ရန်များကို ဘယ်လိုရှင်းမလဲ


ဒီမိုကရေစီ သူရဲကောင်းတစ်ဦးအဖြစ် နိုင်ငံတကာက လေးစားရသော ဒေါ်အောင်ဆန်းစုကြည် အစိုးရအာဏာ ရခဲ့လျှင် မြန်မာတို့၏ အတွင်းရန် အပြင်ရန်များ အတော်အတန် အေးချမ်းသွားလိမ့်မည်ဟု ထင်မှတ်ခဲ့ကြဖူးသည်။ လူမှုစီးပွားများလည်း ပိုမို အဆင်ပြေလာပြီး ပြည်သူတို့ မျက်နှာပန်း လှချိန်ရောက်မည်ဟု မျှော်လင့်ကြသည်။

ဒေါ်အောင်ဆန်းစုကြည် အမှန်တကယ် အာဏာ ရပြီးအချိန် ရှစ်လကြာသော် ထိုမျှော်လင့်ချက်တို့က လက်တွေ့ ဖြစ်မလာသေးပါ။ ပြည်သူတို့၏ မျှော်လင့်ချက်များကို ဖြည့်ဆည်းပေးမည့် ဒေါ်အောင်ဆန်းစုကြည်ကိုပင် ပြည်တွင်း ပြည်ပ ရန်သူများက ဝိုင်းရံလျက် ရှိတော့သည်။

နိုင်ငံတော်၏ အတိုင်ပင်ခံ ပုဂ္ဂိုလ်ကို ဝိုင်းရံနေသော ပြည်တွင်း ပြည်ပ ရန်သူများကို အောက်ပါအတိုင်း တွေ့နိုင်သည်။

ဦးသိန်းစိန် အစိုးရလက်ထက် ၂၀၁၂ ခုနှစ် ပဋိပက္ခများ နောက်ပိုင်း အဆိုးရွားဆုံး အနေအထား တစ်ခုသို့ ရောက်ရှိလာသော ရခိုင် ပြဿနာ၊ ၂၀၁၅ ခုနှစ် နှစ်လယ်ခန့်က စတင် တုံ့ဆိုင်းလာပြီး အစိုးရ အပြောင်းအလဲ နောက်ပိုင်း ကသောင်းကနင်း ဖြစ်ရပ်များ ကြုံလာရသော မြန်မာ့ စီးပွားရေးနှင့် မြောက်ပိုင်းနှင့် အရှေ့မြောက်ပိုင်းမှ ပဋိပက္ခ အသစ်များ ဖြစ်သည်။

နေ့စဉ်လိုလို ကြားသိနေရသော ရာဇဝတ်မှုများကလည်း ဘူးလေးရာ ဖရုံ ဆင့်သကဲ့သို့ ဖြစ်နေသည်။

ပြည်တွင်း၌ ရတက် မအေးစရာ ပြဿနာများကို ဖြေရှင်းရန် ပြင်ဆင်နေချိန် နိုင်ငံတကာတွင် မျက်နှာပန်း လှခဲ့သော ဒေါ်အောင်ဆန်းစုကြည်မှာ ထိုးနှက်တိုက်ခိုက်မှုများ၏ ပစ်မှတ်သစ် ဖြစ်လာတော့သည်။ ရခိုင် ပြဿနာကို အကြောင်းပြုကာ မွတ်ဆလင် ကမ္ဘာက မြန်မာတို့ကို ပုံစံ အမျိုးမျိုးဖြင့် တိုက်ခိုက်နေပြီး ကုလသမဂ္ဂ အပါအဝင် နိုင်ငံတကာ အဖွဲ့အစည်းများသည်လည်း ထူးမခြားနားပင် ဖြစ်သည်။

ဒေါ်အောင်ဆန်းစုကြည်နှင့် မြန်မာကို ဝိုင်းရံနေသော ရန်စွယ်များကို မည်သူတို့က မည်သို့ ဖြေရှင်းပါမည်နည်း။

မဟောင်းသည့် အနာ

ရခိုင်ပြဿနာက စရပေမည်။

အစိုးရ အဆက်ဆက် နိုင်ငံတကာ ဝေဖန်သံများ၏ ရင်းမြစ် တစ်ခုဖြစ်သော ရခိုင်ပြဿနာမှာ ဒေါ်အောင်ဆန်းစုကြည် အာဏာ ရချိန်တွင်လည်း မပြောင်းခဲ့ပါ။ ပဋိပက္ခ ပုံစံသစ်များ ဖန်တီးလာခြင်းဖြင့် နိုင်ငံတကာ မျက်နှာစာတွင် ပို၍ပင် ပွဲဆူလာသည်။

