ဒေါ်လာဈေးမြင့်တက်နေမှုကို ထိန်းညှိရန် လွှတ်တော်ကိုယ်စားလှယ်များ တိုက်တွန်း


မြန်မာငွေတန်ဖိုးကျဆင်းနေပြီး ဒေါ်လာဈေးမြင့်တက်နေတဲ့အတွက် ထိန်းညှိနိုင်တဲ့နည်းလမ်းတွေကို သက်ဆိုင်ရာဝန်ကြီးဌာနတွေအနေနဲ့ အမြန်ဆုံးရှာဖွေသင့်တယ်လို့ ပြည်သူ့ငွေစာရင်းပူးပေါင်းကော်မတီဝင် လွှတ်တော်ကိုယ်စားလှယ်တွေက အကြံပြုတိုက်တွန်းလိုက်ပါတယ်။

ဒီဇင်ဘာ(၁၆)ရက်ကကျင်းပတဲ့ ဒုတိယအကြိမ်ပြည်ထောင်စုလွှတ်တော်အစည်းအဝေးမှာ ၂၀၁၆-၂၀၁၇ ဘဏ္ဍာရေးနှစ်ပထမ(၆)လပတ် အမျိုးသားစီမံကိန်းဆောင်ရွက်မှုအစီရင်ခံစာအပေါ်ပြည်သူ့ငွေစာရင်းပူးပေါင်းကော်မတီရဲ့လေ့လာတွေ့ရှိချက်နဲ့သဘောထားမှတ်ချက်အစီရင်ခံစာ (၆/၂၀၁၆) ဆွေးနွေးစဉ်မှာ ထည့်သွင်းတိုက်တွန်းခဲ့ကြတာဖြစ်ပါတယ်။

မြန်မာငွေတန်ဖိုးကျဆင်းပြီးဒေါ်လာဈေးမြင့်တက်လာတဲ့အတွက် ပို့ကုန်လုပ်ငန်းအတွက်ကောင်းမွန်တဲ့ အဖြေမျိုးဖြစ်ပေမယ့် နိုင်ငံရဲ့ပို့ကုန်ကဏ္ဍသိသိသာသာပြောင်းလဲမလာတဲ့အကြောင်းရင်းကိုလည်း ရှာဖွေ သင့်တယ်လို့ လှိုင်းဘွဲ့မဲဆန္ဒနယ်ကဦးခင်ချိုက တင်ပြခဲ့ပါတယ်။

ငွေကြေးဖောင်းပွနေမှုတွေနဲ့ပတ်သက်ပြီး မြန်မာနိုင်ငံတော်ဗဟိုဘဏ်အနေနဲ့ဆောင်ရွက်နေပေမယ့် ငွေကြေး ဖောင်းပွမှုတွေဟာဆက်လက်ဖြစ်ပေါ်နေတာကြောင့် အဓိကအကြောင်းရင်းမှန်ကိုသက်ဆိုင်ရာဝန်ကြီးဌာန၊ အဖွဲ့အစည်းတွေ အနေနဲ့စနစ်တကျလေ့လာသင့်ပြီလို့ ဆိပ်ကြီးခနောင်တိုမဲဆန္ဒနယ်က ဦးတင်ထွန်းနိုင်က တင်ပြခဲ့ပါတယ်။

၂၀၁၆-၂၀၁၇ ဘဏ္ဍာရေးနှစ်ပထမ(၆)လပတ်အမျိုးသားစီမံကိန်းဆောင်ရွက်မှုအစီရင်ခံစာမှာ ကမ္ဘာ လှည့်ခရီးသည်တွေဝင်ရောက်မှုနှုန်းဟာ အရင်နှစ်က(၂၁)သိန်းရှိပြီး ဒီနှစ်အတွင်းဝင်ရောက်မှုက (၁၉)သိန်း ရှိနေတဲ့အတွက်ဘာကြောင့်လျော့နည်းသွားရသလဲဆိုတဲ့ အကြောင်းပြချက်ကိုတော့ ဖော်ပြထားတာမတွေ့ရ ဘူးလို့ လွှတ်တော်ကိုယ်စားလှယ်ဦးတင်ထွန်းနိုင် ကထောက်ပြသွားပါတယ်။လွှတ်တော် ကိုယ်စားလှယ် တွေရဲ့အကြံပြုချက်တွေနဲ့ပတ်သက်ပြီး စီမံကိန်းနှင့်ဘဏ္ဍာရေးဝန်ကြီးဌာန ဒုတိယ၀န်ကြီးက နိုင်ငံခြားငွေ ဈေးနှုန်းတွေနဲ့ပတ်သက်ပြီး အစိုးရအနေနဲ့တိုက်ရိုက် ထိန်းချုပ်ပိုင်ခွင့်မရှိ ဘူးလို့ အခုလိုပြန်လည် ရှင်းလင်းခဲ့ပါတယ်။

၂၀၁၆-၂၀၁၇ ဘဏ္ဍာရေးနှစ်ပထမ(၆)လပတ်အမျိုးသားစီမံကိန်းဆောင်ရွက်မှုအစီရင်ခံစာ ဟာ ပြည်စုံမှုမရှိဘူးလို့ ဝေဖန်မှုတွေကိုလည်းလက်ခံကြောင်း၊ လွှတ်တော်ကိုယ်စားလှယ်တွေရဲ့အကြံပြုချက် တွေကိုရယူပြီး နောင်အစီရင်ခံစာတွေမှာပြည့်စုံစေဖို့ဆောင်ရွက်သွားမယ်လို့ စီမံကိန်းနှင့်ဘဏ္ဍာရေးဝန်ကြီး ဌာန ဒုတိယ၀န်ကြီးက လွှတ်တော်မှာပြောကြားခဲ့ပါ တယ်။

၂၀၁၆-၂၀၁၇ ဘဏ္ဍာရေးနှစ်ပထမ(၆)လပတ် အမျိုးသားစီမံကိန်းဆောင်ရွက်မှုအစီရင်ခံစာကို လွှတ် တော်ကိုယ်စားလှယ်တွေရဲ့သဘောတူညီချက်ရယူပြီး ပြည်ထောင်စုလွှတ်တော်မှာအတည်ပြုခဲ့ပါတယ်။ ဒီသတင်းကို Central News Bureau က ရွှေရည်မဉ္ဇူ  ပေးပို့တာဖြစ်ပါတယ်။

Central News Bureau
https://www.facebook.com/skynetcnb/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.