ရခိုင်ပြည်နယ် လွတ်လပ်စွာ သွားခွင့်ပြုမယ်လို့ မြန်မာသံအမတ်ကြီး ပြောကြား

( ရခိုင်ပြည်နယ် မောင်တောမြို့နယ်မှာ လုံခြုံရေးကို ဆောင်ရွက်နေတဲ့ ရဲတပ်ဖွဲ့ဝင်တစ်ဦးကို တွေ့ရစဉ် ) ဓါတ်ပုံ - ဝံလက်ဒေသဖွံ့ဖြိုးရေးဖောင်ေ...



( ရခိုင်ပြည်နယ် မောင်တောမြို့နယ်မှာ လုံခြုံရေးကို ဆောင်ရွက်နေတဲ့ ရဲတပ်ဖွဲ့ဝင်တစ်ဦးကို တွေ့ရစဉ် ) ဓါတ်ပုံ - ဝံလက်ဒေသဖွံ့ဖြိုးရေးဖောင်ဒေးရှင်း
ဝါရှင်တန်ဒီစီ မြို့တော်ရှိ ဂျော့ဝါရှင်တန် တက္ကသုိုလ်၊ အယ်လီယော့ နိုင်ငံတကာရေးရာကျောင်းမှာ မြန်မာနိုင်ငံသစ် ဆိုတဲ့ ခေါင်းစဉ်နဲ့ မနေ့နေ့လည်ပိုင်းက ကျင်းပတဲ့ အခမ်းအနားမှာ အမေရိကန် ပြည်ထောင်စုဆိုင်ရာ မြန်မာသံအမတ်ကြီး ဦးအောင်လင်း က ရခိုင်ပြည်နယ် မောင်တောဒေသကို နိုင်ငံတကာ ကူညီထောက်ပံ့ရေးအဖွဲ့အစည်းတွေနဲ့ သတင်းမီဒီယာတွေ လွတ်လပ်စွာသွားလာခွင့်ပြုမှာ ဖြစ်ကြောင်း ပြောကြားလိုက်ပါတယ်။

သံအမတ်ကြီး ဦးအောင်လင်းက လတ်တလောမှာ လူသားချင်းစာနာမှုအကူညီတွေကို ခွင့်ပြုနေပါပြီ။ သတင်းမီဒီယာတွေ အဲဒီဒေသသွားချင်တယ်ဆိုတာလည်း သိပါတယ်။ မကြာခင် အချိန်ကျရောက် လာမှာပါ၊ သက်ဆိုင်ရာတွေအတွက် အခြေအနေတွေက ထိလွယ်ရှလွယ်ဖြစ်နေပြီး နက်နဲလွန်းတဲ့ အတွက် မိမိတို့ကို အချိန်ပေးပါလို့ ပြောကြားခဲ့တာပါ။ ဒါ့အပြင် သံအမတ်ကြီးက ရခိုင်ပြည်နယ်က အခြေအနေကို ကမ္ဘာက အထူးစိတ်ဝင်တစား စောင့်ကြည့်နေကြတာကို မိမိတို့ နားလည်သိရှိ ကြောင်းလည်း ပြောပါတယ်။

ဒါကြောင့် မိမိတို့အစိုးရက ကုလသမဂ္ဂအတွင်းရေးမှူးချုပ်ဟောင်း ကိုဖီအာနန်ကို ရခိုင်ပြည်နယ် ဆိုင်ရာ အကြံပေးကော်မရှင် ဥက္ကဌအဖြစ် ဆောင်ရွက်ပေးဖို့ ကမ်းလှမ်းခဲ့တာဖြစ်ကြောင်း သံအမတ် ကြီးက ပြောပါတယ်။ ဒါ့အပြင် မနေ့က အခမ်အနားမှာ သံအမတ်ကြီး ဦးအောင်လင်း က မလေးရှားဝန် ကြီးချုပ် နာဂျစ်ရာဇတ်ကို အမည်ထုတ်ဖေါ် ပြောကြားခဲ့ခြင်း မရှိပေမယ့် လက်ရှိရခိုင်ပြည် အခြေအနေနဲ့ ပတ်သက်ပြီး မွတ်စလင်နိုင်ငံတခုရဲ့ ဝန်ကြီးချုပ်ဖြစ်သူက မြန်မာပြည်ဆိုင်ရာ ပြောဆိုပုံတွေကို မြန်မာပြည်တွင်းမှာရှိတဲ့ မွတ်စလင်အသိုင်းအဝိုင်းကတောင် လက်ခံခြင်းမရှိကြောင်း၊ မြန်မာပြည်ရဲ့အခြေအနေကို နိုင်ငံတကာအနေနဲ့ အမှန်အတိုင်း နားလည်အောင်ကြိုးစားကြစေလို ကြောင်း ပြောပါတယ်။