ကိုဖီအာနန် ကဲ့သို့သော ထင်ရှားသည့် နိုင်ငံတကာ ခေါင်းဆောင် တစ်ဦးကို ဖိတ်ခေါ်၍ ဖြေရှင်းရန် ပြင်နေချိန် ပြဿနာသစ်တို့ အစပြုလာခြင်း ဖြစ်သည်။ လုံခြုံရေး တပ်ဖွဲ့ဝင်များကို ဝင်ရောက် တိုက်ခိုက် သတ်ဖြတ်ခြင်းဖြင့် ပြဿနာကို အစပြုခဲ့ကြသော်လည်း အချိန် ကြာလာသည်နှင့်အမျှ အကြမ်းဖက်သူများမှာ ဖိနှိပ်ခံ ရသူများအဖြစ် အသွင် ပြောင်းသွားသည်။

နိုင်ငံတော် သမ္မတရုံး၊ နိုင်ငံတော် အတိုင်ပင်ခံရုံးတို့က Facebook, Twitter စသည့် လူထုဆက်သွယ်ရေး ကိရိယာများ လှိုင်လှိုင် သုံး၍ အဖြစ်မှန်ကို တင်ပြရန် ကြိုးပမ်းသော်လည်း နိုင်ငံတကာ မီဒီယာများကို ကျော်လွှားနိုင်ခြင်း မရှိပါ။ မဟောင်းနိုင်သော ရခိုင် ပြဿနာကြောင့် ဒီမိုကရေစီ သူရဲကောင်းသည်ပင်လျှင် ဖိနှိပ်သူလက်သည် တစ်ဦးအဖြစ် ပုံဖော်ခံလာရသည်။

“အဲဒီ အခြေအနေတွေကိုတော့ ကျွန်တော်တို့က လုံးဝ မကြိုက်ဘူး”ဟု ဦးဉာဏ်ဝင်းက မှတ်ချက်ပြုသည်။

အာဏာရ အမျိုးသား ဒီမိုကရေစီ အဖွဲ့ချုပ် (NLD) ပါတီ၏ ဗဟိုအလုပ် အမှုဆောင် အတွင်းရေးမှူး အဖွဲ့ဝင်ဖြစ်သူ ဦးဉာဏ်ဝင်းမှာ ဦးသိန်းစိန် အစိုးရလက်ထက်တွင် လှေစီးဒုက္ခသည် ပြဿနာ၌ ယင်းဒုက္ခသည်များကို နိုင်ငံသား ပေးသင့်လျှင် ပေးရမည်ဟု ဥပဒေကြောင်းအရ၊ လူ့အခွင့်အရေးအရ ရပ်တည်ခဲ့သူ တစ်ဦး ဖြစ်သည်။

သို့သော် နိုင်ငံတကာတွင် ပုံဖျက်ခံနေရခြင်းကိုမူ မနှစ်မြို့ကြောင်း ဦးဉာဏ်ဝင်းက ဆိုလိုခြင်းဖြစ်သည်။

တစ်ဖက်တွင်လည်း ပြည်တွင်း ပြည်ပ သတင်း မီဒီယာများနှင့် အစိုးရ၊ တပ်မတော်တို့အကြား အပြန်အလှန် ယုံကြည်မှု ခေါင်းပါးနေသဖြင့် မြေပြင်ဖြစ်ရပ်များမှာ မီဒီယာ စာမျက်နှာများထက်သို့ လွယ်လွယ်နှင့် မတက်နိုင် ဖြစ်ရသည်။ အစိုးရ ပြန်ကြားရေး၏ အခန်းကဏ္ဍနှင့်လည်း တစ်စိတ်တစ်ပိုင်း သက်ဆိုင်သည်။

ဦးသိန်းစိန် အစိုးရ လက်ထက်တွင် ပြန်ကြားရေး ဝန်ကြီးဖြစ်သူက အစိုးရအဖွဲ့နှင့် နိုင်ငံ့ရေးရာ ကိစ္စများကို ပြည်တွင်း ပြည်ပ မီဒီယာများနှင့် အဆက်မပြတ် ထိတွေ့ ပြောကြားလေ့ရှိပြီး Facebook စာမျက်နှာမှတစ်ဆင့်လည်း အမြဲတစေ ရှင်းလင်း အသိပေးတတ်သည်။

