ရူပီးငွေအချို့ ဖျက်သိမ်းလို့ နန်းဖာလုံဈေး အရောင်းအ၀ယ်ရပ်


နိုဝင်ဘာ ၈ ရက်နေ့ညပိုင်းက အိန္ဒိယအစိုးရက ရူပီးငွေ ၅၀၀ တန်နဲ့ ၁၀၀၀ တန်တွေကို သုံးစွဲခွင့် ပယ်ဖျက်လိုက်ပြီးတဲ့နောက် မြန်မာ အိန္ဒိယ နယ်စပ်ဈေးဖြစ်တဲ့ တမူးမြို့နယ်က နန်းဖာလုံဈေးမှာ အရောင်းအ၀ယ်ရပ်တန့်သွားပါတယ်။

နိုဝင်ဘာ ၉ ရက်နေ့ကစပြီး ဒီနေ့အထိ ဈေးထဲမှာ အရောင်းအ၀ယ် မဖြစ်ဘူးလို့ နန်းဖာလုံဈေး ဥက္ကဌ ဦးသိန်းအေးက ပြောပါတယ်။

"၈ ရက်နေ့ညမှာထင်တယ် ကြေညာတာလေ၊ ကျနော်တို့က ၉ ရက်နေ့ မနက်ကနေစပြီး ဟိုဘက်က လာဝယ်တဲ့ ကုန်သည်မလာတော့ဘူး၊ အဓိကက အိန္ဒိယငွေနဲ့ နယ်စပ်ဈေးဖြစ်တော့ အရောင်းအ၀ယ်က ရပ်သွားတာပေါ့၊ ဒီမှာ ရောင်းတဲ့သူရော ၀ယ်တဲ့သူရော မရှိဘူးပေါ့"

နိုဝင်ဘာ ၈ ရက်နေ့ ညပိုင်းမှာ အိန္ဒိယ ရူပီးငွေ ၅၀၀ တန်နဲ့ ၁၀၀၀ တန်ကို သုံးစွဲခွင့်ရပ်ဆိုင်းလိုက်ကြောင်းနဲ့ အဲ့ဒီငွေတွေကို ရက်ပေါင်း ၅၀ အတွင်း ပြန်လည်အစားထိုး လဲလှယ်ပေးသွားမယ်လို့ အိန္ဒိယ အစိုးရကတရားဝင် ကြေညာလိုက်တာဖြစ်ပါတယ်။

နန်းဖာလုံဈေးက မြန်မာနိုင်ငံသား ကုန်သည်တွေဆီမှာလည်း အိန္ဒိယ ရူပီး ၅၀၀ တန်နဲ့ ၁၀၀၀ တန်တွေရှိနေပြီး ပြန်လည်လဲလှယ်နိုင်ဖို့ အခက်အခဲတွေဖြစ်နေပါတယ်။

အဲဒီ ရူပီး ၅၀၀ တန်နဲ့ ၁၀၀၀ တန်တွေကို အသုံးပြုခွင့်ရပ်ဆိုင်းလိုက်ပြီးတဲ့နောက် ရူပီးငွေပေါက်ဈေးဟာ အရင်က ရူပီးငွေ ၁၀၀ ကို မြန်မာငွေ ၁၈၀၀ ကျော်ရှိရာကနေ မနေ့ကစတင်ပြီး ၁၇၀၀ ကျော်သာ ပေါက်ဈေးရှိတော့တယ်လို့ သိရပါတယ်။

RFA Burmese
https://www.facebook.com/rfaburmese/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.