မီဒီယာ(သို့မဟုတ်) အစိုးရနှင့်ပြည်သူကြားမှ ဗော်လံတီယာ


နိုင်ငံတနိုင်ငံထူထောင်တဲ့အခါ ဖွံ့ဖြိုးတိုးတက်ရန်လုပ်ဆောင်နေတဲ့ကာလတွေမှာ သတင်းမီဒီယာတွေရဲ့ လုပ်ဆောင်ချက်များဟာ များစွာအရေးပါ,ပါတယ်။ ပြည်သူတွေဆီကို အစိုးရရဲ့သတင်းအချက်အလက် တွေရောက်ဖို့၊ ပြည်သူတွေရဲ့အသံတွေ အစိုးရဆီကိုရောက်ရှိဖို့ ကြားခံတာဝန်တွေကို မီဒီယာတွေ ထမ်းဆောင်နေရတာဖြစ်ပါတယ်။ သတင်းမီဒီယာတွေ မရိုးဖြောင့်တဲ့အခါ သတင်းတွေကိုထိမ်ချန်ပြီး တဖက်စောင်းနင်းဖော်ပြတဲ့အခါ ဖြစ်ပေါ်လာမယ့်အကြောင်းခြင်းရာတွေက တိုင်းပြည်ကိုတောင် ချောက်ထဲချနိုင်တဲ့အထိ ရောက်ရှိသွားနိုင်ပါတယ်။ ဒါကြောင့် တိုင်းပြည်တခုကို အမြင့်အထိမြှင့်တင်ဖို့ (သို့မဟုတ်) အောက်ထိနှိမ့်ချလိုက်ဖို့ သြဇာအာဏာ တစိတ်တပိုင်းဟာ မီဒီယာတွေလက်ထဲမှာ ရှိလို့နေပါတယ်။ မီဒီယာတွေရဲ့တာဝန်ဟာ အစိုးရရဲ့အားနည်းချက်တွေ၊ အစိုးရရဲ့ခြေလှမ်းအမှားတွေကိုသာ ထောက်ပြဖို့ သက်သက် မဟုတ်ပါဘူး။ အစိုးရရဲ့လုပ်ဆောင်ချက်ကောင်းတွေ၊ မှန်ကန်တဲ့ ဆုံးဖြတ်ချက်တွေကို ပြည်သူတွေ ၀မ်းသာနိုင်ရေးတင်ပြဖို့လည်း တာဝန်ရှိပါတယ်။

ဥပမာ-ညဈေးတန်း၊ နံနက်ခင်းဈေးတွေနဲ့ပတ်သက်ပြီး အစိုးရရဲ့လုပ်ဆောင်ချက်တွေဟာ မှန်ကန်တဲ့ ခြေလှမ်း တွေဖြစ်ပါတယ်။ ဒါကိုပရင့်မီဒီယာတွေ၊ ရုပ်သံမီဒီယာတွေက အကောင်းမြင်တဲ့ ချီးကျူးမှုတွေ ပြုလုပ်ပေးရပါ မယ်။ ဒါမှသာ မီဒီယာတွေရဲ့ ချီးကျူးမှု ပြည်သူတွေရဲ့အားပေးမှုတွေဟာ အစိုးရရဲ့ကောင်းသော ခြေလှမ်းတွေ ကို အားရှိစေမှာဖြစ်ပါတယ်။ ရုပ်သံမီဒီယာများမှာ လမ်းဘေးဈေးသည်တွေကို အရပ်သားအစိုးရက စနစ်တကျ နေရာပေးတာ၊ ငွေကြေးအကုန်အကျခံပြီး နေရာချထားပေးတာတွေကို မဖော်ပြဘဲ နေရာဟောင်းက မပြောင်း ချင်တဲ့ ဈေးသည်တွေရဲ့စကားတွေ၊ အစိုးရနေရာပေးတာမကောင်းဘူးဆိုတဲ့ အမြင်တွေနဲ့ပဲ တချိန်လုံး တင်ပြ ပေးနေကြတာတွေ့ရပါတယ်။ အစိုးရရဲ့ကောင်းသောလုပ်ဆောင်ချက်တွေကို အားပေးကူညီမှုမတွေ့ရဘဲ မကောင်းမြင်ဘက်က ဇောင်းပေးတင်ပြနေကြတာတွေ့ရပါတယ်။

အခုလို အတိမ်းအစောင်းမခံနိုင်တဲ့ နိုင်ငံရေးကာလမှာ မီဒီယာတွေရဲ့ရေးသားဖော်ပြချက်တွေဟာ ပိုလို့တောင် သတိထားရပါတယ်။ မိမိရေးလိုက်တဲ့ သတင်းတပုဒ်ဟာ တိုင်းပြည်အတွက် နစ်နာသွားနိုင်မလား။ အပြောင်း အလဲကောင်းတွေဆီသွားတဲ့ လမ်းကြောင်းတခုကို ထိခိုက်သွားနိုင်မလားဆိုတဲ့ ချင့်ချိန်မှုတွေဟာ မီဒီယာ သမားတိုင်းဆီမှာလိုအပ်ပါတယ်။ မိမိလက်ထဲမှာ ရှိနေတဲ့ သတင်းတပုဒ်ဟာ မှန်ကန်နေ သော်ငြားလည်း တိုင်းပြည်အတွက်၊ ပြည်သူအတွက် တစုံတရာကောင်းကျိုးမရှိဘဲ ချောက်ကျသွားနိုင်တယ်ဆိုရင် မဖော်ပြရ ဘူးလို့ မီဒီယာကျင့်ဝတ်တွေမှာ ပါရှိပါတယ်။