ယခု NLD အစိုးရ လက်ထက်တွင် ပြန်ကြားရေးဝန်ကြီး၏ သတင်းပြန်ကြားမှု အခန်းကဏ္ဍကို ထင်ထင်ရှားရှား မတွေ့ရ။

ယင်းအစား နိုင်ငံတော် သမ္မတရုံး ဒုတိယ ညွှန်ကြားရေးမှူးချုပ် ဦးဇော်ဌေး တစ်ဦးတည်းသာ ရခိုင်ပြဿနာ အပါအဝင် အစိုးရအဖွဲ့၏ နိုင်ငံ့ရေးရာ ကိစ္စများကို ပင်တိုင်ဖြေကြားလျက် ရှိသည်။ Facebook,Twitter နှင့် သမ္မတရုံး ဝက်ဘ်ဆိုက် တို့ကိုလည်း ဦးဇော်ဌေးက တာဝန်ယူနေရသဖြင့် ပြည်တွင်း ပြည်ပ မီဒီယာများကို လုံလောက်သည့် တုံ့ပြန် ဖြေရှင်းမှု ရှိ မရှိ သံသယ ဖြစ်စရာ ရှိသည်။

ဦးဇော်ဌေးကမူ အစိုးရ၏ တုံ့ပြန်မှုက မလုံလောက်ခြင်း မဟုတ်ဘဲ နှစ်ရှည်လများ စနစ်တကျ ပုံဖျက် တိုက်ခိုက်ခံရခြင်း၏ အကျိုးဆက်ကြောင့် ရခိုင်ပြဿနာတွင် နိုင်ငံတကာ ဖိအားပေးမှုများကို မြင်တွေ့နေရခြင်းဖြစ်ကြောင်း ရှင်းပြသည်။

“တပ်မတော် အစိုးရ လက်ထက်ကတည်းက RSO အဖွဲ့ဟာ တိုင်းရင်းသား လက်နက်ကိုင်တွေနဲ့ ချိတ်ဆက်ပြီး ဖိနှိပ် ခံရကြောင်း သတင်း ဖြန့်ချိမှုကို လက်နက်အဖြစ် သုံးပြီး လုပ်တာ ရှိတယ်။ အစိုးရ ပြောင်းသွားတော့ အရင်က လုပ်နေတဲ့ လက်နက်ကို ဘာသာရေး ခေါင်းစဉ် ပြောင်းလိုက်တာ”ဟု ဦးဇော်ဌေးက ရှင်းပြသည်။

ရခိုင်ပြဿနာကို အဖြေရှာရန် စီးပွားရေးက သော့ချက်ဖြစ်ကြောင်း ဦးဉာဏ်ဝင်းက ဆိုသည်။

ဒေသတစ်ခု တည်ငြိမ်ရန်မှာ စီးပွားရေးက အရေးပါပြီး ဆင်းရဲလွန်းလျှင် မည်သို့မျှ ထိန်းချုပ်နိုင်မည် မဟုတ်သဖြင့် ရခိုင် ကော်မရှင်၏ လုပ်ငန်းစဉ်ပြီးလျှင် စီးပွားရေး အစီအစဉ်များ ကပ်ပါလာမည်ဖြစ်ကြောင်း ၎င်းကဆိုသည်။ ရခိုင်အတွက် စီးပွားရေး အစီအစဉ် ရေးဆွဲရာတွင် ပါတီကလည်း ပံ့ပိုးမည်ဖြစ်ကြောင်း ဦးဉာဏ်ဝင်းက ထပ်လောင်း ပြောဆိုသည်။

စီးပွားရေးအပူ

အစိုးရပြောင်းပြီး နောက်ပိုင်း ကသောင်းကနင်း ဖြစ်ရပ်အချို့ ကြုံလိုက်ရသော မြန်မာ့ စီးပွားကလည်း ပူစရာ တစ်ခု ဖြစ်သည်။

စီးပွားရေး မတည်ငြိမ်လျှင် အခြား နိုင်ငံရေး၊ ငြိမ်းချမ်းရေး ကိစ္စရပ်များလည်း ရှေ့ဆက်နိုင်မည် မဟုတ်၍ မျက်မှောက် စီးပွားရေး အခြေအနေကို လေ့လာသူ အများအပြားက ရင်တမမဖြစ်နေကြသည်။ ဒေါ်အောင်ဆန်းစုကြည် ကိုယ်တိုင်ပင် စီးပွားရေး ကျဆင်းမှုကို ထုတ်ဖော် ဝန်ခံထားသည်။

“စီးပွားရေး အနေနဲ့ အတက်ဘက်ကို မရောက်သေးဘူး”ဟု ဦးဉာဏ်ဝင်းက ဆိုသည်။

ပါတီခေါင်းဆောင် တစ်ဦးက အစိုးရကို ဝေဖန်သလို ဖြစ်မည်စိုး၍ ထို့ထက်ပို၍ စကားမဆို။

စီးပွားရေး မြို့တော် ရန်ကုန်တွင် အစိုးရ အလွှဲအပြောင်း ဖြစ်ပြီးနောက် အထပ်မြင့် အဆောက်အအုံ မူဝါဒ မတည်မငြိမ်ဖြစ်ရာ ယင်းဂယက်က ဆောက်လုပ်ရေး လုပ်ငန်း အများအပြားကို ရိုက်ခတ်ခဲ့ပြီး နောက်ဆက်တွဲအဖြစ် ဆက်စပ် စီးပွားရေးကိုပါ အထိနာစေခဲ့သည်။

“အဲဒီ အကျိုးဆက်ကတော့ တော်တော်ကြီးတယ်”ဟု ဦးဇော်ဌေးက ဝန်ခံသည်။

အခြား တစ်ဖက်တွင် အစိုးရ တစ်ဖွဲ့မှ တစ်ဖွဲ့သို့ အကူးအပြောင်း၌ စီးပွားရေး မူဝါဒကို လုပ်ငန်းရှင်များက စောင့်ကြည့်နေခြင်း၊ ကမ္ဘာ့စီးပွားရေး ရေစီးကြောင်း အလှည့်အပြောင်းတွင် ဒေါ်လာဈေး မာလာခြင်း၊ အစိုးရသစ်က ရင်းနှီးမြှုပ်နှံမှု ကော်မရှင်သစ် ပြန်ဖွဲ့ရန် အချိန်ယူလိုက်သဖြင့် ခေတ္တ ရပ်ဆိုင်းသွားသော နိုင်ငံခြား ရင်းနှီးမြှုပ်နှံမှု စသည်တို့က မျက်မှောက် စီးပွား၏ ဇာစ်မြစ်ဖြစ်ကြောင်း ၎င်းက ထပ်လောင်း ဆိုသည်။

အဓိက ပို့ကုန်များ ဖြစ်သော စိုက်ပျိုးရေး ထုတ်ကုန်နှင့် ရေလုပ်ငန်း ပို့ကုန်များလည်း နာလန် မထူသေး။

ငါး၊ ပုစွန် ပို့ကုန်များမှာ ဦးသိန်းစိန် အစိုးရ လက်ထက်တွင် ကျဆင်းခဲ့သလို ယခုအချိန်တွင်လည်း အလုပ်ဖြစ်ရန် လမ်းစမရှိဟု ရေထွက်ပို့ကုန် လုပ်ငန်းရှင် အသိုင်းအဝိုင်းက ဆိုသည်။ ဒီမိုကရေစီ အသွင်ကူးပြောင်းရေး မစမီက ငါးလုပ်ငန်းသည် မြန်မာ့စီးပွား၏ အရေးပါသော အစိတ်အပိုင်း တစ်ခု ဖြစ်ခဲ့သေးသည်။

ငါးလုပ်ငန်း၏ ရွှေခေတ်က အတိတ်၌ ကျန်ခဲ့ပြီဖြစ်သည်။

လမ်းပန်း ဆက်သွယ်ရေး မချောမွေ့ခြင်း၊ နည်းပညာ အဆင့် မမီခြင်းနှင့် စရိတ်စက ကြီးမားခြင်းတို့က ငါးလုပ်ငန်း တစ်ခုတည်း၌သာ မဟုတ်ဘဲ မြန်မာ့ထွက်ကုန် အများအပြားအတွက် အဓိက အတားအဆီး တစ်ရပ်ဖြစ်နေသည်။