အခမ်းအနား တက်ရောက်သူတဦးက မြန်န်မာနဲ့ အမေရိကန် တပ်မတော် ၂ ခုအကြား ဆက်ဆံရေးတိုးမြှင့်ဖို့နဲ့ ပတ်သက်လို့ မေးမြန်းရာမှာတော့ အမေရိကန်ပြည်ထောင်စုနဲ့ စစ်ရေးဆိုင်ရာ ပူးပေါင်းဆောင်ရွက်မှုကို မိမိတို့ မြန်မာအစိုးရက အထူးလိုလားပါကြောင်း၊ တချိန်က ကွန်မြူနစ်တွေကို တိုက်ဖျက်ရာမှာ အမေရိကန်က လက်နက်အကူအညီ ပေးခဲ့ကြောင်း၊ ဒါပေမယ့် လက်ရှိမှာ မြန်မာနိုင်ငံကို အမေရိကန်ပြည်ထောင်စုက လက်နက်ရောင်းချမှုပိတ်ပင်ထားဆဲဖြစ်ကြောင်း ပြောပါတယ်။

အဲဒီ အခမ်းအနားမှာ သံအမတ်ကြီး ဦးအောင်လင်းက ၂ဝ၁၁ ခုနှစ်မှာ သမ္မတဟောင်း ဦးသိန်းစိန် အစိုးရက ပါတီစုံဒီမိုကရေစီလမ်းကြောင်းလျှောက်လှမ်းမယ်ဆိုတဲ့ ကတိနဲ့အညီ ပါတီစုံ ရွေးကောက်ပွဲတွေကတဆင့် ဒေါ်အောင်ဆန်းစုကြည် လွတ်တော်ကိုယ်စားလှယ်ဖြစ်လာပုံ၊ ၂ဝ၁၅ ရွေးကောက်ပွဲမှာ NLD က ပြည်လုံးကျွတ်အနိုင်ရလာပုံ၊ လက်ရှိ ဖွဲ့စည်းပုံအရ ဒေါ်အောင်ဆန်းစုကြည် သမတဖြစ်ခွင့်မရှိတဲ့အတွက် နိုင်ငံတော်အတိုင်ပင်ခံပုဂ္ဂိုလ် အဖြစ် တိုင်းပြည်ကို ဦးဆောင်နေပုံ စသဖြင့် မြန်မာပြည်ရဲ့ နိုင်ငံရေးနဲ့ စီးပွားရေး ဖြစ်စဉ် တိုးတက်နေပုံတွေကို အကျဉ်းချုပ် ရှင်းလင်းပြောကြားပါတယ်။

အမျိုးသားဒီမိုကရစီအဖွဲ့ချုပ် ဦးဆောင်တဲ့ မြန်မာအစိုးရရဲ့ ဦးစားပေးလုပ်ငန်းစဉ်တွေနဲ့ ပတ်သက်လို့တော့ သံအမတ်ကြီးက အမျိုးသားပြန်လည် သင့်မြတ်ရေး၊ ငြိမ်းချမ်းရေးလုပ်ငန်းစဉ်က တဆင့် ဖယ်ဒရယ်ပြည်ထောင်စု တည်ဆောက်ရေးနဲ့ မြန်မာပြည်သူတရပ်လုံးရဲ့ လူနေမှု အဆင့်အတန်းမြင့်မားရေးပါပဲလို့ ပြောဆိုခဲ့ပါတယ်။

