လျှပ်စစ် ဓာတ်အားဖြန့်ဖြူးလုပ်ငန်းတွေကိုအသုံးပြုသွား မှာဖြစ်ကြောင်းနဲ့ ရန်ကုန်မြို့ ရေပေးဝေရေးလုပ်ငန်းအတွက်လည်း လုပ်ဆောင်သွားမှာဖြစ်ကြောင်း သက်ဆိုင်ရာ ၀န်ကြီးဌာနတွေ က ပြည်ထောင်စု လွှတ်တော်မှာ ရှင်းပြခဲ့ပါတယ်။

မြန်မာ့လယ်ယာဖွံ့ဖြိုးရေးဘဏ်အနေနဲ့ အဲဒီချေးငွေထဲကနေ တောင်သူလယ်သမားတွေနဲ့ လယ်ယာစီးပွားရေး လုပ်ငန်းရှင်တွေကို တစ်နှစ်ကို အတိုးနှုန်း ၈ ရာခိုင်နှုန်းနဲ့ ချေးပေးသွားမှာဖြစ်ပါတယ်။

RFA Burmese
http://www.rfa.org/burmese


နေပြည်တော် နိုဝင်ဘာ ၃၀

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် စင်ကာပူနိုင်ငံ ၀န်ကြီးချုပ် မစ္စတာ လီရှန်လွန်း၏ ဖိတ်ကြားချက်အရ စင်ကာပူသမ္မတနိုင်ငံသို့ တရားဝင် ခရီးစဉ်အဖြစ် ယနေ့ နံနက် ၈ နာရီ မိနစ် ၂၀ တွင် ရန်ကုန် အပြည်ပြည် ဆိုင်ရာလေဆိပ်မှ လေကြောင်းခရီးဖြင့် ထွက်ခွာသွားသည်။

နိုင်ငံတော်၏အတိုင်ပင်ခံပုဂ္ဂိုလ်နှင့်အတူ စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန ပြည်ထောင်စု ၀န်ကြီး ဒေါက်တာသန်းမြင့်၊ နိုင်ငံခြားရေးဝန်ကြီးဌာန ဒုတိယ၀န်ကြီး ဦးကျော်တင်နှင့် နိုင်ငံခြားရေးဝန်ကြီး ဌာန၊ စီမံကိန်းနှင့်ဘဏ္ဍာရေး ၀န်ကြီးဌာနတို့မှ တာဝန်ရှိပုဂ္ဂိုလ်များ လိုက်ပါ သွားကြသည်။

နိုင်ငံတော်၏အတိုင်ပင်ခံပုဂ္ဂိုလ် ဦးဆောင်သည့် မြန်မာကိုယ်စားလှယ်အဖွဲ့သည် ဒေသစံတော်ချိန် မွန်းလွဲ ၁၂ နာရီ ၄၀ မိနစ်တွင် စင်ကာပူနိုင်ငံ ချန်ဂီအပြည်ပြည် ဆိုင်ရာလေဆိပ်သို့ ရောက်ရှိကြရာ လေဆိပ်၌ စင်ကာပူနိုင်ငံခြား ရေးဝန်ကြီး မစ္စတာ ဗီဗီယန် ဘာလာကရစ်ရ်ှနန်၊ မြန်မာသံအမတ်ကြီး ဦးဌေးအောင်နှင့် သံရုံး ၊ စစ်သံရုံးတို့မှ တာဝန်ရှိသူများက ကြိုဆိုနှုတ်ဆက်ကြသည်။

Myanmar State Counsellor Office
https://www.facebook.com/state.counsellor/



အကြမ်းဖက်သောင်းကျန်းသူများက ကွတ်ခိုင်မြို့နှင့် မုံးကိုးမြို့ရှိ မုံးကိုးကာကင်းစခန်းအား လက်နက်ကြီးများဖြင့် လာရောက်ပစ်ခတ်
နေပြည်တော်၊ နိုဝင်ဘာ ၃၀

ရှမ်းပြည်နယ်အရှေ့မြောက်ဒေသ၊ ကွတ်ခိုင်မြို့အထွက်ရှိ အိုရီယမ်တယ်တိုးဂိတ်အား ယနေ့နံနက် ၆ နာရီ ၄၀ မိနစ်ခန့်တွင် KIA/TNLA အကြမ်းဖက်သောင်းကျန်းသူ ပူးပေါင်းအဖွဲ့က လက်နက်ကြီးဖြင့် ၂ ချက် လာရောက်ပစ်ခတ်ခဲ့သဖြင့် နယ်မြေခံတပ်က လက်နက်ကြီးများဖြင့် ပြန်လည်ပစ်ခတ်ခဲ့ရာ ရန်သူပစ်ခတ်မှု ရပ်တန့်သွားခဲ့သည်။ ဖြစ်စဉ်တွင် လူနှင့် အဆောက်အဦများ ထိခိုက်ပျက်စီးမှုမရှိကြောင်းနှင့် ရန်သူပစ်ခတ် ခဲ့သည့် ဗုံးသီးများသည် တိုးဂိတ်၏ အနောက်ဘက် မီတာ ၃၀၀ ခန့်အကွာတွင် ကျရောက်ပေါက်ကွဲခဲ့ကြောင်း သိရှိရသည်။

အလားတူ နိုဝင်ဘာ ၂၉ ရက် ည ၇ နာရီ ၄၅ မိနစ်ခန့်ကလည်း မုံးကိုးမြို့ရှိ မုံးကိုးကာကင်းစခန်းအား KIA အကြမ်းဖက်သောင်းကျန်းသူအဖွဲ့ အင်အား ၃၀ ဦးခန့်က လက်နက်ကြီး/လက်နက်ငယ်များဖြင့် ပစ်ခတ်ခဲ့ရာ တပ်မတော်စစ်ကြောင်းများက ပြန်လည်ပစ်ခတ်တိုက်ခိုက်ခဲ့သဖြင့် ရန်သူပစ်ခတ်မှုရပ်တန့်သွားခဲ့သည်။ ဖြစ်စဉ်တွင် တပ်မတော်မှ စစ်သည်အချို့ ထိခိုက်ဒဏ်ရာရရှိခဲ့သည်။

ဖြစ်စဉ်များဖြစ်ပွားခဲ့သည့်နေရာနှင့် အနီးပတ်ဝန်းကျင်တစ်ဝိုက်အား တပ်မတော်စစ်ကြောင်းများက နယ်မြေရှင်းလင်းရေးလုပ်ငန်းများ ဆောင်ရွက်လျက်ရှိကြောင်း သတင်းရရှိသည်။

တပ်မတော်ကာကွယ်ရေးဦးစီးချုပ်ရုံး
https://www.facebook.com/Cincds/


ရွေးကောက်ခံသမ္မတ Donald Trump က သူ့အစိုးရအဖွဲ့အတွက် နိုင်ငံခြားရေးဝန်ကြီးအဖြစ် ခန့်မယ့်သူကို ရွေးချယ်နေဆဲ ကာလအတွင်းမှာပဲ အင်္ဂါနေ့က အရေးပါတဲ့ ၀န်ကြီးရာထူး ၂ ခုအတွက် အမည်စာရင်း တင်သွင်းလိုက်ပြီ ဖြစ်ပါတယ်။

သမ္မတ Barack Obama ရဲ့ ကျန်းမာရေးစောင့်ရှောက်မှု အစီအစဉ်သစ်ကို အပြင်းအထန် ဆန့်ကျင်တဲ့ Georgia ပြည်နယ်က အောက်လွှတ်တော်အမတ် Tom Price ကို ကျန်းမာရေးနဲ့ လူမှုဝန်ဆောင်မှုဝန်ကြီးအဖြစ် ရွေးချယ်လိုက်ပါတယ်။

Tom Price အနေနဲ့ Obamacare လို့ လူသိများတဲ့ သမ္မတ အိုဘားမားရဲ့ ကျန်းမာရေးစောင့်ရှောက်မှု အစီအစဉ်ကို ပြင်ဆင်၊ မွမ်းမံဖို့ ဦးဆောင် လုပ်ကိုင်သွားမယ့် ပုဂ္ဂိုလ် ဖြစ်ပါတယ်။

လွှတ်တော်အမတ်အဖြစ် ၆ ကြိမ် ရွေးကောက်တင်မြောက်ခံထားရတဲ့ အရိုးအထူးကုဆရာဝန် Tom Price ဟာ ၆ နှစ်တာ သက်တမ်း ရှိလာပြီဖြစ်တဲ့ သမ္မတ အိုဘားမားရဲ့ ကျန်းမာရေးစောင့်ရှောက်မှု အစီအစဉ်ကို ပြင်ဆင်ပြီး အများပြည်သူ ငွေကြေးတတ်နိုင်ပြီး အလွယ်တကူ ကျန်းမာရေး ကုသမှု ခံယူနိုင်မယ့် စနစ်တခုနဲ့ အစားထိုးရေး လုပ်ဆောင်ဖို့ အရည်အချင်း ပြည့်မှီသူတဦးဖြစ်တယ်လို့ Trump က ပြောပါတယ်။

ဒါ့အပြင် သမ္မတ Bush အစိုးရလက်ထက်အတွင်း အလုပ်သမားဝန်ကြီးအဖြစ် တာဝန်ထမ်းဆောင်ခဲ့တဲ့ Elaine Chao ကို ပို့ဆောင်ရေးဝန်ကြီးအဖြစ် ခန်အပ်ဖို့ ရွေးချယ်လိုက်ကြောင်းလည်း ကြေညာခဲ့ပါတယ်။ Elaine Chao ဟာ Trump အစိုးရအဖွဲ့ထဲမှာ ၀န်ကြီးအဖြစ် လျာထားခံရတဲ့ ပထမဆုံး အာရှနွယ်ဖွားတဦး ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com


KIA/TNLA/MNDAA လက်နက်ကိုင်အဖွဲ့ ဖမ်းဆီးခေါ်ဆောင်သွားသည့် တိုးဂိတ်ဝန်ထမ်း သုံးဦးအနက် တစ်ဦးအား သေဆုံးလျက်တွေ့ရှိ
နိုဝင်ဘာ ၃၀၊ ၂၀၁၆

KIA/TNLA/MNDAA လက်နက်ကိုင် ပူးပေါင်းအဖွဲ့မှ နိုဝင်ဘာ ၂၁ ရက် မွန်းလွဲပိုင်းက ကွတ်ခိုင်မြို့နယ် နမ့်ဖတ်လွန်းရွာအနီးရှိ အောရီယမ်တယ်လ် ဟိုင်းဝေးတိုးဂိတ်မှ ဖမ်းဆီးခေါ်ဆောင် သွားခဲ့သည့် ၀န်ထမ်းသုံးဦးအနက် ကျော်ဇင်ဦးမှာ ယင်းနေ့တွင် ထွက်ပြေးလွတ်မြောက်ခဲ့ပြီး ကျန်ရှိသူ နှစ်ဦးအနက် ဦးတင့်နိုင်အား နိုဝင်ဘာ ၂၉ ရက် မွန်းလွဲပိုင်းက နမ့်ဖတ်လွန်းကျေးရွာ အနီးရှိ တောစပ်၌ ယာလည်ပင်းမှ ဦးခေါင်းအထိ ကျည်ဖောက်ထွက် ဒဏ်ရာတစ်ချက်၊ နောက်ကျောခါးရိုးမှ ဗိုက်အထိ ကျည်ဖောက်ထွက် ဒဏ်ရာ တစ်ချက်တို့ဖြင့် သေဆုံးနေသည်ကို ပြန်လည်တွေ့ရှိခဲ့သည်။ ကျန်တစ်ဦးအား ဆက်လက် ရှာဖွေလျက်ရှိကြောင်း သိရသည်။

ပျောက်ဆုံး ရဲတပ်ဖွဲ့ဝင် ၂ ဦး ပြန်လည်ရောက်ရှိ

နိုဝင်ဘာ ၃၀၊ ၂၀၁၆

KIA လက်နက်ကိုင်အဖွဲ့က နိုဝင်ဘာ ၂၈ ရက် ညနေပိုင်းတွင် ဖမ်းဆီးခေါ်ဆောင်သွားသည့် ကွတ်ခိုင် မြို့နယ် နမ့်ဖတ်ကာရဲကင်းစခန်းမှ ဒုရဲအုပ် မြင့်ဌေးနှင့် ရဲတပ်ကြပ် လင်းထက် တို့သည် နိုဝင်ဘာ ၂၉ ရက် ညနေပိုင်းတွင် နမ့်ဖတ်ကာ ရဲကင်းစခန်းသို့ ပြန်လည်ရောက်ရှိခဲ့သည်။

၎င်းတို့၏ ပြောကြားချက်အရ နိုဝင်ဘာလ ၁၈ ရက် ညနေပိုင်း၌ မူဆယ်မြို့နယ်တရားရုံးမှ နမ့်ဖတ်ကာ ရဲကင်းစခန်းသို့ ပြန်လာစဉ် ညနေ ၅ နာရီခွဲတွင် နမ့်ကွက်ကျေးရွာသို့ အရောက် KIA လက်နက်ကိုင် ၁၀ ဦးခန့်က ၄င်းတို့ကားကို လက်နက်များဖြင့်ချိန်၍ တားဆီးခဲ့ကြောင်း၊ ၄င်းနောက် ၄င်းတို့ ၂ ဦးကို လက်ထိပ်ခတ်ပြီး KIA လက်နက်ကိုင်များ စခန်းချနေသည့် တောင်ကုန်းပေါ်သို့ ခေါ်သွား ခဲ့ကြောင်း၊ ၎င်း၏ ကိုယ်ရေးအချက်အလက်များကို စစ်ဆေးမေးမြန်းခဲ့ကြောင်း၊ နိုဝင်ဘာ ၂၉ ရက် နံနက်ပိုင်းတွင် ၄င်းတို့၏ လက်ကိုင်ဖုန်း ၂ လုံးကို သိမ်းဆည်းကာ လွှတ်ပေးလိုက်ခြင်းဖြစ်ကြောင်း သိရသည်။

State Counsellor Office Information Committee
https://www.facebook.com/SCOInfoC/



အလက်ပိုမြို့အားသိမ်းပိုက်ရန် ကြိုးပမ်းနေသည့် ဆီးရီးယား စစ်သားများအားတွေ့ရစဉ် (ဆင်ဟွာ)
  ဒမတ်စကက်၊ နိုဝင်ဘာ ၃၀ရက် (ဆင်ဟွာ)

    ဆီးရီးယားစစ်တပ်သည် နိုင်ငံမြောက်ပိုင်းရှိ အလက်ပိုမြို့အတွင်း တိုက်ပွဲအောင်မြင်မှုများ ဆောလျင်စွာ ရရှိလာခြင်း နှင့် မြို့အား ပြန်လည်သိမ်းပိုက်နိုင်ရန် ပိုမိုနီးစပ်လာခြင်းတို့သည် ငါးနှစ်ကြာ ဖြစ်ပွားခဲ့သည့် တိုက်ပွဲများအတွင်း ဆီးရီးယားအစိုးရ စစ်တပ်၏ အကြီးမားဆုံး  အောင်မြင်မှုဖြစ်လာမည်ဖြစ်ကြောင်း လေ့လာသုံးသပ်သူများက ဆိုသည်။

၂၀၁၂ခုနှစ်ကတည်းက သူပုန်များလက်သို့ကျရောက်ခဲ့ရသည့် အလက်ပိုမြို့အရှေ့ပိုင်းရှိ ဧရိယာများသည် ရုရှားနိုင်ငံ၏  အထောက်အပံ့ဖြင့် ဆီးရီးယား စစ်တပ် နှင့် ၎င်း၏ မဟာမိတ် လက်ဘနွန် ဟစ်ဇဘိ်ုလာတို့၏ ထိန်းချုပ်မှုအောက်သို့ တဖြည်းဖြည်း ပြန်လည်ရောက်ရှိလာခဲ့ကြောင်း သိရသည်။

ထောင်ပေါင်းများစွာသော ဆီးရီးယားနိုင်ငံသားများ အလက်ပိုမြို့ အနောက်ပိုင်းရှိ အစိုးရကထိန်းချုပ်ထားသော နယ်မြေများသို့ ရွှေ့ပြောင်းနေသည့်ကြားထဲမှ ဆီးရီးယား အစိုးရတပ်ဖွဲ့များသည် အလက်ပိုမြို့ အရှေ့ပိုင်း ရှိ သူပုန်များ ထိန်းချုပ်ထားသည့် ဧရိယာ တစ်ဝက်နီးပါးလောက်အား ပြန်လည် ထိန်းချုပ်ထားနိုင်ခဲ့ကြောင်း သိရသည်။

အလက်ပိုမြို့သာ ဆီးရီးယားအစိုးရတပ်များ၏လက်အောက်သို့ကျရောက်ခဲ့ပါက ဆီးရီးယား၏ အဓိက မြို့ငါးမြို့အား ထိန်းချုပ်နိုင်လိမ့်မည်ဖြစ်ကြောင်း သိရသည်။
အလက်ပိုမြို့အား အစိုးရတပ်ဖွဲ့က ထိန်းချုပ်နိုင်ခဲ့ပါက ဆီးရီးယားစစ်အစိုးရအား ဖြုတ်ချရန် ကြိုးပမ်းဆောင်ရွက်မှု ကျရှုံးသွားခြင်းပင်ဖြစ်လိမ့်မည်ဟု လေ့လာသုံးသပ်သူများက ဆိုသည်။

(Xinhua)
http://xinhuamyanmar.com



Chapecoense အသင်း ရဲ့ တန်းဆင်း ရမယ့် အရေး ကနေ ၃ နှစ် တိတိ ကာကွယ် ပေးဖို့ ကိုလည်း ဘရာဇီး ဘောလုံး အသင်း တွေက တောင်းဆို ခဲ့
ဘရာဇီး က Chapecoense အသင်းသား တွေ စီးနင်း လိုက်ပါလာတဲ့ လေယာဉ်ပျံ ကိုလံဘီယာ နိုင်ငံမှာ ပျက်ကျ ခဲ့ပြီးနောက် ကမ္ဘာ တစ်ဝှန်း က အားကစား သမား တွေက ဝမ်းနည်း ကြောင်း အသီးသီး တုန့်ပြန် ခဲ့ကြပါတယ်။

ဘောလုံး လောက အတွက် ကြေကွဲဖွယ် နေ့ရက် တစ်ရက် ဖြစ်တယ်လို့လည်း ကမ္ဘာ့ ဘောလုံး အဖွဲ့ချုပ် FIFA က ထုတ်ပြန် ခဲ့ပါတယ်။

Chapecoense အသင်း ဟာ ကိုပါတောင်အမေရိက ဖလား နောက်ဆုံး ဗိုလ်လု ပွဲစဉ် ယှဉ်ပြိုင် ဖို့ အတွက် ကိုလံဘီယာ နိုင်ငံ ကို ခရီးထွက်ခွာ လာခဲ့တာ ဖြစ်ပါတယ်။

ဘရာဇီး နိုင်ငံက ကလပ်အသင်း ရဲ့ ဘောလုံး ကွင်းမှာ ပရိသတ် တွေက စုဝေး ခဲ့ကြပြီး သေဆုံး ခဲ့သူ တွေ အတွက် ဝိုင်းဝန်း ဆုတောင်း ပေး ခဲ့ ကြ ပါတယ်။

ဘရာဇီး ဘောလုံး လောက အတွက် ကြေကွဲ စရာ နေ့ တစ်နေ့ ဖြစ်ပြီး ဝမ်းနည်း ပူဆွေး ဖွယ် ကာလ ၃ ရက် သတ်မှတ် ထားပါတယ်။

Chapecoense ဘောလုံး အသင်း က အဓိက ကစားသမား အတော်များများ ဟာ လေယာဉ် ပျက်ကျ တဲ့ အထဲ ပါဝင် သွားတဲ့ အတွက် ဘရာဇီး နိုင်ငံ အတွင်း က ဘောလုံး အသင်း ၁၁ ဟာ သူတို့ ရဲ့ ကစားသမားတွေကို အခကြေးငွေ မယူဘဲ အငှား ချ ထား ပေးမယ် လို့ ဆိုပါတယ်။

Chapecoense ဘောလုံး အသင်းမှာ ကစားသမား ငါးယောက်ပဲ ကျန်ရှိတော့တာ ဖြစ်ပါတယ်။ အသင်း ကို ပြန်လည် တည်ဆောက် ဖို့ ဘောလုံး သမား တွေကို ငှားမယ် ဆိုတဲ့ အတွက် ကျေးဇူး တင်ကြောင်း အသင်း ရဲ့ ဒုတိယ ဥက္ကဋ္ဌ အီဗန် တော်ဇို က ပြော ပါတယ်။

ဘရာဇီးဘောလုံး အဖွဲ့ချုပ် အနေနဲ့ Chapecoense အသင်း ရဲ့ တန်းဆင်း ရမယ့် အရေး ကနေ ၃ နှစ် တိတိ ကာကွယ် ပေးဖို့ ကိုလည်း ဘရာဇီး ဘောလုံး အသင်း တွေက တောင်းဆို ခဲ့ကြပါတယ်။

ကွယ်လွန် သွားကြတဲ့ ဘောလုံး သမားတွေရဲ့ အလောင်း တွေကို ဘရာဇီး နိုင်ငံကို ပြန်လည် သယ်ယူ ပြီး အသင်းရဲ့ အားကစား ကွင်းမှာ အသုဘ အခမ်းအနား ကို ကျင်းပ သွားမယ်လို့လည်း အသင်း တာဝန် ရှိသူတွေက သတင်း ထုတ်ပြန် ခဲ့ပါတယ်။

BBC Burmese
http://www.bbc.com/burmese


ရခိုင်ပြည်နယ်မှာ ဖြစ်ပွားနေတဲ့ အကြမ်းဖက်တိုက်ခိုက်မှုတွေနဲ့ လူ့အခွင့်အရေး ချိုးဖောက်မှုတွေကို ကုလသမဂ္ဂက ရှုတ်ချလိုက်ပြီး မြန်မာအစိုးရအနေနဲ့ ဒီကိစ္စကို ကိုင်တွယ်ဖြေရှင်းရာမှာ နိုင်ငံတကာက သတ်မှတ်ထားတဲ့ လူ့အခွင့်အရေးဆိုင်ရာ ဥပဒေ စံနှုန်းစံထားနဲ့အညီ လိုက်နာဆောင်ရွက်ဖို့ လိုတယ်လို့ ပြောဆိုလိုက်ပါတယ်။ ဒါ့အပြင် ကချင်ပြည်နယ်နဲ့ ရှမ်းပြည်နယ်မှာ ဆက်လက်ဖြစ်ပွားနေတဲ့ ပဋိပက္ခတွေကို ကိုယ်တွယ်ဖြေရှင်းရာမှာလည်း နိုင်ငံတကာ စံနှုန်းနဲ့အညီ မဆာင်ရွက်နိုင်ဘူးဆိုရင် နိုင်ငံတကာ အသိုင်းအ၀ိုင်းက ပြင်းထန်တဲ့ တုံ့ပြန်မှုတွေနဲ့ ကြုံတွေ့ရနိုင်တယ်လို့လည်း ကုလသမဂ္ဂက ပြောပါတယ်။ အသေးစိတ်ကိုတော့ ရှားဖောင်က စုစည်းတင်ပြထားပါတယ်။

ရခိုင်ပြည်နယ်မြောက်ပိုင်း မောင်တောနဲ့ ဘူးသီးတောင် ဒေသတွေမှာ ဖြစ်ပွားနေတဲ့ အကြမ်းဖက် တိုက်ခိုက်မှုတွေနဲ့ ပတ်သက်ပြီး ကုလသမဂ္ဂ လူ့အခွင့်အရေးရုံးက ပြတ်ပြတ်သားသား ရှုတ်ချလိုက်သလို မြန်မာအာဏာပိုင်တွေအနေနဲ့ကလည်း ဒီကိစ္စကို လျစ်လျူရှုလို့ မရဘူးလို့ အင်္ဂါနေ့က ဂျနီဗာမြို့မှာ ပြုလုပ်တဲ့ သတင်းစာရှင်းလင်းပွဲအတွင်း ကုလသမဂ္ဂ မဟာမင်းကြီးရုံး ပြောခွင့်ရအမျိုးသမီး Ravina Shamdasani က ပြောဆိုလိုက်ပါတယ်။

မြန်မာအစိုးရအနေနဲ့ အကြမ်းဖက်မှုတွေကြောင့် ထိခိုက်နစ်နာရတဲ့ လူတွေအတွက် လုံခြုံရေးတွေ မဖြစ်မနေ ပြန်လည်ထားရှိပေးရမှာဖြစ်လို နိုင်ငံတကာက လူ့အခွင့်အရေးဆိုင်ရာ ဥပဒေတွေနဲ့ သတ်မှတ်ထားတဲ့ စံနှုန်းစံထားနဲ့အညီ လိုက်နာဆောင်ရွက်ဖို့ လိုအပ်တယ်လို့လည်း ဆိုပါတယ်။

ဒါ့အပြင် အကြမ်းဖက်မှုတွေ ဖြစ်ပွားအောင် လှုံ့ဆော်ပေးသလိုဖြစ်နေတဲ့ လူမှုကွန်ယက် မီဒီယာ အပါအ၀င် အမုန်းစကားတွေ ပြန့်ပွားအောင် လှုံ့ဆောင်ပေးမှုတွေကိုလည်း မြန်မာအစိုးရအနေနဲ့ ရှုတ်ချဖို့လိုအပ်ပြီး၊ ဒါကို မဟန့်တားနိုင်ဘူးဆိုရင်တော့ လက်ရှိ ဖြစ်ပွားနေတဲ့ အကြမ်းဖက်မှုတွေကို ပိုမို ဆိုးရွားသွားစေနိုင်တယ်လို့လည်း Ravina Shamdasani က ပြောပါတယ်။

“ရိုဟင်ဂျာတွေရဲ့လူ့အခွင့်အရေးနဲ့ပတ်သက်ပြီး အာမခံချက်ပေးဖို့အတွက် အစိုးရမှာ တာဝန်ရှိပါတယ်။ သူတို့တွေရဲ့ ရုပ်ပိုင်းဆိုင်ရာ လုံခြုံရေး အပါအ၀င် သူတို့တွေ အသက်ရှင်နေထိုင်ခွင့် အခွင့်အရေးတွေကို အကာအကွယ်ပေးဖို့တွေ ပါဝင်ပါတယ်။ သူတို့တွေကို ဆန့်ကျင်တဲ့ အကြမ်းဖက်လှုံ့ဆော်မှုတွေနဲ့ အမုန်းစကားတွေကို ရှုတ်ချဖို့လည်း ပါဝင်ပါတယ်။”

မြန်မာအစိုးရဟာ ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန် ဥက္ကဌအဖြစ် ဆောင်ရွက်တဲ့ ရခိုင်အကြံပေးကော်မရှင်အဖွဲ့ကို ဖွဲ့လိုက်တာကလွဲရင် ရိုဟင်ဂျာမူဆလင်တွေနဲ့ တခြားလူနည်းစုတွေရဲ့အရေးနဲ့ပတ်သက်ပြီး ဇွန်လက ထုတ်ပြန်တဲ့ ကုလသမဂ္ဂ လူ့အခွင့်အရေးရုံးရဲ့အကြံပြုချက် အတော်များများကို လိုက်နာဆောင်ရွက်နိုင်ခြင်း မရှိခဲ့ဘူးလို့ ဆိုပါတယ်။ ရခိုင်ပြည်နယ်မှာ ဖြစ်နေတဲ့ အကြမ်းဖက်မှုတွေကို စုံစမ်းလေ့လာတဲ့အနေနဲ့ ရခိုင်အကြံပေးကော်မရှင်အဖွဲ့ဟာ နိုင်ဝင်ဘာလ ၁၅ ရက်နေ့ကနေ ၁ရ ရက်နေ့အထိ သုံးရက်ကြာ ရခိုင်ပြည်နယ်ထဲကို သွားရောက်လေ့လာခဲ့ပြီး အကြံပေးကော်မရှင်အဖွဲ့ရဲ့ အစီရင်ခံစာထဲမှာ လူမျိုးနွယ်ဖြစ်ခွင့် မရတာ အပါအ၀င် ရိုဟင်ဂျာမူဆလင်တွေအပေါ် လူ့အခွင့်အရေးချိုးဖောက်မှု အတော်များများ ရှိနေတာကို တွေ့ရကြောင်း Ravina Shamdasani က ပြောပါတယ်။

“ရိုဟင်ဂျာတွေမှာ လူမျိုးနွယ်နဲ့ နိုင်ငံသား အခွင့်အရေးတွေမရှိတဲ့အတွက် သူတို့မှာရသင့်တဲ့ နိုင်ငံသားနဲ့ နိုင်ငံရေးအခွင့်အရေး အပါအ၀င် အခြေခံလူ့အခွင့်အရေးတွေကိုပါ ဆုံးရှုံးနေကြတယ်။ ဒါတွေဟာ ကျမတို့ပြောနေတဲ့ ရိုဟင်ဂျာတွေအပေါ် ဖိနှိပ်ဆန့်ကျင်တဲ့ အစိတ်အပိုင်းတရပ် ဖြစ်ပါတယ်။ အစိုးရအနေနဲ့ သူတို့ရဲ့ အချုပ်အခြာ အဏာပိုင်အတွင်းမှာ နေထိုင်တဲ့လူတွေကို အကာအကွယ်ပေးဖို့ တာဝန်ရှိပါတယ်။”

အောက်တိုဘာလ ၉ ရက်နေ့က ရခိုင်ပြည်နယ် ဘူးသီးတောင်နဲ့ မောင်တောမြို့တွေမှာရှိတဲ့ နယ်ခြားစောင့် ရဲတပ်ဖွဲ့တွေ အကြမ်းဖက် တိုက်ခံရပြီးတဲ့နောက် အစိုးရက နယ်မြေရှင်းလင်းရေးတွေ လုပ်ဆောင်နေပြီး အဲဒီ အကြမ်းဖက်တိုက်ခိုက်မှုဖြစ်ပွားတဲ့ နေရာတွေမှာ နိုင်ငံတကာ အဖွဲ့အစည်းတွေနဲ့ သီးသန့်လွတ်လပ်တဲ့ စုံစမ်းစစ်ရေးအဖွဲ့တွေကို သွားရောက်ခွင့်ပြုဖို့ ကုလသမဂ္ဂ အပါအ၀င် နိုင်ငံတကာ လူ့အခွင့်အရေးအဖွဲ့တွေက တောင်းဆိုခဲ့ကြပါတယ်။ ကုလသမဂ္ဂရဲ့ အဆိုအရ ရခိုင်ပြည်နယ်အတွင်းမှာ ဖြစ်ပွားနေတဲ့ အကြမ်းဖက်မှုတွေကြောင့် အိုးအိမ်စွန့်ခွာ ထွက်ပြေးကြရတဲ့ ဒေသခံ ၃ သောင်းလောက် ရှိပါတယ်။ ရခိုင်ပြည်နယ်ရဲ့ လက်ရှိအခြေအနေနဲ့ ပတ်သက်ပြီး သွားရောက် လေ့လာဖို့အတွက် ရခိုင်အကြံပေးကော်မရှင် ဥက္ကဌ ကိုဖီအာနန်ဟာ တနင်္လာနေ့မှာပဲ ရန်ကုန်မြို့ရောက်ရှိနေပြီ ဖြစ်ပါတယ်။

တဆက်တည်းမှာပဲ ကချင်ပြည်နယ်နဲ့ ရှမ်းပြည်နယ်မြောက်ပိုင်းမှာ တိုက်ပွဲတွေကြောင့် နေအိမ်စွန့်ခွာ ထွက်ပြေးကြရတဲ့ လူတွေနဲ့ လူ့အခွင့်အရေး ချိုးဖောက်မှုတွေကို ဖြစ်စေတယ်လို့ ကုလသမဂ္ဂ က ပြောပါတယ်။ ပဋိပက္ခဖြစ်ပွားတဲ့ ဒေသထဲက အရပ်သားတွေကို အကာအကွယ်ပေးဖို့နဲ့ လူသားချင်းစာနာထောက်ထားမှု အကူအညီတွေ ၀င်ရောက်ပေးနိုင်ဖို့အတွက် အခြေအနေက အရမ်းကို စိုးရိမ်စရာ ဖြစ်နေတယ်လို့လည်း ကုလသမဂ္ဂ မဟာမင်းကြီးရုံး ပြောခွင့်ရအမျိုးသမီး Ravina Shamdasani ကပြောပါတယ်။

“ပြည်တွင်းနေရပ်ရွှေ့ပြောင်း နေထိုင်သူတွေရဲ့ ပဋိပက္ခဖြစ်ပွားနေတဲ့ နေရာတွေမှာ အတင်း ဖြတ်ကျော်ခိုင်းတာတွေကို ရှောင်ရှားရမှာဖြစ်သလို ရွှေ့ပြောင်းနေထိုင်သူတွေရဲ့ ဘေးကင်းလုံခြုံရေးအတွက် စိုးရိမ်စရာဖြစ်စေမယ့် အရာတွေကိုလည်း ရှောင်ရှားသင့်ပါတယ်။ အာဏာပိုင်တွေအနေနဲ့ ပြည်တွင်းရွှေ့ပြောင်းနေထိုင်သူတွေရဲ့ အခွင့်အရေးနဲ့ နိုင်ငံတကာ လူသားချင်းစာနာထောက်ထားမှုဆိုင်ရာ ဥပဒေကို လေးစားလိုက်နာဖို့ လိုအပ်ပါတယ်။ ဒါတွေကို ဆက်ပြီးတော့ မလိုက်နာနိုင်ဘူးဆိုရင်တော့ နိုင်ငံတကာ အသိုင်းအ၀ိုင်းရဲ့ ပြင်းထန်တဲ့ တုံ့ပြန်မှုတွေနဲ့ ကြုံတွေ့ရမှာ ဖြစ်ပါတယ်။”

နိုဝင်ဘာလ ၂၀ ရက်နေ့က တိုင်းရင်းလက်နက်ကိုင် အဖွဲ့လေးဖွဲ့ပေါင်းပြီးတော့ မြန်မာအစိုးရစစ်တပ်ကို တိုက်ခိုက်ရာကနေ စတင်ဖြစ်ပွားခဲ့တဲ့ တိုက်ပွဲတွေကြောင့် ထောင်နဲ့ချီတဲ့ ဒေသခံတွေ ထွက်ပြေးတိမ်းရှောင်ခဲ့ကြသလို တရုတ်-မြန်မာနယ်စပ်တလျှေက် ကုန်သွယ် စီးပွားရေး လုပ်ငန်းတွေလည်း ထိခိုက်ခဲ့ရပါတယ်။

 ရှားဖောင်  / ဗွီအိုအေ (မြန်မာပိုင်း)
http://burmese.voanews.com



ဓာတ်ပုံ - Myanmar State Counsellor Office 
နိုင်ငံတော်၏ အတိုင်ပင်ခံပုဂ္ဂိုလ်ရဲ့ စင်ကာပူခရီးစဉ် မနက်ဖြန် စတင်မည် ၊ ခရီးစဉ်အတွင်း စင်ကာပူသမ္မတ ၊ ၀န်ကြီးချုပ်တို့အပါအ၀င် အစိုးရအဖွဲ့ အကြီးအကဲတွေနဲ့ တွေ့ဆုံမည်

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ သူ့ရဲ့ စင်ကာပူနိုင်ငံခရီးစဉ်အတွင်း စင်ကာပူနိုင်ငံ သမ္မတ J Y Pilly ၊ ၀န်ကြီးချုပ် လီရှန်လွန်းတို့နဲ့ တွေ့ဆုံမှာဖြစ်တယ်လို့ စင်ကာပူနိုင်ငံခြားရေးဝန်ကြီးဌာနက တရားဝင်ထုတ်ပြန်ကြေညာပါတယ်။

 နိုင်ငံတော်၏အတိုင်ပင်ခံပုဂ္ဂိုလ် အနေနဲ့ နိုဝင်ဘာလ (၃၀) ရက်ကနေ ဒီဇင်ဘာလ (၂) ရက်နေ့အထိ စင်ကာပူနိုင်ငံကို လာရောက်မှာဖြစ်ပြီး သမ္မတ ၊ ၀န်ကြီးချုပ် တို့နဲ့ တွေ့ဆုံ မှာဖြစ်သလို ၀ါရင့်ဝန်ကြီး ဂိုချောက်တောင် ၊ ဒုတိယ၀န်ကြီးချုပ် Teo Chee Hean တို့နဲ့လည်း တွေ့ဆုံမှာဖြစ်တယ်လို့ ထုတ်ပြန်ချက်မှာပါရှိပါတယ်။

 စင်ကာပူနိုင်ငံခရီးစဉ်ကို နိုင်ငံတော်၏အတိုင်ပင်ခံပုဂ္ဂိုလ် နဲ့ အတူ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာသန်းမြင့် ၊ နိုင်ငံခြားရေးဝန်ကြီးဌာန ဒုတိယ၀န်ကြီး ဦးကျော်တင် ၊ စီမံကိန်းနှင့်ဘဏ္ဍာရေးဝန်ကြီးဌာန ၊ နိုင်ငံတော်သမ္မတရုံးနဲ့ နိုင်ငံခြားရေး ၀န်ကြီးဌာနတို့က အဆင့်မြင့်အရာရှိတွေ လိုက်ပါလာမှာဖြစ်တယ်လို့လည်း ဆိုထားပါတယ်။

 ဒါ့အပြင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်ဟာ IE Singapore’s Global Conversations ကို စင်ကာပူ စီးပွားရေးလုပ်ငန်းရှင်တွေနဲ့အတူတက်ရောက်မှာဖြစ်ပြီး စင်ကာပူနိုင်ငံ ရုက္ခဗေဒဥယျာဉ် အတွင်းရှိ သူမရဲ့ နာမည်ကို ဂုဏ်ပြုပေးထားတဲ့ သစ်ခွပန်းကို သွားရောက်ကြည့်ရှုမှာဖြစ်ပါတယ်။

 နိုင်ငံတော်၏အတိုင်ပင်ခံပုဂ္ဂိုလ်ဟာ စင်ကာပူနိုင်ငံရှိ အာရှယဉ်ကျေးမှုပြတိုက်မှာ ပြုလုပ်မယ့် ရှေးမြန်မာ အသုံးအဆောင်ပစ္စည်းများပြပွဲ ဖွင့်ပွဲကို ၀န်ကြီးချုပ် လီရှန်လွန်းနဲ့အတူ တက်ရောက်မှာဖြစ်တယ်လို့လည်း သိရပါတယ်။

5 Plus News
https://www.facebook.com/5plusnews/


မြန်မာနိုင်ငံမှ ထွက်ပြေးလာသော ရိုဟင်ဂျာမိသားစု
မြန်မာနိုင်ငံမှ ထွက်ပြေးလာသော ရိုဟင်ဂျာမိသားစု

ရခိုင်ပြည်နယ် မြောက်ပိုင်းမှာ အကြမ်းဖက်မှုတွေ၊ လူသားချင်းစာနာထောက်ထားမှု ဆိုင်ရာ အခက်အခဲတွေ တိုးလာတဲ့ အပေါ် နိုင်ငံတကာက ဖိအားတွေ ရှိလာချိန်မှာဘဲ အကြမ်းဖက်မှု စွပ်စွဲချက်တွေနဲ့ အခြေအနေတွေကို စုံစမ်းစစ်ဆေးဖို့ အမျိုးသား အဆင့် ကော်မတီ တရပ် ဖွဲ့စည်းမယ်လို့ မြန်မာ အစိုးရက ကြေညာလိုက်ပါတယ်။ စစ်တပ်ရဲ့ တိုက်ခိုက်မှုကြောင့် လူနည်းစု မူစလင် ရိုဟင်ဂျာ ထောင်နဲ့ချီ အိုးအိမ်စွန့်ခွာ ထွက်ပြေးနေရချိန်မှာ အရေးယူ လုပ်ဆောင်ဖို့ ပျက်ကွက်တယ်ဆိုတဲ့ ဝေဖန်မှုနဲ့လည်း နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ရင်ဆိုင်နေရပါတယ်။ ဗွီအိုအေ သတင်းထောက် Ron Corben ဘန်ကောက်မြို့တော်ကနေ ပေးပို့ထားတဲ့ သတင်းကို မသိင်္ဂီထိုက်က ပြန်ပြောပြမှာပါ။

ရခိုင်ပြည်နယ် မြောက်ပိုင်း မောင်တောမြို့နယ်တွင်းက အစိုးရရဲ့ နယ်ခြားစောင့် စခန်းတွေ ပြီးခဲ့တဲ့ အောက်တိုဘာလက တိုက်ခိုက်ခံရပြီး ရဲတပ်ဖွဲ့ဝင် ၉ ဦး သေဆုံးခဲ့ရပြီး အကြမ်းဖက်မှုတွေ ဖြစ်ပွားခဲ့တာပါ။ ဒီနောက်ပိုင်း စစ်ဆင်ရေးတွေ အတွင်း အကြမ်းဖက်မှု သံသယနဲ့ ဖမ်းဆီးထားသူ ၄၀၀ ကျော်ရှိပြီး သေဆုံးသူကလည်း ဒါဇင်နဲ့ချီရှိတယ် လို့လည်း အစိုးရနဲ့ စစ်တပ်တို့က ပြောပါတယ်။ မြန်မာနိုင်ငံတွင်း မူဆလင်တွေ အပေါ် ပြုမူဆက်ဆံမှုတွေကြောင့် ဒေသတွင်းမှာ အကြမ်းဖက် တိုက်ခိုက်မှုတွေ တိုးပွားလာမယ့် အပေါ် လုံခြုံရေးဆိုင်ရာ သုံးသပ်သူတွေက စိုးရိမ်နေကြပါတယ်။ အင်ဒိုနီးရှား နိုင်ငံ ဂျာကာတာ အခြေစိုက် ပဋိပက္ခဆိုင်ရာ မူဝါဒ သုံးသပ်ရေး အဖွဲ့ရဲ့ ညွှန်ကြားရေးမှူး Sidney Jones ကတော့ အခုလို ပြောပါတယ်။

“အခုအချိန်ထိတော့ ဂျီဟဒ်တွေအဖြစ် သစ္စာခံထားတဲ့ မူဆလင် အကြမ်းဖက် အဖွဲ့တွေ မရှိသေးပါဘူး။ အခုတော့ တဖွဲ့ဖွဲ့ ပေါ်လာဖို့ စနေတဲ့ပုံ ရှိပါတယ်။ ဒီအချက်က မိတ်ဖက် အဖွဲ့တဖွဲ့ ပေါ်လာနိုင်ခြေ အပေါ် ဒေသတွင်း အစွန်းရောက် အဖွဲ့တွေက ဘယ်လို မြင်သလဲ ဆိုတာမှာ အသွင်ပြောင်းမှုကြီး တခု ဖြစ်လာနိုင်ပါတယ်။”

လူ့အခွင့်အရေး လှုပ်ရှားမှု အဖွဲ့တွေကတော့ မြန်မာ လုံခြုံရေး တပ်ဖွဲ့တွေက စစ်ဆင်ရေး အတွင်းမှာ မတော်မတရား ပြုကျင့်တာတွေနဲ့ ရာနဲ့ချီတဲ့ အိမ်တွေကို မီးရှို့ပါတယ်လို့ စွပ်စွဲ ပြောဆိုနေကြတာ ဖြစ်ပါတယ်။ Arakan Project အဖွဲ့က အခွင့်အရေး လှုပ်ရှားသူ Chris Lewa ကတော့ အခုလို ပြောပါတယ်။

“အခြေအနေက သိပ်ကို ဆိုးရွားလွန်းပါတယ်။ အဲဒီဒေသမှာ ရှိနေတဲ့ အခက်အခဲက အိုးအိမ်စွန့် ထွက်ပြေးသူတွေရော မပြေးသူတွေရောကို အကူအညီ ပေးနိုင်ဖို့ပါ။ ဆင်းရဲသူတွေတင် ဒီလို ကြုံတွေ့ရတာ မဟုတ်ပါဘူး။ အထောက်အပံ့တွေ မရတာ၊ နောက် ဈေးတွေ မရှိတာ၊ နောက် စိုက်လို့ ပျိုးလို့ မရတာတွေကြောင့် လူတိုင်းဘဲ ဒီကိစ္စနဲ့ ကြုံတွေ့နေရပါတယ်။ ဒီအခြေအနေက လူသားချင်း စာနာထောက်ထားမှုဆိုင်ရာ ကပ်ဘေးကြီး ဖြစ်သွားစေနိုင်ပါတယ်။”

လူ့အခွင့်အရေး စောင့်ကြည့်ရေး အဖွဲ့ HRW ကတော့ ဂြိုဟ်တု ဓာတ်ပုံတွေကို အသုံးပြုပြီး မောင်တော အနီးက ရွာသုံးရွာထဲက အဆောက်အအုံ ၄၃၀ ဖျက်စီးခံရတယ်ဆိုပြီး ပြောဆိုပါတယ်။ HRW အဖွဲ့ကြီးရဲ့ အာရှရေးရာ ဒုတိယ ညွန်ကြားရေးမှူး Phil Robertson ကတော့ အခုလို ပြောပါတယ်။

“မြန်မာ စစ်တပ်က စည်းလွတ်ဝါးလွတ် လုပ်ချင်ရာ လုပ်နေတာနဲ့ တူပါတယ်။ အကြမ်းဖက် တိုက်ခိုက်ရေး သမားတွေကို ရှာဖွေနေသယောင် ဒီဒေသတွင်းမှာ မြေလှန်ရှာဖွေနေပြီး အရပ်သားတွေ အပေါ် တိုက်ခိုက်နေပါတယ်။ မြန်မာ စစ်တပ်ရဲ့ အလွန်အကျွံဆောင်ရွက်ချက်တွေဟာ ရိုဟင်ဂျာတွေကို ကွက်ပြီး ဒဏ်ခတ်နေတယ်ဆိုတာ ရှင်းပါတယ်။”

ဧရာဝတီ သတင်းဌာနရဲ့ အယ်ဒီတာချုပ် ဦးအောင်ဇော်ကတော့ ဒေသတွင်းမှာ အကြမ်းဖက်မှု စွပ်စွဲ ပြောဆိုချက်တွေကို အတည်ပြုနိုင်ဖို့ အတွက် ဒေသတွင်းမှာ နိုင်ငံတကာက ၀င်ရောက်ခွင့်ရဖို့ အရေး သိပ်ပြီး အရေးကြီးတယ်လို့ ပြောပါတယ်။

“အဲဒီ ဒေသမှာ လူ့အခွင့်အရေး ချိုးဖောက်မှုတွေ ရှိတယ်ဆိုတဲ့ သတင်းတွေကို အတည်ပြုဖို့ လိုပါတယ်။ ဘာဖြစ်လို့လဲ ဆိုတော့ နှစ်ဘက်စလုံးက အထောက်အထား ခိုင်ခိုင်မာမာ မရှိဘဲ စွပ်စွဲ ပြောဆိုနေကြလို့ပါ။ အစိုးရကတော့ ဒီစွပ်စွဲချက်တွေကို ငြင်းထားပါတယ်။ တဖက်ကလည်း လူဘယ်နှယောက် အဓမ္မပြုကျင့်ခံရတယ်၊ ဘယ်နှယောက် အသတ်ခံရတယ်၊ အိမ်တွေ မီးရှို့ခံရတယ်လို့ ပြောတယ်။ ဒီကိစ္စကို သေချာ ဂရုစိုက်ရပါမယ်။ ဘာဖြစ်လို့လဲ ဆိုတော့ တကယ့် လက်တွေ့ မဖြစ်ဘဲနဲ့ နှစ်ဘက်စလုံးက လှုံ့ဆော်မှုတွေ ရှိနေလို့ပါ။”

မောင်တော ဒေသတွင်း လုံခြုံရေးဆိုင်ရာ ဆောင်ရွက်ချက်တွေ အပေါ် ဒေသတွင်းမှာလည်း မကျေနပ်မှုတွေ ရှိလာပြီး ပြီးခဲ့တဲ့ သတင်းပတ် အတွင်းမှာ ဘင်္ဂလားဒေရှ့်နိုင်ငံမှာ ဆန့်ကျင် ဆန္ဒပြခဲ့ကြသလို မလေးရှား အစိုးရကလည်း ရခိုင်ဒေသတွင်း ကိစ္စကို အရေးယူ လုပ်ဆောင်ဖို့ မြန်မာ အစိုးရကို တောင်းဆိုပါတယ်။ အင်ဒိုနီးရှား နဲ့ ထိုင်းနိုင်ငံတို့မှာလည်း ဆန္ဒပြပွဲတွေ ပေါ်ပေါက်ခဲ့ပါတယ်။
VOA Burmese News

ထောင်ဒဏ် ချမှတ်ခံရသူတွေကို ရုံးထုတ်ဖို့ ခေါ်လာစဉ်

ကချင် လွတ်လပ်ရေး တပ်မတော် KIA နဲ့နဲ့ ဆက်သွယ်ပြီး အစ္စလာမ် တပ်မတော် ထူတောင်ဖို့ ကြိုးစားတယ် ဆိုတဲ့ စွပ်စွဲချက်နဲ့ ဖမ်းဆီးခံ ထားရတဲ့ မန္တလေးက အစ္စလာမ် ဘာသာဝင် ၆ယောက်ကို အမရပူရ မြို့နယ် တရားရုံးက ထောင်ဒဏ် ၅ နှစ်စီ ချမှတ်လိုက် ပါတယ်။

မန္တလေးမြို့က ပန်းချီဆရာ ဦးဇော်မင်းထွေး၊ ဗန်းမော်မြို့က ဦးမြင့်သိန်းနဲ့ ဦးဧရာမန်း အပါအဝင် အစ္စလာမ် ဘာသာဝင် ၆ယောက်ကို စွဲချက်နဲ့ စစ်ဖက် ဆိုင်ရာ လုံခြုံရေး အဖွဲ့က ပုဒ်မ ၅ ခုနဲ့ တရား စွဲတင်ထားတာ ဖြစ်ပါတယ်။

အဲဒီထဲက ရာဇဝတ် ဥပဒေ ပုဒ်မ တွေဖြစ်တဲ့ နိုင်ငံတော် အကြည်ညိုပျက်စေမှု ပုဒ်မ ၅၀၅ ခ နဲ့ ၅၀ ဌ တို့ အရ နိုဝင်ဘာ ၂၉ ရက်နေ့က အမရပူရ မြို့နယ် တရားရုံးက ထောင်ဒဏ် ၅ နှစ် ချမှတ် ခဲ့တာပါ။

သူတို့ရဲ့ ဥပဒေ အကျိုးဆောင် တရားလွှတ်တော် ရှေ့နေ ဦးဇော်ဝင်း ကတော့ လွှတ်တော်က ပယ်ဖျက်ပြီး ဖြစ်တဲ့ ၅၀၅ (ခ) ပုဒ်မနဲ့ စီရင်ချက် ချလိုက် တာဟာ တရား မျှတမှု မရှိဘူးလို့ ပြောပါတယ်။

KIA နဲ့ ဆက်သွယ်ပြီး အစ္စလာမ် တပ်မတော် ထူထောင်ဖို့ ဆိုတဲ့ အကြောင်းအရာ တစ်ခုနဲ့ စွပ်စွဲပြီး ပုဒ်မကျတော့ ၅ ခုခွဲ သွားတယ်လို့ ရှေ့နေ ဦးဇော်ဝင်းက ပြောပါတယ်။

ဦးဇော်မင်းထွေးနဲ့ ဦးမြင့်သိန်းတို့ ကလည်း သူတို့ဟာ အပြစ် မရှိဘဲ အပြစ်ပေးခံရတာဖြစ်တယ်၊ ပယ်ဖျက်ပြီး ပုဒ်မနဲ့ ပြစ်ဒဏ်ချမှတ်တာ တရား မမျှတဘူးလို့ ပြောပါတယ်။

မန္တလေး ခရိုင် တရားရုံးမှာ လည်း နိုင်ငံတော် ပုန်ကန်မှု ပုဒ်မ ၁၂၂ နဲ့လည်း စွဲတင် ထားတာ ရှိသေးလို့ မကြာခင် စီရင်ချက် ချမှတ်ဖွယ် ရှိပါတယ်။

နိုင်ငံတော် ပုန်ကန်မှု ပုဒ်မ ၁၂၂ အရ သေဒဏ် အထိ အပြစ်ပေးနိုင်ပါတယ်။
BBC Burmese



မက်ဒယ်ဂျင်း မြို့အနီး တောင်ထူထပ်ရာ ဒေသမှာ ပျက်ကျခဲ့။
ဘရာဇီး ထိပ်တန်း ဘောလုံးအသင်း တစ်သင်းရဲ့ ကစားသမားတွေ အပါအဝင် လူ ၈၁ ဦး လိုက်ပါသွားတဲ့ လေယာဉ် တစ်စီးဟာ ကိုလံဘီယာ နိုင်ငံ၊ မက်ဒယ်ဂျင်းမြို့ အနီးမှာ ပျက်ကျခဲ့ပါတယ်။

ငါးယောက်သာ အသက်ရှင်ပြီး ကျန်တဲ့သူ အားလုံး သေဆုံးတယ်လို့ ရဲတပ်ဖွဲ့က ပြောပါတယ်။ ၆ ယောက်မြောက် အသက်ရှင်သူ တစ်ဦးကိုလည်း နောက်ပိုင်းမှာ ထပ်တွေ့ရတယ်လို့ သတင်းတွေက ဆိုပါတယ်။

အသက်ရှင်သူ ၆ ဦးထဲမှာ ဂိုးသမား တစ်ယောက် အပါအဝင် ကစားသမား ၃ ဦး ပါဝင်ပါတယ်။

ကိုပါ အမေရိကား ဖလား ဖိုင်နယ်ပွဲ သွားကစားမယ့် ဘရာဇီးက Chapecoense ဘောလုံးအသင်း ကစားသမားတွေနဲ့ အသင်းအရာရှိတွေ၊ သတင်းယူမယ့် သတင်းသမားတွေ အဲဒီ လေယာဉ်ပေါ် လိုက်ပါသွားကြတာပါ။

လေယာဉ်ပေါ် လိုက်ပါသွားသူတွေအနက် ၇၆ ယောက် သေဆုံးခဲ့ရတာ ဆိုးရွားလှတဲ့ အဖြစ်ဆိုးကြီး ဖြစ်ကြောင်းနဲ့ ဆေးရုံ တင်ထားတဲ့ အသက်ရှင် ကျန်သူတွေကို အကူအညီပေးဖို့ အဓိက ဆောင်ရွက်နေကြောင်း မက်ဒဂျင်း မြို့တော်ဝန် Federico Gutierrez က ပြောပါတယ်။

အဲဒီ လေယာဉ်မှာ လျှပ်စစ်ပိုင်း ဆိုင်ရာ ပြဿနာတွေ ရှိခဲ့တယ် ဆိုတဲ့ သတင်းတွေ ထွက်ပေါ်ခဲ့တဲ့ အပေါ် ကိုလံဘီယံ အာဏာပိုင်တွေက စုံစမ်း စစ်ဆေးနေပါတယ်။

ဒါပေမယ့် လေယာဉ်က လောင်စာ ပြတ်သွားတယ် ဆိုတဲ့ ပြောဆိုမှုတွေလည်း ထွက်ပေါ်နေပါတယ်။

BBC Burmese
http://www.bbc.com/burmese



အိမ်ရှေ့မင်းသား ထီးနန်း ဆက်ခံဖို့ အစီအစဉ်တွေ စတင်နေ။

ထိုင်းနိုင်ငံမှာ အိမ်ရှေ့မင်းသား မဟာ ဝဂျီရာ လောင်ကွန်းကို ထီးနန်း အရိုက်အရာ အပ်နှင်းဖို့ အစီအစဉ်တွေ စတင် ဆောင်ရွက်နေပြီ ဖြစ်ပါတယ်။

ထီးနန်း ဆက်ခံဖို့အတွက် တရားဝင် ကမ်းလှမ်းတဲ့ စာကို ထိုင်းနိုင်ငံ အမျိုးသား ဥပဒေပြု လွှတ်တော်က ပေးပို့ခဲ့ပြီး အိမ်ရှေ့မင်းသားက နန်းမတက်မီ အတည်ပြု လက်ခံရမှာ ဖြစ်ပါတယ်။

အောက်တိုဘာ ၁၃ ရက်နေ့က သက်တော် ၈၈ နှစ် အရွယ် ဘုရင်ကြီး ဘူမိဘော ကံတော်ကုန် သွားခဲ့အပြီး တစ်လကျော် အကြာ အခု သီတင်းပတ် နှောင်းပိုင်းမှာ အိမ်ရှေ့မင်းသားက ထီးနန်း အရိုက်အရာ ဆက်ခံလိမ့်မယ်လို့ မျှော်လင့် နေကြပါတယ်။

အစောပိုင်းကတော့ အိမ်ရှေ့မင်းသားက ထီးနန်း ဆက်ခံမယ့် အစီအစဉ်ကို အနည်းဆုံး တစ်နှစ်လောက် ဆိုင်းငံ့ထားဖို့ တောင်းဆို ခဲ့ပါတယ်။

ဘုရင်ကြီး ဘူမိဘော အတွက် ပူဆွေး အောက်မေ့ဖို့ အချိန်ပေးတဲ့ အနေနဲ့ အဲဒီလို ဆိုင်းငံ့လိုတာ ဖြစ်တယ်လို့ အဲဒီအချိန်က အကြောင်းပြချက် ပေးခဲ့ပါတယ်။

နှစ်ပေါင်း ၇၀ စိုးစံခဲ့တဲ့ ခမည်းတော် ဘူမိဘောရဲ့ ခြေရာကို နင်းပြီး ဘုရင်တစ်ပါးရဲ့ အခန်းကဏ္ဍမှာ အံဝင်ပါ့မလား ဆိုတဲ့ သံသယတွေကိုလည်း ထိုင်း ထိပ်တန်း အရာရှိတွေက ဖော်ပြ ခဲ့ကြဖူးပါတယ်။
BBC Burmese



အစိုးရ စစ်ရဟတ်ယာဉ်
မြန်မာစစ်တပ် ဂျက် တိုက်လေယာဉ်နှင့် ရဟတ်ယာဉ် များသည် ရှမ်းပြည်မြောက်ပိုင်း မဟာမိတ် တပ်ပေါင်းစု တပ်ဖွဲ့များ ရှိသည့် အဓိက ၃ နေရာကို ယနေ့ နိုဝင်ဘာ ၂၉ ရက်မှာ အနည်းဆုံး နှစ်ကြိမ် တိုက်ခိုက်ခဲ့သည်။
ယခု လေကြောင်း တိုက်ခိုက်မှုသည် ၁၀၅ မိုင် ကုန်သွယ်ရေးဇုံ နှင့် ဖေါင်းဆိုင် (Hpawng Seng) ကြားမှာ ဖြစ်ပါသည်။

၁၀၅ မိုင် ကုန်သွယ်ရေးဇုံနှင့် ပန်ဆိုင်း (ကြူကုတ်) ကြား Namtau ကျေးရွာ အနီး Hpa Hu Bum တောင်မှာ မြန်မာပြည်မြောက်ပိုင်း မဟာမိတ် တပ်ပေါင်းစု (Northern Alliance-Burma) အဖွဲ့ဝင် ကချင် လွတ်လပ်ရေး တပ်မတော် KIA တပ်မဟာ (၆) လက်အောက် တပ်ရင်း (၃၆) နှင့် အစိုးရတပ်ကြား တိုက်ပွဲ နံနက် ၁၀ နာရီကျော်မှာ ဖြစ်ပွားခဲ့သည်။

တိုက်ပွဲ ပြင်းထန်နေစဉ် နေ့လည် ၁၂ နာရီ ကျော်မှာ ဂျက်တိုက် လေယာဉ် ၂စင်း နှင့် ရဟတ်ယာဉ် ၂စင်းဖြင့် အနည်းဆုံး နှစ်ကြိမ် တလှည့်စီ တိုက်ခိုက်ခဲ့ကြောင်း Namtau ရွာသားများ ကချင် သတင်း ဌာန KNG ကို အတည်ပြု ပြောသည်။

ယခုလို လေကြောင်းမှ တိုက်ခိုက်ပြီးနောက် မကြာမီ အစိုးရ မြေပြင်တပ်များ ထပ်မံတက်လာခြင်းကြောင့် KIA တပ်ရင်း ၃၆ နှင့် ပြင်းထန်စွာ တိုက်ပွဲ ပြန်လည် ဖြစ်ပွားခဲ့သည်ဟု ရွာသားများ ဆိုပါသည်။

မုံးကိုမြို့ မရောက်မီ မုန်လုံရွာအနီး ရှိ မဟာမိတ် တပ်ပေါင်းစု မှ ကိုးကန့် MNDAA တပ်ဖွဲ့များကို ဂျက် တိုက်လေယာဉ် ၂ စင်းနှင့် ရဟတ်ယာဉ် ၂ စင်းဖြင့် နံနက်ပိုင်းနှင့် ညနေပိုင်း နှစ်ကြိမ် တိုက်ခိုက်ခဲ့ကြောင်း ဒေသခံများ ပြောပါသည်။

သံလွင်မြစ် အနောက်ဘက် ဖေါင်းဆိုင် (Hpawng Seng) ကျေးရွာ အနီးရှိ မဟာမိတ်တပ်မှ KIA တပ်မဟာ (၆) တပ်ဖွဲ့များ ရှိသည့် နေရာကိုလည်း ဂျက် တိုက်လေယာဉ် ၂ စင်းနှင့် ရဟတ်ယာဉ် ၁စင်းဖြင့် အနည်းဆုံး တကြိမ် တိုက်ခိုက်ခဲ့သည်ဟု ဆိုပါသည်။

မုံးကိုမြို့တွင်လည်း အစိုးရတပ်နှင့် ပြည်သူ့လွှတ်တော် ဒု-ဥက္ကဌ ဦး T ခွန်မြတ် ဦးဆောင်သော ကွတ်ခိုင်ပြည်သူ့စစ် ပူးပေါင်းတပ်ဖွဲ့များနှင့် ကိုးကန့် တပ်များကြား အချိန်တို တိုက်ခိုက်မှုများသည် နေ့၊ ည ဖြစ်ပွားနေကြောင်း မြို့ခံများပြောပါသည်။

ရှမ်းပြည် မြောက်ပိုင်းတွင် မြန်မာစစ်တပ်နှင့် တိုင်းရင်းသား တော်လှန်ရေး အဖွဲ့ ၄ ဖွဲ့ (KIA၊ MNDAA၊ TNLA နှင့် AA) တို့ ပါဝင်သော ‘မြန်မာပြည် မြောက်ပိုင်း မဟာမိတ် တပ်ပေါင်းစု (Northern Alliance-Burma) ကြား နိုဝင်ဘာ ၂၀ မှ တိုက်ပွဲ ဖြစ်ပွားလာသည်။

ယင်းနောက် မဟာမိတ် တပ်ပေါင်းစုမှ အစိုးရ စစ်ကြောင်းများသည် လားရှိုး-မူဆယ်လမ်း နှင့် မူဆယ်-မုံးကိုလမ်း တွင် ဟန့်တား တိုက်ခိုက်မှု နေ့စဉ်လိုလို ပြုလုပ်လာသည်။

Kachinnews
http://burmese.kachinnews.com



တောင်ကိုရီးယားသမ္မတ ပက်ဂွန်ဟေး
တောင်ကိုရီးယားသမ္မတ ပက်ဂွန်ဟေးက သူ့အနေနဲ့ ရာထူးကနေ အစီအစဉ်တကျ ဆင်းပေးနိုင်ဖို့အတွက် လိုအပ်တဲ့ဆောင်ရွက်မှုတွေကို လွှတ်တော်က ချမှတ်လုပ်ဆောင်မယ်ဆိုရင် သူ ရာထူးကနေ ဆင်းပေးဖို့ ဆန္ဒရှိပါတယ်လို့ ဒီကနေ့ ပြောဆိုလိုက်ပါတယ်။

အယုံအကြည်မရှိ အဆို ဒါမှမဟုတ် ရာထူးကနေနှုတ်ထွက် ဆိုတဲ့ စကားလုံးမျိုးတွေ မသုံးနှုန်းဘဲ သူ့ဘက်က အခုလိုဆန္ဒ ရှိတဲ့အကြောင်း သမ္မတ ပက်ဂွန်ဟေး က ပြောသွားတာပါ။ “လွှတ်တော်ရဲ့ဆုံးဖြတ်ချက်နဲ့ သမ္မတသက်တမ်း အချိန်ကို လျှော့ချတာ အပါအ၀င် ရှေ့လျှောက် တာဝန်တွေကနေ သူ ရပ်နားပေးပါမယ်လို့” Mrs. Park က ရုပ်မြင်သံကြားကနေ တနိုင်ငံလုံးကို ပြောကြားတဲ့ မိန့်ခွန်းမှာ ပြောသွားတာပါ။

ဒါ့အပြင် သူ့အနေနဲ့ ရာထူးကနေ ဆင်းပေးသင့် မသင့် မသေချာမရေရာ ဖြစ်နေပုံရတဲ့ မစ် Park က လွှတ်တော်ကနေ သတ်မှတ်ပေးမယ့် အစီအစဉ်အတိုင်း ဥပဒေကြောင်းအရ လုပ်ထုံး လုပ်နည်းတွေနဲ့အညီ သမ္မတရာထူးကနေ သူ ဆင်းပေးကောင်း ဆင်းပေးမယ်လို့ ပြောသွားတာပါ။

တိုင်းပြည် ရေးရာတွေ ဆောင်ရွက်ရာမှာ မတည်မငြိမ် အခြေအနေတွေ နည်းပါးစေဖို့နဲ့ တာဝန်တွေကို ငြိမ်းချမ်းစွာ လွှဲပြောင်းပေးနိုင်ဖို့အတွက် လက်ရှိ အာဏာရနဲ့ အတိုက်အခံပါတီတွေရဲ့ ဆောင်ရွက်ချက်တွေနဲ့အညီ ဆောင်ရွက်သွားဖို့ သူက ပြောသွားပါတယ်။ အတိုက်အခံ ခေါင်းဆောင် တွေကတော့ သမ္မတရဲ့မိန့်ခွန်းကို သိပ် အကောင်း မမြင်ကြပါဘူး။

သူ့အပေါ် အယုံအကြည်မရှိ အဆို တင်သွင်းမှုတွေကို အချိန်နှောင့်နှေးအောင် လုပ်တဲ့ နိုင်ငံရေးလှည့်ကွက်တခု ဖြစ်နိုင်တယ်လို့ တချို့က သံသယရှိသလို၊ သူမရဲ့ Saenuri ပါတီတွင်း ထောက်ခံမှုရအောင် လုပ်တာလို့ မြင်သူတွေလည်း ရှိပါတယ်။

ဗွီအိုအေ (မြန်မာပိုင်း)
http://burmese.voanews.com



ဒုတိယ အကြိမ် ပြည်သူ့လွှတ်တော် တတိယ ပုံမှန် အစည်းအဝေး ကျင်းပနေစဉ်(ဆင်ဟွာ)
     နေပြည်တော်၊ နိုဝင်ဘာ ၂၉ ရက် (ဆင်ဟွာ)

    ရှမ်းပြည်နယ် အရှေ့မြောက်ဒေသ သိန္နီ၊ ကွတ်ခိုင်၊ မူဆယ်၊ နမ့်ခမ်း၊ နမ္မတူနှင့် ၁၀၅ မိုင် ကုန်သွယ်ရေး ဇုန် တို့တွင် ဖြစ်ပွားနေသည့် တိုက်ပွဲများသည် နိုင်ငံ၏ အချုပ်အခြာ ထိပါးမှု တရားဥပဒေစိုးမိုးမှု၊ တည်ငြိမ် အေးချမ်းမှုနှင့် ငြိမ်းချမ်းရေး လုပ်ငန်းစဉ်တို့အား ထိခိုက်စေခြင်းတို့ နှင့် ပတ်သက်သည့် အရေးကြီး အဆို တစ်ရပ်ကို ပြည်သူ့ လွှတ်တော်သို့ ယနေ့ တင်သွင်းခဲ့ရာ လွှတ်တော်က လက်ခံဆွေးနွေးရန် သဘောတူခဲ့သည်။

 ထို အရေးကြီး အဆိုမှာ “ရှမ်းပြည်နယ် အရှေ့မြောက်ဒေသ သိန္ဒီ၊ ကွတ်ခိုင်၊ မူဆယ်၊ နမ့်ခမ်း၊ နမ္မတူ နှင့် ၁၀၅ မိုင် ကုန်သွယ်ရေး ဇုန် တို့တွင် KIA၊ MNDAA နှင့် TNLA ပူးပေါင်း အဖွဲ့တို့က မိုင်းထောင်မှု ဗုံးဖောက်ခွဲမှု၊ ပစ်ခတ်မှု တို့ ကြောင့် အပြစ်မဲ့ ပြည်သူများ သေကြေခြင်း၊ ဒဏ်ရာရခြင်း၊ အိုးအိမ် စွန့်ခွာ စစ်ပြေး ဒုက္ခသည် ဘဝ ရောက်ခြင်းနှင့် နိုင်ငံ၏ အချုပ်အခြာ ထိပါးမှု တရားဥပဒေစိုးမိုးမှု၊ တည်ငြိမ် အေးချမ်းမှု နှင့် ငြိမ်းချမ်းရေး လုပ်ငန်းစဉ်တို့အား ထိခိုက်စေခြင်းတို့ကို လွှတ်တော်မှ စိုးရိမ်ကြောင်း” ဖြစ်ပြီး ပြည်ခိုင်ဖြိုးပါတီဝင် မိတ္ထီလာမြို့နယ် ပြည်သူ့လွှတ်တော် ကိုယ်စားလှယ် ဒေါက်တာ မောင်သင်း က ယနေ့ ကျင်းပသည့် ပြည်သူ့ လွှတ်တော်အစည်းအဝေးသို့ တင်သွင်းခဲ့သည်။

 ထိုအဆိုကို ပြည်ထောင်စု ကြံ့ခိုင်ရေးနှင့် ဖွံ့ ဖြိုးရေး ပါတီဝင်  ပျော်ဘွယ်မြို့ နယ် ပြည်သူ့ လွှတ်တော် ကိုယ်စားလှယ် ဦးသောင်း အေး က ထောက်ခံ ဆွေးနွေးခဲ့ကာ လွှတ်တော်က ကန့် ကွက်သူ မရှိ သဘောတူခဲ့ခြင်း ဖြစ်သည်။

(Xinhua)
http://www.xinhuamyanmar.com



ကုလသမဂ္ဂအတွင်းရေးမှူးချုပ်ဟောင်း ကိုဖီအာနန် မြန်မာနိုင်ငံကို စက်တင်ဘာတုန်းက ရောက်ရှိလာစဉ်။ (ဓာတ်ပုံ- MOI)
ရခိုင်အကြံပေးကော်မရှင် ဥက္ကဋ္ဌ ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန် ဟာ ဒီကနေ့မှာပဲ မြန်မာနိုင်ငံကို ရောက်ရှိလာပြီး၊ မကြာသေးခင်က အကြမ်းဖက်တိုက်ခိုက်မှုတွေကြုံခဲ့ရတဲ့ မောင်တောဒေသ အပါအ၀င် ရခိုင်ပြည်နယ်ကို သွားရောက်ဖို့ ရှိနေပါတယ်။ မောင်တောဒေသမှာ တိုက်ခိုက်မှုတွေ ကြုံခဲ့ရပြီးနောက်၊ တပ်မတော်ရဲ့ စစ်ဆင်ရေးတွေမှာ လူ့အခွင့်အရေး ချိုးဖောက်မှုတွေ ရှိနေတယ်လို့ သတင်းတွေ ထွက်ပေါ်နေချိန်မှာပဲ ရခိုင်အကြံပေးကော်မရှင်ဥက္ကဋ္ဌအဖြစ် မြန်မာနိုင်ငံကို ဒုတိယအကြိမ် ရောက်ရှိလာတာလည်း ဖြစ်ပါတယ်။ အပြည့်အစုံကိုတော့ ဆက်သွယ်မေးမြန်းထားတဲ့ ဗွီအိုအေမြန်မာပိုင်း သတင်းထောက် ကိုထက်အောင်က တင်ပြပေးမှာပါ။

ရခိုင်အကြံပေး ကော်မရှင် ဥက္ကဌ မစ္စတာကိုဖီအာနန်ဟာ ပဋိပက္ခဖြစ်ပွားရာ ရခိုင်ဒေသက လူမှုအသိုင်းအ၀ိုင်းတွေအပါအ၀င် ဒေသတွင်း ဘက်ပေါင်းစုံက အရပ်ဖက် လူ့အဖွဲ့အစည်းခေါင်းဆောင်တစ်ချို့နဲ့ပါ တွေ့ဆုံဖို့ မြန်မာပြည်ကို ဒီကနေ့မှာပဲ ရောက်ရှိလာပါတယ်။ ဒါဟာ ကော်မရှင် ဥက္ကအဖြစ် လာရောက်တဲ့ သူ့ရဲ့ ဒုတိယမြောက် ခရီးစဉ်လည်း ဖြစ်တာပါ။ ဒီတစ်ခေါက် ခရီးစဉ်မှာတော့ ပြီးခဲ့တဲ့လအတွင်း ပဋိပက္ခဖြစ်ပွားခဲ့တဲ့ မောင်တော်မြို့နဲ့ ရခိုင်ပြည်နယ်တွင်းက မြို့တစ်ချို့ကိုပါ သွားရောက်ဖို့ ရှိတယ်လို့ ရခိုင်အကြံပေး ကော်မရှင် အဖွဲ့ဝင် တစ်ဦးလည်း ဖြစ်၊ ရခိုင်စာပေနဲ့ ယဉ်ကျေးမှု အဖွဲ့ရဲ့ ဥက္ကဌလည်း ဖြစ်တဲ့ ဒေါ်ခင်စောတင့်က ပြောပါတယ်။

“စစ်တွေလည်းသွားစရာရှိပါတယ်။စစ်တွေ၊ မောင်တောပေါ့နော်၊ နောက်မြေပုံ၊ မြောက်ဦး၊ နောက် ပြီးတော့ နေပြည်တော်ပေါ့နော် အဲဒီခရီးစဉ်ရှိပါတယ်။”

ကုလသမဂ္ဂ အထွေထွေအတွင်းရေးမှုးဟောင်းလည်း ဖြစ်၊ ငြိမ်းချမ်းရေး နိုဗဲလ် ဆုရှင်လည်း ဖြစ်တဲ့ မစ္စတာ အာနန်ဟာ မနက်ဖြန် ဗုဒ္ဓဟူးနေ့မှာတော့ ကော်မရှင် အဖွဲ့ဝင်တွေနဲ့ တွေ့ဆုံဖို့ ရှိသလို ရခိုင်ပြည်နယ်တွင်းက နှစ်ဖက် အသိုင်းအ၀ိုင်း အဖွဲ့အစည်းတို့နဲ့လည်း ရန်ကုန်မြို့မှာ တွေ့ဆုံဖို့ ရှိပါတယ်။ အဲဒါပြီးရင်တော့ ရခိုင်ပြည်နယ်ကို သွားရောက်လေ့လာမှာ ဖြစ်ပြီး အဲဒီ့နောက်မှာတော့ နေပြည်တော်မှာ ဒေါ်အောင်ဆန်းစုကြည်နဲ့ကော အစိုးရ ထိပ်ပိုင်း ခေါင်းဆောင် တစ်ချို့နဲ့လည်း တွေ့ဖို့ရှိတယ်လို့ ဒေါ်ခင်စောတင့်က ပြောပါတယ်။

“မနက်ဖြန်မှာ စပြီးတော့မှ တွေ့ကြမှာပါ။ ပြီးတော့ ရန်ကုန်မှာလည်း ၂ ဘက်အဖွဲ့အစည်းတွေနဲ့ပေါ့နော် ရန်ကုန်မှာတွေ့မှာပါ။ ရခိုင်ခရီးစဉ် က ပြန်လာတဲ့အခါ နေပြည်တော်ခရီးစဉ်မှာလည်း ထိပ်တန်းခေါင်းဆောင်တွေနဲ့ တွေ့ဖို့ရှိပါတယ်ရှင့်။

မေး။ ။ ဆိုတော့ ဒေါ်အောင်ဆန်းစုကြည်နဲ့ကော တွေ့ဖို့ရှိပါသလား။

ဖြေ။ ။ တွေ့ဖြစ်မယ်လို့ ထင်ပါတယ်ရှင့်။”

မစ္စတာ ကိုဖီအာနန် မရောက်ခင် ပြီးခဲ့တဲ့ သတင်းပတ် ၂ ပတ်ကျော်အကြာမှာ ရခိုင်အကြံပေး ကော်မရှင် အဖွဲ့အနေနဲ့ ရခိုင်ပြည်နယ်ကို သွားရောက်လေ့လာခဲ့ပါသေးတယ်။ ဒါပေမဲ့ အဲဒီ့တစ်ကြိမ်မှာတော့ လုံခြုံရေး အခြေအနေကြောင့် ပဋိပက္ခဖြစ်ပွားရာ မောင်တောမြို့ကို သွားရောက်ခွင့် မရခဲ့ပါဘူး။ ရခိုင်ပြည်နယ် အစိုးရ ပြောရေးဆိုခွင့်ရ ပုဂ္ဂိုလ်လည်း ဖြစ်၊ စည်ပင်သာယာရေး ၀န်ကြီးလည်း ဖြစ်တဲ့ ဦးမင်းအောင်ကတော့ ကော်မရှင်အနေနဲ့ ဒီတစ်ခေါက်မှာတော့ ရခိုင်ပြည်နယ်ကို လာရောက်လေ့လာနိုင်တယ်လို့ ပြောပါတယ်။

“ဘေးမှာပါရင်တော့ သွားလို့ရပါတယ်။ အခုက ဘာမှ ဖြစ်နေတာ မရှိဘူးလေ။ သိပ်ပြီးတော့ ထွေထွေထူးထူးကြီး ဒီပြည်နယ်ထဲမှာ ပြဿနာကြီးတွေ ရှိနေတာတွေတော့ မရှိဘူးလေ။ သူတို့ စာရင်းထဲပါရင်တော့ သွားလို့ရတာပေါ့။”

မစ္စတာ ကိုဖီအာနန်ဟာ ပြီးခဲ့တဲ့ စက်တင်ဘာလအတွင်းမှာ ရခိုင်ပြည်ကို သွားရောက်လေ့လာခဲ့ပါတယ်။ ရခိုင် အကြံပေး ကော်မရှင်မှာ နိုင်ငံတကာက ပုဂ္ဂိုလ်တွေ ပါနေတဲ့အတွက် နိုင်ငံရဲ့ အချုပ်အခြာ အာဏာထိပါးနိုင်တယ်ဆိုပြီး ဝေဖန်မှုတွေရှိပေမဲ့လို့ ကော်မရှင်ရဲ့ အကြံပြုချက်တွေဟာ နှစ်ဖက်အသိုင်းအ၀ိုင်းရဲ့ တင်းမာမှုတွေကို လျော့ချပေးပြီး ဖွံဖြိုးတိုးတက်ရေးကိုသာ ရှေးရှု့သွားမှာဖြစ်တယ်လို့ မစ္စတာ ကိုဖီအာနန်က ပြောဆိုထားပါတယ်။ ရခိုင်ကော်မရှင် အဖွဲ့ကို နိုင်ငံတော် အတိုင်ပင်ခံ ၀န်ကြီးဌာနနဲ့ ကိုဖီအာနန် ဖော်ဒေးရှင်းတို့ ပူးပေါင်းကာ နက်နဲရှုပ်ထွေးပြီး အတိမ်းအစောင်းမခံတဲ့ ရခိုင်ပြည်တွင်းက ပဋိပက္ခတွေကို ညှိုနှိုင်းအဖြေရှာဖို့ဆိုတဲ့ ရည်ရွယ်ချက်နဲ့ သြဂုတ်လ အတွင်းက ဖွဲ့စည်းထားတာ ဖြစ်ပါတယ်။ ဒီကော်မရှင်ဟာ ရခိုင်ပြည်နယ်တွင်း မြေပြင်အခြေအနေကို ကွင်းဆင်းလေ့လာပြီးနောက် တွေရှိချက်တွေကို ၁၂ လအတွင်း အစိုးရထံ အစီရင်ခံစာတစ်ရပ် တင်သွင်းရမှာဖြစ်ပြီး၊ ရှေ့နှစ်ဆန်းမှာလည်း ကြားဖြတ်အစီရင်ခံစာ တင်သွင်းလိမ့်မယ်လို့လည်း မျှော်လင့်ရပါတယ်။

 ထက်အောင်  / ဗွီအိုအေ (မြန်မာပိုင်း)
http://burmese.voanews.com



 နိုဝင်ဘာ ၂၉ ရက်နေ့ မနက် ၁၁ နာရီခန့်က ရှမ်းမြောက်၊ ကွတ်ခိုင်မြို့နဲ့ ၂ မိုင်အကွာက နမ့်ပါချီရွာ ကျောက်ထုတ်စခန်းအနီးမှာ သွားလာနေတဲ့ အရပ်သားယာဉ်တွေကို တားဆီးနေတဲ့ KIA အဖွဲ့နဲ့ လမ်းကြောင်းလုံခြုံရေး ဆောင်ရွက်နေတဲ့ တပ်မတော်စစ်ကြောင်းတို့ ထိပ်တိုက်တွေ့ဆုံခဲ့တယ်။ ဓါတ်ပုံ - တပ်ကြပ်ကြီး ဖိုးစီ
ရှမ်းပြည်နယ်မြောက်ပိုင်း ကွတ်ခိုင်မြို့နှင့် (၂)မိုင်ခန့်အကွာ နမ့်ပါချီရွာ ကျောက်ထုတ်စခန်းအနီးတွင် နိုဝင်ဘာလ (၂၉)ရက် နံနက် (၁၁)နာရီဝန်းကျင်က ကားများကိုတားနေသည့် လက်နက်ကိုင်အဖွဲ့နှင့် တပ်မတော်တို့အကြား အပြန်အလှန်ပစ်ခတ်မှု ဖြစ်ပွားကြောင်း အဆိုပါလမ်းပိုင်းမှ ကားမောင်းသူတစ်ဦးထံမှ သိရသည်။

"မျက်စိရှေ့တင် ပစ်ခတ်မှုဖြစ်တာ။ ကားတွေကို ကေအိုင်အေဘက်တံဆိပ်နဲ့လူတွေက တားပြီးရပ်ခိုင်းတာ။ အဲဒီအချိန် စစ်တပ်က ချက်ချင်းတွေ့ပြီး ပစ်ကြတာ။ သူပစ်ကိုယ်ပစ်ပဲ ကားသမားတွေနဲ့ အနီးနားက လူတွေကတော့ ကျောက်ထုတ်တဲ့စခန်းကို ပြေးတဲ့သူကပြေး၊ တွေ့ရာ နေရာဝပ်ပြီး ပုန်းနေကြရတယ်"ဟု အခင်းဖြစ်ပွားရာနေရာတွင် ရှိနေခဲ့သည့် ကားသမားတစ်ဦးက ပြောသည်။

ယင်းသို့ ပစ်ခတ်မှုဖြစ်ပွားချိန်တွင် ကားအစီး(၄၀)ခန့် ပိတ်မိနေခဲ့သော်လည်း ပစ်ခတ်မှုကြောင့် ခရီးသွားများ ထိခိုက်ဒဏ်ရာရမှုမရှိဘဲ ရှောင်ပြေး၍ ပွန်းပဲ့ဒဏ်ရာများသာ ရရှိခဲ့ကြောင်း သိရသည်။

ပစ်ခတ်မှုဖြစ်ပွားပြီး လက်နက်ကိုင်အဖွဲ့က ကားလမ်းမအတိုင်းထွက်ပြေးသွားသည်ကို တွေ့ရကြောင်း ခရီးသွားအချို့ထံမှ သိရသည်။

လက်နက်ကိုင်ပူးပေါင်းအဖွဲ့က ရှမ်းပြည်နယ်မြောက်ပိုင်း မူဆယ်မြို့နယ်နှင့် ကွတ်ခိုင်မြို့နယ်များတွင် နိုဝင်ဘာလ (၂၀) ရက်နေ့က စတင်တိုက်ခိုက်မှုကြောင့် တိုက်ပွဲဖြစ်ပွားခဲ့ခြင်းဖြစ်ပြီးနောက် နယ်မြေအတွင်း မကြာခဏ ပစ်ခတ်မှုအချို့ ဖြစ်ပွားနေခြင်းဖြစ်သည်။

သတင်း - နေဖြိုးမြင့်
Tachileik News Agency
http://www.tachileik.net


လက်ပံတောင်းတောင် သပိတ်စခန်းဖြိုခွဲခံရမှု လေးနှစ်ပြည့် အထိမ်းမှတ်အနေနဲ့ နိုဝင်ဘာလ ၂၉ ရက်နေ့က ရန်ကုန်မြို့ မြို့တော်ခန်းမရှေ့မှာ လက်ပံတောင်းတောင် ပြည်သူ့အကျိုးစီးပွား ကာကွယ်စောက်ရှောက်ရေးကော်မတီအဖွဲ့ဝင်တွေ လမ်းလျှောက်ဆန္ဒပြစဉ်။ Photo: Htet Arkar/RFA
လက်ပံတောင်းတောင် ကြေးနီစီမံကိန်း ဖျက်သိမ်းဖို့ တောင်းဆိုခဲ့တဲ့ သပိတ်စခန်း အကြမ်းဖက် ဖြိုခွဲခံရတဲ့ ၄ နှစ်ပြည့်အဖြစ် မီးလောင်ဗုံးတရားခံ ဖော်ထုတ်ပေးဖို့နဲ့ သီးနှံလျော်ကြေးပေးဖို့ ဒီနေ့ ဝမ်ပေါင်ကုမ္ပဏီရုံးရှေ့မှာ ဆန္ဒပြတောင်းဆိုတဲ့ ဒေသခံ ၁၀၀ကျော်ကို ရဲတပ်ဖွဲ့က တားမြစ်ခဲ့ပါတယ်။
ဝမ်ပေါင်ကုမ္ပဏီရှေ့ကို သွားရာလမ်းမှာတင် တားဆီးခံနေရတာဖြစ်တယ်လို့ ဆန္ဒထုတ်ဖော်ရာမှာ ပါဝင်ခဲ့တဲ့ တုံရွာမက မမာချို က ပြောပါတယ်။

"ဝမ်ပေါင်ရှေ့မှာ ၂ နာရီကနေ ၅ နာရီအထိ ဆန္ဒပြနေပါတယ်။ သူတို့ကတော့ လမ်းဆုံမှာတင် တားတာ။ ကျမတို့ကတော့ ကျမတို့ မီးလောင်ဗုံးပစ်ခံထားရတဲ့ သပိတ်စခန်းနေရာအထိ အရောက် သွားနေပါတယ်။ အခုဟာကတော့ တားရင်းနောက်ဆုတ်ရင်း တားရင်းတိုးရင်း ဆုတ်ရင်းပေါ့။ ဦးပိုင်ဘက်က ရဲအရာရှိတွေနဲ့ တားဆီးနေပါတယ်။"