စီးပွားရေး ပဲ့ကိုင်ရှင်များကို အပြစ်တင်သူ အချို့လည်း ရှိသည်။

လက်ရှိ အစိုးရတွင် စီးပွားရေး ကဏ္ဍ တာဝန်ယူနေသည့် ဝန်ကြီးအချို့မှာ အလုပ် မဖြစ်ဟု အစိုးရနှင့်လည်း နီးစပ်သူ လုပ်ငန်းရှင် အသိုင်းအဝိုင်းက ဆိုသည်။ ဘွဲ့တု ပြဿနာမှသည် ရက် ၁၀ဝ စီးပွားရေး မျှော်မှန်းချက်၊ ဂေါ်ဇီလာ အိပ်မက်နှင့် စီးပွားရေး နှစ်ဆ တက်နိုင်သေးကြောင်း ပြောဆိုမှုများဖြင့် ထင်ရှားသူ စီမံကိန်းနှင့် ဘဏ္ဍာရေးဝန်ကြီး ဦးကျော်ဝင်းက ဝေဖန် ခံရသူများ စာရင်းတွင် ထိပ်ဆုံးက နေရာ ယူထားသည်။

မြန်မာနိုင်ငံ၏ အထင်ကရ စီးပွားရေး အသင်းချုပ်ကြီး ဖြစ်သော ပြည်ထောင်စု သမ္မတ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) ကို ဦးဆောင်သူ စာရင်းဝင် လုပ်ငန်းရှင် တစ်ဦးက လက်ရှိအတိုင်း ဆက်သွားလျှင် မြန်မာ့စီးပွားရေး ဆက်လက် ကျဆင်းနေဦးမည်ဖြစ်ကြောင်း ဟောကိန်း ထုတ်သည်။

“ဒီလူတွေနဲ့ ဆက်သွားရင် အလုပ် မဖြစ်ဘူး။ လူပြောင်းမယ်ဆိုရင် ခြောက်လလောက် အနည်းဆုံး ကြာမယ်။ ဒီတော့ စီးပွားရေးက ဆက်ကျနေမယ့် အနေအထားပဲ”ဟု အစိုးရ အဖွဲ့နှင့်လည်း နီးစပ်သူ ယင်းလုပ်ငန်းရှင်က ပြောဆိုသည်။

မငြိမ်းချမ်းခြင်းများ

နိုင်ငံရေး တည်ငြိမ်မှုအတွက် အရေးပါသည့် ပြည်တွင်း ငြိမ်းချမ်းရေးက လိုက်လေဝေးလေ ဖြစ်နေသည်။

ဒေါ်အောင်ဆန်းစုကြည် ကိုယ်တိုင် ထိပ်တန်း ဦးစားပေး သတ်မှတ်၍ ငြိမ်းချမ်းရေး ရှေ့ဆက်ရန် အားထုတ်နေသော်လည်း စီးပွားရေး ကဲ့သို့ပင် ငြိမ်းချမ်းရေးသည်လည်း ရှေ့မဆက်ပါ။ စီးပွားရေးတွင် ကသောင်းကနင်း ဖြစ်ရပ်များ ကြုံရသလို ငြိမ်းချမ်းရေးတွင်လည်း ပြဿနာသစ်များ ထပ်တိုးလာနေသည်။

၂၁ ရာစု ပင်လုံနှင့်အတူ အစိုးရ၏ ငြိမ်းချမ်းရေးခရီးကို သမ္မတ ဦးသိန်းစိန် လက်ထက်တွင် တစ်နိုင်ငံလုံး အပစ်ရပ် စာချုပ် (NCA) လက်မှတ်ထိုးသူ လက်နက် ကိုင်များနှင့်သာ ခရီးဆက်နေရပြီး အထင်ကရ အဖွဲ့ အချို့ အပါအဝင် လက်နက်ကိုင် အများအပြားက စည်းဝိုင်း အပြင်ဘက်၌သာ ရှိနေသည်။

ကိုးကန့်၊ ပလောင်၊ ရခိုင် လက်နက်ကိုင် သုံးဖွဲ့ပြဿနာကို မရှင်းနိုင်သေးခင် ငြိမ်းချမ်းရေး လုပ်ငန်းစဉ်အတွက် အရေးပါသော အထင်ကရ လက်နက်ကိုင်အဖွဲ့ KIA က ထိုသုံးဖွဲ့နှင့် ပူးပေါင်းကာ အစိုးရကို စတင် တိုက်ခိုက်ခြင်းဖြင့် ပြဿနာသစ်များ စတင်ခဲ့ပြန်သည်။

