ဝ တပ်ဖွဲ့ရဲ့သံဖြူ အမေရိကန် ကုမ္ပဏီတွေ တဆင့်ခံဝယ်ယူ


အီလက်ထရောနစ်ပစ္စည်းတွေ၊ ဘက်ထရီတွေနဲ့ ပလိပ်ပြားတွေထုတ်လုပ်ရာမှာ မရှိမဖြစ် အသုံးတွင်ကျယ်လာနေ တဲ့ သံဖြူသတ္တုတွေကို ကမ္ဘာ့ထိပ်တန်း ကုမ္ပဏီကြီးတွေက ဝယ်ယူနေရာမှာ မူးယစ်ဆေးဝါးနဲ့ ပတ်သက်ပြီး အမေရိ ကန်ပြည်ထောင်စုက ပိတ်ဆို့အရေးယူထားတဲ့ UWSA ၀ပြည်သွေးစည်း ညီညွတ်ရေးအဖွဲ့က ထုတ်လုပ်နေတဲ့ သံဖြူတွေလည်းပါဝင်နေတယ်လို့ ရိုက်တာ သတင်းတရပ်မှာ ဖေါ်ပြထားပါတယ်။

မြန်မာနိုင်ငံအရှေ့မြောက်ပိုင်း တရုတ်နယ်စပ်မှာရှိတဲ့ UWSA အဖွဲ့ရဲ့သံဖြူအဖြိုက်နက် ထွက်တဲ့ မန်းမောသတ္တု မိုင်းက သတ္တုရိုင်းတွေကို တရုတ်နိုင်ငံ၊ ယူနန်ပြည်နယ်ထဲက သန့်စင်စက်ရုံမှာ သန့်စင်ပြီးနောက်၊ အဲဒီသံဖြူတွေကို ကမ္ဘာ့ထိတ်တန်း ကုမ္ပဏီ ၅၀၀ ကျော်က တရုတ်ကုန်သည်တွေဆီကနေ တဆင့်ခံ ၀ယ်ယူနေတာဖြစ်ပါတယ်။

ဝတပ်ဖွဲ့ရဲ့ မန်းမောမိုင်းကထွက်ရှိတဲ့ သံဖြူသတ္တုအဟာ အဆင့်မြင့်အမျိုးအစားဖြစ်ပြီး ၂၀၁၃ ခုနှစ်က စပြီး ကြီးမားတဲ့ သတ္တုသိုက်ကြီးကို တွေ့ရှိခဲ့တာဖြစ်ပါ တယ်။ မန်းမောသတ္တုတွင်းက တနှစ်ကို သန့်စင်ပြီးသံဖြူ တန်ချိန် ၃ သောင်း၃ ထောင်ကျော်ထုတ်လုပ်ပြီး၊ ထုတ်လုပ်မှုနှုန်းက ကမ္ဘာအဆင့် ၁၀ ရှိတယ်လို့ ဆိုပါတယ်။

အမေရိကန်ပြည်ထောင်စုက ၂၀၀၃ ခုနှစ်ကစပြီး UWSA ခေါင်းဆောင်ပိုင်းကို မူယစ်ဆေးဝါးထုတ်လုပ်မှုနဲ့ ပတ်သက်လို့ ပိတ်ဆို့အရေးယူမူထားပေမဲ့၊ UWSA ရဲ့သံဖြူတွေကို ၀ယ်ယူနေတဲ့ ကုမ္ပဏီ ၅၀၀ ထဲမှာ အမေရိကန်ကုမ္ပဏီတွေဖြစ်တဲ့ Apple, Starbucks ကော်ဖီနဲ့ Tiffany လက်ဝတ်ရတနာ ကုမ္ပဏီတွေလည်း ပါဝင်တယ်လို့ သိရပါတယ်။

အမေရိကန်အစိုးရရဲ့ ပိတ်ဆို့အရေးယူမှုဆိုင်ရာ ကျွမ်းကျင်သူတွေကတော့ မူလပြဌာန်းချက်မှာ ကုမ္ပဏီတွေ အနေနဲ့ ပိတ်ဆို့အရေးယူခံထားရတဲ့နေရာက ပစ္စည်းတွေကို တိုက်ရိုက်ဖြစ်စေ၊ သွယ်ဝိုက်လို့ဖြစ်စေ အရောင်းအ၀ယ် လုပ်ခွင့်မရှိဘူးလို့ပြောဆိုပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.