ဒေသခံတွေက လက်ပံတောင်းတောင် ကြေးနီစီမံကိန်းကြောင့် သိမ်းဆည်းခံထားရပြီး လျော်ကြေးငွေ မယူထားသေးတဲ့ လယ်ယာမြေဧက နှစ်ထောင်ခန့်အတွက် ၃နှစ်စာ သီးနှံလျော်ကြေးပေးဖို့နဲ့ လယ်မြေ ဧကတွေ ပြန်လည်ဖော်ဆောင်ပေးဖို့ တောင်းဆိုကြတာဖြစ်ပါတယ်။

အလားတူ ရန်ကုန်မြို့ မဟာဗန္ဓုလပန်းခြံရှေ့မှာ လက်ပံတောင်းတောင် ပြည်သူ့အကျိုးစီးပွား ကာကွယ်စောက်ရှောက်ရေးကော်မတီအဖွဲ့ဝင် ၅၀လောက်က လမ်းလျှောက်ဆန္ဒပြခဲ့ကြပါတယ်။

မီးလောင်ဗုံးတရားခံတွေကို အမြန်ဆုံးဖော်ထုတ်ပေးဖို့၊ လက်ပံတောင်းတောင် တောင်သူတွေကို မြေယာ အစားပြန်ပေးဖို့ တို့ကို တောင်းဆိုတာဖြစ်တယ်လို့ ဆန္ဒပြရာမှာ ပါဝင်တဲ့ ဒေါ်နော်အုန်းလှက ပြောပါတယ်။

လက်ပံတောင်းတောင် ကြေးနီစီမံကိန်း ဖျက်သိမ်းရေးအတွက် တောင်းဆိုခဲ့တဲ့ သပိတ်စခန်းတွေကို မီးလောင်ဗုံးနဲ့ ဖြိုခွဲစဉ်က မီးလောင်ဗုံးထိမှန်ခဲ့တဲ့ သံဃာတော်တွေကို ကူညီစောက်ရှောက်ဖို့ လိုအပ်နေကြောင်းလည်း ဆန္ဒပြသူတွေက ပြောပါတယ်။

RFA Burmese
http://www.rfa.org/burmese



သင်္ဃန်းကျွန်းမြို့နယ်၊ သုဝဏ္ဏ၌ အရက်အတုပြုလုပ်သူအား ဖမ်းဆီးအရေးယူ
ရန်ကုန်၊ နိုဝင်ဘာ ၂၉

၂၈.၁၁.၂၀၁၆ ရက်နေ့ ၁၄၀၀ အချိန်တွင် သင်္ဃန်းကျွန်းမြို့နယ်၊ သုဝဏ္ဏ နယ်မြေရဲစခန်းမှတပ်ဖွဲ့ဝင်များသည် သင်္ဃန်းကျွန်းမြို့နယ်၊ သုဝဏ္ဏ၊ (က)ရပ်ကွက်၊ အဆင့်မြင့်အိမ်ရာ၊ တိုက်(၉)ရှိ နေအိမ်တိုက်ခန်းတွင် နိုင်ငံခြားအရက်အတုများ ပြုလုပ်နေကြောင်းသတင်းအရ သက်သေများနှင့်
အတူ ၀င်ရောက်ရှာဖွေရာ အိမ်ရှင်ဖြစ်သူ ဝေယံလင်း(ခ)လင်းလင်း၊ (၃၂)နှစ်အားတွေ့ရှိရပြီး ၎င်းအခန်းနှင့် ဆက်လျက်ရှိသည့် အခန်းအတွင်းမှ နိုင်ငံခြားအရက်အတု ပြုလုပ်ရောင်းချရာတွင်အသုံးပြုသော ဆိုးဆေးဘူးများ၊ ရေစစ်ဇကာများ၊ ပလပ်စတစ်ကန်တော့များ၊ နိုင်ငံခြားအရက်ပုလင်းများ ထုပ်ပိုးရန်ထားရှိသော ကတ်ထူစက္ကူပြားများနှင့် နိုင်ငံခြားအရက်ပုလင်းခွံမျိုးစုံတို့အား
တွေ့ရှိသိမ်းဆည်းရမိခဲ့ပါသည်။

ယင်းသို့ သိမ်းဆည်းရမိခဲ့သဖြင့် နိုင်ငံခြားအရက်များအတုပြုလုပ်သူ ဝေယံလင်း(ခ)လင်းလင်းအား သုဝဏ္ဏနယ်မြေရဲစခန်း(ပ)၁၀၁၂/၂၀၁၆၊ ရာဇသတ်ကြီးပုဒ်မ-၄၂၀/၄၆၈/၄၈၆ ဖြင့် အမှုဖွင့်အရေးယူ ဆောင်ရွက် လျက်ရှိပါသည်။

Yangon Police
https://www.facebook.com/yangonpolice



မူဆယ်မြို့၌ KIA/ TNLA လက်နက်ကိုင်အဖွဲ့မှ ပစ်ခတ်သည့် လက်နက်ကြီးကျည် ကျရောက် ပေါက်ကွဲ
နိုဝင်ဘာ ၂၉၊ ၂၀၁၆

နိုဝင်ဘာ ၂၈ ရက် ညနေ ၆ နာရီ မိနစ် ၄၀ ခန့်တွင် မူဆယ်မြို့၊ ဟိုမွန်ရပ်ကွက် သစ်တောလမ်း၊ ရန်ကုန် တင်တင်လှ ထမင်းဆိုင်အနီး လျှိုအတွင်းသို့ KIA/ TNLA လက်နက်ကိုင်များ ပစ်ခတ်လိုက်သည့် လက်နက်ကြီးကျည် ကျရောက် ပေါက်ကွဲခဲ့သည်။

လက်နက်ကြီးထိမှန်ခဲ့သည့် နေရာ၏ အရှေ့ ပေ ၂၀ အကွာ ခြံဝန်းအလွတ်၏ အုတ်နံရံတွင်လည်းကောင်း၊ ပေ ၁၀၀ ခန့်အကွာ သဲပုံတွင်လည်းကောင်း လက်လုပ်မိုင်း ၂ လုံး ဖေါက်ခွဲခဲ့ကြောင်း တွေ့ရှိရသည်။

ည ၉ နာရီ မိနစ် ၄၀ တွင် မူဆယ်မြို့ ကောင်းမှုတုံရပ်ကွက်၊ ဟိုနားရပ်နှင့် စက်မှုကွက်သစ်ကြားတွင်လည်းကောင်း၊ ည ၁၀ နာရီ မိနစ် ၅၀ တွင် စက်မှုလမ်းနှင့် မန့်မိုင် ရွာအနီး တွင်လည်းကောင်း ပေါင်းကွဲမှုများဖြစ်ပွားခဲ့သည်။


ပေါက်ကွဲမှုများကြောင့် ထိခိုက်ဒဏ်ရာရသူ မရှိကြောင်းနှင့် KIA/ TNLA လက်နက်ကိုင်အဖွဲ့များသည် ကောင်းမှုတုံရပ်ကွက် ဟိုနားရပ် စက်မှုကွက်သစ်အတွင်းသို့ ၀င်ရောက်ပြီး အလုပ်ရုံအချို့ထံမှ ဆက်ကြေးများ ကောက်ခံ၍ ပြန်လည် ထွက်ခွာသွားကြောင်းနှင့် လုံခြုံရေးတပ်ဖွဲ့ဝင်များက လိုက်လံရှင်းလင်းနေကြောင်း သိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
https://www.facebook.com/SCOInfoC/


နိုဝင်ဘာ ၂၈ ည၈နာရီ ၃၀မိနစ် သတင်း

ည ၈ နာရီ အချိန် တွင် လားရှိုး-မူဆယ် လမ်းပိုင်း နမ့်ဖက်ကာ အနီးတွင် တာဝန်အရ ကားဖြင့် ခရီးသွားလာနေသော ရဲတပ်ဖွဲ့ဝင် ၂ဦး (အရပ်ဝတ် ဖြင့်သာ သွားလာနေသော) အား တိုင်းရင်းသား လက်နက်ကိုင် တပ်များမှ ဖမ်းဆီး ခေါ်ဆောင် သွား သည် ဟု ရှမ်းပြည်နယ်မြောက်ပိုင်း ရဲတပ်ဖွဲ့မှ သတင်းရရှိပါသည်။

 ၄င်း ရဲ တပ်ဖွဲ့ဝင်၂ဦးသည် တရားစီရင်ရေး ကိစ္စ ဖြင့် အရပ်ဝတ် ဖြင့် ခရီးသွားလာနေစဉ် နမ့်ဖက်ကာအနီးတွင် ဆက်ကြေးကောက်ခံနေသော လက်နက်ကိုင်သောင်းကျန်းသူ တအာင်းတပ် မှ စစ်ဆေးတွေ့ရှိ၍ ဖမ်းဆီးခေါ်ဆောင်သွားခြင်းဖြစ်သည်ဟု သိရသည်။

PhyoChitthu (Lashio News)


နိုဝင်ဘာလ ၂၉ ရက် ၂၀၁၆

သျှမ်းပြည်မြောက်ပိုင်း မူစယ်မြို့တွင် နိုဝင်ဘာလ ၂၈ ရက်ညက ဗုံးများပေါက်ကွဲပြီး လူငယ်တဦး ပစ်ခတ်ခံရကြောင်း သိရသည်။

“ည ၇ နာရီခွဲလောက် ဗုံးတွေပေါက်ကွဲတဲ့အချိန်မှာ လူငယ်တယောက် ပစ်ခတ်ခံရတယ်။ ဟိုနား နယ်မြေ ကောင်းမူးတုံရပ်ကွက်သား။ နာမည်က အေးချမ်းကိုကိုတဲ့။ မီးသတ်ရုံးဘက်ကနေ မြောက်ရပ်ကွက် ရဲစခန်းဘက် ဆိုင်ကယ်စီးသွားတာ။ ရဲစခန်းရှေ့လမ်းမှာ ပိတ်ကာထားတဲ့ သံဆူးကာစည်းရိုးကို သူက ဆိုင်ကယ်နဲ့တိုက်မိတယ်။ ရဲက ရပ်ခိုင်းတာကို သူက မရပ်လို့ဆိုပြီး ပစ်လိုက်တာလို့ ပြောတယ်” - ဟု မူစယ်ဒေသခံ စိုင်းအင်း က ပြောသည်။


အသက် ၂၀ ကျော်အရွယ်ရှိ အေးချမ်းကိုကိုအား ရဲကပစ်ခတ်ရာတွင် ညာဘက်လက်နှင့် ပေါင် ကျည်ထိမှန်သဖြင့် ဒဏ်ရာအပြင်းအထန်ရရှိကာ ရွှေလီဆေးရုံသို့ ပို့ဆောင်ကုသထားကြောင်း မူစယ်ဒေသခံလူငယ်များက ပြောဆိုပါသည်။

ပစ်ခတ်ခံရသူ အေးချမ်းကိုကိုမှာ မူစယ်မြို့ ဟိုနားနယ်မြေ ကောင်းမူးတုံရပ်ကွက်နေ ဦးဝင်းနိုင်နှင့် နန်းအေမြတို့၏သားဖြစ်ကြောင်း ကမ္ဘောဇဘဏ် ၁ ၏ဘဏ်ဝန်ထမ်းဖြစ်ကြောင်း သိရသည်။

ကမ္ဘောဇဘဏ် ၁ သည် ၄င်းအခင်းဖြစ်ပွါးရာနေရာနှင့် ၁ မိုင်ခန့်အကွာတွင်ရှိကြောင်းလည်း ဒေသခံများကပြောသည်။

ဗုံးပေါက်ကွဲမှုမှာလည်း ၃ လုံးမှ ၅ လုံးအထိ ကြားရပြီး မြို့တွင်းရပ်ကွက်နှင့်အနီးဆုံး ပေါက်ကွဲသည် မှာ မြို့ပတ်လမ်းတွင်သာဖြစ်ပြီး လူသူထိခိုက်မှု မရှိကြောင်း စိုင်းအင်းက ပြောသည်။

“မူစယ်မှာ ညအချိန်ဆို အပြင်ထွက်ရဲတဲ့သူ မရှိသလောက်ဘဲ။ ညလဲဖြစ်ပြန်တယ်ဆိုတော့ ဘယ်သူ မှ သွားမကြည့်ရဲဘူးလေ။ ပေါက်တဲ့နေရာလည်း အတိအကျ မသိရဘူး။ ပေါက်ကွဲသံတွေတော့ ၅ လုံးလောက်အထိ ကြားရတယ်။ ”- ဟု ပြောသည်။

မူစယ်မြို့တွင် နိုဝင်ဘာလ ၂၁ ရက်နေ့ကတည်းက အစိုးရတပ်မတော်နှင့် မြောက်ပိုင်း မဟာမိတ် တပ်ဖွဲ့( KIO/TNLA/MNDAA/AA)တို့ကြား စစ်ရေးတင်းမာမှု စတင်လာရာ ယနေ့တိုင်ဒေသခံ လူထုမှာ လုံခြုံစိတ်ချမှု မရှိသေးသည့် အခြေအနေအတွင်း သွားလာလှုပ်ရှားနေထိုင်နေကြရသည်။

ဓါတ်ပုံ- ပစ်ခတ်ခံရသည့် အေးချမ်းကိုကို နှင့်အခင်းဖြစ်ပွါးသည့်နေရာ (Photo: Social Media)
သျှမ်းသံတော်ဆင့်၊ ဟွမ်ဟိန်း
Panglong(Burmese)
https://www.facebook.com/Panglong.burmese/



ဗကသညီလာခံကို သပိတ်မှောက်ခဲ့တဲ့ ကျောင်းသားသမဂ္ဂ ၅ ခုက ကိုယ်စားလှယ်တွေ မန္တလေးမြို့ ရတနာပုံတက္ကသိုလ်မှာ နိုဝင်ဘာလ ၂၉ ရက်နေ့က သတင်းစာရှင်းလင်းစဉ်။ Photo: Hset Paing Toe/RFA
ကရင်ပြည်နယ် ဘားအံမြို့မှာ ကျင်းပခဲ့တဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ဗကသညီလာခံကို တက်ရောက်လာတဲ့ ကိုယ်စားလှယ်တွေထဲမှာ ကျောင်းသားသမဂ္ဂတွေ ချမှတ်ထားတဲ့ မူတွေနဲ့ မကိုက်ညီသူတွေ ပါဝင်နေတဲ့အတွက် ညီလာခံကို သပိတ်မှောက်ပြီး ပြန်လာခဲ့တာဖြစ်ကြောင်း တက္ကသိုလ်ကျောင်းသားသမဂ္ဂ ငါးခုက ကိုယ်စားလှယ်တွေက ပြောပါတယ်။

ဒီနေ့ မန္တလေးမြို့ ရတနာပုံတက္ကသိုလ်မှာ ကျောင်းသားသမဂ္ဂ ၅ခုက ကျင်းပတဲ့ သတင်းစာရှင်းလင်းပွဲမှာ ရတနာပုံတက္ကသိုလ်ကျောင်းသားသမဂ္ဂ အထွေထွေအတွင်းရေးမှူး ကိုကျော်သီဟရဲကျော် က ပြောတာဖြစ်ပါတယ်။

ညီလာခံကို သပိတ်မှောက်ခဲ့ကြတဲ့ တက္ကသိုလ်ကျောင်းသားသမဂ္ဂ ၁၅ ခုထဲက ရတနာပုံတက္ကသိုလ်ကျောင်းသား သမဂ္ဂ၊ မန္တလာဒီဂရီကောလိပ်ကျောင်းသားသမဂ္ဂ၊ မုံရွာတက္ကသိုလ်ကျောင်းသားသမဂ္ဂ၊ ဗန်းမော်နည်းပညာ တက္ကသိုလ် ကျောင်းသားသမဂ္ဂနဲ့ ကလေးတက္ကသိုလ်ကျောင်းသားသမဂ္ဂ ကိုယ်စားလှယ်တွေက သတင်းစာ ရှင်းလင်းပွဲ ကျင်းပခဲ့တာဖြစ်ပါတယ်။

ညီလာခံကို သပိတ်မှောက်ကန့်ကွက်ခဲ့ပေမယ့် ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (ဗကသ) နဲ့ ဆက်လက်ချိတ်ဆက်ဆောင်ရွက်သွားမယ်လို့ သမဂ္ဂအဖွဲ့ဝင်တွေက ပြောပါတယ်။

ဗကသ ဦးဆောင်အဖွဲ့သစ်ကို ရွေးချယ်ဖို့နဲ့ ကျောင်းသားထုအားလုံးပါဝင်တဲ့ ညီလာခံကျင်းပဖို့အတွက် ပြီးခဲ့တဲ့ နိုဝင် ဘာလ ၂၆ ရက်နေ့ကနေ့ ၂၈ ရက်နေ့အထိ ဘားအံမြို့တောရကျောင်းမှာ ဗကသညီလာခံကို ကျင်းပခဲ့တာဖြစ် ပါတယ်။

အဲဒီညီလာခံကနေ ဗဟိုလုပ်ငန်းကော်မတီဝင် ၂၁ ဦးကို ရွေးချယ်တင်မြှောက်ခဲ့ကြပါတယ်။

RFA Burmese
http://www.rfa.org/burmese



 ယူနိုက်တက်လေကြောင်းလိုင်း (UA) မှ လေယာဉ်တစ်စီးအားတွေ့ရစဉ် (ဓါတ်ပုံ-အင်တာနက်)
ဆန်ဖရန်စစ္စကို၊ နိုဝင်ဘာ ၂၉ရက် (ဆင်ဟွာ)

အမေရိကန်နိုင်ငံ အခြေစိုက် ယူနိုက်တက်လေကြောင်းလိုင်း (UA) မှ လေယာဉ်တစ်စီးတွင် အင်ဂျင်မီးလောင်မှု ဖြစ်ပွားခဲ့၍ နိုဝင်ဘာ ၂၈ရက် နေ့လည်ပိုင်းတွင် ဆန်ဖရန်စစ္စကို အပြည်ပြည်ဆိုင်ရာလေဆိပ် (SFO) သို့ ပြန်လှည့်ခဲ့ရကြောင်း သိရသည်။
SFO ပြောရေးဆိုခွင့်ရှိသူ Doug Yakel က ယူနိုက်တက်လေကြောင်းလိုင်း (UA) ၏ ပျံသန်းရေးခရီးစဉ်အမှတ် ၈၃၇အရ လေယာဉ် သည် ဒေသစံတော်ချိန် နံနက်၁၁း၃၆နာရီ တွင် ဂျပန်နိုင်ငံ တိုကျိုမြို့သို့ သွားရောက်ရန် လေဆိပ်မှ ထွက်ခွာလာပြီးနောက် အင်ဂျင်ပြဿနာဖြစ်ပွားခဲ့ရာ အင်ဂျင်လေးလုံးရှိသည့်အနက် တစ်လုံးအား ရပ်ဆိုင်းခဲ့ရကြောင်းပြောကြားခဲ့သည်။

မျက်မြင်တွေ့ကြုံခဲ့သူများက ပေါက်ကွဲသံတစ်ခုအား ကြားခဲ့ရပြီး ဘိုးအင်း 747’s ဘယ်ဘက်အင်ဂျင်များအနက် တစ်လုံးမှ မီးတောက်များထွက်ပေါ်လာသည့်ကို မြင်တွေ့ခဲ့ကြောင်းနှင့် လေယာဉ်သည် မြေပြင်ပေါ်သို့ ဘေးကင်းစွာ မဆင်းသက်ခင် လေဆိပ်အပေါ်၌ တစ်နာရီကျော်ကြာ စက်ဝိုင်းပုံသဏ္ဍာန်လည်ပတ်နေကြောင်း ပြောကြားခဲ့သည်။

လေယာဉ်ပေါ်လိုက်ပါသွားသည့် ခရီးသည် ၂၀၂ဦး နှင့် လေယာဉ်ဝန်ထမ်း ၁၅ဦး ရှိသည့်အနက် တစ်ဦးတစ်ယောက်မျှ ဒဏ်ရာရရှိခြင်းမရှိကြောင်း သိရသည်။

(Xinhua)
http://www.xinhuamyanmar.com



မြစ်ဆုံရေအားလျှပ်စစ်စီမံကိန်းကို တွေ့ရစဉ်။ Photo: Myo Zaw Ko/RFA
ဧရာဝတီမြစ်ဆုံစီမံကိန်းကို အကောင်အထည်မဖော်သင့်ကြောင်း ကချင်ပြည်နယ်လွှတ်တော် ကိုယ်စားလှယ်တွေ က ဧရာဝတီမြစ်ဆုံ မြစ်ညှာ မြစ်ဝှမ်း ရေအားလျှပ်စစ်စီမံကိန်းများ လေ့လာ၊ စိစစ်သုံးသပ်ရေးကော်မရှင် စေလွှတ် ထားတဲ့ မြန်မာ့ပတ်ဝန်းကျင် သိပ္ပံသုတေသနအဖွဲ့ ကွင်းဆင်းလေ့လာစဉ် ကန့်ကွက်လိုက်ပါတယ်။

ကချင်ပြည်နယ်အစိုးရအဖွဲ့ရုံးမှာ မြန်မာ့ပတ်ဝန်းကျင်သိပ္ပံသုတေသန MEI အဖွဲ့နဲ့ မနေ့က တွေ့ဆုံချိန်မှာ လွှတ်တော်ကိုယ်စားလှယ်တွေက ကန့်ကွက်ဆွေးနွေးခဲ့ကြတာဖြစ်တယ်လို့ ပြည်နယ်လွှတ်တော် သစ်တော၊ သတ္တု၊ သဘာဝပတ်ဝန်းကျင်ထိန်းသိမ်းရေး၊ စိုက်ပျိုးရေး နဲ့ မွေးမြူရေးဆိုင်ရာကော်မတီ ဥက္ကဋ္ဌ ဦးကျော်ကျော်ဝင်း က ပြော ပါတယ်။