တပ်မတော်က ထိုးစစ်ဆင် တိုက်ခိုက်နေသဖြင့် စစ်ရေး ဖိအားကို စစ်ရေးအရ တုံ့ပြန်ခြင်းဟု ၎င်းတို့က ဆိုထားသည်။

မမျှော်လင့်ခဲ့သည့် ပဋိပက္ခသစ်က ဒေါ်အောင်ဆန်းစုကြည်နှင့် အစိုးရအဖွဲ့၏ ငြိမ်းချမ်းရေး အစီအစဉ်ကို မရေမရာ ဖြစ်စေခဲ့ပြီး ဖေဖော်ဝါရီလတွင် ကျင်းပရန် လျာထားသည့် ဒုတိယအကြိမ် ၂၁ ရာစု ပင်လုံ ညီလာခံတွင် တိုင်းရင်းသား လက်နက်ကိုင်အဖွဲ့ အားလုံး ပါဝင်လာရေး မသေချာတော့။

မူဆယ်၊ မုံးကိုး စသည့် မြန်မာ-တရုတ် နယ်စပ်တွင် ဖြစ်ပွားနေသည့် ပဋိပက္ခများအတွက် တရုတ်က အရေးပါလာသည်။

ရှမ်းမြောက်တွင် ပဋိပက္ခများ ဖြစ်ပွားနေချိန် အစိုးရ၏ ငြိမ်းချမ်းရေး ကော်မရှင်က တရုတ်သို့ ခရီး ထွက်သွားသည်။

ထိုခရီးစဉ်က ငြိမ်းချမ်းရေးအတွက် အရေးပါလာနိုင်ပြီး မြန်မာ-တရုတ် နယ်စပ် အခြေစိုက် တိုင်းရင်းသား လက်နက်ကိုင် အများအပြား အစိုးရ၏ ငြိမ်းချမ်းရေး လုပ်ငန်းစဉ်တွင် ပါလာနိုင်ရေး တွန်းအား တစ်ခုလည်း ဖြစ်လာနိုင်သည်။ ဒေါက်တာ တင်မျိုးဝင်း ဦးဆောင်သည့် ငြိမ်းချမ်းရေး ကိုယ်စားလှယ်အဖွဲ့ တရုတ်သို့ ရောက်နေချိန် ထူးခြားသတင်း တစ်ခု ထွက်ခဲ့သည်။

ယင်းမှာ တရုတ် အစိုးရအာဘော်ဖြစ်သော Global Times သတင်းဌာန၏ ဖော်ပြချက် ဖြစ်သည်။

နယ်စပ် အခြေစိုက် လက်နက်ကိုင် အဖွဲ့များမှာ တရုတ်၏ မြန်မာနိုင်ငံတွင်း ရင်းနှီး မြှုပ်နှံမှုများကို ခြိမ်းခြောက်လာကြောင်း၊ ယင်းလက်နက်ကိုင်များကြောင့် နှစ်နိုင်ငံ ဆက်ဆံရေးကိုလည်း ထိခိုက်လာနိုင်ကြောင်း ရေးသားထားချက် ဖြစ်သည်။ တရုတ် သတင်းစာ၏ ထိုသို့သော ရပ်တည် ဖော်ပြမှုမျိုးမှာ ထူးခြားဖြစ်စဉ် တစ်ခုသဖွယ် ဖြစ်သည်။

တရုတ်တို့ အနေနှင့် လက်နက်ကိုင် အဖွဲ့များကို အပြစ်တင်လေ့ မရှိဘဲ နှစ်ဖက် ညှိနှိုင်းရန်သာ စကား ဆိုတတ်သည်။

ယခု မြောက်ပိုင်း ပဋိပက္ခတွင် ပါဝင်နေသူ ကိုးကန့်၊ ပလောင်နှင့် ရခိုင် သုံးဖွဲ့ကို အပြစ်တင်သံဖြင့် ရေးသားခြင်းက မြန်မာ အစိုးရ၏ ငြိမ်းချမ်းရေး လုပ်ငန်းစဉ်ကို ထောက်ခံ အားပေးသည့် အဓိပ္ပာယ်ဖြစ်ပြီး ဒေါ်အောင်ဆန်းစုကြည်၏ ငြိမ်းချမ်းရေး အတားအဆီးများကို တရုတ်တို့က ကူညီ ဖယ်ရှားမည့် အရိပ်အယောင်လည်း ဖြစ်သည်။

