သက်သေအဖြစ် ဆင့်ခေါ်ခံရသည့် ဦးမောင်ဝိတ် တာမွေရဲစခန်းသို့ လာရောက်၍ စစ်ဆေးမှုများကို ဖြေကြား


ရန်ကုန် နိုဝင်ဘာ ၁၀

Eleven မီဒီယာဂရု၏ စီအီးအို ဒေါက်တာသန်းထွဋ်အောင်နှင့် အယ်ဒီတာချုပ် ကိုဝေဖြိုးတို့အား ရန်ကုန် တိုင်းဒေသကြီးအစိုးရ အဖွဲ့က ဆက်သွယ်ရေး ဥပဒေပုဒ်မ ၆၆(ဃ) အရအမှုဖွင့်ထားမှု အပေါ် တာမွေမြို့နယ် ရဲစခန်းက သက်သေအဖြစ် ဆင့်ခေါ်ခံရသူ ဦးမောင်ဝိတ်က တာမွေရဲစခန်း၌ တာဝန်ရှိသူများ၏ စစ်ဆေး မေးမြန်းမှုကို လာရောက်ဖြေကြားခဲ့ကြောင်း သိရသည်။

“အဓိက ကတော့ မနေ့က နိုဗိုတယ်ဟိုတယ်မှာ ပြုလုပ်ခဲ့တဲ့ စာနယ်ဇင်းရှင်းလင်းပွဲမှာ ပြောကြားခဲ့တဲ့ အကြောင်းအရာတွေ ပါပဲ။ အခြားတော့မရှိပါဘူး” ဟု ဦးမောင်ဝိတ်က တာမွေရဲစခန်းမှ တာဝန်ရှိသူများ၏ မေးမြန်းချက်ကို ဖြေကြားပြီးနောက် သတင်းထောက်များအား ပြောသည်။ စီးပွားရေးလုပ်ငန်းရှင် ဦးမောင်ဝိတ်က ယမန်နေ့ကပြုလုပ်သော သတင်းစာရှင်းလင်းပွဲတွင် မည်သည့်ဝန်ကြီးချုပ်တစ်ဦးကိုမျှ Patek Phillipe နာရီ ပေးခဲ့ဖူးခြင်းမရှိကြောင်း၊ အထူးသဖြင့် ရန်ကုန်တိုင်းဒေသကြီး ဝန်ကြီးချုပ်ကို မည်သည့်နာရီမျှ လက်ဆောင် ပေးခဲ့ဖူးခြင်းမရှိကြောင်း၊ မည်သည့်ခုံရုံးတွင်မဆို အစစ်ဆေးခံရန်အသင့်ရှိ ကြောင်း ပြောကြားခဲ့သည်။

သို့ရာတွင် အဆိုပါအမှုနှင့် ပတ်သက်၍ အဓိကတာဝန်ရှိ သူများဖြစ်သည့် ဦးသန်းထွဋ်အောင်နှင့် ကိုဝေဖြိုးတို့အနေဖြင့် တာမွေမြို့နယ်ရဲစခန်းက ယနေ့နံနက် ၁၀ နာရီ တွင် လာရောက်ရန် ဆင့်ခေါ်ခဲ့သော်လည်း မန်နေဂျာတစ်ဦးသာ လာရောက်ပြီး အချိန်ကို မွန်းလွဲ ၂ နာရီ မှ ညနေ ၄ နာရီသို့ အချိန်ရွှေ့ ခဲ့သော် လည်း ည ၇နာရီ အထိ လာရောက်နိုင်ခဲ့ခြင်းမရှိကြောင်း သိရသည်။

ယင်းနေ့ အစောပိုင်းတွင် ဆက်သွယ်ရေးဥပဒေပုဒ်မ ၆၆(ဃ)အရ အမှုဖွင့်တရား စွဲဆိုထားသူနှစ်ဦးအား ညနေ ၄ နာရီအတွင်း လာရောက်ခြင်းမရှိပါက ဥပဒေ လုပ်ထုံးလုပ်နည်း များနှင့်အညီ အရေးယူဆောင်ရွက် သွားမည်ဖြစ်ကြောင်း ရန်ကုန်အရှေ့ပိုင်းခရိုင်ရဲတပ်ဖွဲ့မှ ဒုတိယရဲမှူးကြီးမြင့်ထွေးက ပြောသည်။

တာမွေမြို့နယ်ရဲစခန်းရှေ့ ၌ သတင်းစာနှင့် ရုပ်မြင်သံကြား ချန်နယ်အသီးသီးက မွန်းလွဲ ၂ နာရီ မှ စတင်ကာ သတင်းရယူရန် စောင့်ဆိုင်းလျက်ရှိသော်လည်း ည ၇ နာရီထိတိုင်အောင် Eleven မီဒီယာဂရုမှ စီအီးအိုနှင့် အယ်ဒီတာချုပ်တို့မှာ ရဲစခန်း၏ ဆင့်ခေါ်မှုကို လာရောက်နိုင်ခြင်းမရှိကြောင်း သိရသည်။

မြင့်မောင်စိုး
MOI Webportal Myanmar
https://www.facebook.com/MOIWebportalMyanmar/


Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.