ဧရာဝတီမြစ်ဆုံ မြစ်ညှာ မြစ်ဝှမ်း ရေအားလျှပ်စစ်စီမံကိန်းများ လေ့လာစိစစ် သုံးသပ်ရေးကော်မရှင်က မြန်မာ့ ပတ်ဝန်းကျင်သိပ္ပံသုတေသနအဖွဲ့ကို ကွင်းဆင်းလေ့လာဖို့ စေလွှတ်ထားတာဖြစ်ပြီး အဲဒီအဖွဲ့ဟာ ဧရာဝတီမြစ်နဲ့ ဆက်စပ်မြို့နယ်တွေက ဒေသခံတွေနဲ့လည်း သွားရောက်တွေ့ဆုံခဲ့ပါတယ်။

မနေ့ကတွေ့ဆုံပွဲကို ခေါင်လန်ဖူး၊ ပူတာအို၊ နောင်မွန်း အင်ဂျန်းယန်၊ ဆွမ်ပရာဘွမ်၊ ဗန်းမော် စတဲ့ ဧရာဝတီမြစ်နဲ့ ဆက်စပ်တဲ့ ဒေသတွေမှာ နေထိုင်တဲ့ကိုယ်စားလှယ်တွေ အပါအဝင် ပြည်နယ်လွှတ်တော်က ဖွဲ့စည်းထားတဲ့ သစ်တော၊ သတ္တု၊ သဘာဝပတ်ဝန်းကျင်ထိန်းသိမ်းရေး၊ စိုက်ပျိုးရေးနဲ့ မွေးမြူရေးဆိုင်ရာကော်မတီက လွှတ်တော် ကိုယ်စားလှယ်တွေ စုစုပေါင်း ၂ဝ ဝန်းကျင် တက်ရောက်ခဲ့ပါတယ်။

မြန်မာနိုင်ငံမြောက်ဖျား ရေခဲတောင်ဒေသတွေကနေမြစ်ဖျားခံပြီး မေခ နဲ့ မလိခ မြစ်နှစ်သွယ် ပေါင်းဆုံ လို့ ဖြစ်ပေါ်လာတဲ့ ဧရာဝတီမြစ်ပေါ်က မြစ်ဆုံရေကာတာ စီမံကိန်းအပါအဝင် မေခနဲ့ မလိခမြစ်တွေပေါ်မှာပါ တည်ဆောက်ဖို့ စီစဉ်နေတဲ့ ရေကတာစီမံကိန်း ၇ ခုကို အပြီးတိုင်ဖျက်သိမ်းဖို့ အလွှာအသီးသီးက ပြည်သူတွေ က တောင်းဆိုနေကြတာလည်းဖြစ်ပါတယ်။

RFA Burmese
http://www.rfa.org/burmese



မူဆယ် ၁ဝ၅ မိုင်ကုန်သွယ်ရေးဇုန်
မြန်မာ့တပ်မတော်နဲ့ မြောက်ပိုင်းမဟာမိတ်တိုင်းရင်းသားတပ်ပေါင်းစု တို့အကြားဖြစ်ပွါးခဲ့တဲ့တိုက်ပွဲကြောင့် တပတ်ကြာ ရပ်နားထားရတဲ့ မူဆယ် ၁ဝ၅ မိုင် ကုန်သွယ်ရေးဇုန်ကို အခုဆိုပြန်လည်ဖွင့်လှစ်နိုင်ခဲ့ပေမယ့် ကုန်သွယ်မှုအခြေအနေဟာ ပုံမှန်အနေအထားကိုမရောက်သေးဘူးလို့ မူဆယ်ခရိုင်အာဏာပိုင်တွေကပြောပါတယ်။

တိုက်ပွဲကာလအတွင်း လမ်းတံတားယိုယွင်းမှုနဲ့ လမ်းလုံခြုံမှု မရေရာသေးတဲ့ အခြေအနေကြောင့် ကုန်စည်စီးဆင်းမှုရပ်တန့်နေတယ်လို့ လည်းဆိုပါတယ်။ မူဆယ်မြို့နယ်ဟာအခြေအနေတည်ငြိမ်လာပြီးလို့ဆိုပေမယ့် ဗုံးပေါက်ကွဲမှုနဲ့ ကြိုကြားပစ်ခတ်မှု တွေရှိနေသေးတာကြောင့် ဒေသခံတွေအတွက်စိုးရိမ်နေရဆဲလို့ဒေသခံတွေကပြောပါတယ်။ ဗွီအိုအေ သတင်းထောက် နိုင်ကွန်းအိန်ကနေ အခုလိုဆက်သွယ်မေးမြန်းသတင်းပေးပို့ထားပါတယ်။

စစ်ရေးတင်းမာနေဆဲဖြစ်တဲ့ရှမ်းပြည်နယ်မြောက်ပိုင်းဒေသ မူဆယ်ခရိုင် မူဆယ်မြို့မှာ ပစ်ခတ်တိုက်ခိုက်မှုအခြေအနေ ငြိမ်သက်သွားလို့မူဆယ် ၁ဝ၅ မိုင် ကုန်သွယ်ရေးဇုန်ကို ပြန်လည်ဖွင့်လှစ်နိုင်ခဲ့ပြီးဆိုပေမဲ့ ပုံမှန်အနေအထားကို မရောက်သေးဘူးလို့ မူဆယ်ခရိုင် အထွေထွေအုပ်ချုပ်ရေးဦးစီးဌာနမှ ဦးစီးအရာရှိ ဦးဇော်မင်းက ဗွီအိုအေကို အခုလိုပြောပါတယ်။

“ကျနော်တို့ ၂၆ ရက်နေ့ကနေ စပြီးတော့မှာ ကုန်စည်ကူးသန်းရောင်းဝယ်မှု ပုံမှန် သွားရောက်နေပါတယ်ခင်ဗျ။ အခုလက်ရှိအခြေအနေမှာက ၂၇ ရက်နေ့မှာက အမေရိကန်ဒေါ်လာ ကုန်သွယ်မှု တန်ဖိုးဟာ ၃ သန်းကျော်ပဲ ရှိတာပေါ့နော် ၊ အခုမနေ့ကတော့ ၂ သန်းကျော်ကျော် ပဲရှိတယ်ခင်ဗျ။ ၂.၉၇၇ ဆိုတော့ ၃ သန်း လောက်ပဲရှိတာပေါ့။ ပုံမှန်ကုန်သွယ်မှုရဲ့ လေးပုံ ၁ ပုံ လောက်ပဲ ဖြစ်တာပေါ့နော်။”

ယခင်က မူဆယ် ၁ဝ၅ မိုင် ကုန်သွယ်ရေးဇုန်ကနေ ကုန်သွယ်မူပမာဏ အားဖြင့် တရက်ကိုဒေါ်လာ ၁၃ သန်းမှ ၁၅ သန်း ဝန်းကျင်အထိရရှိခဲ့ပေမဲ့ ပစ်ခတ်တိုက်ခိုက်မှုဖြစ်ပွါးပြီးနောက် အခုဆို ၃သန်းနီးပါးလောက်သာရှိနေတယ်လို့ ဦးဇော်မင်းက ပြောပါတယ်။

ပြီးခဲ့တဲ့နိုဝင်ဘာ(၂၀)ရက်နေ့က မြောက်ပိုင်းမဟာမိတ်တပ်ပေါင်းစုအဖွဲ့ တွေဖြစ်တဲ့ကချင်လွတ်လပ်ရေး တပ်မတော် (KIA)၊ တအာင်း(ပလောင်) အမျိုးသားလွတ်မြောက်ရေး တပ်မတော် (TNLA)၊ ရက္ခိုင့်တပ်မတော် (AA)၊ မြန်မာအမျိုး သားများဒီမိုကရက်တစ်မဟာမိတ်တပ်မတော် (MNDAA)ကိုးကန့်တပ်ဖွဲ့စတဲ့ အဖွဲ့တွေကနေ ၀င်ရောက်ပစ်ခတ် တိုက် ခိုက်ခဲ့လို့ ကုန်သွယ်ရေးဇုန်ကြီးနဲ့ ယာဉ်ငယ်စစ်ဆေးရေး ဂိတ်တွေကို ခေတ္တပိတ်ထားရပြီး ကုန်သွယ်မှုရပ်ဆိုင်းနေရာ ကနေ နိုဝင်ဘာ(၂၆)ရက်နေ့မှာ စတင်ဖွင့်လှစ်နိုင်ခဲ့တာပါ။

လက်ရှိကုန်သွယ်ရေးအတွက်လမ်းတံတားတွေယိုယွင်းနေတဲ့အခြေအနေကြောင့် ကုန်စည်စီးဆင်းမှုနှေးကွေးနေတယ် လို့ ဦးဇော်မင်းက ပြောပါတယ်။

“ဒီလမ်းကြောင်းတလျှောက်မှာရှိနေတဲ့ တံတားတွေ ကို သူတို့ မိုင်းခွဲထားတဲ့အတွက် တံတားကြံ့ခိုင်မှု အခြေအနေကြောင့် ပုံမှန်လာနေတဲ့ ပွဲစားတွေ ၊ ၁၂ ဘီးယာဉ်တွေက ဖြတ်သန်းလို့မရတဲ့အတွက်ကြောင့် သူတို့က ပစ္စည်းတွေကို ပြန်ထည့်ပြီးတော့ သွားလာနေတဲ့အတွက်ကြောင့် ကုန်သွယ်မှုကတော့ နည်းနည်းလေး ကြန့်ကြာနေတဲ့တယ်၊ အချိန်ပိုပြီးတော့ ကုန်တာပေါ့နော် ၊ ပြီးရင် ကုန်ကျစာရိတ်လည်းပိုများတယ် အဲလိုဖြစ်တယ်။ အဲလိုအခြေအနေလေးတွေက ရှိနေတဲ့အတွက်ကြောင့်မို့လို့ ကုန်သွယ်မှုကတော့ ပုံမှန်ပြန်ဖြစ်ဖို့က နည်းနည်းလေး ခက်ခဲပါတယ်။”

ကုန်သည်တွေအနေနဲ့လဲ လမ်းလုံခြုံရေးအနေအထားကြောင့် ကုန်စည်ပို့ဆောင်မှု ရပ်တန့်နေတယ်လို့ ရွှေလမင်း ပဲခွဲစက်ရုံပိုင်ရှင် ကိုဝင်းသိန်းကပြောပါတယ်။

“မန္တလေး - မူဆယ်သွားလာရေးကတော့ မန္တလေးကုန်သည်အနေနဲ့ကတော့ ကားတွေသိပ်မတင်ရဲကြဘူ။ လောလောဆယ်ရပ်သလောက်နီးပါးဖြစ်နေတယ်ပေါ့နော်။ စွန့်စွန်းစားစားသွားတဲ့ ကားသမားတွေတော့ရှိတယ်လို့ ကြားတယ်။”

ကုန်သွယ်မှုအတွက် ငွေသွင်းငွေထုတ်ကိစ္စရပ်တွေဆောင်ရွက်နိုင်ဖို့ ဘဏ်တွေကလဲ လုံခြုံရေးအရ အချိန်ပိုင်းသာ ဖွင့်လှစ်နိုင်သေးတဲ့အခြေအနေမှာရှိနေပါတယ်။

မူဆယ် ၁ဝ၅ မိုင် ကုန်သွယ်ရေးဇုန်ရဲ့ကုန်သွယ်မှူဟာ မြန်မာနိုင်ငံက ပို့ကုန်တွေဖြစ်တဲ့လယ်ယာ ထွက်ပစ္စည်း ဆန်၊ ပဲအမျိုးမျိုး၊ ပြောင်း၊ သကြားနှင့် သစ်သီးဝလံတွေကို တရုတ်နိုင်ငံကိုတင်ပို့ပြီး သွင်းကုန်အဖြစ်ဓာတ်မြေသြဇာ၊ လူသုံး ကုန်၊ အိမ်သုံးပစ္စည်း၊ စက်ယ္တရားပစွည်းတွေ ကိုတင်သွင်းရာမှာအခုဆို ကားအစီးရေ(၂၀၀)ခန့်သာ အတက်အဆင်း ရှိနေတယ်လို့ ကိုဝင်းသိန်းကပြောပါတယ်။

လက်ရှိမူဆယ်မြို့မှာ အခြေအနေတည်ငြိမ်နေပြီးလို့ဆိုပေမဲ့ မနေ့ညဘက်မှာ ဗုံးပေါက်ကွဲမှုတွေဖြစ်ပွါးခဲ့တယ်လို့ အထွေထွေအုပ်ချုပ်ရေးဦးစီးဌာနမှ ဦးစီးအရာရှိ ဦးဇော်မင်းက အခုလိုပြောပါတယ်။

“ညက ဖြစ်တယ် နေရာ ၃ နေရာလောက်မှာ ဖြစ်သွားတာပေါ့နော်၊ ၃ နေရာလောက်မှာ ပေါက်ကွဲမှုဖြစ်တာပေါနေ့ာ်။ ကျနော်တို့ ၆ နာရီ ၄၀ လောက်မှာ တကြိမ်၊ နောက်ပြီးတော့ ၉ နာရီ ၄၀ လောက်မှာ တကြိမ်၊ နောက်ပြီးတော့မှ ၁၀ နာရီ ၅ မိနစ်မှာ တကြိမ် ပေါ့နော်။ ကျနော်တို့ မြိ်ု့နဲ့ ဆက်စပ်တဲ့အစွန်အဖာျး ရပ်ကွက်တွေ ၊ အဲဒီလမ်းဆုံတွေမှာ ပေါက်ကွဲမူဖြစ်တာပေါ့နော်၊ ထိခိုက်မူကတော့ မရှိဘူးခင်ဗျ။”

လုံခြုံရေးအရအပြည့်အ၀စိတ်မချနိုင်သေးတဲ့အခြေအနေတွေကြောင့် မူဆယ်ဒေသခံပြည်သူ တွေအတွက် စိုးရိမ် ထိတ် လန့်မှုတွေရှိနေဆဲလို့ မူဆယ်မြို့ခံ ဂရုဏာပရဟိတအသင်း ဥက္ကဌ ဦးသောင်းထွန်းကဆိုပါတယ်။

“အခုတော့ ညပိုင်းဆိုရင်တော့ ပစ်ခတ်သံတွေ၊ ပေါက်ကွဲသံတွေတော့ ညပိုင်းမှာ ကြားကြားနေရပါတယ်။ အဲဒီလို ပစ်ခတ်သံတွေကြားနေရတဲ့အတွက် ကျနော်တို့ ဒေသခံတွေ ကတော့ ညပိုင်းဆိုရင် လမ်းပေါ်မှာ လူနည်း သွားပါတယ်ခင်ဗျ။ စိုးရိမ်ထိတ်လန့်ပြီးတော့ အပြင်သိပ်မထွက်ကြပါဘူးခင်ဗျ။”

ပြီးခဲ့တဲ့နိုဝင်ဘာ(၂၀)ရက်နေ့မှာ တိုင်းရင်းသားလက်နက်ကိုင်အဖွဲ့တွေပေါင်းပြီး ရှမ်းပြည်နယ်၊ မူဆယ်မြို့နယ်နဲ့ အနီး ပတ်ဝန်းကျင်ဒေသတွေက စစ်တပ်နဲ့ ရဲတပ်ဖွဲ့စခန်းတွေအပြင် ၁၀၅ မိုင် နယ်စပ်ကုန်သွယ်ရေးစခန်းကို ပစ်ခတ် တိုက် ခိုက်ခဲ့လို့ ရဲတပ်ဖွဲ့ဝင်တွေအပါအ၀င် လူ ၈ ဦးသေဆုံးပြီး ၂၉ ဦး ဒဏ်ရာရခဲ့ပါတယ်။

ဒီပစ်ခတ်တိုက်ခိုက်မှုကြောင့်ဒေသခံ(၄၀၀၀)ခန့်ဟာလဲ မူဆယ်မြို့ပေါ်က ဒုက္ခသည်စခမ်း(၉)ခုမှာ ထွက်ပြေးတိမ်း ရှောင်နေခဲ့ရပါတယ်။

လက်ရှိမှာ မူဆယ်မြို့ဘက်မှာ စစ်ရေးအခြေအနေ အတော်တန်ငြိမ်သက်သွားတာကြောင့် ဒုက္ခသည်တွေနေရပ်ပြန် နိုင်ပြီးဖြစ်သလို တပတ်ခန့်ပိတ်ပင်ထားခဲ့ရတဲ့၁၀၅ မိုင် နယ်စပ်ကုန်သွယ်ရေးဇုံကိုလဲပြန်လည်ဖွင့်လှစ်နိုင်ခဲ့ပါတယ်။

ဒါပေမဲ့ ရှမ်းပြည်နယ်မြောက်ပိုင်း မုံးကိုးနဲ့ ဖေါင်းဆိုင်ဒေသ အတွင်းမှာတော့မြန်မာ့တပ်မတော်နဲ့ မြောက်ပိုင်း မဟာ မိတ်တိုင်းရင်းသားတပ်ပေါင်းစု တို့ အကြားတိုက်ပွဲတွေဆက်လက်ဖြစ်ပွါးနေဆဲဖြစ်ပါတယ်။

 ကိုနိုင်ကွန်းအိန်  / ဗွီအိုအေ (မြန်မာပိုင်း)
http://burmese.voanews.com


    ဘိုဂိုတာ၊ နိုဝင်ဘာ ၂၈ရက် (ဆင်ဟွာ)

    ဘရားဇီ ဘောလုံးကလပ်အသင်းတစ်ခုမှ ကစားသမားများအပါအဝင် ၈၁ဦးတင်ဆောင်လာသော လေယာဉ်တစ်စီးသည် ကိုလံဘီယာနိုင်ငံ ၌ ပျက်ကျခဲ့ရာ လူပေါင်း ၇၆ဦးသေဆုံးပြီး ငါးဦးသာ အသက်ရှင်ကျန်ရစ်ခဲ့ကြောင်း ကိုလံဘီယာ ရဲတပ်ဖွဲ့က နိုဝင်ဘာ ၂၉ရက်တွင်ပြောကြားခဲ့သည်။

အဆိုပါလေယာဉ်သည် ကိုလံဘီယာလေပိုင်နက်မှ ပျောက်ကွယ်သွားပြီးနောက် ပျက်ကျခဲ့ခြင်းဖြစ်ပြီး ခရီးသည် ၇၂ဦးနှင့် လေယာဉ်ဝန်ထမ်း ၉ဦးလိုက်ပါလာကြောင်း သိရသည်။

လေယာဉ်ပျက်ကျမှုအတွင်း ဘရာဇီးဘောလုံးအသင်းမှ ကစားသမား သုံးယောက်အသက်ရှင်ကျန်ရစ်ခဲ့ကြောင်း ဘရာဇီးသတင်းဋ္ဌာန၏ ပြောကြားချက်အရ သိရသည်။

လေယာဉ်သည် ဘရာဇီးဘောလုံးအသင်း နိုဝင်ဘာ ၃၀ရက်တွင် ဘောလုံးကစားမည်ဟု ယူဆရသော ကိုလံဘီယာနိုင်ငံ Medellin မြို့ သို့သွားရောက်စဉ် ၄င်းမြို့အပြင်ဘက် တောင်ထူထပ်သည့် ဧရိယာတွင် ပျက်ကျခဲ့ခြင်း ဖြစ်ကြောင်း သိရသည်။

လေဆိပ်အာဏာပိုင်များ၏ပြောကြားချက်အရ ရာသီဥတု ဆိုးရွားမှုကြောင့် လေယာဉ်ပျက်ကျသည့် နေရာသို့သွားရောက်ရန် အခက်အခဲများရှိကြောင်း သိရသည်။

လေယာဉ်ပျက်ကျခြင်းအကြောင်းရင်းကို မသိရှိရသေးကြောင်း သိရသည်။

(Xinhua)
http://www.xinhuamyanmar.com


အီလက်ထရောနစ်ပစ္စည်းတွေ၊ ဘက်ထရီတွေနဲ့ ပလိပ်ပြားတွေထုတ်လုပ်ရာမှာ မရှိမဖြစ် အသုံးတွင်ကျယ်လာနေ တဲ့ သံဖြူသတ္တုတွေကို ကမ္ဘာ့ထိပ်တန်း ကုမ္ပဏီကြီးတွေက ဝယ်ယူနေရာမှာ မူးယစ်ဆေးဝါးနဲ့ ပတ်သက်ပြီး အမေရိ ကန်ပြည်ထောင်စုက ပိတ်ဆို့အရေးယူထားတဲ့ UWSA ၀ပြည်သွေးစည်း ညီညွတ်ရေးအဖွဲ့က ထုတ်လုပ်နေတဲ့ သံဖြူတွေလည်းပါဝင်နေတယ်လို့ ရိုက်တာ သတင်းတရပ်မှာ ဖေါ်ပြထားပါတယ်။

မြန်မာနိုင်ငံအရှေ့မြောက်ပိုင်း တရုတ်နယ်စပ်မှာရှိတဲ့ UWSA အဖွဲ့ရဲ့သံဖြူအဖြိုက်နက် ထွက်တဲ့ မန်းမောသတ္တု မိုင်းက သတ္တုရိုင်းတွေကို တရုတ်နိုင်ငံ၊ ယူနန်ပြည်နယ်ထဲက သန့်စင်စက်ရုံမှာ သန့်စင်ပြီးနောက်၊ အဲဒီသံဖြူတွေကို ကမ္ဘာ့ထိတ်တန်း ကုမ္ပဏီ ၅၀၀ ကျော်က တရုတ်ကုန်သည်တွေဆီကနေ တဆင့်ခံ ၀ယ်ယူနေတာဖြစ်ပါတယ်။

ဝတပ်ဖွဲ့ရဲ့ မန်းမောမိုင်းကထွက်ရှိတဲ့ သံဖြူသတ္တုအဟာ အဆင့်မြင့်အမျိုးအစားဖြစ်ပြီး ၂၀၁၃ ခုနှစ်က စပြီး ကြီးမားတဲ့ သတ္တုသိုက်ကြီးကို တွေ့ရှိခဲ့တာဖြစ်ပါ တယ်။ မန်းမောသတ္တုတွင်းက တနှစ်ကို သန့်စင်ပြီးသံဖြူ တန်ချိန် ၃ သောင်း၃ ထောင်ကျော်ထုတ်လုပ်ပြီး၊ ထုတ်လုပ်မှုနှုန်းက ကမ္ဘာအဆင့် ၁၀ ရှိတယ်လို့ ဆိုပါတယ်။