ငြိမ်းချမ်းရေးရန်စွယ် ပဋိပက္ခသစ်များကို ဖြေရှင်းရန်မှာ ပေါက်ဖော်တို့ကို အားကိုးရမည့်ကိန်း။

ရခိုင်ပြဿနာ၊ စီးပွားရေးအပူနှင့် ငြိမ်းချမ်းရေး အတားအဆီးများက ဒေါ်အောင်ဆန်းစုကြည်နှင့် အစိုးရကို ဖိအားပေးနေသော ရန်စွယ်များ ဖြစ်သည်။ ရခိုင် ပြဿနာကြောင့် နိုင်ငံတကာတွင် ဖိအားပေး တိုက်ခိုက်ခံနေရသော ဒေါ်အောင်ဆန်းစုကြည်နှင့် အစိုးရအတွက် ကိုဖီအာနန် ဦးဆောင်မည့် ကော်မရှင်ထံမှ မျှော်စရာ ရှိနေသေးသည်။

စီးပွားရေးတွင် အစိုးရ၏ ပဲ့ကိုင်ရှင်များကို သဘော မတွေ့သူများရှိနေသော်လည်း ဒေါ်အောင်ဆန်းစုကြည် ကိုယ်တိုင် အားစိုက် လုံးပန်းခြင်းများလည်း ရှိနေသည်။ အမေရိကန် ပြည်ထောင်စု၏ စီးပွားရေး ပိတ်ဆို့မှုများ ဖယ်ရှားနိုင်ခြင်း၊ ဂျပန် အစိုးရ အကူအညီနှင့် ယခု နောက်ဆုံး စင်ကာပူ ခရီးစဉ်က မြန်မာ့ စီးပွားအတွက် မျှော်စရာများ ဖြစ်လာနိုင်သည်။

ဒေါ်အောင်ဆန်းစုကြည်နှင့် အစိုးရအတွက် ပူပန်စရာ အများအပြား ရှိနေသော်လည်း ဗေဒါပန်းနှင့် တင်စား ခိုင်းနှိုင်းခံရသူ အတိုင်ပင်ခံ ပုဂ္ဂိုလ်မှာ ခေါင်းမော့ ရင်ကော့ရင်း အစိုးရအဖွဲ့ကို ဦးဆောင်နေဆဲဖြစ်သည်။ စင်ကာပူနိုင်ငံကို နှစ် ၂၀ အချိန်အတွင်း ကျော်ဖြတ်မည်ဟု ဆိုထားပြီး ယင်းအတွက် ကူညီရန်လည်း စင်ကာပူ ခေါင်းဆောင်များကို တိုက်တွန်းလိုက်သေးသည်

ထိုးနှက် တိုက်ခိုက်မှုများ၊ ပူပန်စရာများကြားမှ ပန်းပန်နေဆဲ ဗေဒါပျံကို ပြည်သူ အများစုကလည်း ယုံကြည်နေဆဲ ဖြစ်သည်။

ဖိအားများနှင့် မြန်မာ့ခေါင်းဆောင်ကို အပြည့်အဝ ယုံကြည်ကြောင်း နိုင်ငံတကာ အဖွဲ့အစည်း တစ်ခုတွင် လုပ်ကိုင်နေသူ မြန်မာ အမျိုးသမီး တစ်ဦးက အောက်ပါအတိုင်း စကားဆိုသည်။ သူက နိုင်ငံရေး၊ ငြိမ်းချမ်းရေး ကိစ္စရပ်များကိုလည်း မျက်ခြည်မပြတ် လေ့လာသူ တစ်ဦးဖြစ်သည်။

ဒေါ်အောင်ဆန်းစုကြည်အပေါ် သူ၏ မှတ်ချက်မှာ - “#တော်ရုံလူရူးသွားမယ့် ဒုက္ခမျိုးစုံကို တစ်ယောက်ထဲ ကြံ့ကြံ့ခံ ရင်ဆိုင်လာတဲ့ အဲဒီ #ကျက်သရေရှိလွန်းတဲ့အမျိုးသမီးကြီးအတွက် #ဒီဖိအားလောက်ကတော့အပျော့ပါ”

နော်ကိုကို

============
The Voice ( 3.12.2016 )

http://thevoicemyanmar.com/article/4117-rtm
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.