မောင်တောမြို့နယ်အတွင်း အကြမ်းဖက်စီးနင်းတိုက်ခိုက်သူ ၃ ဦးနှင့် မသင်္ကာဖွယ် ဘင်္ဂါလီ ၁ ဦး ထပ်မံဖမ်းဆီးရမိ


နေပြည်တော် နိုဝင်ဘာ ၁၀

ရခိုင်ပြည်နယ် မောင်တောမြို့နယ်အတွင်း တပ်မတော်စစ်ကြောင်းနှင့် နယ်ခြား စောင့် ရဲတပ်ဖွဲ့ဝင်များ ပါဝင်သော ပူးပေါင်းအဖွဲ့ဖြင့် ယနေ့မွန်းလွဲ ၁၂ နာရီခွဲတွင် ဆူခါလီ(ဘင်္ဂါလီ)ကျေးရွာရှိ မူဟာမက်အီဆုတ်၏ နေအိမ်အား ၀င်ရောက်ရှင်းလင်း ရှာဖွေစစ်ဆေးရာ မူဟာမက်အီဆုတ် (ဘ)ဆွေယော့နူလာ၊ ရာမက်ဒူလာ(ဘ) မိုဟာမက်အီဆုတ်နှင့် နော်ဇီမူလာ(ဘ) မိုဟာမက်အီဆုတ်တို့ ၃ ဦးကို ဒသမ ၃၀၃ ထိပ်ဖူးဖြုတ်ထားသော ကျည်ခွံ ၄၂ ခု၊ ဒသမ ၃၀၃ ကျည်ဖူး ၇ ခု၊ RZL လက်ကိုင် စကားပြော စက်တိုင်တို ၁ ချောင်း၊ သစ်သားမှိန်း ၁ ချောင်း၊ ၀ါးမှိန်း ၁ ချောင်း၊ သံမှိန်း ၂ ချောင်း၊ ဓားမကြီး ၄ ချောင်း၊ ဓားမြှောင် ၃ ချောင်း၊ အိပ်ဆောင်ဓားအသေး ၂ ချောင်း၊ အရိုးမပါ လှံသွား ၁ ချောင်းနှင့် ၄ မြှောင့် ဆူးချွန် ၂ ချောင်းတို့နှင့်အတူ ဖမ်းဆီးရမိခဲ့ သည်။

အလားတူ ယနေ့ နံနက် ၇ နာရီခန့်ကလည်း ပူးပေါင်းအဖွဲ့ဖြင့် နယ်မြေ ရှင်းလင်းရေးလုပ်ငန်းများ ဆောင်ရွက်စဉ် သက္ကယ်ပြင်(အနောက်) ကျေးရွာဘက်မှ ထွက်လာသည့် မသင်္ကာဖွယ် ဘင်္ဂါလီ မာမက်ဟူစိန်(ဘ) ဒေါ်လာဘာရှီအား စစ်ဆေးရာ ဆန်ဖိုနီ(P-5) အမျိုးအစား ဟန်းဆက် ၁ လုံး၊ ဘင်္ဂလားဒေ့ရ်ှနိုင်ငံသုံး တရားမ၀င် ရူဘီဆင်းကတ် ၁ ခု၊ MPT ဆင်းကတ် ၁ ခုတို့နှင့်အတူ ဖမ်းဆီးရမိခဲ့သည်။

ဖမ်းဆီးရမိ ဘင်္ဂါလီ ၄ ဦး၊ လက်နက်များနှင့် ဆက်စပ်ပစ္စည်းများအား အင်းဒင် ရဲစခန်းနှင့် နယ်ခြားစောင့်တပ်ဖွဲ့ ကွပ်ကဲမှုဌာနချုပ် (ကျီးကန်းပြင်)သို့ တရားဥပဒေအရ အရေးယူဆောင်ရွက်နိုင်ရေး စနစ်တကျ လွှဲပြောင်းအပ်နှံခဲ့ကြောင်း သတင်းရရှိသည်။

(မြ၀တီ)
MOI Webportal Myanmar
https://www.facebook.com/MOIWebportalMyanmar/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.