အမေရိကန်ပြည်ထောင်စုက ၂၀၀၃ ခုနှစ်ကစပြီး UWSA ခေါင်းဆောင်ပိုင်းကို မူယစ်ဆေးဝါးထုတ်လုပ်မှုနဲ့ ပတ်သက်လို့ ပိတ်ဆို့အရေးယူမူထားပေမဲ့၊ UWSA ရဲ့သံဖြူတွေကို ၀ယ်ယူနေတဲ့ ကုမ္ပဏီ ၅၀၀ ထဲမှာ အမေရိကန်ကုမ္ပဏီတွေဖြစ်တဲ့ Apple, Starbucks ကော်ဖီနဲ့ Tiffany လက်ဝတ်ရတနာ ကုမ္ပဏီတွေလည်း ပါဝင်တယ်လို့ သိရပါတယ်။

အမေရိကန်အစိုးရရဲ့ ပိတ်ဆို့အရေးယူမှုဆိုင်ရာ ကျွမ်းကျင်သူတွေကတော့ မူလပြဌာန်းချက်မှာ ကုမ္ပဏီတွေ အနေနဲ့ ပိတ်ဆို့အရေးယူခံထားရတဲ့နေရာက ပစ္စည်းတွေကို တိုက်ရိုက်ဖြစ်စေ၊ သွယ်ဝိုက်လို့ဖြစ်စေ အရောင်းအ၀ယ် လုပ်ခွင့်မရှိဘူးလို့ပြောဆိုပါတယ်။

RFA Burmese
http://www.rfa.org/burmese



အရပ်သား အစိုးရရဲ့ ကိုင်တွယ် ဆောင်ရွက်ပုံတွေကြောင့် နိုင်ငံရေး အကြပ်အတည်း ပိုပြီး ကြီးမားသွားနိုင်တာကြောင့် အမျိုးသား ကာကွယ်ရေးနဲ့ လုံခြုံရေး ကောင်စီ အစည်းအဝေး အမြန်ဆုံး ခေါ်ဖို့ နိုင်ငံရေး ပါတီ တချို့က တောင်းဆိုပါတယ်။ နိုင်ငံ အနောက်ပိုင်းက အကြမ်းဖက်မှုတွေ၊ အရှေ့ပိုင်းက တိုင်းရင်းသားလက်နက်ကိုင်တွေနဲ့ တိုက်ပွဲတွေ အပါအ၀င် နိုင်ငံတွင်း အကြပ်အတည်းတွေကတော့ ကာလုံ အစည်းအဝေး ခေါ်ပြီး ဖြေရှင်းနိုင်မယ့် အလားအလာ ရှိပါသလား ဆိုတာကို မသိင်္ဂီထိုက် စုစည်းတင်ပြပေးထားပါတယ်။

ရခိုင်ပြည်နယ်တွင်းက အကြမ်းဖက်မှုတွေ၊ တိုင်းရင်းသား လက်နက်ကိုင်တွေနဲ့ တိုက်ပွဲတွေ၊ နောက် ရန်ကုန်မြို့က ဖောက်ခွဲမှုတွေ၊ ဆင်းရဲမွဲတေမှုတွေဟာ နိုင်ငံတော်ရဲ့ အထွေထွေ အကြပ်အတည်းတွေ ဖြစ်လာပြီမို့ ဒီအရေးကို ကိုင်တွယ်ဖို့ အတွက် အမျိုးသား ကာကွယ်ရေးနဲ့ လုံခြုံရေး ကောင်စီကို အမြန်ဆုံး ခေါ်ယူပါလို့ နိုင်ငံရေး ပါတီ ၁၃ ခုက ပူးတွဲ ကြေညာချက်ထုတ် တောင်းဆိုလိုက်ပါတယ်။ တောင်းဆိုချက်ကို ပူးတွဲ ထုတ်ပြန်ခဲ့တဲ့ အမျိုးသား ဒီမိုကရေစီ ပါတီသစ်ပါတီရဲ့ ဥက္ကဌ ဦးသိန်းညွန့်ကတော့ အခုလို ပြောပါတယ်။

“တိုင်းပြည်က အထွေထွေအကြပ်အတည်း ဖြစ်နေပြီ။ ရခိုင်မှာ ကျနော်တို့နယ်မြေ စိုးမိုးနိုင်တဲ့အထိ အချုပ်အခြာအာဏာကို ထိပါးတော့မယ်။ အဲဒီလိုပဲ အရှေ့မြောက်မှာလည်း ပြည်သူလူထုရဲ့ အသက်အိုးအိမ်စည်းစိမ်တွေ ထိပါးနေပြီ။ ရန်ကုန်မြို့တော်ကြီးမှာလည်း ပေါက်ကွဲမှုတွေဖြစ်နေပြီ။ ဒီလို အထွေထွေအကြပ်အတည်းအချိန်မှာ အမျိုးသားကာကွယ်ရေးနဲ့ လုံခြုံရေးကောင်စီဆိုတာ ဖွဲ့စည်းပုံအခြေခံဥပဒေ ၄၀၁ မှာ ပြဌာန်းထားတယ်။ ၂၀၀ မှာ အစိုးရအဖွဲ့အစည်းဖွဲ့စည်းရေးကို ပြဌာန်းထားတယ်။ အဲဒီတော့ တိုင်းပြည်ရဲ့ အထွေထွေအကြပ်အတည်းကာလမှာ အမျိုးသားကာကွယ်ရေးနဲ့ လုံခြုံရေးကောင်စီဟာ သူ့တာဝန်ကို ထမ်းရမှာဖြစ်တဲ့အတွက် ဒါ အမျိုးသားကာကွယ်ရေးနဲ့ လုံခြုံရေးကောင်စီအစည်းအဝေးကို ခေါ်ပေးဖို့ ကျနော်တို့ တောင်းဆိုတာပါ။”

ရခိုင်ပြည်နယ် မောင်တော ဒေသ အကြမ်းဖက် တိုက်ခိုက်မှုတွေ၊ ရှမ်းပြည်နယ်တွင်းက တိုက်ပွဲတွေမှာ မြန်မာ့ တပ်မတော်က ထဲထဲဝင်ဝင် ပါဝင်တိုက်ခိုက်နေသလို မြန်မာနိုင်ငံ ရဲတပ်ဖွဲ့ကလည်း လုံခြုံရေးကိစ္စကို ကိုင်တွယ်နေတာ ဖြစ်ပါတယ်။ တပ်မတော်ရဲ့ လုံခြုံရေး ဆိုင်ရာ ဆောင်ရွက်ချက်တွေဟာ ကာလုံ အစည်းအဝေး မခေါ်တာကြောင့် အကန့်အသတ်နဲ့ ဖြစ်နေရတယ်လို့လည်း အမျိုးသား ဒီမိုကရေစီ ပါတီသစ်ပါတီရဲ့ ဥက္ကဌ ဦးသိန်းညွန့်က ပြောပါတယ်။

“တပ်မတော်ကလူတွေဟာ အခြေခံဥပဒေနဲ့ ပတ်သက်ရင် သူတို့ဟာ ကာကွယ်ရမယ့်တာဝန်ရှိတဲ့အတွက် သူတို့တွေဟာ အင်မတန်လေးစားလိုက်နာတယ်။ အခုအချိန်တပ်မတော် က ရခိုင်ကိစ္စနဲ့ ရှမ်းပြည်ကိစ္စတွေမှာ သူတို့က အကန့်အသတ်နဲ့ လုပ်နေရတယ်ဆိုတာ ပြောတဲ့ဟာက သူတို့ဘက်က လုပ်သင့်လုပ်ထိုက်တဲ့အရာကို ကာလုံအစည်းအဝေးမခေါ်သေးတဲ့ အတွက် သူတို့ လုပ်လို့မရတာ ဖြစ်နေတယ်။”

နိုင်ငံအရေးကို ကိုင်တွယ်ဖို့ ကာလုံ အစည်းအဝေး ခေါ်ယူဖို့ ဆိုတာကိုတော့ နိုင်ငံရေး သုံးသပ်သူ ဒေါက်တာ ရန်မျိုးသိမ်းကတော့ အခုလို တုံ့ပြန်ပါတယ်။

“အစိုးရ၊ တပ်မတော်နဲ့ တိုင်းရင်းသားလက်နက်ကိုင်အဖွဲ့အစည်းခေါင်းဆောင်တွေ ကြားမှာ တွေ့ဆုံဆွေးနွေးဖို့က ပိုပြီးတော့ လက်တွေ့ကျတဲ့ ချဉ်းကပ်မှုမျိုးဖြစ်တယ်လို့ ကျနော်က သုံးသပ်ပါတယ်။ နောက်တချက်ကတော့ နိုင်ငံရေး ပါတီတွေအနေနဲ့ အကြံ ဉာဏ်ပေးတာ ၊ သဘောထားပေးတာ ၊ ဝေဖန်တာ ၊ ထောက်ပြတယ်ဆိုတာ ကျနော့်အမြင်အားဖြင့် ဒီမိုကရေစီနိုင်ငံရေးမှာ ကောင်းတဲ့လက္ခဏာလို့ ကျနော်ကတော့ မြင်ပါတယ်။ ဒါပေမယ့် အဲလို လုပ်ဆောင်ချက်တွေဟာ ၊ အဲဒီလို သုံးသပ်ချက်တွေဟာ ကြောင်းကျိုးဆီလျော်မှုရှိဖို့တော့ လိုအပ်တယ်လို့ မြင်ပါတယ်။ အဲဒီလိုမဟုတ်ပဲနဲ့ နိုင်ငံရေး အကျိုးစီးပွား၊ ကိုယ်ကျိုးစီးပွား အပါအ၀င်ပေါ့လေ အကျိုးစီးပွားအရပ်ရပ်နဲ့ စပ်ဆက်ပြီးတော့ နိုင်ငံရေးအရ ပွဲလန့်တုန်း ဖျာခင်းချင်တဲ့ ပုံစံမျိုးဖြစ်မယ်ဆိုရင်တော့ ဒါဟာ နိုင်ငံရေးအရ အင်မတန်မှ မလုပ်သင့်မလုပ်ထိုက်တဲ့ ခြေလှမ်းတခုလို့ ကျနော်သုံးသပ်ပါတယ်။”

ကာလုံ အစည်းအဝေး ခေါ်ယူဖို့ တောင်းဆိုတဲ့ နိုင်ငံရေး ပါတီတွေ ဘက်ကတော့ ကာလုံအစည်းအဝေး အမြန်ဆုံးခေါ်ယူပြီး ဘယ်လို ဆောင်ရွက်ချက်တွေ ဆောင်ရွက်စေချင်သလဲ ဆိုတာကိုတော့ ရှင်းရှင်းလင်းလင်း မပြောပါဘူး။ ဒီကိစ္စကို ကာလုံမှာ ပါဝင်တဲ့ ပုဂ္ဂိုလ်တွေက ဆုံးဖြတ်ရမှာ ဖြစ်တယ်လို့ ပြောဆိုပါတယ်။ ကာလုံ အစည်းအဝေး ခေါ်ယူဖို့ လက်မှတ်ထိုး တောင်းဆိုထားတဲ့ နိုင်ငံရေး ပါတီတွေထဲမှာတော့ အရင် စစ်အစိုးရအဖွဲ့ဝင်တွေ အများစု ပါဝင်တဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ၊ စစ်အစိုးရ မတိုင်မီက အုပ်ချုပ်ခဲ့တဲ့ မြန်မာ့ဆိုရှယ်လစ်လမ်းစဉ်ပါတီ တဖြစ်လဲ တိုင်းရင်းသား စည်းလုံးညီညွတ်ရေးနဲ့ ဖွံ့ဖြိုးရေးပါတီတို့ အပြင် ၂၀၁၀ ပြည့်နှစ်ရွေးကောက်ပွဲကာလ၊ နောက် ၂၀၁၅ ရွေးကောက်ပွဲ ကာလတို့မှာ အသစ်ဖွဲ့စည်းခဲ့ကြတဲ့ နိုင်ငံရေး ပါတီတွေလည်း ပါဝင်ကြပါတယ်။

 မသိင်္ဂီထိုက်  / ဗွီအိုအေ (မြန်မာပိုင်း)
http://burmese.voanews.com




နေပြည်တော်၊ နိုဝင်ဘာ ၂၉

ရန်ကုန်တိုင်းဒေသကြီး၊ ရန်ကုန်အပြည်ပြည်ဆိုင်ရာလေဆိပ် Terminal 1 လေယာဉ် လက်မှတ် အရောင်းကောင်တာဘေးရှိ ခုံပေါ်၌ ယနေ့နံနက် ၉ နာရီခွဲတွင် ကြွပ်ကြွပ်အိတ် အစိမ်းရောင်တစ်လုံး မသင်္ကာဖွယ်တွေ့ရှိကြောင်း သတင်းအရ နယ်မြေခံတပ်မှ အထူးမိုင်းရှင်းလင်းရေးအဖွဲ့နှင့် တာဝန်ရှိသူများက သွားရောက်ရှင်းလင်းခဲ့သည်။


အဆိုပါနေရာအား အသေးစိတ်ရှင်းလင်းခဲ့ရာ ၎င်းကြွပ်ကြွပ်အိတ်ထဲ၌ M-150 အချိုရည် ၄ ပုလင်းအား တွေ့ရှိရပြီး ပုလင်းများအတွင်း အ၀ါရောင်အရည်ပျစ်ပျစ်များကို ထည့်ထားကြောင်း တွေ့ရှိရသည်။


တွေ့ရှိရမိသည့် အချိုရည်ပုလင်းများအား နယ်မြေခံတပ်မှ အထူးမိုင်းရှင်းလင်းရေးအဖွဲ့များက စနစ်တကျ သက်မဲ့ ရှင်းလင်းဆောင်ရွက်လျက်ရှိကြောင်း၊ အဆိုပါနေရာနှင့် လေဆိပ်အတွင်းနေရာများတွင် အသေးစိတ် ဆက်လက်ရှင်းလင်း ဆောင်ရွက်လျက်ရှိကြောင်းနှင့် အကြမ်းဖက်သောင်းကျန်းသူများက ပြည်သူလူထု ထိတ်လန့်မှုများ ဖြစ်ပေါ်စေရန် ရည်ရွယ်လုပ်ဆောင်ခြင်းဖြစ်ကြောင်း သတင်းရရှိသည်။

တပ်မတော်သတင်းစဉ်
https://www.facebook.com/mmdefencenews



ရခိုင်ပြည်နယ်ဆိုင်ရာ အကြံပေးကော်မရှင် ဥက္ကဋ္ဌ ကိုဖီအာနန် (စက်တင်ဘာလ ၂၀၁၆)
ရခိုင်ပြည်နယ်ဆိုင်ရာ အကြံပေးကော်မရှင် ဥက္ကဋ္ဌ ကိုဖီအာနန် (စက်တင်ဘာလ ၂၀၁၆)

ရခိုင်ပြည်နယ်ဆိုင်ရာ အကြံပေးကော်မရှင် ဥက္ကဋ္ဌ ကိုဖီအာနန်ဟာ မနက်ဖြန် အင်္ဂါနေ့မှာ မြန်မာနိုင်ငံကို ရောက်လာဖို့ရှိပြီး ခရီးစဉ်အတွင်း ရခိုင်ပြည်နယ်က အခြေအနေတွေကို ကိုယ်တိုင် သွားရောက် လေ့လာဖို့ရှိနေပါတယ်။ မစ္စတာ အာနန်ဦးဆောင်တဲ့ အကြံပေးကော်မရှင် အနေနဲ့ ရခိုင်ပြည်နယ်အခြေအနေတွေကို မပြတ် စောင့်ကြည့်ပြီး လေ့လာစမ်းစစ်တာတွေ ရှိနေတဲ့အကြောင်း အဖွဲ့ဝင်တဦးကလည်း ပြောပါတယ်။ ဆက်သွယ်မေးမြန်းထားတဲ့ မခင်ဖြူထွေးက ပြောပြပေးပါ။

ရခိုင်ပြည်နယ်ဆိုင်ရာ အကြံပေးကော်မရှင် ဥက္ကဋ္ဌ ကိုဖီအာနန်ဟာ မနက်ဖြန် အင်္ဂါနေ့မှာ မြန်မာနိုင်ငံကို ရောက်လာဖို့ရှိနေတာပါ။ မစ္စတာ အာနန်ရဲ့ ခရီးစဉ်နဲ့ပတ်သက်လို့တော့ ရခိုင်ပြည်နယ်ဆိုင်ရာ အကြံပေးကော်မရှင် အဖွဲ့ဝင် ၊ မြန်မာနိုင်ငံ လူ့အခွင့်အရေးကော်မရှင်ဥက္ကဋ္ဌ ဦးဝင်းမရက အခုလို ပြောပါတယ်။

“ရခိုင်ကိုတော့ သွားဖို့ရှိပါတယ်၊ ဒီမှာရောက်ပြီးတော့ ဒီမှာလည်းဆွေးနွေးကြမှာပါ။ ဆွေးနွေးပြီးတဲ့အခါမှာ အဲဒီဘက်ကို ခရီးထွက်ဖို့ရှိပါတယ်။ ညှိနှိုင်းတုန်းပဲပေါ့နော် အကြမ်းဖျင်းပေါ့နော် ၊ ဒီမှာ တွေ့ဆုံကြမယ်၊ ဆွေးနွေးကြမယ်၊ ရခိုင်ပြည်ကိုသွားကြမယ်၊ စစ်တွေမြို့ကိုသွားမယ်ပေါ့နော်၊ အဲဒီကနေမှ တခါ ခရီးအစီအစဉ်လေးတွေလည်း ညှိနှိုင်းတုန်းပဲ ရှိပါသေးတယ်။ အဲဒီတော့ သေချာအတိအကျ မသိသေးတဲ့အခါမှာတော့ ပြောလို့တော့ မသင့်သေးပါဘူး။”

မြန်မာနိုင်ငံကို လာရောက်မယ့် ခရီးစဉ်နဲ့ပတ်သက်လို့ ကိုဖီအာနန်ကိုယ်တိုင်ကလည်း သူ့ရဲ့ ကိုယ်ပိုင် ဖေ့စ်ဘုတ် စာမျက်နှာမှာ ရေးထားပါတယ်။ မကြာခင်က အကြမ်းဖက် ပဋိပက္ခတွေဖြစ်ခဲ့တဲ့ နယ်စပ်ဒေသက လူမှုအသိုင်းအ၀ိုင်းတွေ အပါအ၀င် ဒေသတွင်း ဘက်ပေါင်းစုံက အရပ်ဘက် လူမှုခေါင်းဆောင်တွေနဲ့ သူ တွေ့ဆုံသွားမယ်လို့ မစ္စတာ အာနန်က ရေးသားထားပါတယ်။

ကော်မရှင်အဖွဲ့ဝင် ဦးဝင်းမြ ကလည်း လောလောဆယ် ရခိုင်ပြည်နယ်ဆိုင်ရာ အကြံပေးကော်မရှင်အနေနဲ့ ရခိုင်ပြည်နယ်တွင်းက အခြေအနေတွေကို မပြတ်စောင့်ကြည့်ပြီး ဘက်ပေါင်းစုံက လူမှုအဖွဲ့အစည်းတွေနဲ့ တွေ့ဆုံပြီး သူတို့ရဲ့အမြင်တွေကို နားထောင်တာ၊ အခြေအနေကို လေ့လာသုံးသပ်တာတွေ လုပ်နေတယ်လို့ ပြောပါတယ်။

“အခုလောလောဆယ်မှာတော့ ကျနော်တို့ ဘက်ဆုံပေါ့နော် ၊ ရခိုင်ဘက်က အဖွဲ့ကရော၊ ဟိုဘက်က အဖွဲ့အစည်းကရော၊NGO တွေ၊INGO တွေ စသဖြင့် ဖိတ်ခေါ်ပြီးတဲ့အခါမှာ သူတို့ပြောကြားချက်လေးတွေကို ကျနော်တို့ မှတ်သားတာပေါ့နော်။ သူတို့အမြင်ကလေးတွေ သိရှိအောင်ဆိုပြီးတော့ အဲဒီလိုလုပ်ပါတယ်။ အခု ကိုဖီအာနန်လာတဲ့အခါမှာလည်း အလားတူပဲပေါ့နော် ကျနော်တို့ ရခိုင်အဖွဲ့ ဟိုဘက်က မူဆလင်အဖွဲ့ စသဖြင့်တွေ့ဆုံပြီးတော့ သူတို့ရဲ့အမြင်လေးတွေနဲ့ ပတ်သက်ပြီးတော့ ကြားနာဖို့ ရှိပါတယ်။ အသေးစိတ်တော့ ကျနော်ပြောလို့မရသေးဘူး သူတို့နဲ့ တွေ့မှာမှ မဟုတ်သေးပဲကို။”

ပြီးခဲ့တဲ့ အောက်တိုဘာလတုန်းကလည်း ကော်မရှင်အနေနဲ့ ရခိုင်ပြည်နယ်က ပဋိပက္ခဒေသတွေကို သွားရောက် လေ့လာဖို့ စီစဉ်ခဲ့ပေမဲ့ မောင်တောဒေသ အကြမ်းဖက်ဖြစ်ရပ်ကြောင့် ခရီးစဉ်တချို့ ဖျက်ခဲ့ရတာလို့လည်း ဦးဝင်းမရက ပြောပါတယ်။

