ကဘူးလ် အသေခံ ဗုံးဖောက်ခွဲမှု လူ ၄ ဦး သေဆုံး၊ ၁၁ ဦး ဒဏ်ရာရ



ကဘူးလ်တွင် အသေခံ ဗုံးခွဲခံရသည့် ဘတ်စ်ကား တစ်စီးအား တွေ့ရစဉ် (ဓာတ်ပုံ- အင်တာနက်)
    ကဘူးလ်၊ နိုဝင်ဘာ ၁၆ ရက် (ဆင်ဟွာ)

    အာဖဂန်နစ္စတန်နိုင်ငံ မြို့တော် ကဘူးလ်၌ နိုဝင်ဘာလ ၁၆ ရက် နံနက်ပိုင်းက ဖြစ်ပွားခဲ့သည့် အသေခံ ဗုံးဖောက်ခွဲမှုကြောင့် သေဆုံးသူ ၄ ဦးအထိ ရှိလာပြီး ဒဏ်ရာရရှိသူ ၁၁ ဦးရှိကြောင်း သိရသည်။

နိုဝင်ဘာလ ၁၆ ရက် ဒေသစံတော်ချိန် နံနက် ၈း၀၀ နာရီဝန်းကျင်က အသေခံ ဗုံးဖောက်ခွဲသူ တစ်ဦးသည် ကာကွယ်ရေး ဝန်ကြီးဋ္ဌာနအနီး Pul-e-Mahmoud Khan နယ်မြေရှိ ယာဉ် တစ်စင်း နံဘေး၌ ဗုံးဖောက်ခွဲခဲ့ခြင်း ဖြစ်ကြောင်း ပြည်ထဲရေး ဝန်ကြီးဋ္ဌာန ပြောရေးဆိုခွင့်ရှိသူ Sediq Sediqi က ပြောသည်။

စုံစမ်းစစ်ဆေးရေး လုပ်ငန်းများ လုပ်ဆောင်နေဆဲ ဖြစ်ကြောင်းကိုသာ ပြောကြားခဲ့ပြီး အသေးစိတ် အကြောင်းအရာများအား ၎င်းက ပြောကြားထားခြင်း မရှိပေ။

ပြည်ထဲရေး ဝန်ကြီးဋ္ဌာနမှ ကြေညာချက် ထုတ်ပြန်ထားခြင်း မရှိသေးသော်လည်း အခင်းဖြစ်ပွားရာ နေရာ၌ ရှိနေသည့် အမည်မဖော်လိုသူ အရာရှိ တစ်ဦးကမူ နိုင်ငံ၏ သူလျှို အေဂျင်စီ တစ်ခုဖြစ်သည့် အမျိုးသား လုံခြုံရေး ဦးစီးဋ္ဌာန (NDS) ၏ အဖွဲ့ဝင်များ လိုက်ပါလာသည့် မီနီဘတ်စ်ကား တစ်စီးအား ဦးတည် တိုက်ခိုက်ခြင်း ဖြစ်ကြောင်း ပြောကြားခဲ့သည်။

အဆိုပါ ဗုံးဖောက်ခွဲမှုနှင့် ပတ်သက်၍ မည်သည့်အဖွဲ့ လက်ချက်ဖြစ်ကြောင်း ပြောကြားထားခြင်း မရှိသေးပေ။ အခင်း ဖြစ်ပွားသည့်နေရာအား ရဲတပ်ဖွဲ့က ပိတ်ထားသလို သတင်းထောက်များကိုလည်း သတင်း ဝင်ရောက်ယူခွင့် ပိတ်ပင်ထားကြောင်း သိရသည်။

(Xinhua)
http://www.xinhuamyanmar.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.