"The Road to Mandalay" အကောင်းဆုံးရုပ်ရှင်ဆုရရှိ


“The Road to Mandalay - မန္တလေးသို့ခရီးစဉ်” ဆိုတဲ့ ဇာတ်ကားကို ရိုက်ကူးခဲ့သူ မြန်မာနိုင်ငံဖွား ထိုင်ဝမ်ရုပ်ရှင်ဒါရိုက်တာ မီဒီ ဇီး (Midi Z) ဟာ သောကြာနေ့က ပြင်သစ်နိုင်ငံမှာကျင်းပခဲ့တဲ့ ၃၆ ကြိမ်မြောက် Amiens နိုင်ငံတကာရုပ်ရှင်ပွဲတော်မှာ အကောင်းဆုံး နိုင်ငံတကာ ရုပ်ရှင်ဆု ရရှိခဲ့ပါတယ်။

"The Road to Mandalay" ရုပ်ရှင်ဇာတ်ကားဟာ - မြန်မာနိုင်ငံ ပြည်တွင်းစစ်ကနေ ထွက်ပြေး လာကြပြီး နောက် ထိုင်းနိုင်ငံမှာ ရပ်တည်နိုင်ဖို့ ကြိုးစားရုန်းကန်ကြရတဲ့ တရားမ၀င် ရွှေ့ပြောင်းလာသူ ၂ ဦးရဲ့ ဘ၀ကိုသရုပ်ဖော်ထားတဲ့ အချစ်ဇာတ်လမ်း ဖြစ်ပါတယ်။

ဒီဇာတ်ကားဟာ ဒါရိုက်တာ မီဒီ ဇီး (Midi Z) ရိုက်ကူးတဲ့ လေးကားမြောက် ရုပ်ရှင်ဖြစ်ပြီး၊ ထိုင်ဝမ်၊ တရုတ်၊ မြန်မာ၊ ပြင်သစ်နဲ့ ဂျာမနီ တို့ကနေ ဒီရုပ်ရှင်ကားကို ပူးပေါင်း ထုတ်လုပ်ခဲ့ကြတာလည်း ဖြစ်ပါတယ်။ ဒါ့အပြင် ဒီဇာတ်ကားဟာ စက်တင်ဘာလတုန်းက ၇၃ ကြိမ်မြောက် Venice နိုင်ငံတကာ ရုပ်ရှင်ပွဲတော်မှာလည်း FEDEORA အကောင်းဆုံးရုပ်ရှင်ဇာတ်ကားဆုကို ရရှိခဲ့ပါတယ်။

သောကြာနေ့က ဆုကို လက်ခံရယူပြီးတဲ့နောက် - ၃၃ နှစ်အရွယ် ဒါရိုက်တာ Midi Z က ထိုင်ဝမ်ပြည်သူတွေ အပါအ၀င် ဒီရုပ်ရှင်ဇာတ်ကြောင်းကို အကြံပေးခဲ့သူ သူ့အမကြီးကို ကျေးဇူးတင်စကား ပြောကြားသွားခဲ့ပါတယ်။

၁၉၈၂ ခုနှစ်က မြန်မာနိုင်ငံမှာ မွေးဖွားခဲ့သူ ဒါရိုက်တာ Midi Z ဟာ ထိုင်ဝမ်မှာ ရုပ်ရှင်ပညာကို လေ့လာသင်ယူ ခဲ့ပြီး၊ ၂၀၀၆ ခုနှစ်မှာ ပထမဆုံး ဇာတ်ကားဖြစ်တဲ့ “Paloma Blanca” နဲ့ ဘွဲ့ရခဲ့တာ ဖြစ်ပါတယ်။ သူရိုက်ကူးတဲ့ “Return to Burma” မြန်မာပြည်သို့အပြန် ဇတ်ကားဟာလည်း တောင်ကိုရီးယား နိုင်ငံက Busan နိုင်ငံတကာ ရုပ်ရှင်ပွဲတော်ရဲ့ New Currents ကဏ္ဍမှာ ရွေးချယ်ခံခဲ့ရဖူးပါတယ်။

 ဗွီအိုအေ (မြန်မာပိုင်း)
http://burmese.voanews.com/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.