“ကော်မရှင်အဖွဲ့ကနေပြီးတော့ အောက်တိုဘာလတုန်းက သွားဖို့ အစီအစဉ်ရှိခဲ့သေးတယ်လေ။ ကိုဖီအာနန်ကတော့ အဲဒီတုန်းက မလာနိုင်ဘူးပေါ့နော်။ ဒီအဖွဲ့ထဲကနေပြီးတော့ နိုင်ငံခြားသား ၂ ယောက်ပါတာပေါ့။ သူတို့နဲ့ ဒီဘက်က ၆ ယောက်နဲ့ ရခိုင်ပြည်ဘက်ကို သွားဖို့ဆိုတဲ့ အစီအစဉ်လေးတွေရှိခဲ့တယ်။ အဲဒီမှာ ရုတ်တရက် မောင်တောကိစ္စဖြစ်သွားတဲ့အခါမှာကျတော့ အဲဒီဘက်ကိုတော့ မသွားနိုင်ခဲ့ဘူးပေါ့နော်၊ စစ်တွေ လောက်ပဲသွားတယ်။ ဒီမှာ တတ်နိုင်သမျှ ရန်ကုန်မှာပဲ ခုနပြောသလို အဖွဲ့အစည်း ၂ ရပ်ရဲ့ NGO ၊ INGO တွေ နဲ့တွေ့ဆုံပြီးတဲ့အခါမှာ သူတို့ရဲ့ အမြင်လေးတွေကို တက်နိုင်သမျှ ကျနော်တို့ နားထောင်ခဲ့တယ် ဒါပဲ လုပ်ခဲ့လို့ ရပါတယ်။”

ရခိုင်ပြည်နယ်တွင်း နောက်ဆုံးဖြစ်ပွားခဲ့တဲ့ အကြမ်းဖက်မှု အခြေအနေတွေနဲ့ပတ်သက်လို့ စိုးရိမ်မကင်း ဖြစ်တဲ့အကြောင်းနဲ့ ပြဿနာကို တရားဥပဒေနဲ့အညီ ကိုင်တွယ်ဖြေရှင်းပြီး အကြမ်းဖက်မှုတွေကို ရှောင်ရှားကြဖို့ ကော်မရှင်ဥက္ကဋ္ဌ ကိုဖီအာနန်က တိုက်တွန်းတဲ့ ကြေညာချက် တစောင်ကို ဒီလ ၁၅ ရက်နေ့က ထုတ်ပြန်ခဲ့ပါသေးတယ်။ ရခိုင်ပြည်နယ်ဆိုင်ရာ အကြံပေး ကော်မရှင်ဟာ ရခိုင်ပြည်နယ်အတွင်း ပဋိပက္ခ အခြေအနေတွေကို လေ့လာသုံးသပ်ပြီး တွေ့ရှိတဲ့အချက်အလက်တွေနဲ့ အကြံပြုချက်တွေကိုတော့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို တင်ပြသွားမှာဖြစ်ပါတယ်။

အစိုးရသစ်အနေနဲ့ ရခိုင်ပြည်နယ် အကြံပေးကော်မရှင်ဖွဲ့ရာမှာ နိုင်ငံတကာက ပုဂ္ဂိုလ်တွေ ပါဝင်နေတဲ့အတွက် နိုင်ငံရဲ့အချုပ်အခြာအာဏာကို ထိပါးနိုင်တယ်ဆိုတဲ့ ဝေဖန်မှုတွေရှိပေမဲ့လည်း နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ကတော့ ဒီအပေါ်မှာ မစိုးရိဖို့ ပြောဆိုထားပါတယ်။ မစ္စတာ အာနန်ကလည်း ကော်မရှင်အနေနဲ့ ကော်မရှင်အနေနဲ့ လေ့လာသုံးသပ်မှုတွေကို ဘက်မလိုက်ဘဲ အမှန်ကန်ဆုံး ဆောင်ရွက်သွားမယ်လို့ ကတိပေး ပြောထားပါတယ်။
VOA Burmese News


၂၀၁၆ခု ဒီဇင်ဘာလ (၁)ရက်နေ့ Mega Box @ Convention Centre, Level 3 (Big Box) တွင် ကျင်းပပြုလုပ်မည့် နိုင်ငံတော် အတိုင်ပင်ခံပုဂ္ဂိုလ်နှင့် စင်္ကာပူရောက်မြန်မာလူထု တွေ့ဆုံပွဲသို့ တက်ရောက်မည့် လူထုပရိသတ်အား အခမ်းအနားကျင်းပမည့်နေ့အတွက် သိရှိထားသင့်သော ပူးပေါင်းဆောင်ရွက်ရမည့်အချက်များအား အောက်ပါအတိုင်း အသိပေးတင်ပြအပ်ပါသည်။
.
(၁) ပထမအဆင့် ခန်းမဝင်ခွင့် လက်မှတ်နှင့် လုံခြုံရေးဆိုင်ရာ လက်ပါတ် (Security Wrist band) များကို မိမိ၏ ပွဲတက်ရောက်ရန် စာရင်းသွင်းထားကြောင်း အထောက်အထား (E Ticket) နှင့် သက်သေခံအထောက်အထား လက်မှတ် (IC or Passport) များပြသ၍ Big Box Level 1, Plaza and Concourse တွင်ရှိသော Reception Counter များတွင် နံနက် (၁၁)နာရီခွဲအချိန်မှစ၍ ညနေ (၇)နာရီအထိ မိမိကိုယ်တိုင်လာရောက် လဲလှယ်ထုတ်ယူနိုင်ပါသည်။ ကိုယ်စားလာရောက်ထုတ်ယူ၍မရပါ။
လုံခြုံရေးဆိုင်ရာ လက်ပါတ် (Security Wrist band) မှာ အလွယ်တကူဖြုတ်၍ ရနိုင်မည်မဟုတ်ပဲ ကတ်ကြေးနှင့် ညှပ်ဖြတ်မှသာ ရနိုင်မည်ဖြစ်ရာ တစ်ဦးတစ်ယောက်ထံသို့ လွှဲပြောင်းတပ်ဆင်နိုင်လိမ့်မည်မဟုတ်ပါ။ ခန်းမဝင်ခွင့် လက်မှတ်နှင့် လုံခြုံရေးဆိုင်ရာ လက်ပါတ် (Security Wrist band)အား လဲလှယ်ထုတ်ယူပြီးပါက မိမိသွားလိုရာသို့သွားနိုင်ပြီး (ဥပမာ - မိမိနှင့် ပါလာသော အိတ်နှင့် မလိုအပ်သော အခြားအသုံးအဆောင်များ ကို မိမိအိမ် (သို့) နီးစပ်ရာသို့ သွားရောက်အပ်နှံထားရောက်ခြင်း၊ နေ့လည်စာ သွားရောက် သုံးဆောင်ခြင်းတို့ လုပ်ဆောင်နိုင်ပါသည်) ဖော်ပြပါ ခန်းမဝင်ခွင့် လက်မှတ်နှင့် လုံခြုံရေးဆိုင်ရာ လက်ပါတ် (Security Wrist band)တို့ ပျောက်ဆုံးခြင်း ရှိခဲ့ပါက ဒုတိယအဆင့် လုံခြုံရေးဆိုင်ရာ စစ်ဆေးခြင်း (Walk-in Metal detector and Bag Check) ကို ဆောင်ရွက်ပေးမည်မဟုတ်သောကြောင့် ခန်းမအတွင်းသို့ဝင်ခွင့်ရရှိလိမ့်မည်မဟုတ်ချေ။
အကြောင်းကြောင်းကြောင့် ခန်းမတွင်းဝင်ခွင့်လဲလှယ်ရာတွင် အခက်အခဲရှိပါက အခက်အခဲဖြေရှင်းပေးမည့်သီးသန့်ကောင်တာသို့ လမ်းညွှန်လုပ်အားပေးများ၏ အကူအညီဖြင့် သွားရောက်ဖြေရှင်းပေးကြပါရန်။ လူအများလာရောက်နိုင်သည့် လမ်းကြောင်းများတွင် လုပ်အားပေး လူငယ်မောင်မယ်များ (လုပ်အားပေးလည်ဆွဲ ဆွဲထားမည်) မှ ခန်းမဝင်ခွင့် လက်မှတ်နှင့် လုံခြုံရေးဆိုင်ရာ လက်ပါတ် (Security Wrist band) များလဲလှယ်နိုင်ရန် Big Box Level 1, Plaza and Concourse တွင်ရှိသော Reception Counter များကို့ လမ်းညွှန်ပြသပေးနေမည်ဖြစ်သည်။
.
(၂) ဒုတိယအဆင့် လုံခြုံရေးဆိုင်ရာ စစ်ဆေးခြင်း (Walk-in Metal detector and Bag Check) ကို ညနေ (၅)နာရီအချိန်တွင် Big Box level 2 နှင့် level 3 တို့တွင် စတင်ဆောင်ရွက်မည်ဖြစ်ပြီး၊ လုပ်အားပေး လူငယ်မောင်မယ်များမှ လမ်းညွှန်ပြသပေးနေမည်ဖြစ်သည်။ သတ်မှတ်ထားသည့် လုံခြုံရေးဆိုင်ရာ စစ်ဆေးခြင်းနေရာဌာန အများအပြားရှိနေမည်ဖြစ်ပြီး၊ လုံခြုံရေးဆိုင်ရာ ရဲဝန်ထမ်းများ၏ ညွှန်ကြားချက်အတိုင်း မည်သည့် စစ်ဆေးခြင်းနေရာဌာနသို့ သွားရမည်ကို ထပ်ဆင့် လမ်းညွှန်ပေးနေမည်ဖြစ်ရာ ပွဲတက်ရောက်မည့် လူထုအနေဖြင့် လုပ်အားပေးမောင်မယ်များ လမ်းညွှန်သည့်အတိုင်း ပူပေါင်းဆောင်ရွက်ပေးကြပါရန်ကိုလည်း ကြိုတင်မေတ္တာရပ်ခံအပ်ပါသည်။
.
(၃) လုံခြုံရေးဆိုင်ရာ စစ်ဆေးခြင်း (Walk-in Metal detector and Bag Check) ဆောင်ရွက်ရာတွင် အချိန်ကြံ့ကြာမှုမရှိရအောင် ကူညီဆောင်ရွက်သည့်အနေဖြင့် ဖြစ်နိုင်ပါက မိမိ၏ အိပ်ဆောင်(သို့) လက်ကိုင် ပိုက်ဆံအိတ်နှင့် လက်ကိုင်ဖုန်းကိုသာယူဆောင်လာကြပါရန် မေတ္တာရပ်ခံအပ်ပါသည်။ သံ၊ သတ္တုပါပစ္စည်းများ၊ ရေဘူး၊ အချိုရည်၊ အစားအစာ၊ ထီး၊ ကတ်ကြေး၊ ချွန်ထက်သောလူကိုအန္တရာယ်ဖြစ်စေနိုင်သောပစ္စည်းများ၊ ပေါက်ကွဲစေနိုင်သောပစ္စည်းများ ကို ခန်းမအတွင်းသို့ ယူဆောင်ခွင့်ပြုမည်မဟုတ်ပါ။ လက်စွဲကွန်ပျူတာများ၊ Tablet များ ကင်မရာများ၊ ကလေးလက်တွန်းလှည်းများကိုလည်း ယူဆောင်မလာသင့်ကြောင်း ရဲဌာနမှ တိုက်တွန်းအကြံပေးထားပါသည်။
(မှတ်ချက်။ ။ ကန့်သတ်တားမြစ်ထားသည့် ပစ္စည်းများနှင့် လုံခြုံရေးအရာရှိများမှ ယူဆောင်ခွင့်မပြုသည့် ပစ္စည်းများအား သီးခြားသိမ်းဆည်းထားပေးခြင်း၊ ပြန်လည်ရွေးချယ်ခြင်းစသည့် ဝန်ဆောင်မှုများ ဆောင်ရွက်ပေးနိုင်မည်မဟုတ်ကြောင်း ကြိုတင်၍အသိပေးအပ်ပါသည်။)
ဤဆွ့ဆုံပွဲကြီးတက်ရောက်ရန် စာရင်းသွင်းမှတ်ပံတင်ထားသူများအနေဖြင့် အထက်ဖော်ပြပါ ကန်ကသတ်တားမြစ်ထားသည့်ပစ္စည်းများရှာဖွေခြင်းကို ကြည်ဖြူစွာ လက်ခံသဘောတူကြောင်း လုံခြုံရေးဆိုင်ရာ နှင့် ခန်းမ တာဝန်ခံပုဂ္ဂိုလ်များက မှတ်ယူပြီးဖြစ်သည်။
မသန်စွမ်းသူ၊ နေထိုင်မကောင်း၍ ဘီးတပ်ထိုင်ခုံ (Wheel chair) အသုံးပြုနေသူများအား သီးသန့်လုံခြုံရေးစစ်ဆေးနိုင်ရန်နှင့် ခန်းမတွင်းနေရာ စီစဉ်ပေးနိုင်ရန်တွက် http://bit.ly/2gm2iHa တွင်ကြိုတင်၍ စာရင်းပေးသွင်း အကြောင်းကြားပေးပါရန်။
.
(၄) လူထုတွေ့ဆုံပွဲကျင်းပမည့် ခန်းမသည် ညနေ (၅) နာရီ အချိန်တွင် တံခါး စတင်ဖွင့်လှစ်မည်ဖြစ်ပြီး၊ ခန်းမတွင်း လုံခြုံရေးလိုအပ်ချက်အရ မိမိ၏ ခုံနံပါတ်အတိုင်းသာ နေရာယူကြပါရန် မေတ္တာရပ်ခံပြီး၊ ထိုင်ခုံနေရာများကို မိမိတို့အချင်းချင်းလဲလှယ်ခွင့်မပြုချေ၊ အမှန်တကယ်လိုအပ်သော၊ သက်ကြီးရွယ်အိုများ၊ မသန်စွမ်းသူများ၊ ကလေးသူငယ်များအတွက် ပြုစုစောင့်ရှောက်ရန်လိုအပ်သည့် ပုဂ္ဂိုလ်တစ်ဦးအတွက်ကိုသာ အတတ်နိုင်ဆုံး နေရာလဲလှယ်ပေးနိုင်ရန် လုပ်အားပေး မောင်မယ်များနှင့် ခန်းမတွင်းလုံခြုံရေးတာဝန်ရှိသူများမှ ကူညီဆောင်ရွက်ပေးပါမည်။ ဇနီး၊ ခင်ပွန်းများ မိတ်ဆွေ သူငယ်ချင်းများနှင့် အတူထိုင်လိုသည့် တောင်းဆိုမှုများကို ဆောင်ရွက်ပေးနိုင်လိမ့်မည်မဟုတ်ပါ။
.
(၅) ခန်းမအတွင်းတွင် အရေးပေါ်ရှေးဦးသူနာပြု ကောင်တာ (၂) ခုနှင့် အရေးပေါ် လူနာခေတ္တစောင့်ရှောက်ရန် (Sick bay) လည်းထားရှိထားမည်ဖြစ်ပြီး၊ လိုအပ်ပါက အနီးဆံုးဖြစ်သည့် Ng Teng Fong General Hospital ကုသမှုခံယူနိုင်ရန် လွှဲပြောင်းပို့ဆောင်ပေးမည်ဖြစ်သည်။
.
(၆) ခန်းမအတွင်း ဆေးလိပ်သောက်သုံးခြင်းခွင့်မပြုချေ။
.
(၇) ကြိုတင်ခွင့်ပြုချက်ရယူထားခြင်းမရှိပဲ (Media pass မရှိပဲ) ဓါတ်ပုံရိုက်ကူးခြင်း၊ အသံဖမ်းခြင်း၊ ရုပ်သံဗီဒီယိုရိုက်ကူးခြင်း တို့ကိုထားမြစ်ပါသည်။ (မှတ်ချက်။ ။ မိမိ၏ ထိုင်ခုံနေရာမှသာ နေ၍ တယ်လီဖုန်းဖြင့်သာ ဓါတ်ပုံရိုက်ကူးခြင်း၊ ဗီဒီယိုရိုက်ကူးခြင်းတို့ကို မရည်ညွှန်းပါ။)
.
(၈) ဤ လုံခြုံရေးတာဝန်ယူထားသည့် အဖွဲ့အစည်းများနှင့် ခန်းမတာဝန်ခံပုဂ္ဂိုလ်များမှ ညွှန်ကြား သတ်မှတ်ထားသည့် အထက်ဖော်ပြပါအချက်များကို လိုက်နာခြင်းမရှိသူများ၊ ခမ်းမအတွင်း လူထုပရိတ်အားအနှောက်အယှက်ဖြစ်အောင် ပြုမူဆောင်ရွက်သူများကို ဝင်ခွင့်ငြင်းပယ်ခြင်း၊ ခန်းမအတွင်းမှ ထွက်ခွာစေခြင်းများကို ခန်းမလုံခြုံရေးတာဝန်ခံပုဂ္ဂိုလ်များမှ ဆောင်ရွက်ခွင့်ရှိပြီး၊ ထိုသူများအတွက် မှတ်ပုံတင်ကြေးပြန်အမ်းမည်မဟုတ်ပါ။
.
(၉) ခန်းမနှင့် လုံခြုံရေးရှင်းလင်းပြီးသော ဆက်စပ်နေရာတွင် သောက်သုံးရန်ရေများ စီစဉ်ပေးထားမည်ဖြစ်ပြီး၊ ခန်းမနှင့် ဆက်လျှက်ရှိသော သန့်စင်ခန်းများကိုလည်း အသုံးပြုနိုင်ပါသည်။ ခန်းမနှင့် ဆက်စပ် သန့်စင်ခန်းများအသုံးမပြုနိုင်ပါက ခန်းမအပြင်ဖက်ရှိ သန့်စင်ခမ်းများသို့ သွားရောက်အသုံးပြုနိုင်ပါသည်။ သို့်သော် ခန်းမအပြင်ထွက်သူများအနေဖြင့် လုံခြုံရေးစစ်ဆေးခြင်း (Walk-in Metal Detector and Bag check) ကောင်တာကို ထပ်မံဖြတ်၍ အစစ်ဆေးခံရမည်ဖြစ်ပါသည်။
.
(၁၀) ခန်းမတံခါးကို ညနေ(၇)နာရီခွဲနောက်ဆုံးထား၍ ပိတ်မည်ဖြစ်ရာ ခန်းမတံခါးမပိတ်မီ ဝင်ခွင့်လက်မှတ် နှင့် လုံခြုံရေးလက်ပါတ် (security wrist band) လဲလှယ်ခြင်း၊ လုံခြုံရေးစစ်ဆေးခြင်း (Walk-in Metal Detector and Bag check) တို့ကို အချိန်မီဆောင်ရွက်နိုင်ရန်အတွက် စောစောကြိုတင်၍လာရောက်ပေးကြပါရန်လည်း အထူးမေတ္တာရပ်ခံအပ်ပါသည်။
.
(၁၁) အခမ်းအနားပြီးဆုံးပါက တံခါးထွက်ပေါက်များ၊ စက်လှေခါးများတွင် လူအများ စုပြုံတိုးဝှေ့ပြီး၊ မလိုလားအပ်သော အချိန်ကြံ့ကြာခြင်း၊ ထိခိုက်ဒါဏ်ရာရခြင်း၊ စသည်တို့ကိုရှောင်ရှားနိုင်ရန်အတွက် ခုံနေရာသတ်မှတ်ချက်များအလိုက် စံနစ်တကျထွက်ခွာခြင်းကိုဆောင်ရွက်ရမည်ဖြစ်ရာ လူထုပရိသတ်အနေဖြင့် စိတ်ရှည်သည်းခံပြီး ညွှန်ကြားချက်များကိုလိုက်နာပူးပေါင်းဆောင်ရွက်ပေးကြပါရန်လည်း ကြိုတင်မေတ္တာရပ်ခံအပ်ပါသည်။
.
(၁၂) အခမ်းအနားမစမီသော်၎င်း၊ အခန်းအနားကျင်းပနေချိန်တွင်သော်၎င်း၊ မမျှော်လင့်ပဲကျရောက်လာနိုင်သည့် အသက်သေဆုံးခြင်း၊ ထိခိုက်ဒါဏ်ရာရခြင်း၊ ပျက်စီးပျောက်ဆုံးခြင်း၊ ငွေကြေးဆုံးရှုံးခြင်းအစရှိသော အခန်းအနားနှင့် စပ်လျဉ်းသော အန္တရာယ်များ၊ ဆုံးရှုံးနိုင်ဖွယ်များကို အခန်းအနားတက်ရောက်သူများမှ မိမိစိတ်ဆန္ဒဖြင့် လက်ခံသဘောတူ တာဝန်ယူကြရပါမည်။
.
အထက်ဖော်ပြပါ ညွှန်ကြားချက်များသည် လုံခြုံရေးဆိုင်ရာ အဖွဲ့အစည်းများ၊ ခန်းမတာဝန်ခံများနှင့် လူထုတွေ့ဆုံပွဲဖြစ်မြောက်ရေးအဖွဲ့ တို့ အကြိမ်ကြိမ်ညှိနှိုင်းဆွေးနွေးခဲ့ကြပြီး၊ လူထုတွေ့ဆုံပွဲကြီး အောင်မြင်စွာကျင်းပနိုင်ရန်အတွက် အထက်ဖော်ပြပါ အဖွဲ့အစည်းအသီးသီး၏ ညွှန်ကြားချက်များသာဖြစ်၍ စင်္ကာပူရောက်မြန်မာလူထုအနေဖြင့် စိတ်ရှည်သည်းခံပြီး ပူးပေါင်းဆောင်ရွက်ပေးကြပါရန် ထပ်လောင်းမေတ္တာရပ်ခံအပ်ပါသည်။
(မှတ်ချက်။ ။ လုံခြုံရေးအခြေအနေအရ အထက်ဖော်ပြပါ ညွှန်ကြားချက်များ ပြောင်းလဲနိုင်သည်ဖြစ်ရာ၊ အစီအစဉ် ညွှန်ကြားချက်အပြောင်းအလဲများရှိပါက မြန်မာကလပ် (စင်္ကာပူ) Face Book Page၊ စလုံး Page နှင့် စင်္ကာပူရောက်ရွှေမြန်မာများ Page များတွင် ချက်ချင်းတင်ပြ အသိပေးအကြောင်းကြားသွားမည်ဖြစ်ကြောင်းလည်း အသိပေးအပ်ပါသည်၊)
.
Credit ... Myanmar Club (Singapore)
.