တဆက်တည်းမှာပဲ မြန်မာပြည်ဟာ အမေရိကန်နဲ့ ဆက်ဆံရေးကို အထူးတိုးတက်ကောင်းမွန် လိုကြောင်း၊ ပိတ်ဆို့မှုကို ပယ်ဖျက်လိုက်တဲ့အတွက် အမေရိကန်ကုမ္ပဏီတွေ လာရောက်မြုပ်နှံကြပြီး ၂ နိုင်ငံ ကုန်သွယ်မှုတိုးတက်လာမယ်လို့ ယုံကြည်ကြောင်းပြောပါတယ်။

မြစ်ဆုံစီမံကိန်းနဲ့ ပတ်သက်လို့တော့ မြန်မာပြည်သူလူထုက ဒီကိစ္စကို ဘယ်လောက် အလေး အနက်ထားပြီး သူတို့ရင်ထဲမှာ ဘယ်လိုဆန္ဒတွေရှိသလဲ ဆိုတာ တရုတ်ပြည်က ကောင်းကောင်း နားလည်တယ်လို့ မိမိယူဆပါတယ်၊ မြန်မာနိုင်ငံနဲ့ တရုတ်နိုင်ငံအကြားဆက်ဆံရေးမှာမြစ်ဆုံက အစိတ်အပိုင်းတခုမျဖြစ်ပြီး အခြားအရေးကြီးတဲ့ ပူးပေါင်းဆောင်ရွက်မှုတွေ အများကြီးရှိပါတယ်လို့ အမေရိကန်ပြည်ထောင်စုဆိုင်ရာ မြန်မာသံအမတ်ကြီး ဦးအောင်လင်း က ပြောကြားခဲ့ပါတယ်။

မနေ့က အခမ်းအနားကို ဂျော့ဝါရှင်တန် တက္ကသုိုလ်၊ အယ်လီယော့ နိုင်ငံတကာရေးရာကျောင်း က ကျောင်းအုပ်ကြီး Reuben Brigety ၊ဌာနမှူး Linda Yarr ၊ အမေရိကန် အာဆီယံစီးပွားရေးကောင်စီနဲ့ တခြားအဖွဲ့အစည်းတွေ အပါအဝင် မြန်မာနဲ့ အမေရိကန်ဆက်ဆံရေး စိတ်ဝင်စားသူ ၇၅ ဦးခန့် တက်ရောက်ခဲ့ပါတယ်။

RFA Burmese
https://www.facebook.com/rfaburmese

COMMENTS

Name

art,1,article,1278,cartoon variety,21,crime,50,culture,1,documentary,7,Entertainment,4,health,27,history,1,international,6395,interview,206,Live,8,LocalNews,14060,news,2842,opinion,749,photos,202,poem,114,satires,38,song,12,speech,11,sports,126,statement,58,technic,42,translate,32,video,1057,voice,74,
ltr
item
dawnmanhon: ရခိုင်ပြည်နယ် လွတ်လပ်စွာ သွားခွင့်ပြုမယ်လို့ မြန်မာသံအမတ်ကြီး ပြောကြား
ရခိုင်ပြည်နယ် လွတ်လပ်စွာ သွားခွင့်ပြုမယ်လို့ မြန်မာသံအမတ်ကြီး ပြောကြား
https://2.bp.blogspot.com/-QoRZZEh4TlM/WE91nTz-IPI/AAAAAAAA6B8/v1XVmcxM-MgsCcZbEXLbf14Ccc6mpbkWQCLcB/s400/5.jpg
https://2.bp.blogspot.com/-QoRZZEh4TlM/WE91nTz-IPI/AAAAAAAA6B8/v1XVmcxM-MgsCcZbEXLbf14Ccc6mpbkWQCLcB/s72-c/5.jpg
dawnmanhon
http://www.dawnmanhon.com/2016/12/blog-post_417.html
http://www.dawnmanhon.com/
http://www.dawnmanhon.com/
http://www.dawnmanhon.com/2016/12/blog-post_417.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy