ကျောင်းသူ (၁၂)ဦးအား မတော်မတရားလုပ်သည့် ကျောင်းဆရာအား ဖမ်းဆီးအရေးယူ


မန္တလေး၊ နိုဝင်ဘာ ၃။

မန္တလေးတိုင်းဒေသကြီး၊ မိတ္ထီလာမြို့နယ် ဥယျာဉ်ကုန်းကျေးရွာ၊ အခြေခံပညာမူလတန်းကျောင်းတွင် ပညာသင်ကြားနေသော (၃)တန်းကျောင်းသူ၊ (၄) တန်းကျောင်းသူ စုစုပေါင်း ကျောင်းသူ ၁၂ဦးကို မတော်မတရားလုပ်သည့် ကျောင်းဆရာအား နိုဝင်ဘာလ (၂) ရက်နေ့က အမှု (၆)မှုဖြင့် ဖမ်းဆီး အရေးယူထားကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးမှ သိရသည် ။

ဥယျာဉ်ကုန်းကျေးရွာ အခြေခံပညာမူလတန်းကျောင်း မှ မူလတန်းပြကျောင်းဆရာ ဦးစိုးမြင့်(ခ)ပေတိုးသည် ကျောင်းသူများအား ပါးနမ်းခြင်း၊ ရင်သားကိုင်ခြင်းနှင့် ယောက်ျားလိင်အင်္ဂါအပေါ်တက်ထိုင်ခိုင်းခြင်း စသည်တို့ကို ပြုလုပ်ခဲ့သည့်အတွက် အုပ်ထိန်း သူ (၆) ဦးမှ နိုဝင်ဘာလ (၁)ရက်နေ့က တစ်မှု နိုဝင်ဘာ (၂) ရက်နေ့က (၅)မှု ဖွင့်ထားကြောင်း သိရသည် ။

"ကျောင်းဆရာကိုတော့ ဖမ်းထားပါတယ်။ အမှုအခြေအနေကိုတော့ ဘာမှပြောပြလို့မရသေးပါဘူး။ ဒီနေ့လည်း စစ်ဆေးမှုတွေ ပြုလုပ်နေပါတယ်"ဟု မိတ္ထီလာမြို့မရဲစခန်းမှ တာဝန်ရှိသူတစ်ဦးဖြစ်သည့် ဦးကျော်မိုးအောင်က ပြောသည် ။

ယင်း မူလတန်းပြကျောင်းဆရာ ဦးစိုးမြင့် (ခ) ပေတိုးအား (ပ)၃၇၆ - ၃၇၈ - ၃၇၉ - ၃၈၀ - ၃၈၁ - ၃၈၂ / ၂၀၁၆ ရာဇသတ်ကြီးပုဒ်မ ၃၇၆/၅၁၁/၃၅၄ တို့ဖြင့် မိတ္တီလာမြို့မရဲစခန်းတွင် အမှုဖွင့်ထားကြောင်း သိရသည်။

နိုင်လင်းဦး
Central News Myanmar
https://www.facebook.com/CNMyanmar/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.