အစ္စလာမ်မစ်ခေါင်းဆောင် သေဒဏ် ဘင်္ဂလားဒေ့ရ်ှအတည်ပြု


ဘင်္ဂလားဒေ့ရှ် နိုင်ငံမှာ ၂၀၀၄ ခုနှစ်တုန်းက ဗြိတိသျှ သံတမန်ကို လက်ပစ်ဗုံးနဲ့ တိုက်ခိုက်ခဲ့ရာမှာ ပါဝင်ခဲ့မှုနဲ့ တရားမဝင် အစ္စလာမ်အဖွဲ့ရဲ့ ခေါင်းဆောင်ဖြစ်သူနဲ့ အပေါင်းအပါ ၂ ဦး တို့ကို သေဒဏ်ချမှတ်ထားတာအတွက် အထက်တရားရုံးက ဗုဒ္ဓဟူးနေ့မှာ ဆက်လက် အတည်ပြု ပေးလိုက်ပါတယ်။

တရားမဝင်ကြေညာထားတဲ့ Harkatul Jihad အဖွဲ့ခေါင်းဆောင်ဖြစ်သူ တရားခံ Mufti Abdul Hannan ရဲ့ ရှေ့နေတွေကတော့ အထက်တရားရုံးရဲ့ ဗုဒ္ဓဟူးနေ့ ဆုံးဖြတ်ချက်အတွက် ပြန်လည် သုံးသပ်ပေးဖို့ သူတို့ ထပ်ပြီး အယူခံဝင်သွားမယ်လို့ ပြောပါတယ်။

Hannan နဲ့ အပေါင်းပါ ၂ ဦးတို့ဟာ ၂၀၀၄ ခုနှစ်တုန်းက မြောက်ပိုင်း Sylhet မြို့က နာမည်ကြီး အစ္စလာမ်ဘုရားကျောင်းကို လာရောက် လည်ပတ်တဲ့ ဘင်္ဂလားဒေ့ရှ် နိုင်ဖွား ဗြိတိသျှ ကော်မရှင်နာမင်းကြီး Anwar Choudhury ကို လက်ပစ်ဗုံးနဲ့ တိုက်ခိုက်ခဲ့မှုအတွက် ၂၀၀၈ ခုနှစ်ထဲမှာ အပြစ်ရှိကြောင်း တွေ့ရှိထားတာ ဖြစ်ပါတယ်။ Choudhry ကတော့ ထိခိုက်မှု မရှိခဲ့ပေမဲ့ ရဲအရာရှိ ၃ ဦး သေဆုံးခဲ့ရပြီး လူပေါင်း ၇၀ ဒဏ်ရာတွေ ရခဲ့တာ ဖြစ်ပါတယ်။ အဲဒီတုန်းက တရားရုံးက Hannan ရဲ့ အပေါင်းပါ ၂ ဦးကို တသက်တကျွန်းပြစ်ဒဏ် ချမှတ်ခဲ့ပါတယ်။

Hannan ကတော့ ၂၀၀၁ ခုနှစ်တုန်းက နှစ်သစ်ကူး ပွဲတော်အတွင်း တိုက်ခိုက်မှုလုပ်ခဲ့တဲ့အတွက် လူ ၁၀ ဦး သေဆုံးခဲ့ရမှုနဲ့ သေဒဏ် အချမှတ်ခံထားရတာဖြစ်ပြီး၊ ၂၀၀၄ ခုနှစ်မှာပဲ ဝန်ကြီးချုပ် Sheil Hasina ကို ပစ်မှတ်ထားတဲ့ လက်ပစ်ဗုံးနဲ့ တိုက်ခိုက်မှုအတွင်း လူပေါင်း ၂၄ ဦး သေဆုံးခဲ့ရတဲ့ အမှုအတွက်လည်း တရားရင်ဆိုင်ရဖို့ ရှိပါတယ်။ အဲဒီတိုက်ခိုက်မှုမှာ ဝန်ကြီးချုပ် Hasina ကတော့ ဒဏ်ရာ တစုံတရာ မရခဲ့ပါဘူး။

 ဗွီအိုအေ (မြန်မာပိုင်း)
http://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.