ရန်ကုန်မှ ပြန်လာသည့် အမျိုးသမီးတစ်ဦး ပေါက်တောမြို့နယ်တွင် အသတ်ခံရ


နိရဉ္စရာ၊ နိုဝင်ဘာ ၁၀

ရန်ကုန်မှ အလုပ်လုပ်ကိုင်ခဲ့ပြီး ပေါက်တောမြို့နယ်ရှိ မိမိရပ်ရွာသို့ ပြန်လာသည့် အမျိုးသမီးငယ် တစ်ဦးသည် ရွာကိုရောက်ပြီး ၃ လခန့် အကြာတွင် သတ်ဖြတ်ခံခဲ့ရသည်ဟု သတင်းရရှိသည်။

အသတ်ခံရသူ အမျိုးသမီးမှာ ပေါက်တောမြို့နယ် ခမောင်းချောင်း ကျေးရွာမှ မသန္တာသန်း ၂၃ နှစ် (ဘ ဦးအောင်ကျော်ဇော) ဖြစ်သည်။

“နိုဝင်ဘာလ ၆ ရက်နေ့ ညနေ ၆ နာရီကျော်ကျော်လောက်မှာ သူ့အိမ်က ထမင်းစားပြီး ထွက်ခွာသွားတယ်လို့ မိသားစုဝင်တွေက ပြောပါတယ်။ ညနေ ၈ နာရီမှာလည်း ပြန်ပေါ်မလာတော့ မိဘတွေက လိုက်ရှာကြပါတယ်။ မိန်းကလေးက အသက် ၂၃ နှစ် အပျိုဆိုတော့ ခိုးရာများ လိုက်ပြေးသွားသလားဆိုပြီး သူ့မိသားစုတွေက ထင်ထားကြပါတယ်။ နောက်တစ်ရက်နေ့ နံနက် ၇ နာရီမှာ လူအုပ်နဲ့ လိုက်ရှာတဲ့အပြင် အနီးအနား ကျေးရွာတွေကိုလည်း အကြောင်းကြားထားကြပါတယ်။ အဲ့ဒီ ခမောင်းချောင်းနဲ့ လွမ်းဦးရွာအကြား ရေမြောင်ဘေး ချုံတောထဲမှာ ထမီမပါ၊ အတွင်းအ၀တ်လန်လို့ မှောက်လျက်သား တွေ့ရတယ်လို့ မိသားစုဝင်တွေက ပြောပြပါတယ်”ဟု ဖြစ်စဉ်နှင့်ပတ်သက်၍ ပေါက်တောမြို့မ ရဲစခန်းမှ စခန်းမှူး ဒုရဲမှူးဘစုက နိရဉ္စရာသတင်းဌာနသို့ ပြောသည်။

သေဆုံးသူ အမျိုးသမီးငယ်မှာ ဦးခေါင်းတွင် ပေါက်ပြဲဒဏ်ရာ ၃ ချက်ရရှိထားပြီး ခဲဖြင့် အထုခံခဲ့သည်ဟု ယူဆရကြောင်း စခန်းမှူးက ဆိုသည်။

ပြစ်မှုကျူးလွန်သူကို စုံစမ်းနေဆဲဖြစ်ပြီး သမီးရည်းစား ကိစ္စနှင့် ပတ်သက်နိုင်သည်ဟု ရဲကသံသယရှိကြောင်း သူကဆက်လက်ပြောကြားသည်။

တရားခံကို ဖမ်းဆီးနိုင်ရန်အတွက် အနီးအနားရှိ ကျောက်တောင်ရဲစခန်းကို တာဝန်ပေးထားကြောင်း သိရသည်။

အမျိုးသမီးငယ်မှာ ရန်ကုန်တွင် သွားရောက် အလုပ်လုပ်ကိုင် နေခဲ့ပြီး လွန်ခဲ့သော ၃ လ ခန့်ကမှ ရွာသို့ ပြန်လာခဲ့ခြင်းဖြစ်သည်ဟု လေ့လာသိရှိရသည်။

စံမောင်သန်း၊ စစ်တွေ
Narinjara
https://www.facebook.com/Narinjara
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.