အစိုးရတရပ်ကောင်းတဲ့ လမ်းကြောင်းဆီရောက်ရှိဖို့၊ မှန်ကန်တဲ့ လမ်းကြောင်းတခုကနေ သွေဖည် မထွက်သွား စေဖို့ ထိန်းကျောင်းရန် တာဝန်တွေဟာ မီဒီယာတွေဆီမှာရှိပါတယ်။ အခုလက်ရှိ အစိုးရလက်ထက် နိုင်ငံရေး အကူးအပြောင်းမှာ အစိုးရရဲ့ လုပ်ဆောင်ချက် တချို့က မှားယွင်းနေတာတွေ၊ ထောက်ပြစရာတွေဖြစ်နေတာ မှန်ကန်ပါတယ်။ အဲဒီလိုပဲ ကောင်းသောလုပ်ဆောင်ချက်တွေလည်း ရှိနေတာကို မျက်ကွယ်ပြုထားလို့ မရပါ ဘူး။ ရေးသားဖော်ထုတ်ပြီး ချီးမွမ်းပေးရပါမယ်။ ဒါမှသာ အစိုးရနဲ့ ပြည်သူတွေ အကြားအပြန်အလှန် အားကိုးယုံကြည်မှုတွေ တိုးတက်လာမှာ ဖြစ်ပါတယ်။

မီဒီယာတွေ မှန်ကန်တဲ့သတင်းအချက်တွေရေးသားနိုင်ရေးဟာ ၀န်ကြီးဌာနတွေမှာလည်း အပြန်အလှန် တာဝန်ရှိပါတယ်။ ၀န်ကြီးဌာနတွေဟာ မီဒီယာကို လွတ်လပ်စွာ သတင်းယူခွင့်ပေးရပါမယ်။ ဒါပေမဲ့ အခုလက်ရှိ မှာတော့ အစိုးရဌာနတွေဟာ မီဒီယာသမားတွေအတွက် သတင်းယူနိုင်ဖို့ အခက်ခဲဆုံးနေရာတွေ ဖြစ်ပါတယ်။ အစိုးရဌာနတွေမှာ ကြိုးနီစနစ်ဟာ မပျောက်ကွယ်သေးပါဘူး။ သတင်းတပုဒ်သိခွင့်ရရေးအတွက် စာတတန်၊ ပေတတန်နဲ့လျှောက်နေရပြီး ပြန်စာရဖို့အရေးဟာလည်း အနည်းဆုံး တပတ်ကျော်ကြာ စောင့်နေရပါတယ်။ ဒါတွေဟာ အစိုးရနဲ့ သတင်းမီဒီယာအကြားရှိနေတဲ့ အခက်အခဲတခုပါ။ သတင်းမီဒီယာတွေ ချောမွေ့စွာ သတင်းယူနိုင်ရေးကိုလည်း အစိုးရအနေနဲ့ လုပ်ဆောင်ပေးသင့်ပါတယ်။ အပြန်အလှန် ဖေးကူမှလိုချင်တဲ့ ပန်းတိုင်ကို မြန်ဆန်စွာရောက်နိုင်မှာပါ။

ပြည်သူတွေဆီက အခုတလောကြားနေရတဲ့ အသံတွေထဲမှာ ပြန်ကြားရေးဝန်ကြီးဌာနကို အားမလိုအားမရ အသံတွေ ပါဝင်နေပါတယ်။ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ စင်ကာပူခရီးစဉ်အတွင်း စင်ကာပူရောက် မြန်မာတွေနဲ့ တွေ့ဆုံပွဲမှာမေးကြတဲ့ မေးခွန်းတွေမှာလည်း ပါဝင်လာခဲ့ပါတယ်။ ပြည်တွင်း ပြည်ပမီဒီယာတွေရဲ့စွပ်စွဲချက်တွေနဲ့ပတ်သက်ပြီး ပြန်ကြားရေးဝန်ကြီးဌာနအနေနဲ့ တုံ့ပြန်ပြောဆို သတင်း ထုတ်ပြန်တာတွေဟာ နည်းတယ်။ အလုံအလောက်အားထည့်မှုမရှိဘူး။ ဒါကြောင့်မို့ အပြောင်းအလဲ၊ အပြောင်းအရွှေ့လုပ်သင့်ပါတယ်လို့တောင် မေးခွန်းထဲမှာ ထည့်မေးထားတာ တွေ့ရပါတယ်။ ပြန် ကြားရေး ၀န်ကြီးဌာနကို အားမရသံတွေဟာ တဖြည်းဖြည်းကျယ်လောင်လာတဲ့ သဘောရှိနေပါတယ်။ ၀န်ကြီးဌာန တွေထဲမှာ ပြန်ကြားရေးဝန်ကြီးဌာနက အလျင်မြန်ဆုံးနဲ့ အဖျတ်လတ်ဆုံးရှိနေရမှာ ဖြစ်ပေမဲ့ အများမျှော်မှန်း ချက်ကို ဖြည့်ဆည်းပေးနိုင်ခြင်း မရှိသေးပါဘူး။

အစိုးရရဲ့ကောင်းသောလုပ်ဆောင်ချက်တွေနဲ့ပတ်သက်ပြီး သတင်းအချက်အလက်တွေကို သတင်း မီဒီယာတွေက မှန်ကန်လျင်မြန်စွာ တင်ပြပေးသွားရင်းနဲ့ သတင်းမီဒီယာတွေအနေနဲ့အစိုးရနဲ့ ပြည်သူတွေ အကြား ကောင်းမွန်တဲ့ဆက်ဆံရေးကို တည်ဆောက်ပေးနိုင်တဲ့ ပရဟိတသတင်းသမားတွေ ဖြစ်နိုင်ကြပါစေလို့ မျှော်လင့်မိကြောင်းပါ။

လတ်
News Watch(စောင့်ကြည့်သတင်းဂျာနယ်)
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.